ATV

Blog

  • Pronari i konkursit të bukurisë “Miss Universe” akuzohet për trafik droge, armësh dhe karburanti

    Pronari i konkursit të bukurisë “Miss Universe” akuzohet për trafik droge, armësh dhe karburanti

    Presidenti i organizatës së Miss Universe, Raul Rocha, e gjeti veten në qendër të një skandali pasi Prokuroria Meksikane nisi procedurat mbi dyshimet se ai ishte i përfshirë në kontrabandën e drogës, armëve dhe karburantit midis Guatemalës dhe Meksikës.

    Sipas gazetës Reforma, hetimi nisi vetëm pak ditë pasi u mbajt edicioni i këtij viti i konkursit të bukurisë Miss Universe, i shënuar nga një sërë polemikash, duke përfshirë konflikte brenda organizatës, tërheqjen e disa gjyqtarëve dhe akuza për parregullsi në gjykim.

    Konkretisht, Rocha, një biznesmen meksikan dhe konsull nderi i Guatemalës në Meksikë, është identifikuar si kreu i dyshuar i një rrjeti kriminal që kontrabandon karburant me anije përgjatë lumit Usumacinta dhe më pas e transporton atë me kamion në shtetin e Queretaro-s.

    Më 6 gusht, Zyra e Prokurorit të Posaçëm për Krimin e Organizuar, Jazmin Mayoral Marin, kërkoi një urdhër arresti për Roche për përfshirjen e tij të dyshuar në trafikun e drogës dhe armëve të zjarrit. Gjatë bastisjeve në vende të shumta, hetuesit gjetën dokumente që tregonin transaksionet financiare të Rocha-s me organizatën kriminale, duke përfshirë një pagesë prej 2.1 milionë peso, sipas FGR-së.

    Urdhër-arresti, në të cilin Reforma kishte qasje, thotë se anëtarët e rrjetit të dyshuar të Rocha-s kanë “lidhje me politikanë dhe autoritete në të gjitha nivelet”, gjë që u mundëson atyre të shesin vazhdimisht karburant dhe narkotikë dhe të tregtojnë sasi të mëdha armësh lufte.

    Burime federale pohojnë se Rocha iu drejtua zyrës së prokurorit në tetor, duke u përpjekur të arrinte një marrëveshje për të bashkëpunuar në këmbim të imunitetit.

    As Rocha, as përfaqësuesit e organizatës Miss Universe, sipas revistës amerikane People, nuk iu përgjigjën kërkesave për koment.

    Ky rast e tronditi më tej Miss Universe, e cila u përball me një sërë problemesh në javët e mëparshme. Ndër të tjera, disa konkurrente u larguan nga një aktivitet paraprak pasi një anëtar i organizatës kritikoi publikisht Miss Mexico Fatima Bosch. Jo shumë kohë më pas, muzikanti Omar Harfouch u tërhoq nga juria, duke pretenduar se organizata kishte formuar një “komision ad hoc” që kishte parapërzgjedhur finalistët, gjë që organizata e mohoi.

    Në një intervistë të kohëve të fundit me mediat meksikane, Rocha pranoi se është “lodhur” nga të gjitha problemet dhe se po mendon të shesë ekskluzivitetin e Miss Universe, të cilin e mori përsipër në fillim të vitit 2024.

  • Jan Palokaj largohet nga KB Bashkimi për të luajtur në Kroaci

    Jan Palokaj largohet nga KB Bashkimi për të luajtur në Kroaci

    Basketbollisti Jan Palokaj ka vendosur të ndërmarrë një hap të ri në karrierën e tij, duke u bashkuar me ekipin kroat Cibona të Zagrebit. Edhe pse klubi kroat nuk ka të njëjtin nivel cilësor si më parë, kjo është një arritje e madhe për lojtarin.

    “Me marrëveshje të dyanshme, Jan Palokaj vazhdon karrierën e tij te Cibona, pasi kontrata e tij ishte e hapur për ekipet e Europës. I urojmë shumë suksese në sfidat e reja dhe falënderojmë për kontributin e tij te ekipi ynë”, njofton KB Bashkimi nga Prizreni. /ATVLIVE.TV

  • Memli Krasniqi uron ushtarët e Kosovës në Ditën e Forcës

    Memli Krasniqi uron ushtarët e Kosovës në Ditën e Forcës

    Ish-kryetari i PDK-së, Memli Krasniqi ka uruar “Ditën e Forcës” duke thënë se FSK-ja është besimi se Kosova qëndron e fortë dhe e përgatitur.

    Përmes një postimi në Facebook, ai thotë se çdo ushtare e ushtar, është shembulli më i pastër i përkushtimit ndaj atdheut.

    “Sot është dita kur urojmë me krenari Forcën që mbron shtëpinë tonë të përbashkët. FSK-ja është besimi ynë se Kosova jonë qëndron e fortë dhe e përgatitur. Çdo ushtare e çdo ushtar është shembulli më i pastër i përkushtimit ndaj atdheut. Me ju, ecim më të sigurt drejt së ardhmes. Urime Dita e Forcës, ushtarë”, ka shkruar Krasniqi.

  • Udhëtimi i paharrueshëm i tifozëve të Kairat Almaty

    Udhëtimi i paharrueshëm i tifozëve të Kairat Almaty

    Një nga momentet më të veçanta të mbrëmjes së fundit të Champions League nuk ndodhi në fushë, por në shkallët e stadiumit të Copenhagen.

    Dhjetë tifozë të Kairat Almaty realizuan një udhëtim të jashtëzakonshëm prej rreth 5 mijë kilometrash për të ndjekur skuadrën e tyre në Danimarkë, një gjest që fitoi menjëherë respektin e tifozëve dhe klubit vendas.

    Danezët vendosën t’i nderojnë duke u dhuruar artikuj zyrtarë dhe duke u lejuar të zbresin në fushë për foto kujtim.

    “Nuk ka rëndësi sa jeni, por sa shumë e doni skuadrën tuaj”, komentuan disa tifozë të Copenhagen, të impresionuar nga përkushtimi i vizitorëve kazakë.

    Pavarësisht rezultatit, udhëtimi i gjatë u shndërrua në një përvojë të paharrueshme: mundësia për të qenë pranë ekipit, për të kënduar dhe brohoritur në një stadium të huaj, e bëri këtë sfidë një moment krenarie dhe identiteti për ta. /ATVLIVE.TV

  • Ish-ambasadori i Kroacisë, Gëzim Kasapolli i bashkohet LDK-së

    Ish-ambasadori i Kroacisë, Gëzim Kasapolli i bashkohet LDK-së

    Kryetari i LDK-së, Lumir Abdixhiku, ka njoftuar aderimin e radhës në partinë e tij para zgjedhjeve të 28 dhjetorit.

    Ish-zëvendësministri dhe ish-ambasadori i Kroacisë, Gëzim Kasapolli, i është bashkuar partisë së tij.

    “Gëzim Kasapolli i bashkohet sot Lidhjes Demokratike të Kosovës me përvojë të jashtëzakonshme, dije të thellë dhe një angazhim të sinqertë për shtetin. LDK fiton një kuadër të ri që beson në vlerat tona, në vizionin evropian të vendit dhe në forcimin e institucioneve”, shkroi Abdixhiku.

    Mirë se vjen, Gëzim!

    Gëzim Kasapolli, një prej emrave më të njohur të diplomacisë, integrimit evropian dhe analizës politike në vend, nga sot i bashkohet Lidhjes Demokratike të Kosovës.

    Me më shumë se dy dekada përvojë të qëndrueshme në institucione vendore e ndërkombëtare, Gëzimi ka ndërtuar një profil unik profesional, nga shërbimi diplomatik, tek proceset kyçe shtetformuese dhe zhvillimi i politikave evropiane.

    Si Ambasador i Republikës së Kosovës në Kroaci, ai ka përfaqësuar vendin me dinjitet, duke forcuar marrëdhëniet bilaterale dhe duke promovuar interesat strategjike të Kosovës në një prej kryeqyteteve më të rëndësishme të BE-së.

    Përpara kësaj, Gëzimi ka mbajtur pozitat më të larta në procesin e integrimit evropian: si Zëvendësministër dhe më pas si Ministër në detyrë i Integrimit Evropian. Ai ishte njeriu kyç në nisjen dhe negociimin e Marrëveshjes së Stabilizim-Asociimit (MSA), akti juridik më i rëndësishëm kontraktual mes Kosovës dhe Bashkimit Evropian.

    Në rolin e Këshilltarit Politik në Kuvendin e Kosovës dhe më herët në Qeveri, Gëzimi ka qenë lidhja institucionale me vendet anëtare të BE-së, Parlamentin Evropian, si dhe me diplomacinë ndërkombëtare gjatë fazave kyçe të shtetndërtimit, përfshirë komunikimin me të dërguarin special të OKB-së, Kai Eide, në prag të negociatave për pavarësinë e Kosovës.

    Gëzim Kasapolli i bashkohet sot Lidhjes Demokratike të Kosovës me përvojë të jashtëzakonshme, dije të thellë dhe një angazhim të sinqertë për shtetin. LDK fiton një kuadër të ri që beson në vlerat tona, në vizionin evropian të vendit dhe në forcimin e institucioneve.

    Ardhja e tij, dhe e të tjerëve pas tij, është sinjal i qartë se bashkimi rreth vlerave, seriozitetit dhe profesionalizmit është rruga përpara për të gjithë ata që nuk janë të kënaqur me gjendjen aktuale politike dhe që kërkojnë ndryshim të vërtetë.

    Dyert tona janë të hapura.

    Mirë se vjen, Gezim Kasapolli!

    Paç shëndet, forcë dhe përkushtim në këtë etapë të re të angazhimit tënd për Republikën.

  • Bie në prangat e policisë greke një shtetas shqiptar, kërkohej për vrasje

    Bie në prangat e policisë greke një shtetas shqiptar, kërkohej për vrasje

    Një shtetas shqiptar i kërkuar ndërkombëtarisht është arrestuar nga policia greke në pikën kufitare të Kakavijës, në një operacion të zhvilluar nga oficerët e Departamentit të Kontrollit të Pasaportave në bashkëpunim me Nëndrejtorinë e Prokurorisë dhe Hetimit të Krimeve të Janinës.

    Gjatë kontrollit, autoritetet konstatuan se 54-vjeçari kishte një urdhër arresti evropian të lëshuar nga autoritetet italiane.

    Sipas policisë, urdhri lidhej me akuza për “vrasje dhe lëndime të rënda trupore”. I dyshuari u dërgua në prokurorinë kompetente për nisjen e procedurave të ekstradimit drejt Italisë, raportoi Top Channel.

  • “Made in Kosova”, Kurti: Ndërtimi i fabrikës së municioneve do të përfundojë vitin e ardhshëm

    “Made in Kosova”, Kurti: Ndërtimi i fabrikës së municioneve do të përfundojë vitin e ardhshëm

    Kryeministri në detyrë, Albin Kurti deklaroi se fabrika e municioneve do të përfundojë vitin e ardhshëm.

    Këtë deklaratë, ai e bëri para kabinetit qeveritar në mbledhjen e sotme, ku theksoi se me vendimin e sotëm për shpronësimin e pronave të paluajtshme për ndërtimin e zonës industriale të mbrojtjes në Jahoc të Gjakocës, do të hapet rruga për ndërtimin e fabrikës së municioneve.

    Kurti tha se ky miratimi i këtij vendimi do të bëhet në mbledhjen e sotme, pikërisht në Ditën e Forcës.

    “Është kërkesa për shpronësim të pronave të paluajtshme, shoqërore të KBI Ereniku për ndërtimin e zonës industriale të mbrojtjes në Jahoc të Gjakovës. Me miratimin e saj, hapim rrugë në terren ndërtimit të fabrikës së municioneve, të parës së llojit të saj në Republikën e pavarur që do t’i shërbejë ushtrisë sonë, do ta rris sigurinë tonë dhe do t’i ngris edhe më tej kapacitetet tona mbrojtëse. Këtë vendim edhe më veçantë e bën fakti që po e miratojmë pikërisht në Ditën e Forcës”, deklaroi Kurti.

    Ndërtimi i kësaj fabrike, Kurti theksoi se do të përfundojë brenda vitit të ardhshëm.

    “Ndërtimi i kësaj fabrike për të cilën tashmë kemi kontratë të nënshkruar me prodhuesin turk MKE do të përfundojë brenda vitit të ardhshëm. Municionet e para nga kjo fabrikë do të dalin në fundin e vitit 2026. Përveç fabrikës së municionit, kjo zonë industriale do të shërbejë edhe për investitorë të tjerë me të cilët jemi në kontakt dhe do të prodhojnë lloje të ndryshme të produkteve ushtarake, dronët ushtarak dhe civil ‘Made in Kosova’.

    Kurti tha se gjatë këtij mandati kanë katërfishuar buxhetin e mbrojtjes dhe e kemi dyfishuar numrin e ushtarëve. Kryeministri në detyrë, Albin Kurti tha se ushtria është pajisur me sisteme të reja dhe moderne të armatimit nga shtete anëtare të NATO-s.

    Tutje, kryeministri në detyrë, Albin Kurti tha se në mandatin e tij të radhës do të investohen 1 miliard euro në mbrojtje.

    “Mbi 430 milionë euro blerje të armatimit në mandatin e parë janë shënuar. Në mandatin tonë të radhës do të investojmë mbi 1 miliard euro në mbrojtje. Duke rritur ushtrinë e sigurojmë republikën, duke rritur FSK-në e forcojmë partneritetin me aleatët, urime të gjithëve Dita e Forcës”, përfundoi Kurti.

  • Agim Ademi mirëpret gjeneratën e artë të FC Prishtina

    Agim Ademi mirëpret gjeneratën e artë të FC Prishtina

    Presidenti i Federatës së Futbollit të Kosovës, Agim Ademi, ka mirëpritur gjeneratën e artë të FC Prishitnës, duke i’u ndarë mirënjohje dhe njëkohësisht kanë festuar bashkë suksesin e Kombëtares dhe plasmanin në “Play-Off” të Botërorit.

    Njoftimi i Agim Ademit:

    “Sot pata nderin dhe emocionin e madh t’i pres në takim gjeneratën e artë të FC Prishtina.

    Ata erdhën për të festuar bashkë suksesin e Kombëtares dhe plasmanin në “Play-Off” të Botërorit.

    Këto legjenda janë historia jonë. Janë ata që kanë sakrifikuar, kanë luftuar dhe kanë mbajtur gjallë frymën e futbollit kur ishte më së vështiri.

    Me zemër, me pasion dhe me dinjitet, ata e kanë ngritur këtë sport aty ku është sot.

    T’i kem pranë, t’i dëgjoj fjalët e tyre plot kujtime e dashuri, ishte pa dyshim ndjenjë e veçantë.

    Gjenerata e artë nuk është thjesht një emër, është trashëgimi e pasur e futbollit tonë. Dhe sot më kujtuan edhe një herë pse duhet të punojmë çdo ditë me përkushtim për futbollin tonë.

    Faleminderit për vizitën, për përkrahjen dhe për gjithçka keni dhënë për fanellën, qytetin dhe vendin tonë ndër dekada.”

  • Profesori i UP-së, Gëzim Qerimi i bashkohet PDK-së

    Profesori i UP-së, Gëzim Qerimi i bashkohet PDK-së

    Profesori i asociuar i Universitetit të Prishtinës, Gëzim Qerimi i është bashkuar PDK’së.

    Lajmin e ka dhënë i pari i kësaj partie, Bedri Hamza.

    Hamza në një postim në Facebook, tha se Qerimi përveç përvojës profesionale është autor i shumë punimeve shkencore në revista ndërkombëtare dhe më herët ka qenë edhe lider studentor.

    “Në ekipin tonë e mirëpritëm Dr. Gëzim Qerimin, profesor i asociuar në Universitetin e Prishtinës. Ai ka mbi 17 vjet përvojë në mësimdhënie universitare dhe 13 vjet angazhim në institucionet e sigurisë dhe mbrojtjes…”, ka shkruar ai.

  • Arsenal, skuadra e vetme që ka fituar të gjitha ndeshjet në Ligën e Kampionëve këtë sezon

    Arsenal, skuadra e vetme që ka fituar të gjitha ndeshjet në Ligën e Kampionëve këtë sezon

    Arsenal po shkëlqen fuqishëm në arenën europiane. Pas raundit të fundit të ndeshjeve, “Topçinjtë” janë zyrtarisht skuadra e vetme që ka fituar të gjitha ndeshjet e tyre në Ligën e Kampionëve këtë sezon, duke vendosur veten në një pozicion të artë për pjesën tjetër të kompeticionit.

    Forma e tyre mbresëlënëse ka bërë që shumë analistë t’i shohin si një ndër skuadrat më të rrezikshme të garës, ndërsa trajneri Mikel Arteta vazhdon të marrë vlerësime për qasjen e tij taktike dhe mentalitetin fitues që ka ndërtuar brenda ekipit.

    Nën drejtimin e tij, skuadra po luan me ritëm, kontroll dhe agresivitet të balancuar — një futboll modern që po i jap rezultate të qëndrueshme si në Premier League, ashtu edhe në Europë. Tifozët e Arsenalit kanë nisur të besojnë se ky mund të jetë sezoni ku skuadra e tyre mund të shkojë më larg se kurrë në Champions League.

    Me një sulm në formë, një mbrojtje solide dhe një mesfushë kreative, Arsenali duket të jetë në harmoni të plotë.

    Tani, të gjithë sytë janë nga faza e eliminatoreve, ku pritet të shihet nëse ky ritëm i frikshëm do të vazhdojë dhe nëse Arsenal do të mund të sfidojë realisht gjigantët europianë për trofeun më prestigjioz të klubeve.