ATV

Blog

  • Zhduket 56-vjeçari shqiptar në Austri, familjarët apelojnë për ndihmë

    Zhduket 56-vjeçari shqiptar në Austri, familjarët apelojnë për ndihmë

    Agim Nuredini, shqiptar 56 vjeçar, banues në Wels të Austrisë që nga dita e shtunë është shpallur i zhdukur. Për herë të fundit është parë rreth orës 12:30 minuta të asaj dite, kur është dal nga shtëpia me veturën e tij Opel Mokka, ngjyrë të zezë.

    Që nga ajo kohë, nuk ka asnjë gjurmë rreth fatit të tij, shkruan albinfo.at.

    Familja dhe miqtë janë duke kërkuar ndihmën e qytetarëve dhe bashkatdhetarëve tanë në Austri. Në një prononcim për albinfo.at, një mik i Agimit thotë se janë lajmëruar edhe policia austriake por deri tash nuk kanë marr asnjë informatë. Madje, nuk është gjetur as vetura e tij.

    Kushdo që e ka parë Agimin që nga e shtuna ose ka ndonjë informacion rreth vendndodhjes së tij, kërkohet të kontaktojë menjëherë stacionin më të afërt të policisë.

  • ZYRTARE: FC Drenica dhe trajneri Bylbyl Sokoli ndahen me marrëveshje të përbashkët!

    ZYRTARE: FC Drenica dhe trajneri Bylbyl Sokoli ndahen me marrëveshje të përbashkët!

    FC Drenica ka njoftuar sot zyrtarisht se ka përfunduar bashkëpunimin me Profesor Bylbyl Sokolin, në një marrëveshje të arritur me mirëkuptim të plotë dhe respekt të ndërsjellë profesional.

    Klubi ka shprehur mirënjohje të veçantë për punën e Sokolit, i cili ishte një figurë kyçe në rikthimin e Drenicës në Superligë, si dhe në ndërtimin dhe përgatitjen e skuadrës gjatë këtij sezoni. Kontributi i tij vlerësohet lart nga drejtuesit, futbollistët dhe i gjithë komuniteti drenicas.

    “Profesor Sokoli do të mbetet gjithmonë pjesë e historisë sonë,” thuhet ndër të tjera në njoftimin e klubit, duke theksuar respektin maksimal për trajnerin e njohur shqiptar.

    FC Drenica konfirmon se do të vazhdojë rrugën e saj me qartësi, profesionalizëm dhe objektiva të mëdha, ndërsa synon të ndërtojë një projekt afatgjatë dhe ambicioz që në të ardhmen të çojë klubin në arenën europiane.

  • Sergio Ramos drejt rikthimit në Europë, legjenda spanjolle pritet të largohet nga Monterrey në fund të dhjetorit!

    Sergio Ramos drejt rikthimit në Europë, legjenda spanjolle pritet të largohet nga Monterrey në fund të dhjetorit!

    Sergio Ramos, një nga mbrojtësit më të mëdhenj të historisë së futbollit modern, është vetëm një hap larg largimit nga Monterrey dhe synon që në janar të rikthehet në skenën europiane.

    39-vjeçari ka njoftuar klubin meksikan për vendimin e tij, ndërsa sipas Fabrizio Romano, Ramos është i hapur të nënshkruajë një kontratë 6-mujore me një klub elitar të Europës për “dritaren e fundit” të karrierës së tij.

    Sipas Calciomercato, disa skuadra të Serie A po monitorojnë situatën, dhe Juventusi shihet si një opsion konkret. Bardhezinjtë e kishin konsideruar transferimin e Ramosit edhe sezonin e kaluar pas dëmtimit të Bremer, dhe megjithëse mbrojtja aktualisht është më stabile, përvoja e madhe e spanjollit mund të ishte një vlerë e shtuar për ekipin e Luciano Spallettit.

    Megjithatë, me ndryshimet e fundit në drejtimin sportiv dhe qasjen më të rreptë të rekrutimit të vendosur nga Damien Comolli, mbetet e paqartë nëse Juventusi do të hapë dyert për ish-kapitenin e Real Madridit.

    Ajo që dihet sigurt është se Ramos dëshiron një sfidë të fundit europiane, dhe muaji janar mund të jetë momenti i rikthimit të tij në futbollin e madh.

  • Zyrtare: Gjermania do të organizojë UEFA Women’s EURO 2029, vendimi u morrë me shumicë të thellë votash!

    Zyrtare: Gjermania do të organizojë UEFA Women’s EURO 2029, vendimi u morrë me shumicë të thellë votash!

    Komiteti Ekzekutiv i UEFA-s, i mbledhur sot në Shtëpinë e Futbollit Europian në Nion, ka vendosur që Gjermania të jetë vendi pritës i UEFA Women’s EURO 2029. Vendimi u mor pas raundit të parë të votimit, ku Gjermania fitoi bindshëm me 15 vota, duke lënë pas kandidaturën e përbashkët Danimarkë/Suedi me vetëm 2 vota, ndërsa Polonia nuk mori asnjë votë.

    Kampionati Evropian i femrave për vitin 2029 do të zhvillohet në tetë stadiume elitare gjermane: Koln, Dortmund, Duseldorf, Frankfurt, Hanover, Leipzig, Mynih dhe Wolfsburg. Turneu do të ketë pjesëmarrjen e 16 kombëtareve, dhe do të mbahet gjatë verës së vitit 2029.

    UEFA njoftoi gjithashtu edhe vendet pritëse për turnetë finale të kampionateve europiane të moshave:

    Kampionati Evropian i Vajzave U-17

    2028: Belgjikë

    2029: Turqi

    Kampionati Evropian i Vajzave U-19

    2028: Portugali

    2029: Itali

    Kampionati Evropian i Djemve U-17

    2028: Lituani

    2029: Moldavi

    Kampionati Evropian i Djemve U-19

    2027: Çeki

    2028: Bullgari

    2029: Holandë

    Mbledhja e ardhshme e Komitetit Ekzekutiv të UEFA-s është planifikuar për 11 shkurt 2026, një ditë para Kongresit të 50-të të UEFA-s që do të mbahet në Bruksel, Belgjikë.

  • Mjekët zbulojnë shkakun e fshehur të lodhjes së vazhdueshme

    Mjekët zbulojnë shkakun e fshehur të lodhjes së vazhdueshme

    Edhe pse shumë njerëz i përmbahen një orari të rregullt gjumi dhe bëjnë gjithçka që munden për të përmirësuar cilësinë e gjumit të tyre, lodhja në mëngjes është ende shumë e zakonshme.

    Ekspertët paralajmërojnë se në situata të tilla, është e nevojshme të merret në konsideratë mundësia e mungesës së vitaminave thelbësore, të cilat lejojnë funksionimin e duhur të qelizave, trurit dhe formimin e qelizave të kuqe të gjakut.

    “Vitaminat thelbësore janë ato që trupi ka nevojë për të funksionuar normalisht, por ne duhet t’i marrim ato përmes ushqimit – që është opsioni më i mirë – ose përmes suplementeve”, thotë mjekja Dr. Marie Ramas për Parade. Nëse nuk ka mjaftueshëm prej tyre, trupi mund të fillojë të “mbetet prapa”.

    Një vitaminë specifike shpesh lidhet me lodhjen e vazhdueshme – vitamina B12. Dr. Ramas thotë, “Niveli i ulët i vitaminës B12 mund të kontribuojë në problemet e kujtesës, luhatjet e humorit dhe lodhjen mendore.” Dr. Tatiana Echeverry, një mjeke, shton, “Mungesa e vitaminës B12 mund të shkaktojë lodhje sepse kjo vitaminë luan një rol në krijimin e energjisë qelizore. Pa mjaftueshëm vitaminë B12, trupi nuk mund t’i zbërthejë yndyrnat, proteinat ose karbohidratet në energji.”

    “Është e rëndësishme të identifikohet dhe trajtohet shkaku specifik”

    Mjeku Dr. Raj Dasgupta thekson gjithashtu rolin e saj në gjak. “Vitamina B12 ndihmon trupin të krijojë qeliza të reja të kuqe të gjakut”, shpjegon ai, duke paralajmëruar se mungesa e saj mund të çojë në anemi dhe transport të dobët të oksigjenit në inde.

    Simptomat e mungesës së vitaminës B12 mund të ndryshojnë, varësisht nga ashpërsia, vëren Dr. Dasgupta. Sipas tij, “Shumica e njerëzve e përshkruajnë atë si lodhje të rëndë dhe të vazhdueshme që nuk është në përputhje me nivelin e aktivitetit të tyre”. Në raste më të rënda, mund të shfaqen çrregullime neurologjike dhe psikologjike.

    Dr. Dasgupta paralajmëron: “Këto simptoma shpesh shkaktohen nga dëmtimi i sistemit nervor, i cili mund të bëhet i përhershëm nëse nuk trajtohet.” Një test i thjeshtë laboratorik mund të konfirmojë nivelet e vitaminës B12, si dhe çdo anomali në numërimin e qelizave të gjakut.

    Megjithatë, shkaku i lodhjes nuk lidhet gjithmonë me vitaminën B12. Psikiatri Dr. Alex Dimitriu thekson: “Është e rëndësishme të kuptohet se shumica e njerëzve në botën moderne nuk kanë mungesë të vitaminës, përveç grupeve të caktuara.” Në praktikën klinike, stresi dhe mungesa e gjumit tregohen më shpesh si shkaqet kryesore të lodhjes.

    Rekomandohet një qasje “ushqimi i pari”, ndërsa suplementet duhet të vendosen nga një mjek. “Është e rëndësishme të identifikohet dhe trajtohet shkaku specifik, në vend që të mbështetemi vetëm te suplementet”, përfundoi Dr. Dasgupta.

  • Thani çarçafët më shpejt në dimër duke përdorur këtë metodë

    Thani çarçafët më shpejt në dimër duke përdorur këtë metodë

    Me ardhjen e motit të ftohtë, tharja e rrobave bëhet një sfidë e vërtetë. Nëse nuk keni makinë për tharjen e rrobave, kjo bëhet edhe më e vështirë.

    Për njerëzit që jetojnë në shtëpi të vogla, tharja e çarçafëve në dimër mund të duket pothuajse e pamundur.

    Megjithatë, ka disa mënyra që mund t’i ndihmojnë rrobat të thahen më shpejt dhe të mos marrin erë lagështie.

    Martin Seeley, ekspert i gjumit dhe CEO i MattressNextDay, ka ndarë disa këshilla praktike për tharjen e rrobave pa tharëse. Truku më i mirë sipas tij kërkon vetëm një peshqir të pastër.

    Ai tha: “Peshqirët prej pambuku janë thithës, kështu që kur i mbështillni çarçafët e lagur brenda një peshqiri, ai tërheq sasi të madhe uji të tepërt”.

    Si ta bëni si duhet:

    – Shtroni një peshqir të pastër dhe të thatë mbi një sipërfaqe të madhe.

    – Vendosni çarçafin e lagur sipër tij.

    – Mblidhini së bashku fort, si të ishte një rrotull.

    – Shtypeni mirë, ose madje shkelni lehtë mbi të, që peshqiri të thithë sa më shumë lagështi.

    Pasi ta hapni rrotullimin, vareni çarçafin pranë një vendi të ngrohtë ose në një dhomë me qarkullim të mirë ajri. Ai tha se në këtë mënyrë, çarçafi thahet dukshëm më shpejt, sidomos në ditët e ftohta dhe me lagështi.

    Këshilla e dytë është të lani çarçafët herët në mëngjes, që t’u jepni gjithë ditën për t’u tharë.

    Martin shpjegoi: “Nëse i lani në mbrëmje, ajri i ftohtë e ngadalëson tharjen. Nëse mundeni, niseni larjen para mesditës që çarçafët të përfitojnë nga ngrohtësia dhe qarkullimi i ajrit gjatë ditës”.

  • Shakira habit fansat – jep kompliment të papritur për Pique pas tre vitesh ndarje

    Shakira habit fansat – jep kompliment të papritur për Pique pas tre vitesh ndarje

    Shakira, në një intervistë të re për programin argjentinas “Por el mundo”, reflekton mbi periudhën trevjeçare pas ndarjes së saj nga Gerard Pique.

    Ajo tregon se si dhimbjen dhe emocionet e forta i ka shndërruar në muzikë, duke e quajtur këtë proces një ‘transformim’ që i ndihmoi të shërohej dhe të lidhej më thellë me publikun.

    Artistja flet me shumë ngrohtësi për miqtë e vërtetë dhe për mbështetjen që ka marrë, duke e quajtur marrëdhënien me audiencën e saj ‘historinë më të gjatë të dashurisë’ që ka pasur ndonjëherë.

    Në një moment më personal, Shakira flet për jetën si nënë dhe thotë se djemtë e saj e duan thjesht ‘nënën me pizhama’, atë që e kanë vetëm për vete.

    Pjesa që befasoi fansat ishte komplimenti i papritur për Pique.

    Edhe pse shpesh ka bërë shaka për të, këtë herë ajo e pranoi drejt: “Edhe babai i tyre, të jem e drejtë, është shumë i disiplinuar. Nuk mund të kesh sukses në asnjë profesion pa disiplinë”.

    Me këtë koment, Shakira i njohu kontributin e Piques te fëmijët dhe tregoi një qasje më të pjekur e të balancuar ndaj marrëdhënies së tyre të kaluar. /Telegrafi/

  • Kosova renditet e 41-ta në listën e ‘Fair-Play’ të UEFA-s

    Kosova renditet e 41-ta në listën e ‘Fair-Play’ të UEFA-s

    Kosova është renditur në vendin e 41-të në listën e ‘Fair-Play’ të UEFA-s.

    Krenar për këtë arritje është edhe vetë Federata Kombëtare e Kosovës, e cila me anë të një postimi shkruan:

    “Një tjetër tregues i përkushtimit, disiplinës dhe frymës sportive në fushë.
    FFK me ekipet kombëtare dhe klubet e saj janë të përkushtuara për respekt, lojë të pastër dhe sportivitet të cilat po japin rezultat.
    Krenarë për progresin dhe vlerat që po ndërtojmë”

  • Marv nga “Home Alone” zbulon pse nuk merr pjesë në eventet që shënojnë 35-vjetorin e filmit

    Marv nga “Home Alone” zbulon pse nuk merr pjesë në eventet që shënojnë 35-vjetorin e filmit

    Aktori Daniel Stern, i njohur më së miri për publikun për rolin e tij si Marv në dyshen legjendare ‘Wet Bandits’, ka zbuluar se pavarësisht popullaritetit të madh të filmit “Home Alone”, ai nuk do të marrë pjesë në asnjë aktivitet që shënon 35-vjetorin e tij.

    Ai shpjegoi se tani bën një jetë shumë më të qetë si artist dhe fermer dhe është bërë një ‘djalë i vërtetë shtëpie’.

    “Nuk do të largohem nga ferma ime”, tha Stern duke qeshur.

    “Nuk është një fyerje për filmin. Është thjesht… një telefonatë, një telefonatë në Zoom, jam këtu. Por… jam paksa shtëpiak”.

    Personazhi i Stern, Marv, është një hajdut i pafat i cili, me partnerin e tij Harry, të luajtur nga Joe Pesci, grabit shtëpi në zonën e Chicagos.Sulmi i tyre kulmon me një përpjekje qesharake për të hyrë me forcë në shtëpinë e Kevin McCallister (Macaulay Culkin) pasi djali lihet vetëm në shtëpi për Krishtlindje.

    Aktori 68-vjeçar e la jetën e Hollywoodit shumë vite më parë dhe u zhvendos në një fermë në Kaliforni.

    Stern është i vetëdijshëm se filmi “Home Alone” ende gjen jehonë te audiencat në mbarë botën dekada pas premierës së tij në vitin 1990, por ai është më i lumtur që mund ta shohë suksesin e tij nga të gjitha anët. /Telegrafi/

  • Vetura përmbyset në pishinë, vdesin tre të rinj në Francë

    Vetura përmbyset në pishinë, vdesin tre të rinj në Francë

    Tre adoleshentë kanë humbur jetën kur vetura e tyre rrëshqiti nga rruga në Francën jugore, kaloi nëpër një mur dhe u përmbys në një pishinë private, kësisoj duke i bllokuar ata brenda.

    Automjeti ishte i ngjashëm me madhësinë e pishinës dhe adoleshentët – të moshës 14, 15 dhe 19 vjeç – nuk mundën të hapnin dyert dhe u mbytën.

    Aksidenti i çuditshëm ndodhi në qytetin Alès në orët e para të së mërkurës, raporton BBC.

    “Është vërtet kulmi i tmerrit,” tha prokurori publik Abdelkrim Grini. “Nuk ishte ndikimi i aksidentit që i vrau ata. Ata e gjetën veten përmbys në ujin e akullt, të paaftë për të dalë. Ata nuk kishin asnjë shans.”

    Raporte të pakonfirmuara sugjerojnë se më i riu nga tre viktimat ishte në timon të makinës në atë kohë.

    Vetëm disa orë u dha alarmi dhe zjarrfikësit u thirrën për të zbrazur pishinën dhe për të larguar automjetin. BFMTV raportoi se pishina ishte rreth 1.5 metra e thellë.

    Një hetim është hapur për shkakun e vdekjes. Trupat e tre viktimave janë dërguar në institutin mjeko-ligjor në Nîmes për ekzaminime pas vdekjes, tha AFP.