Blog

Kryetari i AAK-së, Ramush Haradinaj, iu drejtua sot mërgatës kosovare me një mesazh të qartë për festat e fundvitit, duke thënë se vizitat tradicionale familjare do të shoqërohen edhe me një angazhim për zhvillimin e vendit.

Në një postim në Facebook, Haradinaj theksoi se zgjedhjet e jashtëzakonshme të Kosovës, pretendojnë të kthejnë vendin “në binarët e normalitetit”.

Ai u shpreh kundër ndarjes së mjeteve financiare, siç i quan ai të vogla, të dara nga qeveria në detyrë, siç janë shpërblimet simbolike prej 100 eurosh, duke theksuar se qytetarët meritojnë angazhim institucional të qëndrueshëm dhe jo “shtesa të përkohshme që i shërbejnë pushtetit”.

“Ne s’duam lëmoshë financiare prej 100 eurosh, që ministri e kryeministri t’ia vazhdojnë pushtetin vetes për një javë apo një muaj”.

“Ne duam që familjet tona të ndjejnë dorën e shtetit, jo ndihma të përkohshme që i rrisin vetëm pushtetarët për një javë apo një muaj”,ka shkruar Haradinaj në Facebook.

Ai bëri thirrje që mërgimtarët të diskutojnë mes tyre dhe të vendosin për të ardhmen e vendit, duke theksuar se uniteti brenda familjeve dhe komunitetit ka qenë gjithmonë forca e Kosovës, sidomos pas sakrificave të luftës për liri.

“Pa njëri-tjetrin nuk e kemi familjen, nuk e nderojmë vendin dhe nuk e sigurojmë të ardhmen”, përfundoi lideri i AAK-së, duke bërë thirrje për besnikëri ndaj atdheut dhe kombit dhe për rezistencë ndaj çdo propagande që mund të dëmtojë unitetin e familjes.

Gazetari investigativ kroat, Domagoj Margetić, e ka i ka depozituar një ankesë pranë prokurorëve italianë për Presidentin e Serbisë, Aleksandar Vuçiq, lidhur me rastin “Sarajevo Safari”, duke kërkuar nisjen e një hetimi në Itali mbi akuzat se qytetarë të huaj paguan për të qëlluar civilë gjatë rrethimit të Sarajevës tre dekada më parë.

Sonja Biserko, themeluesja dhe presidentja e Komitetit të Helsinkit për të Drejtat e Njeriut në Serbi, tha për Antenu M se përfshirja e Vuçiçit në këtë rast është e padiskutueshme:

“Është e padiskutueshme që Aleksandar Vuçiq, gjatë safarive njerëzore në Sarajevë, qëndroi në varrezat hebraike, një nga pozicionet më të rrezikshme dhe më të kërkuara në qytet. Ai vetë deklaroi se ishte vullnetar dhe kaloi një kohë të caktuar atje,” theksoi Biserko.

Ajo shtoi se e njëjta gjë u konfirmua edhe nga Vojislav Šešelj gjatë gjyqit në Hagë dhe se çështja është diskutuar disa herë: “Por pyetja nuk është bërë kurrë hapur – a mund të bëhet president i vendit dikush që mbante pushkë në kodrat e Sarajevës?”

Biserko vuri në dukje se kjo situatë tregon shumë për shoqërinë serbe:
“Për një shoqëri që nuk është e gatshme të përballet me përgjegjësinë e saj për luftërat e viteve 1990 dhe të mbajë qëndrim të qartë ndaj bartësve të asaj politike të dëmshme. Millosheviqi sot perceptohet nga një pjesë e konsiderueshme e publikut si një luftëtar i madh për interesat kombëtare serbe,” përfundoi ajo.

Rasti “Sarajevo Safari” përshkruan praktikën ku qytetarë të pasur të huaj paguanin për mundësinë e të qëlluarit civilë, përfshirë gra dhe fëmijë, gjatë rrethimit të qytetit. Margetić po ashtu publikoi materiale që ai pretendon se konfirmojnë praninë e Vuçiçit në një nga pozicionet më të kërkuara të snajperëve mbi qytet.

Linja 3A ka njoftuar se do të pezullojë përkohësisht qarkullin e autobusëve.

Sipas njoftimit, pezullimi do bëhet përkohësisht deri në zgjidhjen e çështjeve aktuale financiare me të cilat po përballet komuna shkaku i mungesës së buxhetit.

“Si rezultat i mosshlyerjes së këtyre obligimeve, kompania është afruar në prag të një kolapsi financiar, pasi bart mbi vete detyrime të mëdha ndaj furnizimeve me naftë, mirëmbajtjes teknike, pagave të punëtorëve, kredive, qirasë dhe shumë obligimeve të tjera operacionale”,thuhet në njoftim.

Postimi i plotë:

Qendra sh.p.k – Linja 3A Prishtinë

Të nderuar qytetarë dhe udhëtarë,

Ju njoftojmë se Kompanija Qendra sh.p.k, Linja 3A, është e detyruar të pezullojë përkohësisht qarkullimin e autobusëve deri në zgjidhjen e çështjeve aktuale financiare me të cilat po përballet kompania.

Lajmërohen të gjithë pasagjerët e Linjës 3A: Kodra e Trimave – Muharrem Fejza – Matiqan – Zllatar se pezullimi i përkohshëm i qarkullimit vjen jo nga dëshira jonë, por si imponim i situatës së krijuar tash e 7 muaj, për arsye se nuk na janë paguar shërbimet tona për të njëjtën periudhë.

Si rezultat i mosshlyerjes së këtyre obligimeve, kompania është afruar në prag të një kolapsi financiar, pasi bart mbi vete detyrime të mëdha ndaj furnizimeve me naftë, mirëmbajtjes teknike, pagave të punëtorëve, kredive, qirasë dhe shumë obligimeve të tjera operacionale.

Lusim Komunën e Prishtinës, Qeverinë e Republikës së Kosovës dhe Ministrinë e Financave për gjetjen e një zgjidhjeje urgjente në lidhje me buxhetin, sepse ndalja e transportit publik në Kryeqytet do ta paralizojë të gjithë qytetin dhe do të krijojë pasoja të rënda për mijëra qytetarë që varen nga ky shërbim.

Për çdo ndryshim apo informacion të ri, do të ju njoftojmë menjëherë përmes kanaleve tona zyrtare.

Kërkojmë mirëkuptimin tuaj dhe ju falënderojmë për durimin e bashkëpunimin.

Me respekt,

Qendra sh.p.k – Linja 3A Prishtinë

Sulmet ruse shkaktuan të paktën pesë të vdekur dhe tre të plagosur të enjtën mbrëma në qytetin e Zaporizhzhias, në jug të Ukrainës, njoftoi guvernatori rajonal Ivan Fedorov përmes Telegram.

Në pamjet e publikuara nga guvernatori, shihen ndërtesa të përfshira nga flakët dhe rrugë të mbushura me rrënoja, duke treguar shkatërrimin e madh që sulmi ka shkaktuar në zonën urbane.

Më herët gjatë ditës, Fedorov kishte paralajmëruar për rrezikun e një sulmi rus me bomba, duke u bërë thirrje banorëve të qëndronin të kujdesshëm dhe të mbanin distancën nga zonat e rrezikshme.

Sulmet duket se ishin të synuara ndaj infrastrukturës civile dhe objekteve tregtare, pasi sipas raporteve, flakët përfshinë disa dyqane dhe një automjet, duke shkaktuar dëme materiale të konsiderueshme.

Shërbimi Shtetëror i Situatave të Emergjencës i Ukrainës konfirmoi ngjarjen përmes Telegram, duke deklaruar se “më 20 nëntor, rreth orës 22:10, trupat ruse goditën Zaporizhzhian”. Autoritetet lokale po punojnë për të vlerësuar dëmet dhe për të ofruar ndihmë për viktimat dhe familjet e tyre.

Zaporizhzhia, një qytet kyç në jug të Ukrainës, ka qenë shpesh objekt sulmesh gjatë konfliktit të vazhdueshëm midis Ukrainës dhe forcave ruse.

Ky incident i fundit thekson rritjen e tensioneve dhe pasigurinë për banorët lokalë, të cilët përballen me kërcënime të përsëritura ndaj jetës dhe pronës së tyre.

Autoritetet kanë apeluar për solidaritet dhe mbështetje ndaj komunitetit, duke theksuar nevojën për masat mbrojtëse dhe evakuimin e mundshëm në rast emergjencash të reja.

Sipas raportimeve, qeveria britanike po shqyrton mundësinë e dislokimit të forcave të saj për disa qëllime: ruajtjen e paqes në zonat e prekura nga konflikti, trajnimin dhe mbështetjen e trupave ukrainase, si dhe pjesëmarrjen në patrullimet ajrore për sigurinë e hapësirës ajrore.

Ky veprim shihet si një mënyrë për të mbështetur stabilitetin dhe sigurinë në Ukrainë, pas një armëpushimi të mundshëm.

Gjithashtu, Londra po diskuton mundësinë e zgjerimit të grupit të Detit të Zi së bashku me Turqinë, Rumaninë dhe Bullgarinë, shkruan blommberg.

Ky grup do të ketë si detyrë kryesore pastrimin e zonave nga minat dhe hapjen e rrugëve të sigurta detare për trafikun tregtar dhe ndihmat humanitare. Bashkëpunimi rajonal synon të rrisë stabilitetin dhe të mbrojnë lirinë e lundrimit në një nga rajonet më strategjike të Detit të Zi.

Sipas Bloomberg, për këto iniciativa, qeveria britanike planifikon të shpenzojë më shumë se 120 milionë euro vetëm për shpenzimet fillestare.

Kjo përfshin kostot për dislokimin e trupave, pajisjet e nevojshme, si dhe përgatitjet për operacionet e sigurisë dhe trajnimet e personelit ukrainas.

Ky plan i Londrës tregon përkushtimin e Britanisë ndaj mbështetjes së Ukrainës dhe bashkëpunimit me partnerët rajonalë për të ruajtur paqen dhe stabilitetin në rajon.