ATV

Blog

  • Policia e Kosovës kërkon ndihmë për ta identifikuar të dyshuarin për vjedhje

    Policia e Kosovës kërkon ndihmë për ta identifikuar të dyshuarin për vjedhje

    Policia e Kosovës ka publikuar sot një kërkesë për bashkëpunim me qytetarët, me qëllim të identifikimit të një personi të dyshuar për përfshirje në një rast vjedhjeje në kryeqytet.

    Sipas njoftimit zyrtar, Sektori i Hetimeve të Kryeqytetit, me autorizim nga prokuroria kompetente, po kërkon informata që mund të ndihmojnë në identifikimin e personit që shihet në fotografinë e publikuar nga Policia.

    “Kërkesë për bashkëpunim – identifikim i personit të dyshuar. Sektori i Hetimeve të Kryeqytetit, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personit që shihet në fotografi. Personi i dyshuar kërkohet për përfshirje në veprën ‘Vjedhje’,” thuhet në njoftimin e policisë.

    Policia fton të gjithë qytetarët që kanë ndonjë informatë që mund të ndihmojë në identifikimin e personit të dyshuar të kontaktojnë përmes numrit të telefonit 192 ose në emailin zyrtar [email protected].

  • Binjakët Shpendi shkëlqejnë në Serinë B: Kristian dhe Stiven protagoniste të sezonit

    Binjakët Shpendi shkëlqejnë në Serinë B: Kristian dhe Stiven protagoniste të sezonit

    Binjakët shqiptarë Kristian dhe Stiven Shpendi po shkëlqejnë përsëri në Itali. Të dy 22-vjeçarët kanë shënuar nga 4 gola këtë sezon në Serinë B, duke luajtur për skuadra të ndryshme.

    Kristian vazhdon të jetë pjesë e Çezenës, ndërsa Stiveni luan për Empolin, me të cilin ka pasur edhe eksperiencë në Serinë A. I fundit që shënoi ishte Kristian, i cili realizoi një penallti në fitoren 2-1 të Çezenës ndaj Karrarezes.

    Çezenës po i shkon mirë në renditje, duke zënë vendin e tretë me 20 pikë, një më pak se Modena që kryeson, ndërsa Empoli i Stivenit ndodhet në vendin e 12-të./ATVLIVE.TV

  • U zhvilluan 8 ndeshje spektakolare në NBA – Lakers fiton në sekondat e fundit ndaj Minnesotas, ndërsa Boston rikthehet fuqishëm

    U zhvilluan 8 ndeshje spektakolare në NBA – Lakers fiton në sekondat e fundit ndaj Minnesotas, ndërsa Boston rikthehet fuqishëm

    Një mbrëmje plot emocione në NBA, ku u luajtën gjithsej tetë ndeshje, me përmbysje dramatike dhe paraqitje individuale mbresëlënëse. Vëmendja kryesore ishte te përballja mes Los Angeles Lakers dhe Minnesota Timberwolves, që u vendos në sekondat e fundit me triumfin e ngushtë 116-115 për kalifornianët.

    Ndeshja kryesore: Minnesota 115–116 Lakers

    Një fitore “thriller” për Lakers jashtë fushe, ku edhe njëherë protagonist ishte Austin Reaves, që realizoi 28 pikë dhe 16 rebound, duke udhëhequr ekipin drejt suksesit. Edhe LaRavia kontribuoi ndjeshëm me 27 pikë, ndërsa kjo fitore e ngjit Lakers në pozitën e pestë në Konferencën e Perëndimit, kurse Minnesota zbret në vendin e tretë pas tre humbjeve radhazi.

    Memphis 114–113 Phoenix

    Një tjetër përballje dramatike, me Ja Morant që ishte vendimtar për Memphis me 28 pikë. Kjo fitore i mban Grizzlies në vendin e tetë, ndërsa Suns zbresin në pozitën e dhjetë në Perëndim.

    Toronto 121–139 Houston

    Houston arriti një fitore të pastër jashtë fushe falë Kevin Durant, që shkëlqeu me 31 pikë. Rockets ngjiten në top 6 të Konferencës së Perëndimit, ndërsa Toronto mbetet në fundin e tabelës në Lindje.

    Boston 125–105 Cleveland

    Pas disa javësh të vështira, Boston Celtics dërguan një mesazh të fortë: janë rikthyer në formën e zakonshme. Me Jaylen Brown në nivel të lartë (30 pikë), skuadra e udhëhequr nga Joe Mazzulla ruan kryesimin në Konferencën e Lindjes, ndërsa Cleveland zbret në vendin e shtatë.

    Dallas 107–105 Indiana

    Dallas siguroi një fitore të ngushtë falë kontributit të lojtarëve të stolit që shënuan plot 64 pikë. Kjo e mban skuadrën e Luka Doncic në top 5 të Perëndimit, ndërsa Indiana bie në vendin e tetë të Lindjes.

    Denver 122–88 New Orleans

    Një dominim total nga kampionët në fuqi. Nikola Jokic shkëlqeu me një tjetër “triple-double” (21 pikë, 12 rebound, 10 asist), duke forcuar pozitën e dytë në Perëndim, ndërsa Pelicans mbeten në vendin e nëntë.

    Chicago 126–113 Sacramento

    Chicago vazhdon të mbetet e pamposhtur këtë fillim sezoni. Buzelis ishte protagonist me 27 pikë, duke e mbajtur skuadrën në krye të tabelës së Lindjes, ndërsa Sacramento zbret në vendin e pestë të Perëndimit.

    Utah Jazz 134–136 Portland

    Një ndeshje e ekuilibruar deri në sekondat e fundit, që përfundoi me fitoren dramatike të Portland falë Anfernee Simons me 29 pikë. Jazz zbresin në fund të tabelës, ndërsa Blazers ngjiten në vendin e 11-të.

    Një raund i mbushur me emocione, ku spektakli, rezultatet e ngushta dhe paraqitjet individuale tregojnë se sezoni i NBA po hyn në një fazë gjithnjë e më interesante.

  • Sara Zeka – vajza 14-vjeçare që u jep jetë kukullave

    Sara Zeka – vajza 14-vjeçare që u jep jetë kukullave

    Në një dhomë të vogël, plot ngjyra, copëza pëlhurash dhe mjete krijimi, 14-vjeçarja Sara Zeka  humbet çdo ditë në botën e saj të imagjinatës.

    Ajo ka zgjedhur të krijojë kukulla që flasin me shpirt.

    Kukullat e Sarës nuk janë të zakonshme. Secila ka një histori, një emër dhe një karakter unik. Disa janë të frymëzuara nga njerëz që ajo i njeh, disa nga figura publike që admiron, e të tjera lindin nga ëndrrat dhe ndjesitë e saj.

    Për Sarën, çdo kukull është një emocion i bërë art, një mënyrë për të treguar botën e brendshme të njeriut në formën më të ndershme e të pastër.

    Sara i punon kukullat me kujdes të jashtëzakonshëm, sikur çdo detaj të ishte pjesë e një bote të gjallë. Në to shihet jo vetëm talenti I saj I lindur, por edhe një ndjeshmëri e rrallë për njerëzit dhe historitë që ata mbartin.

    Kronikën e plotë nga ATV mund ta klikoni në linkun më poshtë:

     

     

  • Chelsea rikthehet me spektakël: fitore dramatike 4-3 ndaj Wolves dhe kualifikim në çerekfinale të Carabao Cup

    Chelsea rikthehet me spektakël: fitore dramatike 4-3 ndaj Wolves dhe kualifikim në çerekfinale të Carabao Cup

    Chelsea ka dhuruar një mbrëmje spektakolare futbolli në “Stamford Bridge”, duke mposhtur Wolves me rezultat të çmendur 4-3 dhe duke siguruar kalimin në fazën çerekfinale të Carabao Cup. Një fitore që erdhi në momentin e duhur, pas humbjes zhgënjyese ndaj Sunderland në Premier League fundjavën e kaluar.

    Trajneri i londinezëve, Enzo Maresca, u shpreh i kënaqur me reagimin e skuadrës së tij, duke theksuar se Chelsea po ecën në drejtimin e duhur.
    “Ne kemi nevojë për qëndrueshmëri nëse duam një sezon të mirë. Pas katër fitoreve radhazi, humbëm kundër Sunderland, por kjo fitore rikthen qetësinë dhe besimin në grup”, tha Maresca pas ndeshjes.

    Tekniku italian vlerësoi rëndësinë e çdo ndeshjeje për rritjen e skuadrës, duke theksuar nevojën për rotacion mes lojtarëve të rinj që ka në dispozicion.
    “Duhet të fitojmë sa më shumë ndeshje, sepse çdo takim është i rëndësishëm për zhvillimin tonë. Luajmë shpesh, ndaj rotacioni është i domosdoshëm. Kemi shumë djem të rinj që po mësojnë dhe po rriten,” shtoi ai.

    Maresca gjithashtu theksoi se ruajtja e freskisë fizike të lojtarëve është thelbësore për të përballuar sezonin e ngarkuar:
    “Duhet t’i mbrojmë lojtarët tanë, sepse nëse vazhdojmë me të njëjtin formacion, do të jetë e pamundur të mbajmë ritmin. Enzo Fernandez, Moises Caicedo, Joao Pedro – janë të gjithë të rëndësishëm dhe duhet të mbrohen për arsye të ndryshme.”

    Chelsea tashmë është në mesin e tetë skuadrave më të mira të kompeticionit dhe shpreson të vazhdojë me të njëjtin ritëm edhe në garat e tjera.

  • Nga librat tek kopshti me pemë e perime, qetësia e Mirlinda Tushukaj

    Nga librat tek kopshti me pemë e perime, qetësia e Mirlinda Tushukaj

    Në mesin e shumë grave që punojnë me pasion e përkushtim, Mirlinda Tushukaj nga fshati Skifteraj i Vitisë dallohet për forcën dhe energjinë e saj.

    Ajo shquhet si në mësimdhënie, por edhe për faktin që nuk e lë anash tokën e saj pa e punuar.

    Me dashuri e kujdes, Mirlinda kultivon perime të freskëta në bahçen e saj, duke e kthyer atë në një vend të gjelbër plot frymë, punë dhe jetë.

    Për Mirlinden dashuria per profesionin token mund te ecin krah per krah duke korr sukses.

    Kronikën e plotë nga ATV mund ta klikoni në linkun më poshtë:

     

  • Xabi Alonso vendos rregulla të reja në Real Madrid: fund rrjedhjeve nga dhoma e zhveshjes

    Xabi Alonso vendos rregulla të reja në Real Madrid: fund rrjedhjeve nga dhoma e zhveshjes

    Trajneri i Real Madridit, Xabi Alonso, ka marrë masa të reja për të ndalur rrjedhjet e vazhdueshme të informacionit nga brenda dhomës së zhveshjes drejt mediave, duke kërkuar më shumë disiplinë dhe konfidencialitet nga skuadra e tij.

    Sipas “The Athletic”, stafi teknik i madrilenëve ka theksuar rëndësinë që dhoma e zhveshjes të mbetet “një hapësirë e sigurt”, ku çdo detaj i brendshëm të ruhet me diskrecion të plotë.

    Këto masa vijnë pas një incidenti të ndodhur gjatë Kupës së Botës për Klube, kur përpara ndeshjes kundër Al-Hilal u zbulua se Alonso kishte planifikuar të aktivizonte nga minuta e parë Gonzalo Garcian. Pas kësaj ngjarjeje, trajneri spanjoll vendosi të mos i njoftojë më lojtarët për formacionin startues përpara kohe, për të shmangur çdo rrjedhje të mundshme informacioni.

    Më herët, rrjedhje të tilla kishin detyruar klubin të publikonte formacionin zyrtar më shumë se dy orë para ndeshjeve – një praktikë jo e zakonshme për Real Madridin.

    Raporti thekson se Alonso synon të krijojë një ambient të qetë, të mbyllur dhe me përgjegjësi të lartë, ku lojtarët ndihen të mbrojtur dhe të vetëdijshëm për rëndësinë e ruajtjes së sekreteve taktike.

  • Kim Kardashian pretendon se ulja e NASA-s në hënë ishte e rreme: Pse valëvitet flamuri?

    Kim Kardashian pretendon se ulja e NASA-s në hënë ishte e rreme: Pse valëvitet flamuri?

    Ylli i njohur i reality show-ve, Kim Kardashian, ka shfaqur një qëndrim të papritur mbi një nga teoritë më të njohura të konspiracionit: ajo beson se ulja në Hënë e vitit 1969 nuk ka ndodhur kurrë. Deklaratën e bëri gjatë një episodi të ri të serialit “The Kardashians”.

    Në sheshxhirimin e dramës ligjore “All’s Fair”, Kim tentoi të bindte aktoren Sarah Paulson të rivlerësonte disa fakte historike.

    “Po të dërgoj një milion artikuj me Buzz Aldrinin dhe… atë djalin tjetër”, tha Kim, duke iu referuar Neil Armstrongut. Paulson u përgjigj thjesht: “Po, bëje.”

    Më pas, Kim përmendi një video që sipas saj vërtetonte dyshimet: “Kjo vajzë e pyet atë: ‘Cili ishte momenti më i frikshëm?’ Dhe Aldrin përgjigjet: ‘Nuk kishte moment më të frikshëm sepse nuk ndodhi. Mund të kishte qenë i frikshëm, por nuk ishte, sepse nuk ndodhi’”.

  • Përfundon takimi i Muratit me sindikatat, Azemi: U pajtuam që paga minimale nga janari të jetë 500 euro

    Përfundon takimi i Muratit me sindikatat, Azemi: U pajtuam që paga minimale nga janari të jetë 500 euro

    Ka përfunduar takimi i Ministrit të Financave, Punës dhe Transfereve, Hekuran Murati, me përfaqësues të institucioneve dhe shoqatave të ndryshme për të diskutuar çështjen e rritjes së pagës minimale. Takimi nisi rreth orës 10:00 dhe kishte karakter konsultativ.

    Pas takimit, kryetari i Sindikatës së Punëtorëve Privat, Jusuf Azemi, deklaroi se kërkesa e tyre ishte që paga minimale në sektorin privat të jetë 600 euro, por u arrit një marrëveshje që nga janari i vitit të ardhshëm paga minimale të vendoset në 500 euro.

    “Është diskutuar për pagën minimale. Ne kemi kërkuar që paga minimale të jetë 600 euro në sektorin privat. Sipas ministrit, paga minimale prej 500 euro do të fillojë së implementuari në janar, megjithatë nuk është përjashtuar edhe propozimi ynë për 600 euro. Nga të gjithë akterët u arrit pajtimi që paga minimale të jetë 500 euro dhe të fillojë implementimi nga janari,” tha Azemi.

    Ndërkaq, përfaqësuesi i Dhomës së Tregtisë së Kosovës theksoi se rritja e pagës minimale duhet të nisë nga janari, kur të ketë një qeveri funksionale. Ai shtoi se kërkesa e tyre ishte që vendimet e tilla të mos nxirreshin pa konsultime të mjaftueshme, duke përmendur edhe rritjen e çmimit të energjisë si shembull të pasojave të vendimeve të shpejta.

    “Takimi kishte karakter më shumë konsultativ, nuk ishte për të marrë një vendim përfundimtar. Ne kemi ardhur për të dhënë kontributin tonë si Dhomë e Tregtisë,” tha ai.

  • Victor Osimhen në radarin e gjigantit katalunas Barcelona

    Victor Osimhen në radarin e gjigantit katalunas Barcelona

    Gjiganti katalunas Barcelona,është vënë në kërkim të një sulmuesi i cili mund ta zëvedësojë Robert Lewandovskin.

    Sipas El Mundo Deportivo katalunasit do të tentojnë transferimin e slumuesit të Galatasaray-it Victor Osimhen,dhe transferimi mund të ndodhë në qoftë se polaku largohet.

    Përndryshe nigeriani vlerësohet rreth 75 milionë euro në tregun e transferimeve,shumë e cila është e pamundur që të paguhet nga Barca marrë parasysh edhe situatën financiare.

    Ndërkohë tek klubi turk besojnë se Osimhen do të qëndrojë edhe përtej sezonit,teksa Barcelona në rast të mostransferimit të nigerianit në Camp Nou do të synoj një sulmues tjetër.

    Kujtojmë që Victor Osimhen në 9 ndeshje të zhvilluara për Galatasaray-in ka shënuar 6 gola,që prej se gjiganti turk e bleu kartonin e tij në afatin kalimtar veror.