Blog

Tashmë në Presidencë ka arritur edhe kryetari i LDK-së, Lumir Abdixhiku, ai i AAK-së, Ramush Haradinaj, i Listës Guxo, Faton Peci dhe i Alternativës, Mimoza Kusari-Lila.

Pak kohë më parë në sallën ku do të mbahet takimi ka shkuar edhe kryetari i sapozgjedhur i PDK-së, Bedri Hamza.

Ky takim i thirrur nga e para e shtetit u bë pasi që në seancën e 19 nëntorit, Glauk Konjufca si mandatar i dytë i Lëvizjes Vetëvendosje nuk ka arritur që të sigurojë votat e mjaftueshme, dhe kësisoj të formojë Qeverinë e Kosovës.

Emilija Rexhepi nga Partia e Re Demokratike (NDS) i ka shkuar në takim presidentes Vjosa Osmani për të diskutuar për datën e zgjedhjeve të jashtëzakonshme nacionale.

Në një paraqitje për media para takimit ajo ka preferuar datën 28 dhjetor për mbajtjen e zgjedhjeve të reja nacionale.

Kurse Bedri Hamza, kryetari i PDK-së, tha se 21 dhjetori është data që partia e tij preferon të jetë për zgjedhje.

Për pak minuta pritet të fillojë takimi i presidentës së vendit Vjosa Osmani me përfaqësues të partive politike, ku dhe pritet të caktohet data e zgjedhjeve të jashtëzakonshme.

Në takim tashmë ka arriutur kryetari i Partisë Demokratike të Kosovës Bedri Hamza.

Ndryshe pjesmarrjen në takim e kanë konfirmuar dhe përfaqësues të partive të tjera. Ndërsa takimi është paraparë të fillojë në orën 10:30.

U.d. i Kryeprokurorit të Shtetit, Besim Kelmendi është përplasur me zëvendëskryesuesën e Këshillit Prokurorial, Jehona Grantolli, pas propozimit të saj për vendosjen në rend të ditës të shkarkimit nga detyra të ushtruesit të detyrës së Kryeprokurorit.

Pasi Grantolli propozoi shkarkimin e u.d. të Kryeprokurorit, Kelmendi tha se ekziston një plan për shkarkimin e tij.

“Sot, nga zëvendëskryesuesja e Këshillit Prokurorial doli një propozim i saj, të cilin kjo e lexoi por nuk e di kush ia ka shkruar. Ndoshta ia ka shkruar ai që është zëdhënësi i tyre në media”, tha Kelmendi.

Kelmendi e akuzoi Grantollin se është pjesë e një grupi të interesit që ka planifikuar shkarkimin e tij.

“Ju keni konflikt të pastër interesi me mua. Nëse kërkesat e juaja nuk aprovohen nga ana ime, ju jeni në konflikt të pastër interesi me mua”, u lëshua Kelmendi në akuza ndaj Grantollit.

Sipas Kelmendit, ekziston një plan për shkarkimin e tij.

“Ky është plan sepse dëshirojnë ta kenë një njeri të cilin kanë interes ta kenë. Dëshirojnë ta kenë njeriun i cili dje në seancën ku jam ftuar si dëshmitar, ai ka qenë dy herë për të shikuar mirë a kam qenë unë, për të dëgjuar a po flas, çka po flas”, tha Kelmendi. “Ju e dini të gjithë, unë kam dhënë një deklaratë dje në cilësinë e dëshmitarit për një rast shumë të rëndësishëm të Kosovës. Kjo është një lojë e një grupi të cilin e përfaqëson zv/kryesuesja”.

Jehona Grantolli, zëvendëskryesuese e Këshillit Prokurorial, tha sot se kërkesa për shkarkimin e Kelmendit vjen pas zhvillimeve të fundit dhe përfshirjes së Kelmendit në një aferë publike rreth së kaluarës së tij.

Kelmendi, të mërkurën dëshmoi në Prokurorinë Speciale në cilësinë e dëshmitarit për rastin e masakrës së Reçakut. Ai, në një konferencë për media të mërkurën, e ka pranuar se ka punuar deri në vitin 1999 në Gjykatën e Qarkut në Prishtinë në pozitën e bashkëpunëtorit profesional.

Xhafer Tahiri ka njoftuar sot dorëheqjen nga detyra e kryetarit të Degës së Lidhjes Demokratike të Kosovës (LDK) në Vushtrri.

Tahiri tha se ky vendim është marrë “me shumë dashamirësi, reflektim dhe përgjegjësi të thellë politike”, duke theksuar se nuk vjen as nga lodhja e as nga zhgënjimi, por nga dëshira për t’i hapur rrugë energjive të reja brenda degës së LDK-së.

“Besoj se udhëheqja duhet të dijë jo vetëm kur të prijë, por edhe kur të hapë rrugë për një kapitull tjetër të LDK-së në Vushtrri”, u shpreh ai.

Tahiri kujtoi rrugëtimin e tij politik që nga viti 2009, kur mori drejtimin e FRLDK-së në Vushtrri e më vonë në nivel qendror, si dhe periudhën 2017–2021 kur shërbeu si Kryetar i Komunës së Vushtrrisë, të cilën e cilësoi si “nderi i jetës sime”.

“Vendimi për dorëheqje është një hap prapa vetëm në pozicion, por jo në angazhim. Në Kryesinë Qendrore dhe në Këshillin e Përgjithshëm të LDK-së do të vazhdoj të punoj me të njëjtin përkushtim për Vushtrrinë, për LDK-në e fortë e fituese dhe për të ardhmen tonë të përbashkët në atdheun tonë”, shkroi Tahiri në profilin e tij në Facebook.

Presidenti rus, Vladimir Putin, i është drejtuar publikut pasi kaloi një natë në spital kohët e fundit, duke thënë se është në gjendje “të shkëlqyer shëndetësore”.

Ndërsa vizitoi një ekspozitë në Moskë, ai konfirmoi se i ishte nënshtruar një ekzaminimi mjekësor që përfshinte edhe një qëndrim një natë në spital.

“Falë Zotit, gjithçka ishte mirë”, shtoi Putin. Ai shpjegoi se ishte një kontroll dy-ditor, u shtrua në spital një pasdite dhe u lirua të nesërmen.

Ky episod, megjithatë, është vetëm i fundit në një seri spekulimesh që kanë nxitur spekulime të gjata rreth shëndetit të udhëheqësit rus.

Putin talked about his health condition

‘I just underwent an annual check-up, it took me almost two days with an overnight stay at the clinic. I arrived there in the afternoon and left the next day. Thank God, everything is fine.’
– SK pic.twitter.com/W7dAx3HH6W

— Zlatti71 (@Zlatti_71) November 19, 2025

Nëntorin e kaluar, gjatë qëndrimit të tij në Astana të Kazakistanit, vëmendja u tërhoq nga lëvizjet e pazakonta të këmbëve të tij.

Duke komentuar pamjet për Daily Express, Dr. Bob Berookhim, një urolog nga Nju Jorku, tha se lëvizje të tilla mund të tregojnë disa gjendje shëndetësore, duke përfshirë sëmundjen e Parkinsonit dhe sëmundje të tjera neurologjike.

Putin's feet during his meeting with Lukashenko.

Is this Morse code? pic.twitter.com/eRmvSBDQOn

— Anton Gerashchenko (@Gerashchenko_en) February 17, 2023

Donald Trump ka nënshkruar një projektligj që kërkon nga Departamenti i Drejtësisë të publikojë të gjitha dokumentet e paklasifikuara që lidhen me Jeffery Epstein. Ligji u miratua me mbështetje të gjerë në Kongres: në Dhomën e Përfaqësuesve pati 427 vota pro dhe vetëm një kundër, ndërsa Senati e miratoi çështjen me konsensus të plotë.

Kjo lëvizje vjen pas një përpjekjeje politike për më shumë transparencë ndaj skandalit që ka shokuar SHBA-në. Ligjvënësit, përfshirë republikanin Thomas Massie dhe demokratin Ro Khanna, kërkuan që Trump të lejonte publikimin e dokumenteve, duke argumentuar se qytetarët kanë të drejtë të dinë të vërtetën. Massie madje tha se Trump mund ta kishte bërë këtë pa një votim në Kongres, por tani që ligji është miratuar, presidenti e ka falenderuar.

Në një postim në rrjetin e tij social, Trump deklaroi se nuk ka “asgjë për të fshehur”, dhe akuzoi figurat politike demokrate si Bill Clinton, Hakeem Jeffries dhe Stacey Plaskett se ishin të lidhur me Epstein. Ai tha se Epstein kishte lidhje të forta me shumë prej tyre dhe e paraqiti nënshkrimin si një hap për drejtësi dhe transparencë.

Dokumentet që pritet të publikohen përfshijnë raportime dhe dosje që hedhin dritë mbi veprimtaritë e Epstein dhe lidhjet e tij me figura të njohura publike. Ky zhvillim mund të sjellë zbulime të reja dhe të thellojë debatet politike dhe publike për skandalin Epstein.