Blog

Kryetari i Nismës Socialdemokrate, Fatmir Limaj, ka thënë se është e dëmshme për vendin që është shpërbërë legjislatura e nëntë e Kuvendit të Kosovës.

Në një konferencë për media pas takimit me presidenten Vjosa Osmani, ai ka theksuar se qytetarët duhet të dënojnë në zgjedhjet e jashtëzakonshme ata që nuk formuan institucionet e reja të vendit.

“Po përfundon ky cikël nëntë mujor, pasi presidentja e ka shpërndarë parlamentin. Besoj se është një lajm i keq, këto forca politike të Kosovës e kanë dëshmuar se nuk kanë pjekuri politike për të ndërtuar marrëveshje, për të përmbushur kërkesat e qytetarëve, për t’u ulur e bashkëbiseduar dhe për t’i dhënë vendit institucione”.

“Kjo tregon paaftësi, pa pjekuri dhe panjohuri se si ndërtohet shteti dhe institucionet dhe si funksionohet. Shpresoj se qytetarët në zgjedhjet që vijnë do t’i kërkojnë llogari përgjegjësve kryesorë të moskonstituimit të institucioneve të Kosovës”, ka thënë Limaj.

Presidentja e Kosovës, Vjosa Osmani, ka nënshkruar vendimin për shpërndarjen e Kuvendit të Kosovës, pak minuta pas takimit të thirrur me liderët e partive politike parlamentare.

Kryetari i PDK-së, Bedri Hamza, pas takimit me presidenten, Vjosa Osmani, deklaroi se në takim janë diskutuar datat e mundshme për zgjedhje, ndërsa tha se për PDK-në data 21 dhjetor është më e pranueshme.

“Kemi diskutuar për datat e mundshme, ne si PDK kemi kërkuar që data 21 të jetë për mbajtjen e zgjedhjeve”, tha ai.

Gjithashtu, ai deklaroi se si datë tjetër është përmendur edhe 28 dhjetori.

“Jam optimist që pas zgjedhjeve do të kemi një qeveri funksionale”, deklaroi ai.

Në Ambasadën e Republikës së Kosovës në Berlin, u mbajt ceremonia e përfundimit të akademisë ushtarake tre vjeçare në Republikën Federale të Gjermanisë të katër kadetëve të FSK-së.

Oficerët më të rinj të Forcës së Sigurisë së Kosovës që diplomuan me sukses të lartë ishin: Nëntoger Shumëzim Karaqica, drejtimi ushtarak Logjistike/Mirëmbajtje, Nëntoger Arton Xhemajli në drejtimin ushtarak Logjistikë/ Furnizim, Nëntoger Xheladin Kurtaj në drejtimin ushtarak Xhenio Luftarake dhe Nëntoger Fatlum Agushi në drejtimin ushtarak IT ushtarake.

Në këtë ceremoni morën pjesë përfaqësues të Ministrisë së Mbrojtjes, Forcës së Sigurisë së Kosovës, Ministrisë Federale të Mbrojtjes së Gjermanisë, Forcave të Armatosura Gjermane (Bundeswehr), stafi i Ambasadës së Republikës së Kosovës, familjarë të kadetëve, mysafirë të nderit.

Me fjalë rasti u adresuan Atasheu i Mbrojtjes Kolonel Bekim Zejnullahu, Drejtori i Departamentit për bashkëpunim ndërkombëtar nga Ministria e Mbrojtjes, Kolonel Ahmet Ajeti si dhe shefi i departamentit për bashkëpunim ndërkombëtar të Forcave të Armatosura Gjermane (Bundesëehr) Kolonel Christian Schmidt.

Me këtë rast u vlerësua mbështetja e vazhdueshme e Ministrisë së Mbrojtjes/Ushtrisë Gjermane në arsimimin dhe trajnimin e oficereve të FSK-së si dhe vlerës që i japim partneritetit me Forcat e Armatosura Gjermane.“Bashkëpunimi midis Republikës së Kosovës dhe Republikës Federale të Gjermanisë, gjatë viteve ka luajtur një rol vendimtar në forcimin e kapaciteteve dhe profesionalizmit të Forcës së Sigurisë së Kosovës. Sot oficerët tanë të sapo emëruar, bashkohen me trupën e oficerëve të FSK-së – të përgatitur, të aftë dhe të denjë për të udhëhequr trupat tona me nder, integritet dhe përkushtim”, njofton Ambasada e Republikës së Kosovës në Gjermani.

Presidentja e Kosovës, Vjosa Osmani, ka nënshkruar vendimin për shpërndarjen e Kuvendit të Kosovës, pak minuta pas takimit të thirrur me liderët e partive politike parlamentare.

Këtë e bëri të ditur kryetari i GUXO, Faton Peci pas takimit, duke thënë se Osmani nuk pati zgjidhje tjetër veçse të firmoste shpërndarjen e Kuvendit.

Ky veprim erdhi pasi edhe mandatari i dytë i propozuar nga Lëvizja Vetëvendosje, Glauk Konjufca, dështoi të sigurojë votat e nevojshme për formimin e qeverisë, duke përmbyllur kështu të gjitha afatet kushtetuese për krijimin e institucioneve pas zgjedhjeve të 26 tetorit.

Pas shpërndarjes së Kuvendit, sipas Kushtetutës, presidentja është e obliguar të caktojë datën e zgjedhjeve të jashtëzakonshme brenda 40 ditësh.

Osmani tashmë ka zhvilluar konsultimet me përfaqësuesit e partive, të cilët kanë shprehur data 21 dhe 28 dhejtor si të preferuara për mbajtjen e zgjedhjeve.

Me nënshkrimin e vendimit, vendi hyn zyrtarisht në proces zgjedhor, ndërsa institucionet aktuale do të vazhdojnë punën në kapacitet të kufizuar deri në formimin e qeverisë së re.

Kryetari i Aleancës për Ardhmërinë e Kosovës, Ramush Haradinaj, ka thënë se data më e mirë për mbajtjen e zgjedhjeve është 21 dhjetori.

Në një konferencë për media pas takimit me presidenten Vjosa Osmani, ai tha se mbajtja e zgjedhjeve më 28 dhjetor është një ofendim për qytetarët pasi të gjithë janë në pushime dimërore.

Ai madje kritikoi Glauk Konjufcën që priti 15 ditë, kur veç e dinte që nuk i kishte numrat.

“Koha ka kaluar, kemi ardhur në ditën e sotme. Unë kam shprehur kritikë për mandatarin e dytë pse me prit 15 ditë. Ka mujt një javë nëse e ka ditë që si ka votat. S’ka pas arsye mu thirr seanca ditën e fundit, pse se kanë thirrë para një jave, në mënyrë që të ketë mundësi koordinimi”, tha Haradinaj.

Në zgjedhjet e ardhshme ai tha se qëndrimi i AAK-së nuk ndryshon, janë për qeveri të opozitës.

“Ne qëndrojmë për qeveri të opozitës, kjo nuk ndryshon. Kemi bërë përpjekje të vazhdueshme që opozita ta gjeje një formulë për të ecur përpara. Besoj që shumë zhvillime e ka rënduar jetën e qytetarëve, janë tepër serioze. Duhet të reflektojmë, secili nga ne. S’ka të bëjë me vija të kuqe, por duhet të reflektojmë. Nuk e kemi lluksin që pas zgjedhjeve të ardhshme me u sjell sikur tash”, tha Haradinaj.

Faton Peci, nga GUXO, ka thënë se ata preferojnë datën 28 dhjetor për mbajtjen e zgjedhje të jashtëzakonshme parlamentare.

Këto deklarata ai i dha pas takimit me presidenten Vjosa Osmanin, dhe liderët e tjerë të partive politike.

‘’Pat diskutime të ndryshme se kur është opsioni më optimal dhe më i favorshëm për qytetarët e Kosovës. Ne si GUXO kemi mbrojte qëndrimin se mes datës 21 dhjetor dhe 28 dhjetor, kemi preferuar datën 28. Arsyeje janë të thjeshta, për shkak se KQZ ende nuk ka certifikuar rezultatet e zgjedhjeve lokale,.

Për shkak të nevojës të kemi koordinimin dhe përgatitje më të mirë të KQZ edhe të partive, dhe njëkohësisht dhe për nevojën e organizimi t më të mirë në nivelë të ambasadave dhe të konsullatave në vende të BE’, SHBA’së. Ky është propozimi jonë.

Ne mendojmë se data më e favorshmja, më e përshtatshmja, për qytetarin, për mërgatën, për institucionin, është data 28 dhjetor’’, ka deklaruar ai.

Shefja e Politikës së Jashtme të BE-së, Kaja Kallas, ka reaguar pas qarkullimit të lajmeve se ShBA-ja dhe Rusia kanë hartuar një plan për fundin e luftës në Ukrainë, i cili do të kërkonte kapitullimin e Kievit.

Kallas ka deklaruar çdo plan paqeje për Ukrainën kërkon mbështetjen e Kievit dhe Evropës.

Drafti i planit, i cili thuhet se u zhvillua nga i dërguari i Donald Trumpit, Steve Ëitkoff, dhe këshilltari i Kremlinit Kirill Dmitriev, do të detyronte masa “drakoniane” mbi Ukrainën që do t’i jepnin Rusisë kontroll të paparë mbi sovranitetin ushtarak dhe politik të vendit. Plani ka të ngjarë të shihet si dorëzim nga Kievi zyrtar, raporton The Guardian.

Financial Times dhe Reuters raportuan se propozimi do t’i kërkonte Ukrainës të dorëzonte territorin që kontrollon në lindje të vendit dhe të përgjysmonte madhësinë e ushtrisë së saj, kushte që presidenti ukrainas, Volodymyr Zelensky, në të kaluarën i ka quajtur të papranueshme. Kushte të tjera përfshijnë kufizimin e ndihmës ushtarake amerikane dhe kategoritë e armatimeve të përdorura nga ushtria ukrainase.

Kancelari gjerman, Friedrich Merz, ka premtuar se Gjermania do të pajisë Ukrainën me sisteme armësh me rreze të gjatë veprimi, megjithëse nuk dha një përgjigje të drejtpërdrejtë për furnizimin me raketa Taurus.

Kur u pyet lidhur me këtë çështje, Merz tha: “Në muajt e fundit, ne kemi punuar intensivisht me qeverinë ukrainase në projekte që teknikisht i quajmë zjarr me rreze të gjatë veprimi. Ushtria ukrainase do të pajiset me sisteme të tilla armësh.”

Ai shtoi se Gjermania dhe Ukraina kanë rënë dakord të mos diskutojnë më publikisht detajet, pasi duan që “pala ruse të ketë një shkallë pasigurie në lidhje me fushëveprimin e mbështetjes sonë ushtarake”.

Merz theksoi se Gjermania “po bën gjithçka që është e mundur për të pajisur ushtrinë ukrainase me sisteme armësh që posedojnë rreze të mjaftueshme veprimi”.

Ai gjithashtu shtoi: “Kjo sasi do të rritet në javët dhe muajt e ardhshëm, nëse është e nevojshme, derisa sisteme të tilla armësh të prodhohen edhe në Ukrainë.”

Ka përfunduar takimi i presidentes Vjosa Osmani me liderët e partive politike.

Takimi në fjalë ka filluar rreth orës 10:30 dhe në të është diskutuar për datën e mundshme për mbajtjen e zgjedhjeve të jashtëzakonshme.

Në takim ishin të gjithë liderët e partive politike në vend.