Blog

Tre persona kanë mbetur të lënduar si pasojë e një aksidenti mes dy veturave në Gllarevë të Klinës.

Lajmin e ka konfirmuar zëdhënësi i Policisë për rajonin e Pejës, Fadil Gashi.

“Një aksident mes dy veturave ka ndodhur në Gllarevë. Si pasojë kanë mbetur të lënduar tre persona, të cilët janë dërguar për tretman mjekësor”, tha Gashi.

Gjykata Kushtetuese vendosi të shfuqizojë dhe të kthejë në detyrë zv.kryeministren e Shqipërisë, Belinda Balluku, pasi mori në shqyrtim ankimin e Kryeministrit Edi Rama kundër vendimit të Gjykatës së Posaçme.

Me shumicë votash, pezullimin e zbatimit të vendimeve gjyqësore nr. 118, datë 19.11.2025 dhe nr. 120, datë 22.11.2025 të Gjykatës së Posaçme të Shkallës së Parë për Korrupsionin dhe Krimin e Organizuar, për pjesën që kanë disponuar caktimin dhe vazhdimin e masës ndaluese “Pezullimi i ushtrimit të një detyre a shërbimi publik” ndaj shtetases Belinda Balluku, sipas nenit 45 të ligjit organik të Gjykatës. Vendimi i pezullimit do të dërgohet për botim në Fletoren Zyrtare.

Vendimi i Gjykatës Kushtetuese

Gjykata e Posaçme dha dy masa sigurie për Ballukun pasi e mori të pandehur, pezullim nga detyra dhe ndalim i daljes jashtë vendit. Qeveria thotë se pezullimi është ndërhyrje në kompetencat e Ekzekutivit dhe kërkon shfuqizimin e kësaj mase.

Balluku u mor e pandehur për procedurat në tenderin e tunelit të Llogarasë dhe është nën hetim për tenderin e lotit 4 të Unazës së Madhe.

Në kuadër të misionit të KFOR-it, ushtarët amerikanë kanë kryer trajnime të specializuara për neutralizimin e dronëve.

Sipas KFOR-it, këto ushtrime synojnë të rrisin efektivitetin e misionit përballë sfidave të reja të sigurisë.

“Ushtarët amerikanë nga Komanda Rajonale Lindje nga misioni KFOR i udhëhequr nga NATO-ja së fundmi kanë kryer trajnime të specializuara për përmirësimin e aftësisë së tyre për të zbuluar, ndjekur dhe neutralizuar dronët – një aftësi gjithnjë e më esenciale në mjedisin e sotëm të sigurisë”, thuhet në komunikatën e KFOR-it.

Sistemet e përdorura gjatë trajnimeve përfshijnë mjete që ndërhyjnë në funksionimin e dronëve:

“Sistemi prish frekuencën e kontrollit të dronit, duke e detyruar atë të kthehet te operatori i tij, dhe gjithashtu mund të ndërhyjë në sinjalet GPS/GNSS, duke bërë që droni të qëndrojë pezull, të ulet ose të rrëzohet”.

KFOR-i thekson se këto ushtrime forcojnë aftësitë teknike të ushtarëve, duke nxjerrë në pah rëndësinë e koordinimit, punës ekipore dhe përshtatshmërisë në përballimin e kërcënimeve ajrore në zhvillim.

“Këto ushtrime forcojnë aftësinë teknike duke theksuar koordinimin, punën ekipore dhe përshtatshmërinë në përgjigje të kërcënimeve ajrore në zhvillim. KFOR-i i zotëron këto aftësi dhe i ka përdorur tashmë ato në skenarë operacionalë, duke rritur efektivitetin e misionit në adresimin e sfidave të reja të sigurisë”.

Rusia mund të sulmojë një vend të NATO-s brenda pesë viteve të ardhshme, ka paralajmëruar shefi i aleancës ushtarake perëndimore në një deklaratë të bërë gjatë vizitës së tij në Berlin.

“Rusia tashmë po rrit fushatën e saj të fshehtë kundër shoqërive tona,” tha Mark Rutte në një fjalim në Gjermani.

“Ne duhet të jemi të përgatitur për shkallën e luftës që kanë përjetuar gjyshërit ose stërgjyshërit tanë” – tha ai.

Ai përsëriti deklaratat e ngjashme të bëra nga agjencitë perëndimore të inteligjencës për qëllimet e Rusisë, të cilat Moska i hedh poshtë si histeri.

Paralajmërimi i Rutte-s vjen ndërsa presidenti amerikan Donald Trump po përpiqet t’i japë fund pushtimit të plotë të Ukrainës nga Rusia, i nisur në shkurt 2022.

Më herët këtë muaj, presidenti rus Vladimir Putin tha se vendi i tij nuk planifikon të shkojë në luftë me Evropën, por është “i gatshëm menjëherë” nëse Evropa e dëshiron – ose e nis një luftë.

Por siguri të ngjashme janë dhënë nga Moska edhe në vitin 2022, pak para se 200,000 trupat ruse të kalonin kufirin dhe të pushtonin Ukrainën.

Putin ka akuzuar vendet evropiane për pengimin e përpjekjeve të SHBA-së për të sjellë paqe në Ukrainë – një referencë ndaj rolit të aleatëve evropianë të Ukrainës, të cilët së fundmi kanë tentuar të ndryshojnë një plan paqeje të SHBA-së për t’i dhënë fund luftës, drafti fillestar i të cilit shihej si favorizues për Rusinë.

Por Putin nuk ishte i sinqertë, tha sekretari i përgjithshëm i NATO-s në kryeqytetin gjerman, Berlin.

Mbështetja për Ukrainën, shtoi ai, është një garanci për sigurinë evropiane.

“Vetëm imagjinoni nëse Putini do ta arrinte qëllimin e tij; Ukraina nën çizmen e pushtimit rus, forcat e tij duke shtyrë përreth një kufiri edhe më të gjatë me NATO-n, dhe rreziku dukshëm i rritur i një sulmi të armatosur kundër nesh.”

Një avion i vogël është rrëzuar në Liqenin e Mavrovës, njoftojnë nga Qendra për Menaxhim me Kriza.

Drejtori i QMK-së, Muhamed Ali thotë se në bord ishin dy persona, ndërsa njëri ka pësuar lëndime.

“Një aeroplan i vogël u rrëzua në Liqenin e Mavrovës. Në avion ndodheshin dy persona, prej të cilëve njëri është i lënduar. Incidenti u raportua në numrin për thirrje emergjente 112, dhe informacioni menjëherë u përcoll nga Qendra për Menaxhimin e Krizave (QMK) tek Policia e Tetovës, Shërbimi i Emergjencës Mjekësore dhe Qendra Rajonale për Menaxhimin e Krizave (QRMK-Tetovë) për intervenim të menjëhershëm”, njoftoi drejtori i QMK-së, Muhamed Ali.

Ministria e Shëndetësisë ka nënshkruar sot marrëveshje me tetë komuna për furnizimin me po aq autoambulanca të reja, duke e çuar në 20 numrin e autoambulancave të siguruara vetëm gjatë këtij viti.

Vlera e përgjithshme e këtyre mjeteve shkon në rreth 600 mijë euro.

Në ceremoninë e nënshkrimit, zëvendësministri i Shëndetësisë, Arsim Berisha, dhe ushtruesi i detyrës së Sekretarit të Përgjithshëm, Jahë Gecaj, deklaruan se kjo mbështetje do të forcojë dukshëm kapacitetet emergjente në nivel lokal dhe do të përmirësojë qasjen e qytetarëve në shërbimet shëndetësore urgjente.

Sipas Ministrisë së Shëndetësisë, në katër vitet e fundit janë siguruar mbi 40 autoambulanca dhe mbi 30 vetura për vizita në shtëpi, investime që kanë kontribuar në rritjen e cilësisë së shërbimeve emergjente dhe harmonizimin e tyre me standardet bashkëkohore të kujdesit shëndetësor.

Në ngjarje morën pjesë edhe përfaqësues të komunave përfituese.

Presidentja e Kosovës, Vjosa Osmani, dhe Zotëria i Parë, Prindon Sadriu, kanë bërë të ditur se Kosova do të marrë pjesë në koalicionin global “Ndërtimi i së Ardhmes së Bashku”, një iniciativë e udhëhequr nga Zonja e Parë e Shteteve të Bashkuara, Melania Trump, e cila synon mbrojtjen dhe fuqizimin e fëmijëve dhe të rinjve në mbarë botën.

Nëpërmjet një letre zyrtare dërguar Shtëpisë së Bardhë, Kosova konfirmoi gatishmërinë për të kontribuar në mënyrë aktive dhe me përvojë inovative në këtë nismë ndërkombëtare.

“Duke iu bashkuar kësaj iniciative, Kosova sjell përvojë të drejtpërdrejtë dhe inovacion me vizion të së ardhmes”, thuhet në komunikatën e Presidencës.

Në njoftim thuhet gjithashtu: “Republika e Kosovës është krenare të qëndrojë krah Presidentit Donald Trump, Zonja e Parë Melania Trump dhe të gjitha kombeve të përkushtuara për të siguruar që çdo fëmijë të rritet i sigurt, i fuqizuar dhe i lirë. E ardhmja që ndërtojmë për fëmijët tanë është e ardhmja që do të na përcaktojë të gjithëve”.

Me këtë hap, Kosova konfirmon angazhimin e saj në çështjet globale për të siguruar të drejtat, sigurinë dhe zhvillimin e të rinjve.