ATV

Blog

  • Horoskopi i 17 dhjetorit: Çfarë parashohin yjet për ju?

    Horoskopi i 17 dhjetorit: Çfarë parashohin yjet për ju?

    Dashi

    Do të jetë një ditë dinamike dhe vendimtare. Do të ndihesh i shtyrë të marrësh iniciativa, sidomos në punë. Kujdes me impulsivitetin në komunikim. Në dashuri, kërkohet më shumë durim.

    Demi

    Qetësia dhe stabiliteti janë pikat e tua të forta sot. Është një ditë e mirë për çështje financiare dhe planifikime afatgjata. Në marrëdhënie, një bisedë e sinqertë sjell qartësi.

    Binjakët

    Komunikimi është arma jote më e fortë. Takime, telefonata apo mesazhe të rëndësishme mund të sjellin një mundësi të re. Në dashuri, shmang keqkuptimet duke folur hapur.

    Gaforrja

    Ndjeshmëria është e lartë, por edhe intuita. Besoji ndjenjave të tua, sidomos në çështjet familjare. Në punë, mos u tërhiq nga përgjegjësitë, rezultatet do të vijnë.

    Luani

    Dita sjell vëmendje dhe protagonizëm. Mund të marrësh një vlerësim apo lajm të mirë profesional. Në dashuri, je magnetik, por mos kërko gjithmonë të kesh fjalën e fundit.

    Virgjëresha

    Një ditë ideale për organizim dhe rregullime. Çështje që kanë mbetur pezull mund të marrin zgjidhje. Në jetën personale, mos u trego shumë kritik, lejo edhe spontanitetin.

    Peshorja

    Balanca është çelësi i ditës. Mund të gjendesh mes dy zgjedhjeve, por një vendim i matur do të sjellë qetësi. Në dashuri, kërkohet kompromis dhe mirëkuptim.

    Akrepi

    Intensiteti emocional është i fortë. Sekrete apo të vërteta mund të dalin në dritë. Në punë, një strategji e zgjuar të çon përpara. Në dashuri, pasioni është në rritje.

    Shigjetari

    Dita favorizon udhëtime, plane dhe ide të reja. Do të ndihesh optimist dhe energjik. Në marrëdhënie, sinqeriteti forcon lidhjet ekzistuese.

    Bricjapi

    Përqendrim dhe përgjegjësi. Një ditë e mirë për çështje karriere dhe vendime serioze. Në jetën personale, mos harro t’i kushtosh kohë edhe emocioneve.

    Ujori

    Ide origjinale dhe dëshirë për ndryshim. Një propozim i papritur mund të të nxjerrë nga rutina. Në dashuri, kërko më shumë liri, por pa lënduar tjetrin.

    Peshqit

    Ndjeshmëria dhe kreativiteti janë në kulm. Dita është e favorshme për art, reflektim dhe lidhje shpirtërore. Në dashuri, një gjest i vogël ka kuptim të madh.

  • Trump urdhëron bllokadë totale të cisternave të naftës venezueliane

    Trump urdhëron bllokadë totale të cisternave të naftës venezueliane

    Presidenti i Shteteve të Bashkuara, Donald Trump, ka urdhëruar bllokadë të plotë të të gjitha cisternave të naftës të sanksionuara që hyjnë dhe dalin nga Venezuela.

    Vendimi u bë publik përmes një postimi në rrjetin Truth Social, ku Trump deklaroi se qeveria e presidentit venezuelian Nicolás Maduro është shpallur organizatë e huaj terroriste.

    Trump akuzoi regjimin e Maduros për vjedhje të aseteve amerikane, terrorizëm, kontrabandë droge dhe trafikim të qenieve njerëzore, duke shtuar se nafta e vjedhur përdoret për të financuar aktivitete kriminale, përfshirë vrasje dhe rrëmbime.

    “Prandaj, sot po urdhëroj një bllokadë totale dhe të plotë të të gjitha cisternave të sanksionuara të naftës që hyjnë dhe dalin nga Venezuela”, shkroi ai, duke theksuar se vendi është “plotësisht i rrethuar nga armada më e madhe e mbledhur ndonjëherë në historinë e Amerikës së Jugut”.

    Deklaratat e Trump vijnë një javë pasi SHBA-të sekuestruan një anije cisternë nafte në brigjet e Venezuelës.

    Shtëpia e Bardhë tha se anija, e quajtur Skipper, ishte e përfshirë në transport të paligjshëm të naftës dhe do të dërgohej në një port amerikan. Qeveria e Venezuelës e dënoi veprimin, me presidentin Maduro që akuzoi SHBA-të për “rrëmbim të ekuipazhit” dhe “vjedhje të anijes”.

  • Barcelona me mjaft vështirësi eliminon Guadalajaran nga Kupa e Mbretit

    Barcelona me mjaft vështirësi eliminon Guadalajaran nga Kupa e Mbretit

    Barcelona ka arritur të kualifikohet në raundin tjetër të Kupës së Mbretit,duke eliminuar me mjaft vështirësi Guadalajaran me rezultat 2:0.

    Pjesa e parë u karakterizua me kontroll të lojës nga katalunasit,por vendasit arritën të jenë mjaft të organizuar në mbrojtje,dhe 45 minutat e parë përfunduan pa gola 0:0.

    Në pjesën e dytë Barca arriti të thej rezistencën e vendasve,duke arritur të realizoi në minutën e 76-të për 1:0 me anë të Andreas Christensen që shënoi me kokë.

    Në fund të ndeshjes Marcus Rashford vulosi kualifikimin e Barcelonës,duke shënuar për 2:0 që ishte edhe rezultati përfundimtar.

  • Chelsea siguron kalimin në gjysmëfinale të Carabao Cup-Eliminon ekipin e Cardiff City-it

    Chelsea siguron kalimin në gjysmëfinale të Carabao Cup-Eliminon ekipin e Cardiff City-it

    Skuadra e Chelsea-it ka siguruar gjysmëfinalen e Carabao Cup,duke mposhtur Cardiff City-in me rezultat 3:1.

    Pjesa e parë u karakterizua me dominim të londinezëve,por rezultati mbeti i pandryshuar 0:0 pas 45 minutave të parë.

    Në pjesën e dytë blutë bënin zëvendësime,ku më vonë dolën të qëlluara.

    Alejandro Garnacho realizoi për 1:0 në minutën e 57-të,kurse në anën tjetër Cardiif barazoi përmes David Turnbull që realizoi me kokë për 1:1.

    Por në fund Chelsea nuk lejoi befasi,dhe ishte argjentinasit Garnacho që realizoi për 3:1 që ishte edhe rezultati përfundimtar,teksa londinezët shënuan edhe golin e tretë në minutat shtesë ku sërish ishte Garnacho,dhe me këtë fitore Chelsea kalon në gjysmëfinale ku do të presë kundërshtarin potencial.

  • Trepça fiton ndeshjen kundër Borës dhe merrë kreun e tabelës në Procredit Superligë.

    Trepça fiton ndeshjen kundër Borës dhe merrë kreun e tabelës në Procredit Superligë.

    Kampioni aktual Trepça ka fituar ndeshjen e mbetur të xhiros së pestë në Procredit Superligë,duke mposhtur skuadrën e Borës me rezultat 90:72.

    Kjo fitore i vendos xehetarët në pozitën e parë në tabelë me 8 fitore e 3 humbje,teksa skuadra e Borës pëson humbje pas 4 fitoreve me rradhë.

    Ishte pikërisht periudha e tretë që vendosi epilogun e ndeshjes,ku xehetarët e mbyllën me shifrat 38:11 për të fituar në fund me rezultat 90:72.

    Drilon Hajrizi me 20 pikë dhe Mikael Tmusiq me 14 pikë,5 kërcime,5 asistime e 6 topa të vjedhur ishin më efikasët tek mitrovicasit,kurse tek Bora Shaquan Jues kishte realizuar 25 pikë.

  • Përmbyset një autobus në Iran, të paktën 13 të vdekur – mbi 12 të lënduar

    Përmbyset një autobus në Iran, të paktën 13 të vdekur – mbi 12 të lënduar

    Një autobus udhëtarësh është përmbysur, duke shkaktuar vdekjen e 13 personave dhe plagosjen e mbi një duzine të tjerëve në një autostradë në qendër të Iranit, raporton agjencia shtetërore e lajmeve IRNA.

    Autobusi po udhëtonte vonë të hënën nga Isfahani drejt qytetit verilindor Mashhad, kur goditi gardhin qendror të autostradës, kaloi në korsinë e kundërt dhe u përplas me një taksi para se të përmbysej, tha policia, raporton AP, transmeton Sinjali.

    Në aksident humbën jetën njëmbëdhjetë pasagjerë të autobusit dhe dy persona që ishin në taksi, ndërsa gjashtë gra dhe shtatë burra u shtruan në spital, raporton IRNA.

    Ekipet e emergjencës, përfshirë ambulancat dhe njësitë e shpëtimit, u dërguan menjëherë në vendngjarje pas aksidentit.

    Irani ka një nga rekordet më të këqija të sigurisë rrugore në botë, me rreth 20,000 vdekje çdo vit. Ky numër i lartë i viktimave i atribuohet mosrespektimit të gjerë të ligjeve të trafikut, automjeteve të pasigurta dhe shërbimeve të pamjaftueshme të emergjencës në zonat e gjera rurale.

  • Osmani udhëton në Bruksel për samitin BE-Ballkani Perëndimor, Presidenca: Prioritet, diskutimi për heqjen e masave

    Osmani udhëton në Bruksel për samitin BE-Ballkani Perëndimor, Presidenca: Prioritet, diskutimi për heqjen e masave

    Presidentja e Kosovës, Vjosa Osmani, ka udhëtuar drejt Brukselit, ku do të marrë pjesë në Samitin BE-Ballkani Perëndimor përkrah liderëve të vendeve anëtare të Bashkimit Evropian, si dhe atyre nga Ballkani Perëndimor.

    Në këtë samit do të diskutohet partneriteti ndërmjet Bashkimit Evropian dhe Ballkanit Perëndimor, me theks të veçantë në procesin e zgjerimit të BE-së dhe avancimin e perspektivës evropiane të rajonit.

    Përgjatë samitit, Presidentja do të ketë takime me liderë të institucioneve të BE-së dhe do të ketë mundësi të bisedojë me liderë të tjerë pjesëmarrës lidhur me çështje me interes për Kosovën.

    Heqja e masave ndaj Kosovës dhe ecja përpara në rrugën e integrimit do të jenë prioritet gjatë diskutimeve.

    “Në agjendën e diskutimeve të Samitit përfshihen gjithashtu Plani i Rritjes për Ballkanin Perëndimor, forcimi i integrimit ekonomik me tregun e përbashkët të BE-së, si dhe çështje që lidhen me zhvillimin ekonomik, investimet dhe reformat. Po ashtu, liderët do të diskutojnë për bashkëpunimin në fushën e sigurisë dhe mbrojtjes, përfshirë politikën e përbashkët të jashtme dhe të sigurisë, përballjen me kërcënimet hibride dhe kibernetike, si dhe menaxhimin e migracionit dhe sfidat e përbashkëta rajonale dhe evropiane.”, thuhet tutje në njoftimin e Presidencës.

  • Komisioni Evropian vendos për heqjen e shumicës së masave ndaj Kosovës

    Komisioni Evropian vendos për heqjen e shumicës së masave ndaj Kosovës

    Zëvendëskryeministri i Kosovës, Besnik Bislimi, ka thënë të martën se Komisioni Evropian ka vendosur për heqjen e shumicës së masave ndaj Kosovës.

    Sipas tij, kjo është konfirmuar nga një letër prej drejtorit të përgjithshëm për zgjerim të BE-së, Gert Jan Koopman. Në një shkrim në Facebook, Bislimi ka thënë se bëhet fjalë për projekte të lidhura me programet IPA, në vlerë prej 34.6 milionë eurosh.

    Postimi i Besnik Bislimit:

    Gjatë ditës së sotme kam pranuar një letër nga Drejtori i Përgjithshëm për Zgjerim të Bashkimit Evropian, Gert Jan Koopman, ku komunikohet se Komisioni ka vendosur për heqjen e shumicës së masave ndaj Kosovës. Bëhet fjalë për projekte të lidhura me programet IPA, në vlerë prej 34.6 milionë euro.

    Në vazhdimësi kemi insistuar për heqjen e masave. Mirëpresim hapin e radhës nga ana e BE-së, i cili duhet të vijojë sa më parë me heqje të plotë të tyre. Nuk ka më asnjë arsye që një pjesë e tyre të mbeten në fuqi, sidomos pas transferimit të pushtetit në katër komunat në veri në mënyrë ligjore dhe të qetë.

  • PSG dominon formacionin ideal “The Best FIFA Men’s 11 2025” me gjashtë lojtarë

    PSG dominon formacionin ideal “The Best FIFA Men’s 11 2025” me gjashtë lojtarë

    Paris Saint-Germain ka lënë gjurmë të thella në formacionin prestigjioz “The Best FIFA Men’s 11 2025”, duke u përfaqësuar me plot gjashtë futbollistë pas një sezoni historik. Lojtarët parisienë ishin kyç në triumfin e klubit në Ligën e Kampionëve dhe në rrugëtimin deri në finalen e Kupës së Botës për Klube FIFA, sukses që u reflektua edhe në përzgjedhjen e ekipit më të mirë të vitit.

    Në portë është përzgjedhur Gianluigi Donnarumma, i cili ndërkohë ka kaluar te Manchester City. Mbrojtja dhe mesfusha plotësohen nga emra të njohur të PSG-së si Achraf Hakimi, Willian Pacho, Nuno Mendes dhe Vitinha, ndërsa në sulm vendin e tij e ka siguruar ylli francez Ousmane Dembélé. Me këtë numër përfaqësuesish, PSG kryeson bindshëm listën e klubeve në formacionin ideal të vitit.

    Pjesë e “The Best 11” janë edhe fituesi i Topit të Artë të Kupës së Botës për Klube, Cole Palmer, si dhe talenti i jashtëzakonshëm spanjoll Lamine Yamal, i cili vazhdon të mahnisë botën e futbollit pavarësisht moshës së re.

  • Ousmane Dembélé, Lojtari më i Mirë i FIFA-s 2025 pas një sezoni magjik me PSG

    Ousmane Dembélé, Lojtari më i Mirë i FIFA-s 2025 pas një sezoni magjik me PSG

    Ylli i Paris Saint-Germain dhe i kombëtares së Francës, Ousmane Dembélé, është shpallur “Lojtari më i Mirë” për meshkuj nga FIFA për vitin 2025, duke kurorëzuar një sezon të jashtëzakonshëm në karrierën e tij.

    Sulmuesi francez ishte një nga figurat kyçe të suksesit historik të PSG-së, duke udhëhequr ekipin drejt triumfit të parë në Ligën e Kampionëve. Gjatë fushatës europiane, Dembélé shkëlqeu me tetë gola dhe gjashtë asistime, duke qenë vendimtar në momentet më të rëndësishme.

    Forma e tij brilante vazhdoi edhe në garat vendase, ku u shpall MVP i sezonit 2024/25 si në Ligën e Kampionëve ashtu edhe në Ligue 1, ndërsa PSG kompletoi tripletën historike. Me shpejtësinë, kreativitetin dhe ndikimin e tij vendimtar, 28-vjeçari u shndërrua në liderin ofensiv të skuadrës parisiene.

    Dembélé luajti rol të rëndësishëm edhe në arenën ndërkombëtare, duke ndihmuar PSG-në të arrinte për herë të parë në finalen e Kupës së Botës për Klube, ndërsa me kombëtaren franceze kontribuoi në sukseset e sezonit.