ATV

Blog

  • Fjalët prekëse të motrës së Shpatit në ceremoninë mortore tregojnë çfarë i la amanet

    Fjalët prekëse të motrës së Shpatit në ceremoninë mortore tregojnë çfarë i la amanet

    Familjarë, miq dhe bashkëpunëtorë janë mbledhur në Pallatin e Kulturës në Tetovë për t’i dhënë lamtumirën e fundit këngëtarit Shpat Kasapi.

    Në këtë ceremoni për Shpat Kasapin, motra e tij Jehona, e prekur thellë nga dhimbja, nuk mundi t’i mbante lotët.

    Ajo tha se Shpati lindi me yll në ballë, e i donte shumë fëmijët e pleqtë.

    Derisa theksoi se amanetin e tij për djalin, Roelin do ta kryejë.

    “Sot me zëmër të thyer jemi mbledhur për t’i dhënë lamtumirën e fundit vëllait tim, është shumë e vështirë për të përshkruar fjalët për të përshkruar dhimbjet që ndjej. Shpat, shpirti i motrës, ti linde me yll në ballë, ishe një njeri i mirë, dije t’i ndjeje hallet nga empatia jote e madhe. Shpati ti i doje shumë fëmijët dhe pleqtë. Doje shumë të qeshësh, buzëqeshja ishte sinonim i yti”, tha Jehona.

    Varrimi i Shpat Kasapit do të bëhet sot, nga ora 14:00, në varrezat e qytetit në Tetovë.

  • Vëllai e raporton të zhdukur motrën, thotë se erdhi në Prishtinë me autobus nga një shtet tjetër dhe i ka humbur lidhjet

    Vëllai e raporton të zhdukur motrën, thotë se erdhi në Prishtinë me autobus nga një shtet tjetër dhe i ka humbur lidhjet

    Një burrë e ka raportuar të zhdukur motrën e tij pasi thotë se ajo ka ardhur me autobus nga një shtet tjetër dhe pasi ka zbritur në Prishtinë i kanë humbur kontaktet.

    “PERSON I ZHDUKUR- Stacioni i Autobusëve, Prishtinë/ 27.11.2025. Me 29.11.2025 ankuesi m/k, ka raportuar se motra e tij viktima f/k, ka ardhur me autobus nga një shtet tjetër dhe ka zbritur në Prishtinë. Nga ai moment i kanë humbur lidhjet me viktimën dhe nuk kanë njohuri për vend ndodhjen e saj. Rasti në procedurë hetimore.”

  • Mahmuti për vdekjen e Shpat Kasapit: Turpi i mbuloftë udhëheqësit e Tetovës, për Toshe Proeskin u shpallën tri ditë zie

    Mahmuti për vdekjen e Shpat Kasapit: Turpi i mbuloftë udhëheqësit e Tetovës, për Toshe Proeskin u shpallën tri ditë zie

    Veprimtari i çështjes kombëtare shqiptare, Bardhyl Mahmuti, ish-përfaqësues politik i Ushtrisë Çlirimtare të Kosovës ka kritikuar udhëheqësit politikë shqiptarë të Tevocës që nuk respektuan zyrtarisht dhimbjen dhe pikëllimin e shqiptarëve për vdekjen e këngëtarit Shpat Kasami.

    Duke bërë një krahasim me trajtimin që iu bë pas vdekjes këngëtarit maqedonas Todor Proeskit, Mahmuti tha se për këngëtarin më të popullarizuar shqiptar të shqiptarëve në Maqedoninë e Veriut s’u bë asgjë.

    “TETOVË! TURPI T’I MBULOFTË UDHËHEQËSIT POLITIKË! Më 16 tetor të vitit 2007 vdiq aksidentalisht këngëtari maqedonas Todor Proeski, i njohur si Toshe Proeski. Në shenjë pikëllimi, Qeveria e atëhershme e Maqedonisë (VMRO–PDSH) shpallën 17 tetorin zi kombëtare, ndërkaq qyteti i lindjes së tij, Krusheva, shpalli tri ditë zie! Më 26 nëntor 2025, vdiq nga arresti kardiak Shpat Kasapi, këngëtari më i popullarizuar shqiptar i viseve shqiptare nën Maqedoni”, shkroi ai në një postim në Facebook.

    “Meqenëse Shpat Kasapi vdiq në Itali dhe transferimi i kufomës mori kohë katër ditë për ta sjellë në vendlindje, udhëheqësit e pushtetit qendror dhe lokal kishin në dispozicion katër ditë që të respektonin zyrtarisht dhembjen dhe pikëllimin e shqiptarëve. Për turp, si pushteti i nivelit qendror ashtu edhe ai i pushteti lokal, injoruan tërësisht dhembjen dhe pikëllimin tonë!”, shtoi ai.

    Mahmuti tha se, “sidoqoftë, për familjarët është një lehtësim i madh kur shohim që qindra mijëra mesazhe ngushëllimi na kanë ardhur nga të katër anët e globit për të ndarë me ne dhembjen e madhe”.

    “Shpat Kasapi ishte një YLL, drita e së cilit do të vazhdojë të shihet edhe gjatë shekujve në vijim”, shkroi ai.

  • MPJD: Arrestohet dhe lirohet ish-polici i Kosovës, Nexhat Pireva, në pikën kufitare me Serbinë

    MPJD: Arrestohet dhe lirohet ish-polici i Kosovës, Nexhat Pireva, në pikën kufitare me Serbinë

    Ish pjesëtari i Policisë së Kosovës, Nexhat Pireva, është arrestuar në orët e para të mëngjesit të sotëm nga autoritetet serbe në pikën kufitare të Dheut të Bardhë, ka bërë të ditur Ministria e Punëve të Jashtme dhe Diasporës. Sipas njoftimit, Pireva, shtetas i Republikës së Kosovës nga Kamenica dhe pjesëtar i policisë për rreth 14 vite, po udhëtonte drejt Bujanocit së bashku me bashkëshorten dhe fëmijët.

    “Gjatë kalimit kufitar, z. Pireva është ndaluar nga autoritetet serbe dhe është marrë në pyetje për afro katër orë,” konfirmoi MPJD. Pas procedurave, ai është liruar dhe “aktualisht ndodhet në liri”.

    Në deklaratë, ministria dënoi ashpër veprimet e Serbisë. “Praktika të tilla përbëjnë keqtrajtim të shtetasve të Republikës së Kosovës dhe bien ndesh me marrëveshjet e nënshkruara mes dy shteteve,” thuhet në komunikatë.

    MPJD u ka bërë thirrje të gjithë qytetarëve të Kosovës që të shmangin udhëtimet përmes territorit të Serbisë “deri në një njoftim të radhës”, me arsyetimin se një masë e tillë është e nevojshme “për të garantuar sigurinë e tyre”.

  • Sot mbyllet afati për koalicionet e zgjedhjeve të 28 dhjetorit

    Sot mbyllet afati për koalicionet e zgjedhjeve të 28 dhjetorit

    Sot skadon afati ligjor për partitë politike të regjistruara që të dorëzojnë në Komisionin Qendror të Zgjedhjeve (KQZ) marrëveshjet për koalicionet zgjedhore, në kuadër të zgjedhjeve të parakohshme për Kuvendin e Kosovës, të cilat do të mbahen më 28 dhjetor.

    Sipas KQZ-së, deri më tani janë regjistruar dy koalicione, të formuara nga partitë e komuniteteve jo-shumicë, ndërsa subjektet e mëdha politike shqiptare nuk kanë paraqitur ndonjë marrëveshje bashkëpunimi.

    “Zyra për Regjistrim, Certifikim dhe Kontrollin Financiar të Subjekteve Politike është njoftuar për formimin e dy koalicioneve për pjesëmarrje në zgjedhje, si në vijim: ‘PAI-PDAK-LPB’, i përbërë nga 3 parti politike: Partia e Ashkalinjve për Integrim (PAI), Partia Demokratike e Ashkalinjve të Kosovës (PDAK) dhe Lëvizja për Bashkëveprim (LPB); dhe Koalicioni VAKAT, i përbërë nga 3 parti politike: Demokratska Stranka Bošnjaka (DSB), Bošnjačka Stranka Kosova (BSK) dhe Demokratska Stranka Vatan (DSV)”, ka bërë të ditur KQZ-ja.

    KQZ ka rikujtuar se një koalicion mund të përbëhet nga të paktën dy parti politike, ndërsa pas certifikimit, asnjë parti nuk mund të tërhiqet deri në certifikimin përfundimtar të rezultatit zgjedhor.

    Po ashtu, një parti që është pjesë e një koalicioni nuk mund të paraqitet në një koalicion tjetër, as të garojë e vetme në të njëjtat zgjedhje.

  • Besa Famgas merr pikët në Vushtrri

    Besa Famgas merr pikët në Vushtrri

    Pas fitores në derbi, Besa Famgas ka vazhduar të mbledhë pikë në Superligën e Kosovës në hendboll.

    Të shtunën mbrëma skuadra pejane fitoi 50:24 në udhëtim ndaj Vushtrrisë.

    Ishte kjo ndeshje e xhiros së 11-të të kampionatit të Kosovës për hendbollistë.

    Jon Vokshi i shënoi 12 gola për Besën. Deniz Terziqi e Ahmed Khamis i realizuan nga nëntë, kurse Ilir Istrefaj e Ahmed Zayan Amr Ali nga shtatë.

    Te Vushtrria shtatë gola i realizoi Egzon Ademi.

    Amir Fazliu e Bleon Gela i shënuan nga katër gola, kurse Lulëzim Sadiku tri.

    Besa Famgas i ka 12 pikë nga tetë ndeshje, ndërsa Vushtrria mbetet pa pikë. /ATVLIVE.TV

  • Flamengo shpallet kampion i Copa Libertadores pas fitores 1:0 ndaj Palmeiras

    Flamengo shpallet kampion i Copa Libertadores pas fitores 1:0 ndaj Palmeiras

    Flamengo është shpallur kampion i Amerikës së Jugut pasi triumfoi 1:0 ndaj Palmeiras në finalen e Copa Libertadores, e zhvilluar në stadiumin Monumental të Limas.

    Dy ekipet braziliane dhuruan një ndeshje të fortë dhe mjaft të luftuar, ashtu siç pritet në finalet e kësaj gare prestigjioze. Loja u karakterizua nga duele të shumta fizike, duke prodhuar 33 faulle dhe gjithsej shtatë kartonë të verdhë.

    Fitorja u vendos nga një moment i vetëm. Në minutën e 67-të, ish-mbrojtësi i Real Madridit dhe Juventusit, Danilo, realizoi golin që i dha Flamengos trofeun e çmuar, duke u shndërruar në heroin e finales.

    Ky sukses i solli klubit brazilian trofeun e katërt të Copa Libertadores në histori, pas fitoreve të mëparshme në vitet 1981, 2019 dhe 2022.

    Në anën tjetër, Palmeiras mbetet me tre tituj të këtij kompeticioni, të fituar në vitet 1999, 2020 dhe 2021, ndërsa kjo humbje i pengoi të barazonin rekordin e Flamengos. /ATVLIVE.TV

  • Magjia vazhdon: Messi në krye të asistuesve të të gjitha kohëve

    Magjia vazhdon: Messi në krye të asistuesve të të gjitha kohëve

    Lionel Messi ka regjistruar edhe një arritje të madhe në karrierën e tij, duke u bërë asistuesi më i mirë në historinë e futbollit. Kjo ndodhi gjatë gjysmëfinales së play-off-it në MLS, ku
    Inter Miami siguroi kualifikimin në finalen e madhe pas një fitoreje bindëse 5:1 ndaj New York City.

    Edhe pse Tadeo Allende ishte protagonisti kryesor me një “hat-trick”, vëmendja e mediave u përqendrua te Messi, i cili regjistroi një asist historik. Në minutën e 67-të, argjentinasi shërbeu për 19-vjeçarin Silvetti, bashkëkombës i tij nga Rosario, duke arritur në kuotën e 405 asisteve në karrierë.

    Me këtë shifër, 30-vjeçari tejkaloi legjendën e Real Madridit, Ferenc Puskas, duke u ngjitur në krye të listës së asistuesve më të mirë në historinë e futbollit botëror. Performanca e Messit vazhdon të konfirmojë ndikimin e tij të jashtëzakonshëm në çdo skuadër ku ka luajtur.

    Superylli argjentinas numëron gjithsej 896 gola në 1,136 paraqitje dhe mban rekordin absolut si lojtari me më shumë trofe në histori — plot 46 tituj.

    Pas triumfit në Konferencën e Lindjes, Inter Miami tani përgatitet për finalen e madhe të MLS më 6 dhjetor, ku do të përballet me Vankuverin, duke synuar një tjetër sukses historik. /ATVLIVE.TV

  • ri ndeshje vendimtare sot në Superligë, në fokus Drita – Ballkani

    ri ndeshje vendimtare sot në Superligë, në fokus Drita – Ballkani

    Xhiro e 15-të në Albi Mall Superligë nisi të shtunën me dy ndeshje të zhvilluara, ndërsa sot në program janë edhe tre duele tjera.

    Vëmendja kryesore është në Gjilan, ku përballen Drita dhe Ballkani, dy rivalët e mëdhenj të viteve të fundit në garë për titull. Të dy skuadrat kanë nga 23 pikë në renditje, tri më pak se Prishtina, ndërsa Drita ka një ndeshje më pak të luajtur krahasuar me suharekasit dhe kryeqytetasit.

    Kampioni në fuqi i Kosovës vjen në këtë ndeshje pas dy fitoreve radhazi dhe synon një tjetër triumf, këtë herë për të marrë kreun e tabelës.

    Në anën tjetër, Ballkani, pas dy humbjeve radhazi dhe me trajnerin e ri, kërkon rikthimin te rezultatet pozitive pikërisht në Gjilan.

    Një sfidë interesante pritet edhe në Podujevë, ku Llapi pret Dukagjinin.

    Ndërkohë në Ferizaj, skuadra vendase përballet me Malishevën.

    Të tre ndeshjet e ditës së sotme në Albi Mall Superligë nisin nga ora 13:00. /ATVLIVE.TV

  • Historike: Islam Selmani, nënkampion bote

    Historike: Islam Selmani, nënkampion bote

    Karateisti Islam Selmani, ka fituar medaljen e argjendtë në Kampionatin Botëror të karatesë, që po mbahet në Kajro të Egjiptit.

    Pas 6 luftërave dhe pas fitoreve ndaj kampionëve botëror e medalistëve olimpikë, 20-vjeçari u ndal në finale nga turku Eray Samdan, të cilin e kishte mundur në grupe,deri nw kategoria 60 kg.

    Selmani u bë karateisti i parë që fiton medalje të argjendtë botërore, duke shënuar njëherit njërin prej sukseseve më të mëdha në histori të sportit tonë.

    Komiteti OLimpik ka shprehur urime për Selmanin, trajnerin Isak Curri dhe Federatën e Karatesë së Kosovës.