Blog

Kampionët e botës kanë treguar edhe një herë klasin e tyre. Argjentina ka mposhtur Angolën me rezultat 0-2 në miqësoren e zhvilluar mbrëmë, ku protagonistë kryesorë ishin Lionel Messi dhe Lautaro Martinez.

Ashtu siç pritej, ndeshja dominohej nga skuadra e Lionel Scalonit, e cila kontrolloi lojën nga fillimi deri në fund.

Në minutën e 42-të, Leo Messi shpërtheu me një prej lëvizjeve të tij karakteristike, duke dhënë një asistim perfekt për Lautaro Martinezin, i cili nuk gaboi përballë portierit dhe zhbllokoi rezultatin.

Në pjesën e dytë u pa sërish bashkëpunimi perfekt i dyshes. Këtë herë Lautaro Martinez u kthye në asistent, ndërsa Lionel Messi shënoi nga afërsia për ta mbyllur ndeshjen 0-2 dhe për të konfirmuar formën e tij fantastike.

Argjentina krijoi edhe disa raste të tjera, por rezultati mbeti i pandryshuar deri në fund, duke e bërë këtë miqësore një test të suksesshëm për Scalonin dhe lojtarët.

Sfidën e radhës, kampionët e botës do ta kenë në muajin mars, ku Argjentina do të luajë “La Finalissima” kundër Spanjës, një super-ndeshje që pritet me padurim nga tifozë në mbarë botën.

Kombëtarja e Kosovës po i afrohet orëve vendimtare tw përballjes së madhe ndaj Sllovenisë, dhe përzgjedhësi Franco Foda ka dhënë sot disa sqarime të rëndësishme lidhur me formacionin që do të zgjidhet për duelin e së shtunës.

Në konferencën për media nga Ljubljana, Foda konfirmoi se kapiteni Amir Rrahmani do të rikthehet si titullar, pasi qendërmbrojtësi i Napolit ka kaluar plotësisht lëndimin dhe ka zhvilluar tri ndeshje të plota para grumbullimit.

Franco Foda:

“Po, Amiri tashmë i ka zhvilluar tre ndeshje me Napolin. Është pak i ngarkuar, por pritet të jetë gati nesër.”

Rrahmani mungoi gjatë muajit tetor për shkak të një lëndimi, dhe kthimi i tij pritet të jetë një shtysë e madhe për repartin defensiv të Dardanëve.

Ndryshe nga rasti i Rrahmanit, Foda nuk e konfirmoi nëse Edon Zhegrova do të jetë nga minuta e parë ndaj sllovenëve. Ylli i Juventusit ka luajtur pak minuta në ndeshjen e fundit dhe trajneri la gjithçka të hapur, duke thënë se vendimi do të merret në ditën e ndeshjes.

Foda:

“Zhegrova? Do të shohim nesër. Në ndeshjen e fundit luajti 30 minuta dhe është në formë. Në bazë të nevojave të ekipit do të marrim vendimin.”

Sllovenia – Kosova luhet të shtunën nga ora 20:45, ndeshje e vlefshme për kualifikimet e Kupës së Botës 2026 dhe tejet e rëndësishme për synimet e Dardanëve.

Xhudistja dhe medalistja olimpike Distria Krasniqi,ka siguruar medaljen e artë në cmimin e madh të Zagrebit.

Në finale mposhti hungarezen Reka Pup,dhe atë me ippon në kategorinë deri në 52 kg.

Distria ishte bartëse e parë dhe nisi garat në raundin e dytë ku mundi brazilianen Amanda Lima,teksa për 2 minuta e 15 sekonda mundi francezen Bandine Pont,teksa për 2 minuta e 3 sekonda në gjysmëfinale e mposhti italianen Gaia Stella që të trija poashtu me ippon.

Kjo ishte medalja e katërt këtë vit për Distrian,e cila tani siguron rreth 700 pikë në ranglistën botërore.

Gara e rradhës e Distria Krasniqit është më 28 nëntor në cmimin e madh të Abu Dhabi,ku synon të siguroj edhe një medalje tjetër për shtetin e Kosovës.

Gjiganti italian Juventus po synon që të përforcojë repartin e mesfushës.

Sipas raportimit të mediave kroati Marcelo Brozovic është vënë në radarin e biaonconerëve,dhe shihet si lojtari i cili mund të sjell përvojë në mesfushë.

Përndryshe Brozovic ka kontratë me Al Nassr deri në fund të sezonit,dhe transferimi i tij tek Juve mund të ndodhë falas gjatë verës.

Megjithatë mbetet të shihet se nëse Al Nassr do të lejoj transferimin e kroatit 32-vjeçar,dhe natyrisht edhe sesi do ta presin tifozët e Interi-it kalimin e tij tek Juve kjo për shkak të viteve të kaluara tek neuroazzurët.

Kujtojmë që Marcelo Brozovic deri më tani ka bërë 10 paraqitje për Al Nassr në të gjitha garat këtë sezon.

Presidenti i Barcelonës, Joan Laporta, ka dhënë lajmin e madh që do të gëzojë çdo tifoz blaugrana: klubi është duke planifikuar ngritjen e një statuje të Lionel Messit në stadiumin e ri, Spotify Camp Nou.

Laporta ka konfirmuar se procesi ka nisur dhe se hartimi i dizajnit të statujës do të jetë ndër projektet prioritare të klubit, duke theksuar se kjo është një mënyrë për t’i dhënë Messit nderimin që meriton.

Laporta: Ne po planifikojmë të ndërtojmë statujën e Leo Messit në stadiumin e ri. Duam që Messi të ketë statujën e tij jashtë Spotify Camp Nou sa më shpejt të jetë e mundur, dhe do të punojmë për dizajnin.

Ai shtoi se gjithçka do të bëhet me dakordësinë e familjes Messi:

“Messi e meriton plotësisht një statujë. Do të punojmë për ta realizuar këtë projekt, dhe sigurisht, Lionel dhe familja e tij duhet të jenë të pajtimit”.

Ky plan vjen në momentin kur Barcelona është drejt rikthimit në stadiumin historik, i cili ka qenë në rikonstruksion për gati tre vite. Statuja e Messit pritet të jetë një nga pikat më simbolike të kompleksit të ri dhe një destinacion i rëndësishëm për tifozët nga e gjithë bota.