ATV

Blog

  • Kombëtarja shqiptare përgatitet për dy ndeshjet e fundit kualifikuese – Programi i Kombëtares

    Kombëtarja shqiptare përgatitet për dy ndeshjet e fundit kualifikuese – Programi i Kombëtares

    Kombëtarja shqiptare do të zhvillojë dy ndeshjet e fundit kualifikuese për Kupën e Botës 2026 në Grupin K, përballë Andorrës dhe Anglisë.

    Trajneri Silvinjo do të publikojë listën e lojtarëve të grumbulluar të premten, më 7 nëntor, dhe më pas do të mbajë një konferencë për mediat në “Shtëpinë e Futbollit”, ku do të flasë për listën dhe dy sfidat e ardhshme.

    Grumbullimi zyrtar i kombëtares do të nisë të hënën në Barcelonë.

    • Andorra – Shqipëri do të luhet më 13 nëntor në “Estadi FAF Encamp” në orën 20:45.

    • Shqipëria – Anglia do të zhvillohet më 16 nëntor në stadiumin “Air Albania” në orën 18:00.

    Aktualisht, Shqipëria renditet në vendin e dytë në Grupin K me 11 pikë. /ATVLIVE.TV

  • Të rinjtë e 2 Korriku U 19 publikojnë formacionin për sfidën me Hibernian U 19

    Të rinjtë e 2 Korriku U 19 publikojnë formacionin për sfidën me Hibernian U 19

    Të rinjtë e 2 Korrikut të Prishtinës janë gati për sfidën e sotme ndaj ekipit skocez Hibernian. Djelmoshat e ekipit U 19 synojnë një rezultat pozitiv në ndeshjen që nis në ora 13:00 në stadiumin “Zahir Pajaziti” në Podujevë.

    Në ndeshjen e parë, 2 Korriku e humbi me rezultat 4:0.

    Klubi ka bërë publike edhe formacionin zyrtar për këtë përballje. /ATVLIVE.TV

  • Therja e zyrtarit të BE-së në Gjakovë, flasin nga QKUK-ja: Gjendja e tij është stabile

    Therja e zyrtarit të BE-së në Gjakovë, flasin nga QKUK-ja: Gjendja e tij është stabile

    Drejtori i Emergjencës në Qendrën Klinike Universitare të Kosovës (QKUK), Naser Syla, ka bërë të ditur se gjendja e zyrtarit të Bashkimit Evropian, i cili u plagos rëndë me mjet të mprehtë, është stabile.

    Syla tha se i plagosuri është transferuar në Klinikën e Kirurgjisë Vaskulare për trajtim të mëtutjeshëm.

    “Gjendja e tij është stabile. Është transferuar në Klinikën e Kirurgjisë Vaskulare për trajtim të mëtutjeshëm”, u shpreh drejtori Syla.

    Viktima, rreth 49-vjeçar, i cili gëzon imunitet diplomatik, është transportuar nga Gjakova në QKUK për shkak të plagëve të rënda që mori. Ai fillimisht ishte paraqitur më 4 nëntor në Qendrën Kryesore të Mjekësisë Familjare në Gjakovë, ku mjekët konfirmuan se kishte dy plagë shpuese — një në qafë dhe një në gjoks.

    Për shkak të gjendjes së tij, ai nuk ka qenë në gjendje të japë deklaratë para autoriteteve.

    Ndërkohë, Prokuroria e Krimeve të Rënda ka nisur hetimet për rastin, të cilin e ka cilësuar si “vrasje në tentativë”.

    Ende nuk dihen rrethanat e sakta të ngjarjes dhe vendndodhja e saktë ku ka ndodhur plagosja.

  • Yakin: “Prioriteti jonë është ndeshja me Suedinë”

    Yakin: “Prioriteti jonë është ndeshja me Suedinë”

    Kombëtarja e Zvicrës po përgatitet për dy ndeshje të rëndësishme në kuadër të kualifikimeve për Kampionatin Botëror. Përveç sfidës me Suedinë më 15 nëntor në Gjenevë, ekipi ka në fokus përballjen me Kosovën më 18 nëntor në stadiumin “Fadil Vokrri” në Prishtinë.

    Në Grupin B, Zvicra kryeson me 10 pikë, ndjekur nga Kosova me 7, Sllovenia me 3 dhe Suedia me 1 pikë.

    Para ndeshjes me Kosovën, selektori i Zvicrës, Murat Yakin, ka theksuar:

    “Ne fokusohemi vetëm në ndeshjen e radhës dhe duam ta përfundojmë ndeshjen me Suedinë. Nuk mund të ndikojmë ende asgjë,” u shpreh Yakin. /ATVLIVE.TV

  • Kontestim në Anfield: Pse gjyqtari Kovacs refuzoi penalltinë?

    Kontestim në Anfield: Pse gjyqtari Kovacs refuzoi penalltinë?

    Liverpool arriti një fitore të ngushtë ndaj Real Madridit me rezultat 1-0 në Anfield, falë golit të vetëm të shënuar nga Alexis Mac Allister në minutën e 61-të, pas një asistimi të saktë nga Dominik Szoboszlai.

    Ekipi i Arne Slot regjistroi kështu fitoren e dytë radhazi në të gjitha garat, duke u larguar nga një mini-krizë, ndërsa seria e gjashtë fitoreve radhazi e Real Madridit në të gjitha kompeticionet u ndërpre.

    Por, momenti më polemik erdhi në minutën e 30-të, kur Szoboszlai gjuajti nga jashtë zonës dhe topi preku dorën e Aurelien Tchouamenit.

    Gjyqtari rumun Istvan Kovacs akordoi fillimisht një goditje dënimi, por dhoma e VAR-it ndërhyri pasi dukej se prekja me dorë kishte ndodhur brenda zonës së penalltisë. Pas shqyrtimit të videos, u konstatua se dora e Tchouamenit ishte brenda zonës, por për habinë e të gjithëve, Kovacs vendosi të mos akordonte penallti. Në vend të saj, ai ia dorëzoi topin Real Madridit, duke i hequr mundësinë Liverpoolit për të sulmuar.

    Tifozët e Liverpoolit shprehën indinjatë, duke pyetur nëse ekipi i tyre ishte dëmtuar nga mosdhënia e penalltisë. BBC shpjegoi vendimin në detaje:

    Gjyqtarët e VAR-it i treguan Kovacs se kishte pasur një prekje me dorë nga lojtari i Realit brenda zonës. Megjithatë, vlerësimi i gjyqtarit ishte se dora ishte afër trupit dhe nuk kishte qenë një lëvizje e qëllimshme për të rritur sipërfaqen e trupit, prandaj nuk konsiderohej penallti e dënueshme. Kovacs përmbysi vendimin fillestar të goditjes së dënimit dhe vazhdoi lojën, duke i dhënë posedimin Real Madridit. /ATVLIVE.TV

  • Mes lotësh, Neda Balluku rrëfen ndarjen pas 10 vitesh martesë: Nuk është hera e parë…

    Mes lotësh, Neda Balluku rrëfen ndarjen pas 10 vitesh martesë: Nuk është hera e parë…

    Neda Balluku ka thyer heshtjen për ndarjen nga Ogreni pas 15 vitesh bashkë.

    Në një intervistë mes shumë emocionesh në “Goca dhe Gra” në Top Channel, e rezervuar për detajet, ajo pranoi zhvillimin.

    “Lajmet janë të vërteta. Nuk është hera e parë që jam në këtë situatë. Një gjë e ngjashme ka ndodhur edhe pesë vite më parë, në 2020-ën. Atëherë ia kemi dalë ta kapërcejmë, dëshirë shumë e madhe për të mbajtur me thonj familjen e bashkuar. Si çdo nënë, si çdo grua shqiptare, nëse do ktheja kohën prapa do bëja të njëjtën gjë. Nga ai ribashkim erdhi në jetë goca ime e vogël, Suzie Ann”.

    “Prej shumë vitesh tashmë, marrëdhënia nuk është e shëndetshme. Prej disa kohësh, jetojmë të ndarë. Kjo është gjithçka që dua të them për këtë sepse do doja që këtë moment ta menaxhoja me privatësi sepse prioriteti më i madh, i vetëm, absolut janë fëmijët”.

    E pyetur se si janë fëmijët, ajo u tregua e prerë duke i kërkuar Rudina Dembacajt, që të “mos e ngacmojë tek fëmijët”.

    Neda u pa e përlotur teksa fliste për ngjarjen për të cilën deshi ta ruajë sa më shumë që qe e mundur privatësinë.

  • Nëntë vite nga vdekja e Astrit Deharit, rasti ende i pazbardhur, Kurti: Sistemi i drejtësisë të bëjë më tepër

    Nëntë vite nga vdekja e Astrit Deharit, rasti ende i pazbardhur, Kurti: Sistemi i drejtësisë të bëjë më tepër

    Janë bërë plot nëntë vite nga vdekja e aktivistit të Lëvizjes Vetëvendosje, Astrit Dehari, por edhe pas thirrjeve të shumta e kohës që ka kaluar, rasti i Deharit ende mbetet i pazbardhur.

    Me rastin e përvjetorit, kryeministri në detyrë dhe kryetari i Lëvizjes Vetëvendosje, Albin Kurti, gjatë homazheve në nderim të Astritit, theksoi rëndësinë e domosdoshmërinë e zbardhjes së plotë të rastit.

    “I bëjmë thirrje sistemit të drejtësisë të bëjë më tepër dhe të angazhohet, sepse ky krim është një plagë e hapur, jo vetëm për familjen Dehari dhe Lëvizjen Vetëvendosje, por për mbarë popullin e Kosovës dhe Republikën tonë”, ka thënë ai.

    Edhe kryetari i Kuvendit të Kosovës, Dimal Basha bashkë me ministren në detyrë të Drejtësisë, Albulena Haxhiun dhe deputeten Shqipe Mehmeti-Selimi, kanë bërë homazhe pranë varrit të Astrit Deharit.

  • Shorti i fazës së dytë kualifikuese për Botërorin 2027 – Kosova për herë të parë në këtë fazë

    Shorti i fazës së dytë kualifikuese për Botërorin 2027 – Kosova për herë të parë në këtë fazë

    Të enjten (nesër) në orën 11:00 në Vjenë do të bëhet tërheqja e shortit për fazën e dytë kualifikuese për Kampionatin Botëror 2027 në hendboll.

    Për herë të parë, në këtë fazë do të marrë pjesë edhe Kombëtarja e Kosovës, e cila javën e kaluar realizoi një sukses historik duke eliminuar Britaninë e Madhe në raundin e parë. Ky është një hap i madh për futbollin e hendbollit kosovar dhe një mundësi për t’u sfiduar me skuadrat më të forta të Europës.

    Në këtë short, Kosova do të jetë në vazon e dytë, ku janë edhe Sllovakia, Lituania, Belgjika, Finlanda, Izraeli, Letonia dhe Turqia.

    Në vazon e parë do të jenë Greqia, Bosnjë-Hercegovina dhe gjashtë kombëtaret që përfundojnë në vendet e fundit në grupet e Kampionatit Evropian 2026, i cili zhvillohet në janar të vitit të ardhshëm.

    Në praktikë, kjo do të thotë se Kosova mund të përballet me Greqinë, Bosnjë-Hercegovinën dhe disa nga kombëtaret që përfundojnë të fundit në grupet C, D, E dhe F të Evropianit.

    Kualifikimet për Botëror organizohen në tri faza, dhe për Kosovën kalimi eventual i fazës së dytë do të konsiderohej një sukses i jashtëzakonshëm. Shumë do të varet nga shorti i së enjtes, i cili do të përcaktojë rivalët dhe sfidën që e pret përfaqësuesen kosovare.

    Ndeshjet e fazës së dytë do të luhen më 18/19 mars dhe 21/22 mars të vitit 2026, duke ofruar mundësi për t’u testuar ndaj skuadrave më të forta dhe për të treguar progresin e kombëtares sonë. /ATVLIVE.TV

  • Ra dukshëm në zgjedhjet e së martës, Trump del me arsyetim për republikanët

    Ra dukshëm në zgjedhjet e së martës, Trump del me arsyetim për republikanët

    Zgjedhjet në të gjithë SHBA-në kanë dëshmuar një rënie të dukshme të republikanëve.

    Lideri amerikan, Donald Trump, ndërkaq ka dal me arsyetim pas “disfatës“ zgjedhore.

    Votuesit të martën i dhanë demokratëve një fitore të madhe, duke zgjedhur kandidatë nga e gjithë spektri ideologjik i partisë, një shprehje e gjallë e pakënaqësisë ndaj presidentit amerikan, Donald Trump thuajse një vit pas fillimit të mandatit të tij të dytë.

    Në Virginia, ish-kongresmenja e moderuar Abigail Spanberger arriti performancën më të fortë demokratike në historinë e fundit të shtetit, duke fituar me një avantazh të lehtë.

    Në New Jersey, një tjetër kongresmene e moderuar, Mikie Sherrill, shpërtheu koalicionin që Trump dhe kundërshtari i saj republikan, ish-kongresmeni shtetëror Jack Ciattarelli, kishin formuar për të zvogëluar diferencën në këtë shtet gjatë zgjedhjeve.

    Zohran Mamdani, ndërkohë është 34-vjeçari që do të udhëheq me New Yorkun.

    Mamdani shënoi herën e dytë këtë vit që ai mundi ish-guvernatorin Andreë Cuomo, fillimisht në primaret demokrate dhe pastaj në zgjedhjet e përgjithshme, ku Cuomo kandidoi si kandidat i pavarur me mbështetjen e Trumpit. Megjithatë, fushatat e tyre kishin disa elemente të përbashkëta. Edhe pse zgjidhjet e tyre ndryshonin, kandidatët u përqendruan te çështja e qasjes. Dhe të gjithë kritikuan ashpër performancën e Trumpit

    Trump në aën tjetër nuk humbi kohë për të arsyetuar vetën dhe republikanët.

    “Trump nuk ishte në fletën e votimit dhe mbyllja e qeverisë ishin dy arsye pse republikanët humbën zgjedhjet sonte”, shkroi Trump.

  • Krasniqi kërkon drejtësi për ish-krerët e UÇK-së: Shkuan në Hagë me kokën lart

    Krasniqi kërkon drejtësi për ish-krerët e UÇK-së: Shkuan në Hagë me kokën lart

    Kryetari i Partisë Demokratike të Kosovës, Memli Krasniqi, në pesë vjetorin e arrestimit të ish-krerëve të UÇK-së nga Dhomat e Specializuara në Hagë, ka kërkuar drejtësi dhe liri për çlirimtarët.

    Krasniqi në një postim në Facebook, ka thënë se për 1,826 ditë ata dhe familjet e tyre kanë përballuar vuajtjen me qetësi, durim e besim.

    “Pesë vjet më parë, u ndaluan padrejtësisht katër nga udhëheqësit kryesorë të luftës çlirimtare: Hashim Thaçi, Kadri Veseli, Jakup Krasniqi dhe Rexhep Selimi. Pesë vjet më vonë, procesi po vazhdon të zvarritet, padrejtësia të rritet ndërsa e vërteta që ne e njohim dhe e dijmë, ende s’e ka marrë verdiktin që e meriton. Ata shkuan në Hagë me kokën lart, pa u fshehur, pa u ankuar, pa kërkuar privilegje. Shkuan si burrështetas, si ushtarë të lirisë, me besim në drejtësi, me dinjitetin që ua dha historia dhe me dashurinë që ia dhanë Kosovës”, ka shkruar Krasniqi.

    Më tej, ai ka theksuar se historia e vendit tonë është shkruar me gjak dhe sakrificë dhe se asnjë gjykatë nuk mund ta rishkruajë atë.

    “Sot, pesë vjet më vonë, me mirënjohje, mall e krenari, Kosova kërkon asgjë më pak se atë që u takon bijve të saj: Drejtësi, të vërtetën dhe liri për çlirimtarët!”, ka shkruar lideri i PDK-së. /Telegrafi/