ATV

Blog

  • Michael Jordan kritikon basketbollin modern: “Lojtarëve u mungon dashuria për lojën”

    Michael Jordan kritikon basketbollin modern: “Lojtarëve u mungon dashuria për lojën”

    I konsideruar gjerësisht si lojtari më i madh në historinë e basketbollit, Michael Jordan vazhdon të tërheqë vëmendje sa herë që flet për sportin që e bëri legjendë. Ikona e NBA-së, i cili fitoi gjashtë tituj kampioni me Chicago Bulls dhe çdo herë u shpall MVP i Finales, së fundmi ka komentuar gjendjen e basketbollit modern.

    Në një intervistë për “NBC Sports”, Jordan kujtoi një klauzolë të veçantë në kontratën e tij me Bulls – një klauzolë që ai e quan “dashuri për lojën”.

    “Jam i bindur se shumica e kontratave sot nuk e kanë këtë klauzolë. Nëse do ta shihja dikë duke luajtur basketboll në anë të rrugës, thjesht do bashkohesha me ta. Edhe po të lëndohesha, paga ime ishte e garantuar,” zbulon Jordan.

    Në serinë “MJ: Insights to Excellence” të “NBC Sports”, ai theksoi se pasioni i tij për basketbollin ishte i pakushtëzuar:

    “E dua aq shumë basketbollin, sa nuk do të lejoja kurrë që dikush të më hiqte mundësinë për të luajtur.”

    Jordan kritikoi qasjen e shumë lojtarëve të sotëm, të cilët, sipas tij, nuk tregojnë të njëjtin nivel përkushtimi:

    “Nuk e ke më këtë sot. Lojtarët ndoshta nuk dalin fare për të luajtur. Marrin trajtim individual nga trajneri, gjuajnë 100 ose 1.000 herë, por s’është e njëjta gjë. Larry Bird e kaloi një verë të tërë duke punuar me dorën e majtë.”

    Me tone të ashpra ndaj basketbollit modern, Jordan shtoi:

    “Është shumë e thjeshtë. Qëllimi im ishte të bëja punën time dhe të bëhesha lojtari më i mirë i mundshëm.”

    Ai theksoi gjithashtu se marketingu nuk e ka ndikuar kurrë në parket:

    “Tani të gjithë duhet të kenë një logo. Unë punova fort në fushë dhe më pas brendi u ngrit mbi atë. Njerëzit e kujtojnë Michael Jordan për atë që bëri në parket, jo për anën komerciale.”

  • Gjashtë ndeshje, gjashtë fitore të favoritëve në Kupën e Kosovës

    Gjashtë ndeshje, gjashtë fitore të favoritëve në Kupën e Kosovës

    Kanë përfunduar gjashtë ndeshjet e ditës së sotme (e enjte) në kuadër të Kupës së Kosovës, të vlefshme për fazën e 1/16-tës, ku tutje kanë kaluar skuadrat favorite.

    Pas ditës së djeshme (e mërkurë), në të cilën të gjitha ekipet e Superligës siguruan kualifikimin, edhe sot favoritët kanë arritur fitore të pritshme.

    Kampioni aktual i Kupës, Prishtina, triumfoi si mysafire ndaj Top Football me rezultat 0-2, duke siguruar kalimin në fazën e 1/8-tës.

    Në ndeshjet tjera, Dinamo e Ferizajt mposhti 2 Korrikun në Prishtinë me rezultat bindës 0-3, ndërsa Vushtrria fitoi po ashtu në udhëtim kundër Flamurtarit me rezultat 0-2.

    Me të njëjtin rezultat, 0-2 dhe si mysafir, fituan edhe Feronikeli ’74 ndaj Istogut ’03, si dhe Vëllaznimi kundër KEK-ut.

    E vetmja ndeshje që nuk u mbyll brenda 90 minutave ishte ajo mes Lirisë dhe Suharekës, e cila përfundoi 1-1. Pas vazhdimeve, prizrenasit siguruan kualifikimin falë fitores 2-1.

    Të premten zhvillohet edhe ndeshja e fundit e kësaj faze, ajo mes Kika dhe Trepça ’89. /ATVLIVE.TV

  • Reagon Rrjeti i Grave: Dënojmë gjuhën denigruese, seksiste ndaj Adriana Matoshit nga Sami Lushtaku

    Reagon Rrjeti i Grave: Dënojmë gjuhën denigruese, seksiste ndaj Adriana Matoshit nga Sami Lushtaku

    Rrjeti i Grave të Kosovës, ka dënuar gjuhën denigrues dhe seksiste të kryetarit të Skenderaj, Sami Lushtakun ndaj deputetes Adriana Matoshit.

    Sipas një postimi në rrjetin social në Facebook në reagim thuhet se sulme të tilla personale, jo vetëm që ofendojnë një grua të zgjedhur nga qytetarët, por godasin të gjitha gratë që marrin pjesë në jetën publike dhe politike.

    “Dënojmë fuqishëm gjuhën denigruese, seksiste dhe krejtësisht të papranueshme të përdorur ndaj deputetes Adriana Matoshi nga Sami Lushtaku. Sulme të tilla personale, jo vetëm që ofendojnë një grua të zgjedhur nga qytetarët, por godasin të gjitha gratë që marrin pjesë në jetën publike dhe politike. Kjo retorikë ushqen kulturën e dhunës me bazë gjinore dhe përpiqet të ulë zërin e grave përmes turpërimit e diskriminimit. U bëjmë thirrje institucioneve, partive politike dhe shoqërisë që ta dënojnë këtë gjuhë dhe të angazhohen për një diskurs publik që respekton dinjitetin e secilit person, pa dallim gjinie”, thuhet në reagim.

  • ASK: Çmimet e pronave banesore u rritën me 4.2 % krahasuar me vitin 2024

    ASK: Çmimet e pronave banesore u rritën me 4.2 % krahasuar me vitin 2024

    4.2 për qind shtrenjtim të çmimit kanë pësuar banesat në nivel vendi këtë vit krahasuar me çmimet në vitin 2024. Kjo qe një nga statistikat e shpalosura sot në publikimin e Indeksit të Çmimeve të Pronave Banesore nga Agjencia e Statistikave të Kosovës.

    Avni Kastrati, drejtor i ASK-së ka thënë se veçantia e këtij indeksi qëndron te fakti që po realizohet të parën herë dhe do të shërbejë edhe në arenën ndërkombëtare.

    “Është shumë i rëndësishëm sepse përveç institucioneve qendrore e lokale, do t’ju ndihmoj edhe atyre private që merren me patundshmëritë”, ka thënë ai.

    Ky indeks ka analizuar gjendjen praktike ndërmjet viteve 2018 – 2025.

    “Në nivel vendi, çmimet e pronave banesore u rritën me 4.2% në tre mujorin e dytë të vitit 2025, krahasuar me tre mujorin e dytë të vitit 2024. Rajoni i Prishtinës shënoi rritje prej 6.5%, ndërkaq rajonet e tjera të vendit pati rritje më të lehtë prej 0.7%”, ka thënë Gëzim Ahmeti, zyrtar për statistika të çmimeve.

    “Indeksi i çmimeve të pronave të banimit , ka një trend të rritjes prej 2018 që nisë me 100.0 ndërkaq në 2024 me 118. 1%”, vazhdoi Ahmeti.

    Në anën tjetër publikimi i këtij Indeksi u përkrah edhe nga Banka Qendrore e Kosovës. “Prej mënyrës se si lëviz ky indeks shohim se a kemi rritje apo ngadalësim të ekonomisë. Pikërisht për këtë arsye është jashtëzakonisht i rëndësishëm për vlerësimin makro ekonomik të situatës dhe për neve për politikbërjes”, ka thënë zëvendës guvernator i BQK-së, Milot Cakaj.

  • Familja e Shpat Kasapit del me një komunikatë për publiken pas humbjes së artistit

    Familja e Shpat Kasapit del me një komunikatë për publiken pas humbjes së artistit

    Familja e artistit të ndjerë Shpat Kasapi, dolën me një reagim publik pas humbjes së parakohshme të këngëtarit.

    Ata, përmes një postimi, falënderuan miqtë, kolegët dhe publikun për ngushëllimet dhe mbështetjen që u dhanë gjatë kësaj periudhe të vështirë.

    “Të dashur familjar, miq, kolegë, dhe të gjithë ju, publik e dashamirë të muzikës së Shpatit. Në emër të familjes sonë, ju falënderojmë nga zemra secilin prej jush për mbështetjen, ngushëllimet dhe respektin që na keni dhënë në këto ditë të rënda. Falë jush, kujtimi i Shpatit u nderua ashtu siç e meritonte, me dashuri dhe me mirënjohje”, kanë shkruar familjarët e artistit të ndjerë.

  • Refuzohen mbi 6 mijë aplikime për votim nga diaspora, gati 49 mijë aprovohen

    Refuzohen mbi 6 mijë aplikime për votim nga diaspora, gati 49 mijë aprovohen

    Nga 26 nëntori deri më 4 dhjetor janë pranuar më shumë se 55.600 aplikime për regjistrim për votim jashtë Kosovës, prej të cilave janë aprovuar mbi 48.600, ndërkaq janë refuzuar mbi 6.400, ka njoftuar Komisioni Qendror i Zgjedhjeve.

    Ndërkohë, në vlerësim e sipër janë rreth 500 aplikime.

    KQZ ka thënë se nga numri i përgjithshëm i aplikuesve të aprovuar, pjesa më e madhe janë regjistruar për të votuar përmes postës, rreth 35,000 prej tyre, për të dërguar pakon me fletëvotim në ndonjërën nga adresat e kutive postare jashtë Kosovës dhe më shumë se 1,600 të tjerë për të dërguar pakon me fletëvotim në kutinë postare të KQZ-së në Kosovë.

    Ndërkaq, mbi 12,000 shtetas janë regjistruar për të votuar fizikisht në ndonjërën nga përfaqësitë diplomatike.

  • Pas 25 vitesh, VV i merr Fushë Kosovën LDK-së, Prebreza e bën ‘sefte’ punën në komunë

    Pas 25 vitesh, VV i merr Fushë Kosovën LDK-së, Prebreza e bën ‘sefte’ punën në komunë

    Pas 25 vitesh, Lidhja Demokratike e Kosovës (LDK) nuk do të udhëheq komunën e Fushë Kosovës.

    Nga sot, kjo komunë e rëndësishme do të udhqhet nga Valon Prebreza i Vetëvendosjes.

    Përmes një postimi në Facebook, ai ka faleminderit qyetarët për besimin dhe mbështetjen. “… dhe së bashku do të bëjmë shumë punë”.

  • Putin: Do të marrim kontrollin e Donbasit me forcë nëse Ukraina nuk tërhiqet

    Putin: Do të marrim kontrollin e Donbasit me forcë nëse Ukraina nuk tërhiqet

    Presidenti rus, Vladimir Putin tha se Rusia do të marrë kontrollin e plotë të rajonit ukrainas të Donbasit me forcë, nëse forcat ukrainase nuk tërhiqen prej andej, një veprim që Kievi e refuzon.

    Putin dërgoi dhjetëra mijëra trupa në Ukrainë në shkurt të vitit 2022, pas tetë vitesh luftimesh midis separatistëve të mbështetur nga Rusia dhe trupave ukrainase në Donbas, i cili përbëhet nga Donetsku dhe Luhansku.

    “Ose do t’i çlirojmë këto territore me forcën e armëve, ose trupat ukrainase do të largohen nga këto territore”, tha Putin për India Today përpara një vizite në New Delhi, sipas një fragmenti të transmetuar në televizionin shtetëror rus.

    Ukraina thotë se nuk dëshiron t’i japë Rusisë territor që Moska nuk arriti ta fitojë në fushën e betejës, dhe Presidenti ukrainas Volodymyr Zelensky ka thënë se Moska nuk do të shpërblehet për luftës që e filloi vetë.

    Rusia aktualisht mban 19.2 përqind të Ukrainës, përfshirë Krimenë, të cilën e aneksoi në vitin 2014, të gjithë Luhanskun, më shumë se 80 përqind të Donetskut, rreth 75 përqind të Khersonit dhe Zaporizhias, dhe pjesë të rajoneve Kharkiv, Sumy, Mykolaiv dhe Dnipropetrovsk.

  • Tentoi të hynte në Shqipëri me 240 mijë euro të padeklaruara, arrestohet 36-vjeçari në Rinas

    Tentoi të hynte në Shqipëri me 240 mijë euro të padeklaruara, arrestohet 36-vjeçari në Rinas

    Shërbimet e Policisë Kufitare të Rinasit në Shqipëri kanë parandaluar një rast të mosdeklarimit të një shume të konsiderueshme parash, gjatë kontrolleve të rregullta në pikën e kalimit kufitar.

    Sipas njoftimit, gjatë një kontrolli të thelluar në vijën e dytë, te shtetasi G. S., 36 vjeç, banues në Krujë, u gjetën 240 000 euro që ai tentonte t’i futë në Republikën e Shqipërisë pa i deklaruar, në kundërshtim me ligjin.

    Materialet e mbledhura u referuan Prokurorisë së Tiranës, ku ka nisur procedimi penal në gjendje të lirë ndaj 36-vjeçarit.

    “Si rezultat i kontrolleve të imtësishme në hyrje/dalje të vendit, me pajisje bashkëkohore, detektuese, analizës së riskut, intervistimit të thelluar, verifikimeve të detajuara të dokumenteve të udhëtimit, me objektiv parandalimin dhe konstatimin e paligjshmërive në kufi, shërbimet e Policisë Kufitare të Rinasit kanë goditur një tjetër rast të mosdeklarimit në pikën e kalimit kufitar, të shumave të konsiderueshme të parave. Për këtë rast, u referuan materialet në Prokurori, ku nisi procedimi në gjendje të lirë për shtetasin G. S., 36 vjeç, banues në Krujë, të cilit gjatë kontrollit në vijën e dytë, iu gjetën 240 000 euro që synonte t’i fuste në Republikën e Shqipërisë, pa i deklaruar konform ligjit”, njofton Policia e Shtetit.

    Policia Kufitare njofton se përdorimi i pajisjeve moderne, analiza e riskut, intervistimet e thelluara dhe verifikimet e dokumenteve të udhëtimit janë pjesë e strategjisë për parandalimin dhe zbulimin e paligjshmërisë në kufi. /Telegrafi/

  • Gazetari kroat nxjerr dëshmi të reja mbi rolin e Vuçiqit në “Sarajevo Safari”: Ai ka gjuajtur mbi civilë

    Gazetari kroat nxjerr dëshmi të reja mbi rolin e Vuçiqit në “Sarajevo Safari”: Ai ka gjuajtur mbi civilë

    Gazetari investigativ kroat, Domagoj Margetiq, ka publikuar dëshmi të reja që lidhin presidentin aktual të Serbisë, Aleksandar Vuçiq, me të cilat thotë se vërtetohet se presidenti serb ishte pjesë e tmerrit që ndodhi gjatë rrethimit të Sarajevës, që tashmë njihet si ‘safari njerëzor’.

    Sipas tij, deklaratat që Vuçiq kishte dhënë në vitet 1994–1997, së bashku me dokumente dhe dëshmi të reja, e vendosin atë pranë zonave ku raportohet se ka ndodhur “Sarajevo Safari”.

    “Pas kthimit nga Sarajeva nga vijat e frontit, nga viti 1994 e deri më 1997, Aleksandar Vuçiq ka dhënë një numër të madh deklaratash për luftën e tij dhe pjesëmarrjen në rrethimin e Sarajevës”, thotë gazetari.

    Këto deklarata sipas Margetiqit, më së shpeshti janë ribotuar dhe transmetuar në magazinën zyrtare të radikalëve të Sheshelit, “Serbia e Madhe”.

    “Me një deklarastë tqë Vuciq e dha në vitin 1994, ai në thelb e konfirmon se ka qenë vullnetar ushtarak në Sarajevë. Se ka marrë pjesë në luftime. Se është luftuar si vullnetar në Grbavicë dhe në Varrezën Hebraike. Se që ka qenë pjesëtar i armatosur i njësisë së Aleksiqit pikërisht në pozicionet, në mikrolokacionin ku janë organizuar dhe kryer “safari njerëzor” dhe se në bazë të të gjitha këtyre, është e qartë që ai ka qëlluar mbi civilë dhe se është e qartë që ka qenë i lidhur me safari njerëzore”, shkruan gazetari kroat.

    Sipas Margetiqit, kjo e vendos Vuçiqin në të njëjtat lokacione ku, sipas raportimeve të ndryshme ndërkombëtare, janë zhvilluar aktet e “gjuetisë ndaj civilëve”.

    “Së bashku me të gjitha deklaratat e deritanishme të vetë Vuçiqit, kjo është edhe një tjetër në vargun e deklaratave të Aleksandar Vuçiqit, e cila e vendos atë në kohën dhe vendin e safari-ve njerëzore në Sarajevën e kohës së luftës”, thotë ai.

    Margetiq, edhe para pak ditësh në një intervistë për Balkan Talks në Euroneës Albania, ka folur mbi shkrimin e tij të fundit investigativ që e lidh presidentin serb, Aleksandar Vuçiq, me një grup snajperistësh gjatë luftës në Bosnje e Hercegovinë.

    Margetiq ka bërë të ditur se hetimi i tij përfshin dëshmi dhe dokumente që tregojnë përfshirjen e Vuçiqit në një njësi paraushtarake serbe, e cila vepronte pranë Sarajevës.

    Sipas tij, kjo njësi paraushtarake udhëhiqej nga Mirko Blagojeviq dhe kishte leje të veçanta kalimi nga institucionet serbe të kohës.

    Ai tha se Vuçiq shoqëronte të ashtuquajturit “klientë” dhe mbante një mjet identifikimi të shërbimeve sekrete serbe.

    “Në afërsi të Sarajevës, ata udhëhiqeshin nga njerëz të një njësie paraushtarake. Ajo që zbulova është se Vuçiq ishte një nga ata që shoqëronte ‘klientët’ dhe mbante identifikim të shërbimeve sekrete serbe. Mirko Blagojeviq ka thënë se Vuçiq ishte ai që mundësonte lëvizjen e tyre”, tha Margetiq.

    Ai po ashtu bëri të ditur se informacionet e mbledhura vijnë nga ish-pjesëtarë të forcave paraushtarake serbe dhe nga ushtarë që kanë marrë pjesë në atë periudhë.

    “Kjo ‘safari’ drejtohej nga Sllavko Aleksiq dhe Vuçiq ishte pjesë e njësisë”, tha ai, duke theksuar se në raportin e tij nuk ka fajësuar qytetarët serbë, por individët e përfshirë në aktivitetet e paligjshme.

    Deklaratat e Margetiqit kanë shkaktuar reagime të shumta në rajon, duke rikthyer vëmendjen te aktivitetet paraushtarake gjatë rrethimit të Sarajevës dhe rolin e zyrtarëve të sotëm në ngjarjet e luftës