ATV

Blog

  • Shenjat e zodiakut që njihen si perfeksionistët më të mëdhenj

    Shenjat e zodiakut që njihen si perfeksionistët më të mëdhenj

    Në jetën e përditshme shumë njerëz përpiqen t’i bëjnë gjërat sa më mirë, por disa shenja të zodiakut thjesht e kanë të natyrshme kërkimin e përsosmërisë. Ata vërejnë detaje që të tjerët i anashkalojnë, janë të rreptë me veten dhe nuk ndalen derisa çdo gjë të jetë e saktë dhe në harmoni. Perfeksionizmi u sjell sukses, por ndonjëherë edhe presion të brendshëm që ata vetë nuk e kuptojnë.

    Sipas astrologjisë, këto janë shenjat që dallohen më shumë për perfeksionizëm:

    Virgjëresha
    Virgjëreshat njihen për mendje analitike dhe aftësinë për të parë çdo detaj, edhe atë që të tjerët nuk e vërejnë. Ata e duan rregullin, qartësinë dhe kuptimin në gjithçka që bëjnë. Punojnë me përpikëri, kërkojnë rezultate të pastra dhe rrallë kënaqen me pak. Shpesh vështirësojnë veten sepse nuk dinë të ndalen, por janë ndër njerëzit më të besueshëm dhe të organizuar.

    Bricjapi
    Bricjapët vendosin standarde të larta për veten dhe përdorin perfeksionizmin si mjet për të arritur suksesin. Të disiplinuar dhe të vendosur, ata planifikojnë gjithmonë me kujdes dhe nuk lënë asgjë rastësisë. Janë të gatshëm të punojnë më shumë se të tjerët, sepse duan të jenë të sigurt se gjithçka është bërë në mënyrën më profesionale të mundshme. Prapa seriozitetit të tyre fshihet nevoja për të bërë zgjedhje të sakta dhe afatgjata.

    Peshorja
    Peshoret janë perfeksionistë të natyrës së butë. Atyre u intereson bukuria, ekuilibri dhe harmonia në çdo aspekt të jetës. Janë shumë të kujdesshëm në vendimmarrje sepse kërkojnë gjithmonë opsionin ideal. Nuk kënaqen me gjysmë zgjidhje dhe përpiqen që çdo gjë të ketë estetikë dhe elegancë. Perfeksionizmi i tyre shfaqet në mënyrën se si komunikojnë, si sillen dhe si ndërtojnë marrëdhëniet e tyre.

    Nëse i përkisni njërës prej këtyre shenjave, perfeksionizmi është një nga tiparet që ju veçon. Ndonjëherë mund t’ju lodhë, por shumë shpesh ju çon drejt suksesit dhe rezultateve të admirueshme.

  • Islam Selmani kalon me sukses grupin në Kampionatin Botëror të karatesë

    Islam Selmani kalon me sukses grupin në Kampionatin Botëror të karatesë

    Karateisti ynë, Islam Selmani, ka kaluar me sukses grupin në Kampionatin Botëror të karatesë, që po mbahet në Kajro të Egjiptit.

    Me një fitore dhe dy barazime, është në rrugë të mbarë drejt zonës së medaljes, kategoria -60 kg. Krahas Islamit, Kosovën e përfaqësojnë edhe Betim Maliqi dhe Vlerë Qerimi.

    Në Botëror po marrin pjesë vetëm garuesit e kualifikuar. /ATVLIVE.TV

  • Aktakuzë për krime lufte ndaj personit që vrau dhe dogji 5 familjarë në Istog

    Aktakuzë për krime lufte ndaj personit që vrau dhe dogji 5 familjarë në Istog

    Prokuroria Speciale e Republikës së Kosovës ka ngritur aktakuzë ndaj T.P., për veprën penale “Krim i luftës kundër popullsisë civile”.

    Sipas aktakuzës, i pandehuri T.P., gjatë luftës në Kosovë, në fshatin Cerrcë dhe fshatrat përreth në komunën e Istogut, në bashkëkryerje me pjesëtarë të tjerë të forcave serbe, ka kryer vrasje, plaçkitje dhe shkatërrim të pasurisë të civilëve shqiptarë.

    Në prill të vitit 1999, T.P. akuzohet se ka marrë pjesë në vrasjen e pesë anëtarëve të një familjeje.

    Viktimat K.R., Z.R, R.R., I. R dhe Sh.R., nën kërcënimin e armëve, janë detyruar të lënë shtëpinë e tyre dhe janë vendosur në një shtëpi tjetër, në të cilën më pas ishin vrarë.

    Sipas aktakuzës, shtëpia bashkë me trupat e viktimave është djegur.

    Gjithashtu, i pandehuri T.P., së bashku me pjesëtarë të tjerë të forcave serbe, akuzohet se ka vjedhur pasuri të luajtshme dhe më pas ka djegur shtëpitë në fshatrat e kësaj komune.

  • 9 seriale dhe filma që nuk duhet t’i humbisni këtë fundvit

    9 seriale dhe filma që nuk duhet t’i humbisni këtë fundvit

    Fundviti 2025 vjen i mbushur me premiera të shumëpritura, rikthime të fuqishme dhe produksione që tashmë kanë zgjuar interes të madh tek publiku. Nga dramërat historike, thriller-at psikologjikë e deri te universet fantastiko–shkencore dhe dokumentarët muzikorë, ky sezon sjell një menu të pasur për çdo shije. Këto janë disa prej titujve më të spikatur që pritet të mbajnë publikun para ekranit:

    1. The Abandons – Netflix (4 dhjetor)
    Gillian Anderson dhe Lena Headey sjellin një histori tensioni, pushteti dhe mbijetese në Perëndimin e Vjetër të vitit 1854. Seriali eksploron konfliktet për tokë, moralin e kohës dhe lidhjet familjare përmes dy matriarkeve që sfidojnë njëra-tjetrën në një botë të pamëshirshme.

    2. The War Between the Land and the Sea – BBC One (7 dhjetor)
    Russell T Davies rikthehet me një spin-off të veçantë të “Doctor Who”, ku një specie e lashtë, Homo Aqua, ngrihet nga oqeani dhe provokon një krizë globale. Një përzierje mes sci-fi dhe dramës sociale, e cila prek edhe çështjet klimatike.

    3. Little Disasters – premierë në Britani
    Diane Kruger luan një nënë të përfshirë në një mister të errët pas një incidenti të vajzës së saj. Seriali eksploron miqësinë, dyshimin dhe sekretet që mund të shkatërrojnë marrëdhëniet më të forta.

    4. Taylor Swift: The End of An Era – Disney+ (12 dhjetor)
    Një dokumentar gjashtë-episodësh që zbërthen prapaskenat e turneut gjigant “The Eras Tour”. Me momente intime, bashkëpunëtorë të famshëm dhe përgatitjen e perfeksionit skenik, fansat e Swift-it do të kenë mundësi ta shohin yllin në mënyrë më të afërt se kurrë.

    5. Fallout – Prime Video
    Sezoni i ri i serialit të suksesshëm post-apokaliptik ndjek Lucy dhe The Ghoul në një udhëtim të rrezikshëm përmes shkretëtirës Mojave. Me aktorë të rinj dhe histori më të thelluar, “Fallout” premton edhe më shumë dramë dhe mister.

    6. Emily in Paris – Sezoni 5
    Emily Cooper rikthehet me aventura të reja që shtrihen në Paris, Romë dhe Venecia. Romanca, moda dhe dinamika e zyrës mbeten në qendër të këtij sezoni të shumëpritur.

    7. Amadeus – Adaptimi i ri
    Një interpretim bashkëkohor i historisë ikonike të Mozartit dhe Salierit. Me Will Sharpe si Mozart dhe Paul Bettany si Salieri, ky adaptim premton dramë të fuqishme dhe performanca të ndritshme.

    8. Stranger Things – Sezoni final
    Seria e dashur e Netflix përfundon më në fund me sezonin e pestë. Fansat do të marrin përgjigjet e shumëpritura për Hawkins dhe Upside Down. Episodi final do të shfaqet edhe në kinematë e SHBA-së dhe Kanadasë më 31 dhjetor – një përmbyllje epike për një fenomen global.

    9. The Copenhagen Test
    Simu Liu sjell një rol të veçantë në këtë thriller spiunazhi dhe psikologjik, ku një analist zbulon se mendja e tij është hakuar. Një histori që ngre pyetje rreth realitetit, perceptimit dhe manipulimit teknologjik.

    Ky fundvit premton argëtim të garantuar, me prodhime që shpalosin botë të reja, emocione të forta dhe histori të paharrueshme. Qofshi fans i dramës, i fantashkencës apo i dokumentarëve muzikorë, lista e këtij viti ka diçka për secilin.

  • Aksidentohen tri vetura në Gllarevë, Policia jep detaje

    Aksidentohen tri vetura në Gllarevë, Policia jep detaje

    Një aksident trafiku mes tri veturave ka ndodhur sot në magjistralen Prishtinë-Pejë, konkretisht në fshatin Gllarevë.

    Lajmi është bërë i ditur edhe nga zëdhënësi i Policisë për rajonin e Pejës, Fadil Gashi, i cili njoftoi se nuk ka persona të lënduar.

    “Tri vetura janë të përfshira në këtë aksident, të lënduar nuk ka, por vetëm dëme materiale”, tha Gashi.

  • 58 pikë në lojë: Verstappen kërkon fundjavë perfekte në Katar

    58 pikë në lojë: Verstappen kërkon fundjavë perfekte në Katar

    Skualifikimi i Lando Norris dhe Oscar Piastri për konsum të tepërt të shasisë së McLaren në garën e fundit të Formula 1 në Las Vegas, së bashku me fitoren e gjashtë sezonale të Max Verstappen, e ka afruar holandezin sërish në garë për titull, dy gara para përfundimit të sezonit.

    Me 58 pikë ende në lojë dhe me një garë sprint të parashikuar në Katar, shanset e Verstappen për të mbrojtur titullin për pilotë mbeten të mëdha. Lando Norris gjithashtu ka mundësi të qëndrojë në garë, edhe nëse renditet dy herë i dyti pas holandezit.

    “Qasja jonë nuk ndryshon, pavarësisht afrimit në renditje pas Las Vegasit. Çdo fundjavë përpiqemi të maksimizojmë performancën e makinës dhe të marrim sa më shumë pikë të jetë e mundur. Kjo është një fundjavë me garë sprint, kështu që ka edhe më shumë pikë në lojë”, tha Verstappen.

    Holandezi shtoi: “Duhet të kemi një fundjavë perfekte për të shpresuar në sukses. Lusail është një pistë e vështirë, ku menaxhimi i gomave është thelbësor për shkak të nxehtësisë. Duhet të sigurohemi që të ekzekutojmë gjithçka si duhet, duke pasur parasysh se do të kryejmë një garë me dy ndalesa të detyrueshme”.

  • Ngrihet aktakuzë ndaj një personi për krime lufte në Istog

    Ngrihet aktakuzë ndaj një personi për krime lufte në Istog

    Prokuroria Speciale e Republikës së Kosovës ka ngritur aktakuzë ndaj T.P., i cili akuzohet për kryerjen e krimeve të luftës kundër popullsisë civile gjatë luftës në Kosovë. Sipas aktakuzës, T.P. ka marrë pjesë në vrasje, plaçkitje dhe shkatërrim të pasurisë së civilëve shqiptarë në fshatin Cerrcë dhe fshatrat përreth në komunën e Istogut.

    Aktakuza përmend një ngjarje të rëndë që ka ndodhur në prill të vitit 1999, ku T.P. akuzohet se ka qenë pjesë e një grupi të forcave serbe që ka ekzekutuar pesë anëtarë të një familjeje. Viktimat, K.R., Z.R., R.R., I.R., dhe Sh.R., nën kërcënimin e armëve janë detyruar të lënë shtëpinë e tyre dhe janë dërguar në një vend tjetër, ku më pas janë vrarë. Shtëpia e tyre, së bashku me trupat e viktimave, është djegur.

    Përveç vrasjeve, T.P. akuzohet edhe për vjedhjen e pasurive të luajtshme dhe shkatërrimin e shtëpive të civilëve shqiptarë në fshatrat e komunës së Istogut, në bashkëpunim me pjesëtarë të tjerë të forcave serbe.

    Prokuroria Speciale ka paraqitur aktakuzën për këto krime të luftës dhe hetimet vazhdojnë për të sqaruar më tej këtë ngjarje tragjike të periudhës së luftës në Kosovë.

  • Rritet kostoja e ndërtimit, 3.6% më e lartë se një vit më parë

    Rritet kostoja e ndërtimit, 3.6% më e lartë se një vit më parë

    Agjencia e Statistikave të Kosovës (ASK) ka publikuar Indeksin e Kostos së Ndërtimit (IKN) për tremujorin e tretë (TM3) 2025.

    Indeksi i tërësishëm i Kostos së Ndërtimit në Kosovë (IKN) pati rritje për 0,5 % në TM3 2025, krahasuar me TM2 2025.

    Ndërkaq, krahasuar TM3 2025 me të njëjtën periudhë të vitit paraprak TM3 2024, Indeksi i Kostos së Ndërtimit pati rritje për 3,6 %.

    Tremujori i tretë 2025 – Tremujori i dytë 2025, ( 0,5 %)

    Indeksi i tërësishëm i Kostos të Ndërtimit në Kosovë (IKN) pati rritje për ( 0,5 %) në tremujorin e tretë (TM-3) 2025 krahasuar me tremujorin e dytë (TM-2) 2025.

    “Rritje kishte energjia (3,9 %), pagat (2,3 %), kostot tjera (1,0 %), materialet (0,1 %) ndërsa, Zbritje kishte te makineritë (-0,7 %)”, thuhet në njoftimin e ASK-së.

    Tremujori i dytë 2025 – Tremujori dytë 2024, ( 3,6 %)

    Indeksi i tërësishëm i Kostos të Ndërtimit në Kosovë (IKN) pati rritje (3,6 %) në tremujorin e tretë (TM-3) 2025 krahasuar me tremujorin e tretë (TM-3) 2024.

    “Rritje më të madhe kishte energjia (9,7 %), pagat (7,8 %), kostot tjera (4,5 %), transporti(3,4 %), materialet (2,9%) ndërsa, zbritje kishte te makineritë (-0,4%)”, thuhet tutje.

  • Ministria e mbrojtjes së Kosovës dhe ajo e Italisë nënshkruajnë planin bilateral të bashkëpunimit

    Ministria e mbrojtjes së Kosovës dhe ajo e Italisë nënshkruajnë planin bilateral të bashkëpunimit

    Në Ministrinë e Mbrojtjes është zhvilluar takimi bilateral me delegacionin e Forcave të Armatosura të Italisë, në kuadër të planifikimit vjetor të bashkëpunimit në fushën e mbrojtjes.

    Gjatë takimit, palët finalizuan dhe nënshkruan Planin Bilateral Vjetor për vitin 2026, dokument i cili përcakton aktivitetet, prioritetet dhe fushat e angazhimit të përbashkët për vitin e ardhshëm.

    Plani është nënshkruar nga drejtori i Departamentit për Bashkëpunim Ndërkombëtar dhe Integrime Euro-Atlantike, kolonel Ahmet Ajeti dhe përfaqësuesi i Shtabit të Përgjithshëm të Forcave të Armatosura Italiane, kapiten marine Manuel Verdini.

    Gjatë qëndrimit në Ministrinë e Mbrojtjes, delegacioni italian zhvilloi një takim kortezie me drejtorin e Politikave të Mbrojtjes, Faruk Geci, ku u diskutua progresi i bashkëpunimit aktual si dhe objektivat e përbashkëta për periudhën në vijim.

    Të dy delegacionet riafirmuan vullnetin për zgjerimin e bashkëpunimit, me theks të veçantë zhvillimin e kapaciteteve ushtarake dhe shkëmbimet profesionale ndërmjet personelit.

    Ministria e Mbrojtjes dhe Republika e Kosovës vlerësojnë lart rolin dhe mbështetjen e Italisë në forcimin e institucioneve tona të mbrojtjes dhe në avancimin e standardeve të sigurisë.

  • Nis një hetim për korrupsion pas zjarrit që përfshiu një kompleks banesash shumëkatëshe në Hong Kong

    Nis një hetim për korrupsion pas zjarrit që përfshiu një kompleks banesash shumëkatëshe në Hong Kong

    Komisioni i Pavarur Kundër Korrupsionit (ICAC) i Hong Kongut ka njoftuar se do të nisë një hetim penal lidhur me punimet e rinovimit në kompleksin e banesave Wang Fuk Court, ku deri më tani janë raportuar të paktën 55 të vdekur.

    Në një deklaratë, ICAC-ja tha se ka “krijuar një grup pune të posaçëm … për të kryer një hetim të plotë mbi korrupsionin e mundshëm në lidhje me punimet e mëdha të rinovimit”.

    Komisioni gjithashtu shprehu “ngushëllimet e tij më të thella për viktimat e zjarrit”.

    Zjarri ka përfshirë shtatë nga tetë pallate në lagjen Tai Po. Zjarret janë nën kontroll në katër prej tyre, ndërsa zyrtarët shpresojnë t’i shuajnë ato që kanë mbetur deri në mbrëmje.Sipas shifrave të fundit, Wang Fuk Court është shtëpia e rreth 4,600 banorëve. Nuk është e qartë se sa ndodheshin brenda kur shpërtheu zjarri.