ATV

Blog

  • Kur dronët sjellin darkën: e vërtetë apo fantazi futuriste?

    Kur dronët sjellin darkën: e vërtetë apo fantazi futuriste?

    Në një botë ku teknologjia po zhvillohet me hapa të shpejtë, idetë që dikur dukeshin si fantazi shkencore po bëhen realitet. Një nga këto ide është përdorimi i dronëve për të dorëzuar ushqim direkt në derën e klientëve. Por sa afër jemi realitetit dhe sa mbetet vetëm një ëndërr futuriste?

    Dronët për ushqim nuk janë më thjesht një koncept imagjinar. Kompani të mëdha globale tashmë kanë testuar shërbime pilot ku pica, sanduiçet dhe pije të ndryshme transportohen nga restorantet tek konsumatorët nëpërmjet dronëve. Avantazhet janë të dukshme: dorëzim më i shpejtë, reduktim i trafikut rrugor dhe një mënyrë e re për të rritur efikasitetin e bizneseve.

    Megjithatë, sfidat mbeten të mëdha. Rregulloret ligjore për fluturimin e dronëve mbi zonat urbane, kufizimet teknike për peshën dhe distancën e transportit, si dhe siguria e ushqimit gjatë fluturimit janë pengesa reale që duhet kapërcyer. Për më tepër, reagimi i konsumatorëve dhe besimi se një dron mund të dorëzojë një vakt pa u dëmtuar mbetet një pikë e diskutueshme.

    Ekspertët paralajmërojnë se edhe pse ideja e dronëve që sjellin darkën është e mahnitshme, nuk duhet të harrojmë se ky është një proces gradual. Në dekadën e ardhshme, mund të shohim fluturime të rregullta në qytete të zgjedhura, por përdorimi masiv mbetet ende një sfidë.

    Në fund të fundit, dronët që sjellin ushqim janë më shumë se një fantazi futuriste, ata janë një tregues i qartë i mënyrës se si teknologjia mund të ndryshojë jetën tonë të përditshme, duke na ofruar komoditet dhe efikasitet që dikur dukeshin të paarritshme. Pyetja që mbetet është vetëm: a jemi gati ta pranojmë këtë ndryshim?

  • Dafina Zeqiri paralajmëron një epokë të re në muzikën e saj: Ajo që po vjen nuk mund të shpjegohet…

    Dafina Zeqiri paralajmëron një epokë të re në muzikën e saj: Ajo që po vjen nuk mund të shpjegohet…

    Dafina Zeqiri ka ndezur kureshtjen e fansave me një postim enigmatik në rrjete sociale, duke lënë të kuptohet se një fazë e re e karrierës së saj është në prag.

    “Historia vazhdon më me zë këtë herë. Ajo që po vjen nuk mund të shpjegohet, vetëm të ndjehet. Energjia po ndryshon përsëri. Do ta ndjeni së shpejti”, ka shkruar ajo në Instagram.

    Fjalët e saj janë interpretuar si një paralajmërim për një projekt të ri muzikor, ndoshta më personal dhe emocional se më parë.

    Me ngjyra poetike dhe një nuancë mistike, Zeqiri sugjeron se po përgatitet të sjellë një ndryshim në stilin dhe mesazhin e saj artistik – diçka që, sipas saj, “nuk mund të shpjegohet, vetëm të përjetohet.”

  • Kendall Jenner: Isha shumë xheloze për motrën time, Kylie

    Kendall Jenner: Isha shumë xheloze për motrën time, Kylie

    Modelja e njohur, Kendall Jenner, ka pranuar se në fëmijëri ka qenë ‘xheloze’ për motrën e saj më të vogël, Kylie Jenner, pasi prindërit e tyre, Kris dhe Caitlyn Jenner, ishin shumë më pak të rreptë me të.

    Detajet janë zbuluar në episodin më të ri të reality-shout “The Kardashians”.

    Duke kujtuar ditët e adoleshencës, Kylie tregoi se shpesh pinte marijuanë me miqtë në shtëpinë familjare në Hidden Hills, ku ishte xhiruar pjesa më e madhe e serisë “Keeping Up With the Kardashians”.

    “Kylie pinte para meje”, tregoi Kendall në episodin e transmetuar më 30 tetor.

    “U zemërova shumë me të. I thashë: ‘Ti je një e degjeneruar’”.

    Më pas gjërat ndryshuan. “Në fund, fillova të pija me ta dhe u kënaqa më shumë se kurrë. Ishte shumë bukur”, shtoi ajo.

    Sipas saj, ato kishin vetëm 16 dhe 14 vjeçe kur ishin fshehur për të pirë.

    Kylie konfirmoi se, si fëmija më i vogël në familje, kishte arritur të shmangte shumë nga rregullat e shtëpisë.

    Përveç Kendallit dhe Kyliet, Kris Jenner ka edhe fëmijët Kourtney, Kim, Khloe dhe Rob Kardashian nga martesa me të ndjerin Robert Kardashian. /Telegrafi/

  • Albin Kurti në Paris flet për progres ekonomik të Kosovës

    Albin Kurti në Paris flet për progres ekonomik të Kosovës

    Kryeministri në detyrë, Albin Kurti, ka folur në Paris në Forumin e Paqes, në panelin me temë “Paqeruajtja në një udhëkryq: E ardhmja e misioneve të OKB-së dhe përgjegjësia globale”.

    Në këtë ngjarje ndërkombëtare, Kurti ka theksuar se Kosova përfaqëson një histori të dyfishtë suksesi.

    “Së pari, histori suksesi e ndërhyrjes ushtarake dhe humanitare të NATO-s për të ndalur gjenocidin e Serbisë.

    Së dyti, si shtet ku zhvillimi dhe demokracia ecin krah për krah njëra-tjetrës,” tha Kurti.

    Pas njohjes së fundit të Kosovës nga Siria, shefi i qeverisë foli edhe për përparimin diplomatik të vendit tonë këtë vit, duke përmendur tri njohjet e reja dhe përpjekjet për integrim në BE e NATO, si dhe rëndësinë e bashkëpunimit rajonal.

    Kurti theksoi se me fuqizimin e shtetit kosovar, është ulur ndjeshëm prania ushtarake ndërkombëtare, ndërsa është rritur progresi ekonomik.

    “Sot Kosova ka Bruto Produkt Vendor (BPV) për kokë banori gjashtë herë më të lartë sesa në vitin 2000 dhe tri herë më të lartë sesa në vitin e shpalljes së pavarësisë më 2008,” deklaroi ai.

    Sipas tij, Kosova duhet të shërbejë si shembull se çlirimi dhe pavarësia sjellin dividentë makroekonomikë e socialë për qytetarët.

    Në fund, Kurti nënvizoi se çdo mision paqeruajtës ka nevojë për vlera të përbashkëta dhe jo vetëm për interesa të përbashkëta, duke theksuar rëndësinë e dialogut, negocimit dhe multilateralizmit. Ai e përmendi Bashkimin Evropian si model të paqes dhe prosperitetit, të ndërtuar mbi parimin e bashkëpunimit ndërkombëtar.

  • S’respektuan rregullat në trafik, pesë shoferë në Ferizaj gjobiten gati dy mijë euro

    S’respektuan rregullat në trafik, pesë shoferë në Ferizaj gjobiten gati dy mijë euro

    Policia në Ferizaj ka shqiptuar gjoba deri në 1900 euro ndaj gjashtë shoferëve në raste të ndryshme.

    Pesë shoferëve gjithashtu u është marrë leja për tre muaj, ndërsa njërit prej tyre për pesë muaj.

    KOMUNIKATË PËR MEDIA:

    Ndëshkohen gjashtë shoferë për kundërvajtje të rënda në komunikacionin rrugor në rajonin e Ferizajt

    Me datën 30.10.2025, policët e Njësisë së Komunikacionit Rrugor në Ferizaj, gjatë patrullimeve dhe mbikëqyrjes së trafikut, kanë shqiptuar masa ndëshkuese ndaj gjashtë shoferëve për kundërvajtje të rënda në komunikacionin rrugor.

    Rastet e evidentuara:

    Në rrugën magjistrale Ferizaj–Shtime, në fshatin Slivovë, policia ka ndaluar shoferët E.Sh. (22 vjeç) me veturën Citroën dhe E.D. (25 vjeç) me veturën Dacia, të dy me targa vendore, të cilët kanë kryer kundërvajtje duke tejkaluar automjetet në vijë të plotë.

    Ndaj tyre janë shqiptuar gjoba prej 200 euro, 2 pikë negative dhe masë mbrojtëse – ndalim i drejtimit të automjetit për 3 muaj.

    Në po të njëjtën rrugë, në hyrje të Shtimes, është ndaluar shoferi B.K. (51 vjeç), i cili po drejtonte automjet transportues pa poseduar kategorinë përkatëse (C).
    Ndaj tij është shqiptuar gjobë prej 500 euro, 3 pikë negative dhe masë mbrojtëse – ndalim i drejtimit të automjetit për 3 muaj.

    Në magjistralen Ferizaj–Gjilan, në fshatin Bibaj, në zonën me kufizim shpejtësie prej 40 km/h, është ndaluar shoferi J.H. (32 vjeç), i cili me veturën VW T-Roc po zhvillonte shpejtësi prej 97 km/h.
    Ndaj tij është shqiptuar gjobë prej 300 euro, 3 pikë negative dhe masë mbrojtëse – ndalim i drejtimit të automjetit për 3 muaj.

    Në të njëjtën rrugë, policia ka ndaluar në flagrancë shoferin Sh.Sh. (37 vjeç), i cili po përdorte telefonin celular gjatë ngasjes së automjetit Mercedes me targa vendore.
    Pas verifikimeve, rezultoi se kjo ishte herë e tretë që i njëjti person kryente të njëjtën kundërvajtje, ndaj u gjobit me 500 euro, 3 pikë negative dhe masë mbrojtëse – ndalim i drejtimit të automjetit për 6 muaj.

    Në fshatin Sojevë, policia ka ndaluar shoferin R.Z. (47 vjeç), i cili me veturën Audi Q5 me targa të Maqedonisë së Veriut, kishte tejkaluar kolonën e katër automjeteve në lëvizje.
    Ndaj tij është shqiptuar gjobë prej 200 euro, si dhe masë mbrojtëse – ndalim qarkullimi në territorin e Republikës së Kosovës për 3 muaj.

  • Kur rasti luan me artin: si lind bukuria nga e papritura

    Kur rasti luan me artin: si lind bukuria nga e papritura

    Ka raste kur arti nuk lind nga frymëzimi, por nga rrëmuja. Një dorë që rrëshqet mbi kanavacë, një notë që del jashtë ritmit, një dritë që futet në kornizë pa u ftuar dhe papritur, diçka ndodh. Një “aksident artistik”. Ai moment kur e papritura nuk prish gjithçka, por e shpik nga e para.

    Historia e artit është plot me këto lloj fatkeshish të bukura. Jackson Pollock, për shembull, s’kishte menduar të shpikte stilin e tij kaotik. Thjesht i ra boja nga furça. Në vend që të mërzitej, vazhdoi ta derdhte me qëllim. Dhe nga një derdhje e paqëllimshme, lindi një epokë e re në pikturë. Një gabim që la gjurmë në galeri.

    Në kinemanë botërore, disa nga momentet më të njohura janë prodhim i rastësisë. Heath Ledger në “The Dark Knight” duartrokiti shpërthimin e spitalit sepse efekti special ndodhi me vonesë, improvizim total, që u kthye në ikonë. Leonardo DiCaprio, në “Titanic”, nuk kishte asnjë rresht të shkruar për “I’m the king of the world!”. Ai e tha në moment, i mbërthyer nga era dhe adrenalina dhe kamera e kapi përjetësisht.

    Muzika nuk mbetet pas. Michael Jackson e mbajti në këngën “Billie Jean” një tingull teknik që inxhinieri deshi ta fshinte. Ai e la. Dhe ai detaj e bëri ritmin unik. Coldplay gjetën melodinë e “The Scientist” kur pianisti goditi gabimisht një akord. Ajo që duhej të ishte një “oops”, u bë refren që miliona veta e ndjejnë në zemër.

    Në fakt, çdo aksident artistik është një kujtesë e vogël se kontrolli nuk është gjithçka. Bukuria shpesh lind kur njeriu lejon botën të ndërhyjë në krijimin e tij. Kur nuk frikësohesh nga rrëmuja, por e sheh si bashkëpunëtore.

    Sepse arti, si jeta, është më interesant kur nuk shkon sipas planit. Dhe ndoshta mrekullitë më të mëdha ndodhin pikërisht atëherë kur mendon se e ke prishur gjithçka por në të vërtetë, sapo ke bërë diçka që askush tjetër s’mund ta kishte bërë njësoj.

  • Nga golat te kilometra: Ramadani zemra e Lecce – s

    Nga golat te kilometra: Ramadani zemra e Lecce – s

    Ylber Ramadani po shkëlqen tek Lecce dhe në Serie A, duke u bërë një nga lojtarët vendimtarë të skuadrës. Golat e tij jo vetëm kanë dhuruar fitore, por sezonin e kaluar ishin vendimtarë për qëndrimin e ekipit në elitë.

    Përveç goditjeve të sakta, shqiptari dallon edhe për ritmin dhe kontributin në lojë. Mesatarisht, ai vrapon 10.5 km për ndeshje, ndërsa në përballjen me Udinesen përshkoi 11 km, duke u bërë lojtari më i spikatur në këtë aspekt tek Lecce, sipas “Il Corriere dello Sport”.

    Ramadani ka lënë gjurmë edhe në Kampionatin Europian në Gjermani, ku mesatarisht vrapoi 12.51 km për ndeshje, duke u renditur në dhjetëshen më të mirë të turneut. Bashkë me Medon Berishën, ai është bërë titullar i padiskutueshëm dhe një nga figurat më të vlerësuara të skuadrës.

    Megjithatë, Lecce vazhdon të përballet me sfida në Serie A, ashtu si sezonin e kaluar, kur një gol nga distanca i 29-vjeçarit garantoi praktisht mbijetesën e klubit.

    Këtë sezon, në nëntë ndeshje Lecce renditet në vendin e 16 -të me 6 pikë. /ATVLIVE.TV

  • I akuzuari për 400 kg drogë: Po të mos zbulohej, malli do të shpërndahej në gjithë Kosovën

    I akuzuari për 400 kg drogë: Po të mos zbulohej, malli do të shpërndahej në gjithë Kosovën

    Në seancën gjyqësore për rastin e 400 kilogramëve kokainë të gjetura në produktet e pulës së ngrirë të kompanisë “MC FOOD”, i akuzuari Kadri Brahimi gjatë mbrojtjes së tij është pyetur nga avokati Florent Latifaj, i cili është mbrojtës i të akuzuarit Izet Sheqiri, pronar i kompanisë.

    Brahimi ka deklaruar se Sheqiri nuk ka pasur asnjë interesim për kamionët që sillnin mallin, raporton Ekonomia Online.

    “Izet Sheqiri kurrë nuk ka qenë i interesuar për ndonjë kamion”, tha Brahimi gjatë seancës.

    Avokati Latifaj e pyeti më tej se çfarë do të ndodhte me mallin nëse policia nuk do të kishte ndërhyrë.

    Në përgjigjen e tij, Brahimi tha se produktet do të shpërndaheshin në treg në të gjithë Kosovën.

    “Ai mall, mos me hy policia dhe mu palu nëpër depo, ka pasur mundësi që të shkojë nëpër markete e krejt Kosovës, sepse ne paketat nuk i hapim. Mua nuk më intereson se çfarë ka brenda saj, sepse unë merrem me çështjen e barkodeve dhe faturës. Në atë minutë që del nga depoja, unë nuk jap përgjegjësi për atë”, tha ai.

    Në këtë rast, Prokuroria po akuzon pesë persona, Izet Sheqirin, Kadri Sheqirin, Faton Vrajollin, Kadri Brahimin dhe Fehmi Bytyçin, se përmes kompanisë “MC FOOD” kishin lidhur marrëveshje me kompaninë braziliane “SEARA” për import të produkteve të mishit të pulës së ngrirë, brenda të cilave ishte gjetur substancë narkotike e llojit kokainë në sasi prej 400 kilogramësh.

  • Ministri i Jashtëm sirian thotë se njohja e Kosovës u arrit me mbështetjen e Turqisë

    Ministri i Jashtëm sirian thotë se njohja e Kosovës u arrit me mbështetjen e Turqisë

    Ministri i Jashtëm i Sirisë, Asaad Hassan Al-Shaibani, ka konfirmuar se njohja e Republikës së Kosovës është bërë “nën patronazhin e Arabisë Saudite dhe me mbështetjen e Turqisë”.

    Al-Shaibani ka theksuar se Siria e njeh Kosovën si shtet të pavarur, duke riafirmuar “respektin për sovranitetin dhe të drejtën e popujve për vetëvendosje”.

    “Nën patronazhin e Arabisë Saudite dhe me mbështetjen e Turqisë, Republika Arabe Siriane njoftoi njohjen e Republikës së Kosovës si shtet të pavarur, duke riafirmuar respektin për sovranitetin dhe të drejtën e popujve për vetëvendosje. Damasku shpreh respekt për vullnetin dhe aspiratat e popullit të Kosovës dhe pret me interes zhvillimin e marrëdhënieve dypalëshe ndërmjet Damaskut dhe Prishtinës, në mënyrë që të promovohen stabiliteti dhe respekti i ndërsjellë mes kombeve,” thuhet në shkrimin e tij të publikuar në ‘X’.

    Kështu, Siria është bërë shteti i 120-të që njeh pavarësinë e Kosovës.

  • Vuçiq reagon pasi Siria njohu dje Kosovën shtet, thotë se ndikoi shumë Turqia

    Vuçiq reagon pasi Siria njohu dje Kosovën shtet, thotë se ndikoi shumë Turqia

    Vuçiq reagoi pas njohjes së Kosovës nga Siria: “E pritshme, tashmë është nën ndikimin e Turqisë”

    Presidenti i Serbisë, Aleksandar Vuçiq, ka reaguar sot pas lajmeve se Siria ka njohur pavarësinë e Republikës së Kosovës.

    Sipas tij, një vendim i tillë ishte i pritshëm, pasi siç tha ai, Siria tashmë ndodhet nën ndikimin e madh të Turqisë.

    “Lajmi i pritur është njohja nga Siria. Ishte e qartë sa shumë kishte rëndësi qëndrimi i pavarur dhe i lirë i Bashar al-Asadit sa kohë që ai ishte në pushtet. Por, kur dikush vjen në pushtet që është nën ndikimin e madh të njërit prej vendeve kryesore në rajon, siç është Turqia, ishte e pritshme që kjo të ndodhte,” deklaroi Vuçiq për gazetarët.

    Presidenti serb gjithashtu u shpreh me nostalgji për periudhën kur Bashar al-Assad ishte në pushtet, duke thënë se atëherë Siria kishte qëndrim të pavarur dhe të lirë.