Blog

Gjykata e Durrësit ka vendosur masën e sigurisë “arrest me burg” për 25-vjeçarin Marjan Kodheli, i cili pak ditë më parë vrau me thikë të atin, Pjetër Kodheli.

Sipas burimeve nga seanca, masa e sigurisë rezultoi e ligjshme, ndërsa i riu u shfaq duke qeshur në dhomën e xhamit gjatë gjithë seancës, raporton Top Channel.

Pas ngjarjes, Marjan Kodheli ka deklaruar përpara policisë se kishte pasur grindje të vazhdueshme me babain e tij.

“Nuk më linte të haja i qetë,” – ka thënë ai, ndër të tjera duke shtuar: – “Nuk e di si ndodhi, mora thikën dhe e qëllova.”

Në dëshminë e tij, i riu ka rrëfyer se konflikti ndodhi gjatë vaktit të drekës.

“Ishim duke ngrënë bukë dhe babai mu turr. Nuk më linte të haja i qetë. Nuk e mbaj mend pse ndodhi, por kemi pasur grindje të vazhdueshme që kur jam kthyer nga Greqia, para gjashtë muajsh. Kam jetuar në Francë, jam me pasaportë franceze. Atje kam qëndruar rreth gjashtë vjet dhe më pas kam shkuar në Greqi, ku kam punuar për gjashtë muaj. Nga Greqia jam kthyer në shtëpi dhe isha i papunë.”

“Kemi pasur debate me babain. Sherri ndodhi teksa hanim drekë. Nuk e di si ndodhi, mora thikën dhe e qëllova,” – ka dëshmuar ai.

Sipas A2 CNN, ngjarja është zhvilluar në kuzhinën e banesës së familjes Kodheli, në momentin kur Marjani dhe i ati, Pjetri, kishin mbetur vetëm.

Ekspertiza mjeko-ligjore ka konstatuar 7 plagë në trupin e viktimës, dy prej të cilave në kokë dhe pesë në trup. Në vendngjarje u gjetën dy thika, që dyshohet se janë përdorur për krimin.

Ushtruesi i detyrës së Kryeprokurorit të Shtetit, Besim Kelmendi, ka bërë të ditur se gjatë vitit 2024 janë ngrirë dhe sekuestruar pasuri të pajustifikueshme me vlerë prej mbi 48 milionë eurosh, ndërsa nga gjykatat janë konfiskuar përfundimisht asete në vlerë prej mbi 2 milionë eurosh.

Në fjalimin e tij në Konferencën Vjetore të Prokurorëve, Kelmendi tha se këto rezultate përbëjnë një hap të rëndësishëm në forcimin e luftës kundër krimit ekonomik dhe pastrimit të parave, por ai theksoi se ende ka shumë punë për t’u bërë.

“Duhet të jetë shumë e qartë se mjetet me të cilat është kryer vepra penale dhe ato që janë përfituar me vepër penale duhet të konfiskohen. Për ta arritur këtë, prokurorët duhet të jenë shumë më proaktivë dhe më të vendosur”, deklaroi ai.

Kelmendi vlerësoi edhe punën e Zyrës për Rikthim të Aseteve, e cila vepron në kuadër të Zyrës së Kryeprokurorit të Shtetit. Kjo zyrë, e themeluar në prill të vitit 2024, ka pranuar kërkesa për bashkëpunim nga shumë vende të botës dhe ka paraqitur kërkesa për informacione të nevojshme për hetimet e prokurorëve vendorë. Ai tha se zyra ka dhënë mbështetje të rëndësishme në rikthimin e aseteve të konfiskuara dhe në bashkëpunimin me partnerët ndërkombëtarë.

Sa i përket luftës kundër trafikimit të qenieve njerëzore, Kelmendi njoftoi se gjatë vitit 2024 janë zgjidhur 39 raste me 45 persona të përfshirë, ndërsa vetëm në nëntëmujorin e vitit 2025 janë zgjidhur 26 raste me 37 persona.

Tragjedia e një vit më parë që ndodhi në Novi Sad një vit më parë ka mobilizuar fuqishëm qytetarët atje për të kërkuar llogari nga regjimi i Aleksandër Vuçiq. Komisionarja për Zgjerim e Bashkimit Evropian, Marta Kos teksa kujtoi 16 viktimat tha se  kjo tragjedi po e ndryshon Serbinë dhe ka mobilizuar masën për të kërkuar llogaridhënie, liri të shprehjes dhe demokracie”, ka shkruar Kos në platformën “X”, duke shtuar se “Këto janë të njëjtat vlera që do ta udhëheqin Serbinë drejt BE-së”

Në nderim të viktimave të 1 nëntorit të cilët humbën jetë pas shembjes fatale të çatisë së stacionit hekurudhor në Novi Sad, u mblodhën mijëra njerëz në qytetin e dytë më të madh të Serbisë, e ku vendosen lule dhe qirinj përgjatë gardhit të përkohshëm pranë hyrjes së dëmtuar të stacionit.

Dhjetëra mijëra njerëz morën pjesë në përkujtimet që filluan në stacion në orën 11:52 paradite – në të njëjtën orë kur ndodhi tragjedia.

Ata gjithashtu mbajtën 16 minuta heshtje në nderim të 16 viktimave.

Që nga ajo ditë, Serbia është përballur me protesta të rregullta të udhëhequra nga studentët.

Fillimisht, protestuesit kërkuan hetim transparent, por më pas thirrjet e tyre u zgjeruan në kërkesa për zgjedhje të parakohshme.

Studentë dhe qytetarë të tjerë kanë mbërritur në Novi Sad që nga e premtja, me makina, biçikleta apo në këmbë.

Mijëra njerëz të tjerë marshuan drejt Novi Sadit nga Beogradi – rreth 100 kilometra – dhe nga Novi Pazari, rreth 340 kilometra në jug të kryeqytetit. U deshën simbolikisht 16 ditë – në nderim të 16 viktimave – që ta përfundonin marshimin.

Të premten mbrëma, banorët e Novi Sad dolën në rrugë për t’i pritur marshuesit, duke fishkëllyer dhe valëvitur flamuj, shumë prej tyre të prekur emocionalisht.

“Erdha të përulem para forcës më të madhe në botë sot: studentëve tanë, rinisë sonë”, tha Ratko Popoviq nga rajoni i Novi Sadit

Protestat e vazhdueshëm bënë që kryeministri të jepte dorëheqje, rrëzimin e qeverisë dhe formimin e një të reje. Por, presidenti Aleksandar Vuçiq ka qëndruar në detyrë.

Aeroporti i Berlinit ndaloi për rreth dy orë të gjitha fluturimet gjatë natës pas raportimeve për një dron në zonë, duke shkaktuar vonesa dhe devijime të shumta.

Një dëshmitar raportoi praninë e dronit , gjë që çoi në mbylljen e pistës veriore. Edhe policia konfirmoi se e pa dronin, por nuk arriti ta gjente. Në operacion u përfshinë edhe një helikopter policie dhe Zyra Federale e Aviacionit të Gjermanisë.

Fluturime për në Bazel, Oslo dhe Barcelonë nuk mundën të niseshin, ndërsa një avion nga Londra për në Berlin u devijua në Hamburg për shkak të rrezikut nga droni. Edhe fluturimet nga Stokholmi, Antalia dhe Helsinki drejt Berlinit u ridrejtuan. Vonesat pritet të vazhdojnë edhe sot.

Ministrat e jashtëm të Gjermaninë, Jordanisë dhe të Mbretërisë së Bashkuar kanë bërë thirrje për një armëpushim të menjëhershëm në konfliktin në Sudan, duke përshkruar situatën në terren si “shumë të rëndë”.

Zyrtarët e Kombeve të Bashkuara (OKB) paralajmërojnë se milicia paraushtarake Rapid Support Forces (RSF) ka sulmuar qytetin el‑Fasher në rajonin verior të Darfurit, duke kryer ekzekutime të civilëve, sulme seksuale dhe spastrim etnik — përfshirë edhe vrasjen e më shumë se 450 personave në një maternitet. RSF-ja ka mohuar të gjitha akuzat për sulme ndaj spitalit, raporton AP.

Pamjet satelitore dhe videot që qarkullojnë tregojnë çfarë duket të jetë një masakër masive në qytet, ndërsa agjencia e refugjatëve të OKB-së (UNHCR) raporton se më shumë se 60,000 vetë janë larguar nga el-Fasheri, ndërsa mbi 150,000 persona mbeten të bllokuar në qytet në përballje me urinë dhe bombardime.

Presidentja e Kosovës, Vjosa Osmani i shprehë ngushëllime familjes dhe bashkëpunëtorëve për ndarjen nga jeta të ish-Kryeministrit të Shqipërisë, Fatos Nano.

Osmani ka deklaruar se Nano ishte një prej figurave të tranzicionit demokratik në Shqipëri dhe luajti rol në transformimin politik pas viteve ’90.

“Si themelues dhe udhëheqës i Partisë Socialiste, Fatos Nano pati rol transformues në drejtimin e saj, duke e shndërruar në një forcë moderne, evropiane dhe të përkushtuar ndaj dialogut politik. Përmes vizionit të tij, ai kontribuoi në ndërtimin e një kulture më paqësore dhe më bashkëpunuese në jetën politike shqiptare”, ka theksuar Osmani.

Tutje, në telegramin e ngushëllimit thuhet “në këtë ditë të dhimbjes, shpreh ngushëllimet më të sinqerta për familjen Nano, të afërmit, Partinë Socialiste dhe bashkëpunëtorët”.