Blog

Për shkak të përmbytjeve nga reshjet e fundit, segmenti i rrjetit elektrik Ferizaj–Viti është bërë i pakalueshëm për vetura.

Megjithatë, ekipi i KEDS-it ka gjetur një “zgjidhje” duke improvizuar një barkë për të arritur te vendi i prishjes dhe për të vazhduar riparimet.

Pavarësisht kushteve të vështira atmosferike, KEDS-si ka thënë se punëtorët po punojnë pa ndërprerje për të siguruar vazhdimësinë e furnizimit me energji elektrike në tërë rajonin e prekur.

“Ju ftoj publikisht, se si një parti e ardhur nga një traditë institucionaliste të mos bëheni bashkë me ata, të cilët nuk i respektojnë institucionet e shtetit, të cilët bllokojnë procese të rëndësishme, bllokojnë buxhetin e shtetit, bllokojnë paga dhe e bllokojnë të ardhmen e këtij vendi. Bëj apel publik sot të gjithë juve që të vini në një orë më të vonshme dhe të votoni marrëveshjet ndërkombëtare”.

“Ky apel publik ju drejtohet juve të nderuar deputetë të LDK-së, me ftesën publike që në seancë të vini dhe të votoni zhbllokimin e proceseve kaq të rëndësishme”, deklaroi ajo.

Kryeministri në detyrë dhe deputeti i Vetëvendosjes, Albin Kurti, ka marrë fjalën në seancën e sotme të thirrur nga nënshkrimet e deputetëve të Vetëvendosjes, e cila u konsiderua e kundërligjshme dhe kundërkushtetuese.

Ai në fillim foli për komisionet e përhershme parlamentare, që partia e tij po kërkon të themelohen pa pasë një qeveri të votuar.

“Nga emri i tyre, ky lloj komisioni ka rol të vijueshëm që ruhet e nuk ndërron, prandaj edhe quhen të përhershme. Në njëfarë mënyre, shteti i pavarur si republikë parlamentare, po na thotë: pavarësisht dinamikave që mund të jenë katër komisione parlamentare i kam kyçe që të ekzistojnë dhe të punojnë. Pra, janë të përhershme pikërisht për situatat e zakonshme dhe jo të zakonshme janë apo s’janë qeveritë në detyrë, në dorëheqje e fuqiplotë. Ato janë komisione funksionale në funksion të ministrive që potencialisht mund të krijohen prej një qeverie që legjislativi i voton. Ato prandaj edhe quhen komisione funksionale, por katër sosh janë të përhershme”.

Gjendja tani është esenciale për republikën tonë, tha Kurti.

“Temat përkojnë me fushëveprimtaritë e këtyre komisioneve që janë të përhershme. Le të fillojmë me Planin e Rritjes së BE-së”, tha ai, duke shpjeguar më pas pse ai është i rëndësishëm.

“Kemi qenë ndër shtetet e para që kemi finalizuar agjendën e reformave dhe e kemi arritur në afatin e parë të vendosur nga KE”.

Megjithëkëtë, ai tha se u vonua pjesërisht edhe nga vonesat e realizmit të agjendave të reformave të disa nga shtetet tjera përfituese.

Më pas, Kurti kërkoi që të votohen pikat e propozuara në rendin e ditës të kësaj seance.

“Ju ftoj sot që të votojmë miratimin e projektligjeve që të fillojmë të përfitojmë nga ky instrument. Koha nuk është burim i ripërtërishëm, kalon në të kaluarën në pakthim. Çdo vonesë e mëtutjeshme e komplikon dhe e rrezikon si përfitimin ashtu edhe zbatimin e fondeve”.

Instituti Hidrometeorologjik i Kosovës (IHMK) ka njoftuar se si pasojë e reshjeve të dendura të shiut gjatë dy ditëve të fundit, shumica e lumenjve kanë pasur ngritje, ndërsa disa prej tyre kanë dalë nga shtrati, duke shkaktuar përmbytje.

Sipas IHMK-së, aktualisht shumica e lumenjve janë në rënie të lehtë, përveç Drinit të Bardhë, Sitnicës, Moravës, Binçës dhe Lepencit, të cilët kanë ngritje të lehtë.

“Shumica e lumenjve në Kosovë gjatë dy ditëve kanë pësuar ngritje, ku disa prej tyre në disa segmente, kanë dalë nga shtrati dhe kanë shkaktuar përmbytje. Aktualisht shumica janë në rënie të lehtë, pos Drinit Bardhë, Sitnicës, Moravës e Binçës, Lepencit, që kanë ngritje të lehtë”, është thënë në njoftimin e IHMK-së.

Në disa vende të Kosovës është raportuar për përmbytje gjatë të martës. Si pasojë e paralajmërimeve për përmbytje, në Prishtinë u anulua procesi mësimor.

Kryetari i Kuvendit të Kosovës, Dimal Basha, ka deklaruar se thirrja e seancës së jashtëzakonshme për çështjen e buxhetit për vitin 2026 si dhe ratifikimin e marrëveshjeve ndërkombëtare nuk është politike, por nevojë e domosdoshme për miratimin e tyre.

Ai në fillim të seancës tha se qytetarët nuk e meritojnë që për shkak të inateve politike të humbin miliona euro në kuadër të Planit të Rritjes së Bashkimit Evropian.

Mirëpo, Basha tha se nuk ka gjetur mirëkuptim te partitë parlamentare në Kuvend që të themelohen komisionet parlamentare, të miratohen marrëveshjet ndërkombëtare, raporti për RTK-në si dhe të shqyrtohet projekt-buxheti për vitin 2026.

“Fatkeqësisht këtë mirëkuptim nuk e kam gjetur te një pjesë e grupeve parlamentare dhe Kuvendi ka mbetur pa e trajtuar asnjë nga çështjet e mësipërme. Të dashur kolegë, duke marrë parasysh se sot kemi votimin e qeverisë dhe të gjitha subjektet politike janë deklaruar se nuk do të votojnë mandatarin e dytë, atëherë për mua ka qenë e arsyeshme të mbështes thirrjen edhe të një seance të jashtëzakonshme për të trajtuar nga ky Kuvend këto çështje kaq me rëndësi për qytetarët. Me mirëkuptimin e të gjithë deputetëve unë jam i gatshëm që sa më parë të thërras një mbledhje të kryesisë dhe bashkë me përfaqësuesit e subjekteve politike të procedojmë në themelimin e së paku katër komisioneve parlamentare të përhershme”, thekson ai.

Basha tha se çështjet e kësaj seance nuk janë politike, por nevojë e qytetarëve.

“Çështjet e kësaj seance nuk kanë të bëjnë me veprime politike, andaj edhe një herë i bëj thirrje të gjitha subjekteve politike që t’i analizojnë me maturi dhe në kontekst të rrethanave shtetërore ku gjendemi dhe pritjeve të qytetarëve tanë, të cilët nuk e meritojnë të pamundësojnë votimin e këtyre ligjeve jetike për shkak të inateve politike”, thekson ai.

Deputeti i Lëvizjes Vetëvendosje, Agim Bahtiri e ai i PDK-së, Përparim Gruda, janë përplasur në seancën e jashtëzakonshme për votimin e buxhetit për vitin 2026.

Bahtiri e ka akuzuar Grudën e PDK-së për lidhjet me Listën Serbe, pas fjalimit të tij kundër votimit për formimin e komisioneve parlamenatre.

Bahtiri e akuzoi Grudën duke thënë se është duke ndjekur politika të Listës Serbe për t’i lënë punëtorët pa paga me rastin e mos votimit të buxhetit.

“Zotëri Gruda a e ke vet Listën Serbe që ke ardhë këtu”, iu drejtua me tone të larta Bahtiri Grudës.

Deputeti i PDK-së mohoi lidhjet e tij, duke iu thënë Bahtirit se nuk e njeh atë.

“Ti nuk e din se kush jam unë”, i tha Gruda, meqë rast Bahtiri vazhdoi me tone të larta duke insituar “E di shumë mirë se kush je ti”.

Deputeti i PDK-së, Perparim Gruda, sot në “seancën” e thirrur nga Lëvizja Vetëvendosje ka bërë sqarimet dhe dallimet në mes të qeverisë në dorëheqje dhe qeverisë në detyrë.

Gruda ka thënë se Qeveria në detyrë s’mund të propozojë miratim projektligjesh, meqë s’ka lidhje në mes të Kuvendit aktual dhe qeverisë së dalë nga legjislatura e kaluar.

Pas fjalës së Grudës ka reaguar edhe nënkryetarja e Kuvendit dhe ish-ministrja e Drejtësisë, Albulena Haxhiu,

Sipas Haxhiut, Gruda s’e ka lexuar paragrafin 5 të nenit 31, për përfundimin e mandatit të qeverisë.

Gruda e ka sfiduar Haxhiun, duke i thënë se nëse del ashtu siç thotë ajo, ai do ta dorëzojë mandatin e deputetit.

“Me pasë një vend një ministre që s’i dallon kufizimet prej përjashtimeve në ligj, është e tmerrshme. Kufizimet thotë vlen. Nëse e gjeni një jurist në vend që e thotë këtë që po e thotë ministrja, unë premtim publik e dorëzoj mandatin”, ka deklaruar Gruda.