Blog

Sindikatat akuzojnë kryeministrin për “shkatërrim social”.

Belgjika është përfshirë nga një valë protestash të gjera sociale, me një grevë që do të zgjasë tre ditë dhe pritet të sjellë bllokime të konsiderueshme në transport, shërbimet publike dhe sektorin ekonomik.

Sipas raportimeve të mediave belge dhe ndërkombëtare, lëvizja është organizuar nga sindikatat kryesore të vendit në kundërshtim me reformat fiskale dhe sociale të paralajmëruara nga kryeministri Bart De Wever, të cilat synojnë konsolidimin e financave publike.

Grevës i paraprin një paralizë e transportit hekurudhor që ka filluar që të hënën, me operatorin kombëtar SNCB që ka njoftuar se vetëm gjysma – dhe në disa linja vetëm një e treta – e trenave do të funksionojnë.

Impakt i dukshëm është edhe në linjat ndërkombëtare, ku disa shërbime Eurostar midis Brukselit dhe Parisit janë anuluar.

Të martën, grevës i bashkohen shkollat, kopshtet, administrata publike, spitalet dhe shërbimet e tjera shtetërore, duke shtrirë ndërprerjet në të gjithë vendin.

Ndërsa e mërkura pritet të shënojë kulmin, me një grevë të përgjithshme ndër-profesionale që do të prekë edhe trafikun ajror: aeroportet kryesore të vendit, Brussels-Zaventem dhe Charleroi, pritet të anulojnë të gjitha fluturimet tregtare për shkak të mungesës së stafit të sigurisë.

Sindikatat e paraqesin këtë lëvizje si një përgjigje të drejtpërdrejtë ndaj planit të qeverisë për shkurtime të mëdha buxhetore, liberalizim të tregut të punës dhe ndryshime në sistemet e përfitimeve dhe pensioneve.

Sipas tyre, reformat e propozuara përbëjnë një “shkatërrim social” dhe u kërkojnë partive të shumicës të ndalojnë masat që do të rëndonin shtresat e punësuara dhe më të prekshme.

Belgjika renditet ndër vendet me borxhin publik më të lartë në eurozonë, dhe qeveria De Wever ka vënë si prioritet stabilizimin fiskal, duke paralajmëruar një rritje të shpenzimeve ushtarake paralelisht me kursimet buxhetore.

Por debatet brenda koalicionit qeverisës, i përbërë nga pesë parti, kanë ngadalësuar miratimin e reformave, gjë që e ka bërë grevën një mjet presioni në tryezën politike.

Një ngjarje e dhunshme ka ndodhur mbrëmë në Fushë Kosovë, ku një burrë dyshohet se ua ka vënë flakën orendive brenda banesës dhe më pas është larguar nga vendi i ngjarjes.

Në vendin e ngjarjes kanë dalë të gjitha njësitë përkatëse, të cilat kanë konfirmuar se nuk ka persona të lënduar.

Autoritetet kanë njoftuar prokurorin, ndërsa hetimet lidhur me rastin vazhdojnë.

“Është raportuar se i dyshuari mashkull kosovar dyshohet se u ka vënë zjarrin orendive dhe më pas është larguar nga banesa. Në vendin e ngjarjes kanë dalë të gjitha njësitë përkatëse dhe konfirmojnë se të lënduar nuk ka. Lidhur me rastin është njoftuar prokurori, rasti vazhdon të hetohet”, thuhet në raportin e Policisë.

Një burrë ka vdekur pasditen e së djeshmes, pasi ishte i hospitalizuar që nga 14 korriku i këtij viti, kur u aksidentua në fshatin Radivojc të Gjilanit.

Sipas raportit 24-orësh të policisë, viktima ka humbur jetën më 23 nëntor 2025.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion.

Një person është arrestuar në orët e hershme të mëngjesit të 22 nëntorit në Obiliq, nën dyshimin se ka bashkëjetuar me një vajzë të mitur.

Sipas raportit të Policisë, i arrestuari dyshohet se ka pasur bashkësi jashtëmartesore me viktimën. Pas intervistimit, me vendim të prokurorit, ai është ndaluar në mbajtje për procedura të mëtejshme hetimore.

Rasti është duke u trajtuar nga njësitë kompetente hetimore.

“Është arrestuar i dyshuari mashkull kosovar pasi që i njëjti dyshohet se ka bashkëjetuar me viktimën femër kosovare (e mitur). Me vendim të prokurorit i dyshuari është dërguar në mbajtje”, thuhet në raportin 24-orësh të Policisë.

Një person është gjetur pa shenja jete në banesën e tij në kryeqytet rreth orës 17:10.

Sipas informacioneve nga policia, viktima është një mashkull kosovar, ndërsa vdekjen e tij e ka konstatuar ekipi mjekësor në vendin e ngjarjes.

Me urdhër të prokurorit, trupi i pajetë është dërguar në Institutin e Mjekësisë Ligjore (IML) për autopsi, në mënyrë që të përcaktohet shkaku i saktë i vdekjes.

Autoritetet po hetojnë rrethanat e rastit.

Çdo plan paqeje i besueshëm duhet të ndalojë vrasjet dhe njëkohësisht të mos mbjellë farat për një konflikt të ardhshëm, tha presidentja e Komisionit Evropian, Ursula von der Leyen në një deklaratë.

“Janë disa elementë kryesorë që Komisioni Evropian kërkon të përfshihen. Së pari kufijtë e Ukrainës nuk mund të ndryshohen me forcë, së dyti të mos ketë asnjë kufizim në forcat e armatosura të Ukrainës që do ta linte atë të cenueshme ndaj sulmeve të ardhshme”, tha Von der Leyen.

“Roli qendror i Bashkimit Evropian duhet të njihet plotësisht në çdo plan paqeje për Ukrainën”, shtoi ajo.

Von der Leyen gjithashtu bëri një thirrje për kthimin e çdo fëmije ukrainas të rrëmbyer nga Rusia”, duke shtuar se dhjetëra mijëra djem dhe vajza kishin mbetur të bllokuar në vend.