ATV

Blog

  • Shtyhet publikimi i video-lojës GTA VI

    Shtyhet publikimi i video-lojës GTA VI

    Bota e video-lojërave ka marrë një lajm që për shumë lojëtarë është tragjedi: loja e shumëpritur Grand Theft Auto VI (GTA VI) është shtyrë zyrtarisht për në 19 nëntor 2026, pas datës së mëparshme të 26 majit 2026. 


    Në një deklaratë, zhvilluesi “Rockstar Games” u shpreh: “Ne ndjejmë keqardhje për stërzgjatjen e lancimit të lojës pa kësaj pritjeje të gjatë, por këta muaj mëshumë që kemi kërkuar do të na lejojnë ta përfundojmë lojën më të lustruar, do ta bëjmë të jetë në nivelet e pritshmërisë që ju keni”, pra jemi duke folur për një pritje prej 13-të vitesh.

    Sipas drejtuesit të kompanisë, dhe kompanive amë, “Take‑Two Interactive”, “Strauss Zelnick”, vendimi për të shtyrë datën ishte një “investim i vlefshëm” për të lejuar Rockstar të realizojë vizionin e vet krijues pa kufizime.

    Analistët shohin pas kësaj disa përfitime strategjike: më shumë kohë për tekste, përmirësim të mekanikave të lojës dhe mundësi për të shfrytëzuar një treg që pritet të rinovohet përmes përmirësimeve të harduerit.

    Nga ana tjetër, për vetë fansat lajmi është pritur me zhgënjim. Shumë prej tyre kishin shpresuar për lansim në fund të vitit 2025. Një koment nga komuniteti rrëfen:

    Në përmbledhje: kjo vonesë nuk flet vetëm për datën e lançimit të një loje, por edhe për kurbën e pritjes së lojtarëve, për presionin që krijohet kur një lojë tejet e kërkuar deklarohet si “më e rëndësishmja e të gjitha kohërave”, dhe për marrëdhënien mes ambicies dhe afateve në industrinë e lojërave. Për momentin, numërimi vazhdon, e loja vjen më vonë.

  • Arijon Ibrahimovic ftohet nga Gjermania U21

    Arijon Ibrahimovic ftohet nga Gjermania U21

    Sulmuesi Arijon Ibrahimovic ka marrë ftesë nga Kombëtarja U21 e Gjermanisë.

    Ibrahimovic u grumbullua për dy ndeshjet kundër Maltës dhe Gjeorgjisë,të vlefshme për kualifikimet për evropianin e vitit 2021.

    Përndryshe Arijon Ibrahimovic ishte raportuar se e kishte pranuar ftesën për grumbullim në Kombëtaren e Kosovës për ndeshjet e nëntorit,por mbetet të shihet në muajt në vazhdim se nëse 19 vjeçari do ta veshë fanellën e dardanëve.

    Kujtojmë që Arijon Ibrahimovic ka zhvilluar 11 ndeshje për skuadrën e Heidenheimit,ku dhuroi vetëm 2 asistime në 901 minuta të luajtura.

    Image

  • Vendoset gurthemeli i projektit “Hambari i Luginës” në Preshevë, investim mbi 720 mijë euro

    Vendoset gurthemeli i projektit “Hambari i Luginës” në Preshevë, investim mbi 720 mijë euro

    Ky projekt kap vlerën prej mbi 720 mijë eurosh dhe bashkon 100 aksionarë shqiptarë nga mbarë rajoni dhe diaspora. Sipas organizatorëve, pika grumbulluese do të shërbejë për mbledhjen e të gjitha produkteve bujqësore, të cilat do të klasifikohen dhe më pas do të eksportohen në vendet perëndimore.

    Kryetari i Unionit të Afaristëve për Preshevë, Bujanoc dhe Medvegjë, Xhelal Mehmeti, tha se ideja për këtë projekt ka ardhur nga konkluzionet e konferencave të kaluara, që kishin për qëllim zhvillimin e bujqësisë.

    “Nuk mund të bënim zhvillim të bujqësisë po të mos e kishim një pikë grumbulluese ku bëhet grumbullimi i produkteve dhe madje eksporti për në vende të caktuara. Falë miqve tanë, falë rrjetit të bizneseve në diasporë, kemi arritur të kontaktojmë disa distributorë dhe jemi përcaktuar për disa produkte me sasi të caktuara. Me bizneset në Luginë jemi konsultuar”, tha ai.

    Kryetari i Komunës së Bujanocit, Arbër Pajaziti, e vlerësoi këtë projekt si një hap të rëndësishëm drejt zhvillimit ekonomik të rajonit.

    “Sot është një ditë shumë e veçantë për ne, për shkak se nuk po vendoset thjesht në mënyrë simbolike, por po vendoset një gurthemel i një vizioni që i ka munguar Luginës. Kjo pikë grumbulluese është diçka që do t’u mundësojë bujqve tanë të trajtohen siç e meritojnë dhe produktet e tyre të ruhen këtu, me mundësi që të vlerësohen nga blerësit dhe konsumuesit në të ardhmen. Ne si komunë jemi të gatshëm ta ndihmojmë këtë projekt, të bashkëpunojmë dhe ta zhvillojmë”, tha ai.

    Biznesmeni Albin Hetemi u shpreh se ky projekt do të krijojë mundësi të reja për bujqit e Luginës.

    “Për mua është një ditë e veçantë sepse sot në këtë pikë grumbulluese, të gjithë bujqit do ta kenë mundësinë për plasmanin e produkteve të tyre. Unë do të mundohem që këtë objekt shumë shpejt ta rregullojmë dhe ta fusim në funksion, ku bujqit tanë t’i sjellin produktet e veta sa më shpejt,” tha ai.

    Po ashtu, sot nga ora 10:00 në Shtëpinë e Kulturës “Abdulla Krashnica” në Preshevë mbahet Konferenca e III-të Ekonomike “Ekonomia shpëton Luginën e Preshevës”, ku do të ketë disa panele diskutimi me pjesëmarrje të sipërmarrësve nga të gjitha trojet shqiptare.

  • Një kullë 60 metra e lartë është shembur në Korenë e Jugut – raportohen viktima dhe persona të zhdukur

    Një kullë 60 metra e lartë është shembur në Korenë e Jugut – raportohen viktima dhe persona të zhdukur

    Një punëtor ka humbur jetën, dhe sipas informacioneve jozyrtare, katër punëtorë të tjerë konsiderohen të vdekur pas shembjes së pakontrolluar të një kulle 60-metërshe në një termocentral të braktisur në qytetin Ulsan të Koresë së Jugut gjatë punimeve për prishjen e saj të enjten.

    Dy persona vazhdojnë të konsiderohen të zhdukur, njoftuan zjarrfikësit lokalë të premten, raporton reuters.

    Në momentin e shembjes së kullës, në vendngjarje ndodheshin nëntë punëtorë. Shpëtimtarët arritën shpejt të nxirrnin dy persona nga nën mbeturinat e shembura, ndërsa një punëtor i tretë, i cili u nxor pak më vonë, vdiq të premten në mëngjes në spital.

    Trupat e katër punëtorëve të tjerë u gjetën disa orë më pas. Vetëm një prej tyre u dërgua në spital, por shërbimi i zjarrfikësve në Ulsan njoftoi se të katër konsiderohen të vdekur. Kërkimi të premten në mëngjes u pezullua përkohësisht për shkak të frikës se rrënojat e paqëndrueshme mund të rrezikonin më tej ekipet. Pas gjetjes së punëtorëve të tjerë, operacioni u rifillua.

    – YouTube  www.youtube.com

    Mbi 340 shpëtimtarë u dërguan në terren, së bashku me qentë kërkues, kamera termike dhe pajisje të tjera për detektim, për të marrë pjesë në kërkim dhe shpëtim.

    Vendi ku po kryhen operacionet e shpëtimit është i mbuluar me sasi të mëdha azbesti dhe fibra qelqi… hapësira është jashtëzakonisht e ngushtë dhe shpëtimtarët duhet të largojnë rrënojat me dorë për të vazhduar operacionet”, deklaroi një nga zyrtarët gjatë një konference për shtyp.

    Pas publikimit të lajmit për tragjedinë, presidenti i Koresë së Jugut, Yi Che-myong, urdhëroi të gjitha shërbimet përgjegjëse të angazhojnë personelin dhe pajisjet e disponueshme për punimet e shpëtimit, duke siguruar maksimalisht sigurinë e njerëzve në terren.

    Termocentrali u mbyll në vitin 2021 pas 40 vjetësh punë. Zyrtarët njoftuan se kulla e kazanëve, një nga tri kullat, ishte tashmë dobësuar sepse po përgatitej për prishje me eksploziv.

  • Gjatë tetorit, Policia në Ferizaj shqipton 329 gjoba për përdorimin e telefonit nga shoferët

    Gjatë tetorit, Policia në Ferizaj shqipton 329 gjoba për përdorimin e telefonit nga shoferët

    Pas përfundimit të fushatës sensibilizuese që filloi më 6 tetor 2025, me moton “Një sekondë në telefon mund të bëhet shumë vonë. Duart në timon, e jo në telefon”.

    Policia rajonale e Ferizajt ka kaluar në fazën e zbatimit të masave ndëshkuese ndaj shoferëve që përdorin telefonin gjatë ngasjes së automjetit.

    Gjatë periudhës sensibilizuese, nga data 13 tetor 2025, policia ka zhvilluar ligjërata në shkolla, takime me qytetarë, si edhe ka shpërndarë fletëpalosje informuese me qëllim rritjen e ndërgjegjësimit për rreziqet që sjell përdorimi i telefonit gjatë ngasjes.

    Si rezultat i veprimeve policore pas përfundimit të kësaj fushate, vetëm gjatë muajit tetor 2025 janë shqiptuar 329 gjoba ndaj shoferëve që janë kapur duke përdorur telefonin gjatë drejtimit të automjetit, duke rrezikuar sigurinë e tyre dhe të pjesëmarrësve të tjerë në komunikacion.

    Policia thekson se përdorimi i telefonit gjatë ngasjes mbetet një nga shkaqet kryesore të aksidenteve rrugore, prandaj apelon te të gjithë drejtuesit e automjeteve që të përqendrohen plotësisht në vozitje dhe të shmangin çdo shpërqendrim.

    “Edhe një sekond pakujdesie mund të ketë pasoja fatale”, thuhet në apelin e Policisë rajonale të Ferizajt.

    Kontrollet dhe masat ndëshkuese do të vazhdojnë edhe në ditët në vijim në të gjitha rrugët e rajonit të Ferizajt, me qëllim parandalimin e aksidenteve dhe mbrojtjen e jetës së qytetarëve.

    Policia fton qytetarët të bashkëpunojnë dhe të raportojnë çdo shkelje në trafik përmes aplikacionit “Lajmëro policinë” ose në numrat e telefonit: 192, 0290/326-250, 0290/322-406.

  • Xherdan Shaqiri pjesë e formacionit të javës në Europa League

    Xherdan Shaqiri pjesë e formacionit të javës në Europa League

    Xherdan Shaqiri ka shkëlqyer me Baselin në ndeshjen kundër FCSB,në kuadër të xhiros së 4-të në Europa League.

    Shaqiri shënoi dy gola e dhuroi një asistim në fitoren 3:1 ndaj ekipit rumun,duke u përfshirë në formacionin e javës në garën e dytë më prestigjioze për klube në Evropë.

    Përndryshe Shaqiri u vlerësua me notën 9.6 nga faqja e njohur Sofascore,teksa notën më të lartë se ylli shqiptar e mori Konstentelias nga PAOK i cili u vlerësua me notën 9.8.

    Kujtojmë që Xherdan Shaqiri në 20 ndeshje për Baselin në të gjitha garat ka shënuar 10 gola,si dhe ka dhuruar 9 asistime në 1,639 minuta të luajtura.

  • Balotazhi: 1,690 të rinj do të votojnë për herë të parë, KQZ-ja tregon detajet

    Balotazhi: 1,690 të rinj do të votojnë për herë të parë, KQZ-ja tregon detajet

    Në rundin e dytë të zgjedhjeve për kryetarë të 18 komunave, të drejtë vote do ta kenë edhe të rinjtë që kanë mbushur 18 vjet pas ditës së zgjedhjeve të raundit të parë dhe deri më 9 nëntor, ka bërë të ditur zëdhënësi i KQZ-së, Valmir Elezi.

    “Në rundin e dytë të zgjedhjeve, do të përdoret e njëjta listë votuese e cila është përdorur në rundin e parë, me disa përditësime. Konkretisht, kjo listë është plotësuar me emrat e 1,690 të rinjve që nga data 13 tetor deri më 9 nëntor kanë të drejtë të votojnë për herë të parë. Po ashtu, nga lista janë larguar rreth 1,150 persona që kanë hequr dorë nga shtetësia e Kosovës apo që kanë ndërruar jetë nga fillimshtatori deri në javën e fundit të tetorit”, sqaroi Elezi.

    Elezi ka sqaruar se në listën votuese, nuk do të përfshihen as lëvizjet eventuale të qytetarëve nga njëra komunë në tjetrën.

    “Lëvizjet e brendshme të qytetarëve ndërmjet komunave nuk përfshihen në këtë proces zgjedhor. Kjo do të thotë se qytetarët që kanë ndërruar vendbanimin nga një komunë në një tjetër pas rundit të parë nuk do të mund të votojnë në komunën ku janë zhvendosur, por vetëm në atë ku kanë qenë të regjistruar në listën votuese të rundit të pare dhe nëse komuna e tyre është pjesë e balotazhit”, tha Elezi.

    Rundi i dytë i zgjedhjeve për kryetarë të komunave do të mbahet në 18 komuna: Gjakovë, Gjilan, Dragash, Kaçanik, Klinë, Fushë-Kosovë, Mitrovicë e Jugut, Obiliq, Rahovec, Pejë, Prishtinë, Prizren, Suharekë, Viti, Vushtrri, Junik, Mamushë dhe Kllokot.

    Sipas listës së votuesve të publikuar nga KQZ-ja, pas përditësimit të të dhënave me votuesit e rinj dhe pas largimit të personave të vdekur si edhe të atyre që kanë hequr dorë nga shtetësia e Kosovës, numri i përgjithshëm i qytetarëve me të drejtë vote në këto 18 komuna është 1,316,672, pra vetëm 543 votues më shumë se në raundin e parë.

    Rundi i dytë i zgjedhjeve do të zhvillohet në 525 qendra të votimit, me gjithsej 1,648 vendvotime, prej të cilave 507 qendra me 1,628 vendvotime për votimin e rregullt dhe 18 qendra, nga një për çdo komunë ku mbahet rrethi i dytë i zgjedhjeve, me 20 vendvotime, për të mundësuar votimin me kusht.

  • Rita Ora dhe Yll Limani publikojnë bashkëpunimin “All Natural”

    Rita Ora dhe Yll Limani publikojnë bashkëpunimin “All Natural”

    Këngëtarja me origjinë shqiptare, Rita Ora, së bashku me artistin nga Kosova, Yll Limani, kanë sjellë projektin e tyre të përbashkët të sapopublikuar, “All Natural”.

    Ky bashkëpunim shënon herën e parë që Rita Ora punon me një këngëtar shqiptar nga Kosova.

    Kënga është publikuar në Spotify. Rita ka promovuar lajmin në rrjetet sociale duke njoftuar se kënga do të dilte të premten dhe ka pjesëmarrjen e Yll Limanit.

    Për Yll Limanin, ky është një hap i rëndësishëm në karrierë, duke bashkuar zërin dhe vizionin e tij me një emër të madh ndërkombëtar si Rita Ora.

    Për Ritën, bashkëpunimi tregon vazhdimin e angazhimit të saj për të hapur ura midis kulturave dhe muzikës.

    Ky duet pritet të marrë pëlqime nga publiku dhe të shtojë interesin ndërkombëtar për muzikën shqipe, duke shënuar një moment të veçantë në skenën muzikore shqiptare dhe më gjerë.

    Bashkëpunimi i Ritës me Yll Limanin është më shumë se një këngë e re, është një moment i veçantë që tregon se muzika shqiptare mund të arrijë edhe më larg.

    “All Natural” sjell energji dhe sinqeritet në çdo notë, duke treguar se talenti shqiptar po bëhet gjithnjë e më i njohur edhe jashtë vendit. /Telegrafi/

  • Shpërthim në një xhami në Xhakarta të Indonezisë, mbi 50 persona të plagosur

    Shpërthim në një xhami në Xhakarta të Indonezisë, mbi 50 persona të plagosur

    Dhjetëra persona janë dërguar me urgjencë në spital pas një shpërthimi në një xhami në kryeqytetin indonezian, Xhakarta, tha policia lokale të premten.

    Sipas raportimeve, incidenti ndodhi gjatë lutjeve të së premtes në një xhami brenda një kompleksi shkollor në Kelapa Gading, në Xhakartën Veriore.

    Shefi i policisë së qytetit, Asep Edi Suheri, tha se shkaku i shpërthimit është ende duke u hetuar.

    54 persona janë shtruar në spital me lëndime që variojnë nga të lehta deri në serioze, përfshirë djegie, tha Suheri.

    Mediat lokale treguan pamje të një kordoni policor rreth shkollës me ambulanca në gatishmëri. Ndërkohë, imazhet e xhamisë nuk treguan dëme të mëdha.

  • Hajdari zbulon se çka e shtyu ta zgjidhte Kosovën para Zvicrës

    Hajdari zbulon se çka e shtyu ta zgjidhte Kosovën para Zvicrës

    Nga korriku deri në tetor, emri i Albian Hajdarit ishte temë e diskutimit nga të gjithë, sidomos pas transferimit nga Lugano te Hoffenheimi dhe mbi të gjitha vendimit që të luajë për Kosovën e jo për Zvicrën.

    Në një intervistë të gjatë dhënë për “Corriere del Ticino” ndër të tjera, Hajdari ka zbuluar se çka e shtyu ta zgjidhte Kosovën para Zvicrës.

    Qendërmbrojtësi 22-vjeçar debutoi muajin e kaluar me fanellën e Kosovës. Ai luajti nga 90 minuta në barazimin pa gola ndaj Sllovenisë dhe fitoren kundër Suedisë 1:0.

    U vlerësua prej më të mirëve në fushë.

    “Federata e Futbollit e Kosovës kishte shprehur interesimin e saj për një vit e gjysmë, një periudhë gjatë së cilës unë debutova me Zvicrën. Dhe, po, menaxhimi i të gjitha situatave nuk ishte e lehtë. Unë jam dhe ndihem kosovar. Pata biseda të shumta si me Murat Yakinin ashtu edhe me trajnerin e Kosovës Franco Foda. Dhe ndjenja që përjetova gjatë këtyre diskutimeve, së bashku me ato më personale, më shtyu mua dhe rrethin tim të zgjidhnim Kosovën”, ka thënë Hajdari.

    Ai ka thënë se ëndrra e tij me Kosovën është kualifikimi në Botëror apo Evropian. Insiston se ka gjasat e saj për t’u kualifikuar në një turne të madh për herë të parë.

    Kosova është në garë për të siguruar kualifikimin në Kupën e Botës që vitin e ardhshëm mbahet në SHBA, Meksikë dhe Kanada.

    Kosova është e dyta në grupin B me shtatë pikë. Në vendin e parë është Zvicra me dhjetë pikë, kurse Sllovenia në pozitën e tretë me tri pikë. Suedia është e fundit me një pikë.

    Kosova këtë muaj i zhvillon dy ndeshjet vendimtare. Më 15 nëntor luan kundër Sllovenisë në Lubjanë, kurse më 18 nëntor e pret Zvicrën në Prishtinë.

    “Kosova e vogël mund të bëjë histori duke u kualifikuar për një turne të madh për herë të parë. Mundësia është aty, duhet shfrytëzuar, edhe nëse kjo do të thotë që Zvicra të dështojë kundër Suedisë. Ne jemi të vetëdijshëm për këtë, ashtu siç e dimë se duhet të mbledhim sa më shumë pikë të jetë e mundur në Lubjanë dhe në Prishtinë kundër Zvicrës. Përjetimi i kësaj aventure me lojtarë dhe ish-shokë skuadre si Kreshnik Hajrizin dhe Amir Shaipin natyrisht e bën gjithçka më të veçantë. Edhe për ta, të cilët ende luajnë në një ligë të nivelit si Superliga, rreziqet janë të mëdha”, ka theksuar Hajdari.

    Ai ka besim se Shaipi do të jetë sërish i rëndësishëm për Luganon. Hajdari ka luajtur më herët me Shaipin te Lugano para se t’i bashkohej në verë Hoffenheimit.

    “Është edhe më e vështirë për një portier të përballojë dinamika të tilla. Amiri e nisi sezonin si numri një dhe papritmas e gjeti veten në stol. Patëm mundësinë të flisnim për këtë gjatë grumbullimit të fundit dhe duke e njohur karakterin e tij, besoj se ajo që ndodhi me Cornaredon mund ta bëjë atë edhe më të fortë. Mund të mësosh vetëm nga situata si ato që kaloi ai, duke reaguar dhe duke demonstruar – me vlerat dhe cilësitë e tua – se mund të kthehesh të jesh portieri titullar i Luganos. Jam i bindur se ai mund ta bëjë, dhe kjo është sigurisht ajo që shpresoj për të”, ka thënë Hajdari.

    Shaipi është portieri i dytë i Kosovës, ndërsa nga fillimi i shtatorit ishte portieri i dytë edhe te skuadra zvicerane, Lugano.

    Shaipi pritet të jetë startues te Kosova për ndeshjen ndaj Sllovenisë. Portieri i parë Aro Muriq është i suspenduar.