ATV

Blog

  • Arrin në 33 numri i viktimave nga sulmet e reja në Gaza

    Arrin në 33 numri i viktimave nga sulmet e reja në Gaza

    Disa sulme ajrore izraelite në qytetin jugor të Gazës, Khan Younis, si dhe në Qytetin e Gazës herët të enjten, kanë çuar numrin e të vdekurve në territorin palestinez gjatë një periudhe afërsisht 12-orëshe në 33 persona.

    Sulmet kanë qenë ndër më vdekjeprurëset që nga 10 tetori, kur kishte hyrë në fuqi armëpushimi i ndërmjetësuar nga SHBA-ja. Rikthimi i përshkallëzimit ka ndodhur pasi Izraeli njoftoi se ushtarët e tij u qëlluan në Khan Younis të mërkurën. Sipas ushtrisë izraelite, asnjë ushtar nuk është vrarë, ndërsa përgjigjja ka qenë sulme ajrore.

    Katër sulme ajrore izraelite në tendat që strehonin njerëz të zhvendosur në Khan Younis vonë të mërkurën dhe herët të enjten vranë 17 persona, përfshirë pesë gra dhe pesë fëmijë, sipas zyrtarëve në Spitalin Nasser.

    Në Qytetin e Gazës, dy sulme ajrore në një ndërtesë vranë 16 persona, përfshirë shtatë fëmijë dhe tre gra, sipas zyrtarëve në spitalin Al-Shifa në pjesën veriore të qytetit, ku u morën trupat.

    Grupi militant Hamas ka dënuar sulmet izraelite si një “masakër tronditëse”. Në një deklaratë, Hamasi mohoi gjithashtu të ketë qëlluar drejt trupave izraelite.

  • Teknologjitë që “lexojnë mendjen”: nga laboratorët deri te realiteti

    Teknologjitë që “lexojnë mendjen”: nga laboratorët deri te realiteti

    Teknologjia që synon të interpretojë aktivitetin e trurit njerëzor ka bërë hapa të jashtëzakonshëm gjatë viteve të fundit. Pajisjet Brain-Computer Interface (BCI) dhe sistemet që përdorin EEG apo fMRI mund të zbulojnë modele neurale të lidhura me lëvizje, fjalë të menduara dhe deri diku me emocionet. Kjo i ka sjellë shkencës mundësi të reja për komunikim, mjekësi dhe jetën e përditshme.

    Eksperimentet e para u fokusuan tek përdorimi i sinjaleve neurale për të kontrolluar kompjuterë ose robotë. Sot, teknologjia ka avancuar aq sa disa pajisje mund të interpretojnë fjalët e brendshme të individëve me një saktësi rreth 70-75%, siç tregojnë studime të Stanford dhe ekipeve të tjera kërkimore. Në raste praktike, pacientët me paralizë mund të përdorin implante BCI për të komunikuar, duke kthyer mendimet e tyre në fjalë të shqiptuara.

    Për përdoruesit e zakonshëm, ekzistojnë pajisje jo-invazive, si sistemi i zhvilluar nga Universiteti i Teknologjisë Sydney, që kombinon EEG me algoritme AI për të interpretuar “mendimet e heshtura” dhe t’i konvertojë në tekst. Një tjetër shembull është AlterEgo, një pajisje wearable e MIT Media Lab që kap aktivitetin muskulor rreth fytit për të zbuluar fjalët e menduara, duke mundësuar komunikim pa folur. Megjithatë, këto teknologji nuk lexojnë çdo mendim, ato interpretojnë sinjale të kufizuara dhe kanë saktësi të ndryshme, varësisht nga përdoruesi dhe pajisja.

    Edhe pse këto zhvillime janë reale, ato ngjallin pyetje etike dhe ligjore. Privatësia mendore mbetet shqetësim i madh: kush ka qasje tek sinjalet e trurit dhe si ruhen ato? Pajisjet invazive sjellin rreziqe mjekësore, ndërsa teknologjitë jo-invazive ende nuk ofrojnë interpretim të plotë të mendimeve. Ekspertët theksojnë nevojën për rregullime të qarta dhe masa mbrojtjeje për përdoruesit.

    Megjithatë, për disa fusha specifike, këto teknologji janë tashmë revolucionare. Pacientët që nuk mund të flasin përdorin implante BCI për të komunikuar, lojtarët e realitetit virtual mund të kontrollojnë karaktere me mendimet e tyre, dhe wearable si AlterEgo po hapin rrugën për komunikim më intuitiv me pajisjet digjitale.

    Në fund, teknologjitë që “lexojnë mendjen” janë një realitet pjesërisht i premtueshëm dhe pjesërisht eksperimental. Ato ofrojnë mundësi të jashtëzakonshme për njerëzit dhe shoqërinë, por kërkojnë kujdes, etikë dhe kontroll të rreptë. E ardhmja e neuro-teknologjisë premton të ndryshojë mënyrën se si komunikojmë dhe kuptojmë njëri-tjetrin hap pas hapi, me përgjegjësi dhe vëmendje ndaj kufizimeve dhe rreziqeve.

  • Aktori Kevin Spacey dikur i akuzuar për sulm seksual, ka mbetur i pa shtëpi

    Aktori Kevin Spacey dikur i akuzuar për sulm seksual, ka mbetur i pa shtëpi

    Aktori i njohur, tashmë famëkeq Kevin Spacey, ka bërë një rrëfim tronditës në intervistën e fundit, sipas tij ai është pa strehë dhe po bën një jetë “nomade” midis hoteleve dhe AirbnB-ve.

    Ai tregon se humbja e shtëpisë së tij në Baltimore erdhi për shkak të shpenzimeve gjyqësore që janë bërë “astronomike” gjatë viteve të fundit. Spacey pohon se megjithëse është liruar nga akuzat për sulm seksual, rrënojat financiare kanë vënë një pengesë serioze në karrierën e tij.

    Aktori shprehet se ka ende shpresë për t’u rikthyer në industrinë filmike, sipas tij mjafton që një regjisori i madh si Martin Scorsese ose Quentin Tarantino ta telefonojë menaxherin e tij, dhe karriera mund t’i rilindë.

  • Një Rolex i vitit 1953 shitet për mbi 5 milionë euro në ankand

    Një Rolex i vitit 1953 shitet për mbi 5 milionë euro në ankand

    Një Rolex jashtëzakonisht i rrallë, referenca 6062 nga viti 1953, u shit për 5.33 milionë euro në ankandin e Monaco Legend, duke u bërë Rolex-i i tretë më i shtrenjtë i shitur ndonjëherë.

    Modeli 6062, me kalendar të trefishtë, fazat e hënës dhe kuti prej ari 18k, është një nga orët më ikonike dhe më të rralla të Rolex-it, me rreth 350 njësi të prodhuara.

    Shembulli i shitur është i veçantë për dial-in me diamante, një konfigurim shumë i kërkuar nga koleksionistët. Ora ka edhe histori të rëndësishme, duke qenë pjesë e ankandeve të njohura dhe e dokumentuar në literaturën e orëve vintage.

    Gjendja e shkëlqyer, rariteti dhe origjinaliteti i saj e kthyen në yllin e ankandit, duke tërhequr interes të jashtëzakonshëm nga koleksionistët.

  • “Si po ndikojnë rrjetet sociale në mendimin publik dhe demokracinë”

    “Si po ndikojnë rrjetet sociale në mendimin publik dhe demokracinë”

    Në epokën e informacionit digjital, rrjetet sociale kanë ndryshuar thelbësisht mënyrën se si qytetarët perceptojnë lajmet, formojnë opinionin dhe marrin pjesë në diskutime publike. Facebook, Threads, Instagram dhe TikTok nuk janë më thjesht platforma për komunikim personal; ato janë hapësira ku çdo individ mund të bëhet një “media e vogël”, duke ndikuar tek miqtë, familjarët dhe tek debati publik në përgjithësi.

    Informacioni që zgjon emocione shpërndahet më shpejt se faktet. Hashtag-et, sondazhet online dhe fushatat virale mund të mobilizojnë qytetarët, të ndikojnë votime dhe të sfidojnë politikat ekzistuese. Në Kosovë, po ndodh e njëjta gjë: rrjetet sociale po ndryshojnë mënyrën se si qytetarët diskutojnë çështje politike dhe sociale, duke u dhënë një zë atyre që ndryshe mund të mos dëgjohej.

    Megjithatë, kjo hapësirë e re sjell edhe sfida. Informacioni shpesh mund të jetë i pasaktë ose i polarizuar, dhe ndikimi i algoritmeve mund të deformojë perceptimin e realitetit. Qytetarët përfitojnë mundësinë për të marrë pjesë aktive dhe për të informuar të tjerët në kohë reale, ndërsa politikanët dhe institucionet përballen me sfidën e komunikimit të drejtpërdrejtë, luftën kundër dezinformatave dhe nevojën për të ndërtuar besim. Edukimi për përdorim të përgjegjshëm të informacionit është bërë më i rëndësishëm se kurrë.

    Ekspertët parashikojnë se rrjetet sociale nuk do të zëvendësojnë median tradicionale, por do të bashkëjetojnë me të, duke krijuar një ekuilibër midis pjesëmarrjes qytetare dhe informimit profesional. Demokracia e së ardhmes mund të jetë një kombinim i transparencës, kontrollit të informacionit dhe përgjegjësisë qytetare, ku zëri i çdo individi ka potencialin të ndikojë, por vetëm nëse përdoret me ndërgjegje.

  • Filmi i fundit i “Trilogjisë së Proletariatit” shfaqet të premten në Kino Lumbardhi, Prizren

    Filmi i fundit i “Trilogjisë së Proletariatit” shfaqet të premten në Kino Lumbardhi, Prizren

    Këtë të premte, në DokuKino të Kino Lumbardhit në Prizren, do të shfaqet filmi i tretë dhe përmbyllës i programit “Trilogjia e Proletariatit”, duke finalizuar ciklin e nëntorit.

    Filmi rrëfen udhëtimin e një njeriu që përpiqet t’i largohet një sistemi të rrënuar, duke bartur vetëm borxhet, lodhjen dhe një ide të turbullt për lirinë. Gjatë rrugës ai takon njerëz të tjerë të zhgënjyer nga premtimet e progresit, të cilët mbështeten te humori dhe dashuria për të ruajtur shpresën.

    Rrugëtimi i tij kthehet në një portret të zhgënjimit kolektiv, por edhe të qëndresës njerëzore. Mes varfërisë dhe absurditetit, mbetet i gjallë një impuls i vogël utopik – një besim se jeta mund të marrë një drejtim tjetër.

    Shfaqja është pjesë e programit filmik të Lumbardhit, që vazhdon të sjellë reflektime të thella mbi realitetet shoqërore bashkëkohore.

  • Prokuroria kërkon paraburgim për italianen, e dyshuar për transportim të narkotikëve dhe falsifikim të parasë

    Prokuroria kërkon paraburgim për italianen, e dyshuar për transportim të narkotikëve dhe falsifikim të parasë

    Prokuroria Themelore në Ferizaj, ka njoftuar ka kërkuar, caktimin e masës së paraburgimit në afat prej 30 ditësh ndaj të dyshuarës: D.G.E, shtetase italiane, për shkak të dyshimit të veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge” dhe “Falsifikimi i parasë”.

    Sipas Prokurorisë, ekziston dyshimi i bazuar se më datë 19.11.2025, rreth orës 10:30, në pikën kufitare Hani i Elezit, në hyrje të Kosovës, e pandehura, pa autorizim ka transportuar substanca dhe preparate të cilat me ligj janë shpallur si narkotikë, substanca psikotrope ose analoge me qëllim të shpërndarjes, në atë mënyrë që nga Njësia anti-kontrabandë e Doganës, në bashkëpunim me policinë kufitare pas kontrollit në vijë të dytë të autobusit nga Shkupi, konkretisht pas kontrollit të valixhes së udhëtares –tani të pandehurës, tek e njëjta kanë gjetur katër (4) qese me pluhur të bardhë dhe atë dy qese najloni me substancë narkotike të llojit.

    Methaphetamin, me peshë 24.93 gram, një qese najloni me substancë të dyshuar narkotike të llojit Mephodrone (MMC) me peshë totale 4.20 gram, një qese najloni me substancë të dyshuar narkotike pluhur i bardhë lloji i papërcaktuar, me peshë totale 1.78 gram, një shishe qelqi me likuid e dyshuar substancë narkotike e llojit Gamma Butyrolactone (GBL), me peshë totale 83.96 gram, një shishe qelqi me likuid e dyshuar për substancë narkotike të llojit Gamma Butyrolactone (GBL), me peshë totale 74.84 gram dhe një epruvetë qelqi për tymosje të drogave, të cilat i ka transportuar nga shteti i Polonisë, me ç’ rast të njëjtat sekuestrohen nga policia.

    Po ashtu, për të njëjtën ekziston dyshimi i bazuar se në të njëjtën ditë, duke ditur se paratë në vlerë 200€, dhe atë dy kartëmonedha nga 100€ janë të falsifikuara, të njëjtat i posedon me qëllim të vënies në qarkullim si të vërteta në Kosovë, në atë mënyrë që kartëmonedhat në fjalë i gjenden nga Njësia Anti-kontrabandë e Doganës, në bashkëpunim me policinë kufitare pas kontrollit në vijë të dytë të autobusit, konkretisht pas kontrollit të valixhes të udhëtares –tani të pandehurës, me ç’ rast kartëmonedhat janë sekuestruar nga policia.

    E pandehura që nga data 19 Nëntor 2025, me vendim të Prokurorit të Shtetit gjendet nën
    masën e ndalimit 48 orësh për veprat penale të lartëcekura.

  • Kino Armata, mes pasigurisë dhe mbështetjes së komunitetit

    Kino Armata, mes pasigurisë dhe mbështetjes së komunitetit

    Kino Armata, një nga hapësirat më të rëndësishme kulturore në Prishtinë, prej kohësh po përballet me pasiguri financiare dhe paqartësi ligjore. Megjithëse ka qenë një qendër kyçe për filmin, debatet, punëtoritë dhe festivalet si PriFest, institucioni vazhdon të funksionojë kryesisht falë mbështetjes së komunitetit dhe partnerëve të tij.

    Drejtuesja e Armatës, Rozafa Maliqi, thekson se Fondacioni Armata po operon brenda një kornize të paqartë ligjore, për shkak të mospërputhjes së afateve mes transferimit të hapësirës dhe mandatit për menaxhim. Edhe pse Ministria e Kulturës ka krijuar një komision të përkohshëm për ta mbikëqyrur situatën, zbatimi i ligjeve dhe akteve nënligjore vazhdon të mbetet i ngadalshëm.

    Sipas Maliqit, stabiliteti i kinemasë varet ende nga vullneti politik dhe mbështetja publike. Ndërkohë, Armata vazhdon programin e saj artistik, duke pritur së fundi edhe “Netët e Filmit Shqiptar”. Nesër nis cikli i filmave të shkurtër me dy projekte nga Gjilani.

    Pavarësisht vështirësive, ekipi i Armatës thekson se kinemaja nuk rrezikon mbyllje të menjëhershme, por ka nevojë urgjente për një zgjidhje afatgjatë, stabilitet financiar dhe një model të qëndrueshëm partneriteti publiko-civil.

    Kino Armata jeton falë solidaritetit të artistëve dhe publikut por për të mbijetuar, ka nevojë për më shumë sesa solidaritet: ka nevojë për siguri.

  • Samsung Galaxy: Kur teknologjia i jep prioritet privatësisë

    Samsung Galaxy: Kur teknologjia i jep prioritet privatësisë

    Në një botë ku çdo klikim monitorohet, shumë përdorues ndihen të pambrojtur ndaj mënyrës se si përdoren të dhënat e tyre. Lira, një profesioniste e re, ishte një prej tyre derisa kaloi te Samsung Galaxy.

    Ajo zbuloi se Knox Vault, kasaforta harduerike e Samsung-ut, ruan shenjat biometrike dhe fjalëkalimet në një hapësirë të izoluar, duke garantuar mbrojtje maksimale ndaj sulmeve kibernetike.

    Po aq e rëndësishme për të ishte Privacy Dashboard, që i tregon në kohë reale se cilat aplikacione përdorin kamerën, mikrofonin apo vendndodhjen. Me një klik, Lira vendos kufijtë dhe rregullat.

    Kur i duhet të ndajë dokumente të rëndësishme, ajo përdor Private Share, që i lejon të vendosë datë skadence, të bllokojë screenshot-et dhe të parandalojë ri-shpërndarjen e skedarëve.

    Samsung i jep përdoruesit kontroll të plotë dhe privatësi të vërtetë. Dhe këtë mund ta provoni vetë me Try Galaxy, që sjell eksperiencën e Galaxy direkt në telefonin tuaj aktual.

    Teknologjia është më e fuqishme kur mbron, jo kur ekspozon. Samsung Galaxy e vërteton këtë çdo ditë.

  • Courtois krahason Ancelottin dhe Xabi Alonson: “Ancelotti ishte si një baba për ne, me Xabin është ndryshe”

    Courtois krahason Ancelottin dhe Xabi Alonson: “Ancelotti ishte si një baba për ne, me Xabin është ndryshe”

    Thibaut Courtois, portieri i Real Madridit, ka folur së fundmi për ndikimin e dy trajnerëve të tij në skuadër, Carlo Ancelotti dhe Xabi Alonso, duke bërë një krahasim interesant midis tyre.

    “Ancelotti ishte si një baba për ne,” tha Courtois, duke treguar lidhjen e ngushtë dhe mbështetjen që italiani u jepte lojtarëve gjatë kohës së tij në Madrid. “Ai dinte si të menaxhonte grupin, si të motivonte lojtarët dhe gjithmonë kishte një fjalë të duhur për çdo situatë. Stili i tij ishte i veçantë dhe shumë njerëz në skuadër e ndjenin atë si një figurë prindërore.”

    Portieri belg theksoi gjithashtu se qasja e Xabi Alonson është krejt e ndryshme: “Me Xabin është ndryshe. Ai ka mënyrën e tij, shumë taktike dhe analitike. Janë dy trajnerë shumë të mirë, dhe të themi se na mungon diçka nga Carlo, do të ishte mungesë respekti ndaj Xabit. Çdo trajner ka mënyrën e vet për të udhëhequr skuadrën dhe të dy kanë dhënë kontribut të madh.”

    Courtois nënvizoi se ndryshimet midis stilesh nuk ndikojnë negativisht në skuadër, përkundrazi, i japin një dimension tjetër dhe mundësi lojtarëve të përshtaten dhe të rriten nën udhëheqjen e trajnerëve të ndryshëm. “Të dy na kanë mësuar diçka, dhe kjo e bën skuadrën më të fortë,” shtoi portieri.