ATV

Blog

  • Mourinho shkruan histori: Feston fitoren e 750-të në karrierë me Benficën

    Mourinho shkruan histori: Feston fitoren e 750-të në karrierë me Benficën

    José Mourinho vazhdon të konfirmojë statusin e tij si një nga trajnerët më të mëdhenj në historinë e futbollit. “The Special One” ka festuar së fundmi fitoren e 750-të në karrierën e tij si trajner, një shifër mbresëlënëse që dëshmon qëndrueshmërinë, suksesin dhe mentalitetin fitues ndër vite.

    Momenti historik u shënua me Benficën, ku Mourinho u pa duke festuar me skuadrën, në një atmosferë entuziazmi dhe krenarie. Kjo arritje e veçantë vjen si rezultat i një karriere të jashtëzakonshme, të ndërtuar mbi trofe, ndeshje të mëdha dhe fitore vendimtare në kampionatet më të forta të Evropës.

    Nga Porto, Chelsea, Inter, Real Madrid, Manchester United, Roma e deri te aventura e tij aktuale, Mourinho ka lënë gjurmë kudo, duke ndërtuar ekipe konkurruese dhe duke fituar trofe prestigjiozë.

    Me këtë sukses të radhës, José Mourinho dëshmon se mbetet ende një figurë qendrore e futbollit botëror, ndërsa fitorja e 750-të është një tjetër kapitull i artë në librin e një trajneri që me plot të drejtë mban nofkën: “The Special One”

  • Magjia rikthehet në Lusail, Messi sërish në skenën e historisë për La Finalissima

    Magjia rikthehet në Lusail, Messi sërish në skenën e historisë për La Finalissima

    Leo Messi do të kthehet në stadiumin Lusail në Doha, tempullin e futbollit ku përjetoi natën më të madhe të karrierës së tij dhe ku udhëhoqi Argjentinën drejt lavdisë botërore pas një finaleje të paharrueshme.

    La Finalissima do të luhet më 27 mars 2026, në Katar, dhe njoftimi u bë sot, pikërisht tre vjet pas finales epike të Kupës së Botës, duke i dhënë këtij rikthimi një domethënie emocionale edhe më të thellë. Ishte po ky stadium që pa Messin të shënonte dy gola në një finale “të çmendur” dhe më pas të ngrinte trofeun që i mungonte për ta kompletuar legjendën e tij.

    Rikthimi i Messit në Lusail nuk është thjesht një ndeshje. Është një kthim në vendin ku u shkrua historia, ku ëndrrat u bënë realitet dhe ku futbolli pa një kampion të përjetshëm të kurorëzohej mbret.

    Doha. Lusail. Messi. Sërish aty ku gjithçka ndryshoi!

  • Antonio Rudiger,Eduardo Camavinga dhe Ferlan Mendy rikthehen tek Real Madrid pas lëndimeve të pësuara

    Antonio Rudiger,Eduardo Camavinga dhe Ferlan Mendy rikthehen tek Real Madrid pas lëndimeve të pësuara

    Real Madrid ka marrë një lajm pozitiv në ditët e fundit,ku disa prej yjeve janë rikthyer.

    Antonio Rudiger,Eduardo Camavinga dhe Ferlan Mendy janë rikthyer në stërvitje me skuadrën,ku janë duke bërë përgatitjet për ndeshjen e fundjavës në La Liga kundër Sevillas.

    Përndryshe nuk është e konfirmuar së njëri nga tre futbollistët do të luajnë kundër andaluzianëve,ndërkohë që kthimi i tyre vije në kohën kur “Los Blancos”nuk po kalon momente të mira në ndeshjet e fundit.

    Kujtojmë që Real Madrid e zhvillon ndeshjen e fundit për vitin 2025 ndaj Sevillës,ku pritet të synojnë ta mbyllin me fitore këtë vit kalendarik.

     

  • Chicago Fire nisi negociatat për një transferim të Robert Lewandovskit

    Chicago Fire nisi negociatat për një transferim të Robert Lewandovskit

    Sulmuesi polak Robert Lewandovksi mund të kalojë në MLS gjatë verës.

    Mediumi britanik BBC bën të ditur se Chicago Fire po synon që të nëshkruaj me Leëan,dhe se do të bëjnë të mundur kalimin e polakut në SHBA.

    Përndryshe Lewandovski ende nuk ka marrë ndonjë vendim për të gjatur kontratën me Barcelonën,teksa në anën tjetër 37 vjeçari ka oferta edhe nga Arabia Saudite dhe Turqia ku në këtë fundit gjiganti i këtij shteti Fenerbahçe ka shprehur interesim për të.

    Mbetet të shihet se nëse Lewa do të qëndrojë tek Barca,apo do ta shohim në ndonjë kampionat tjetër.

    Kujtojmë që Robert Lewandovski ka kontratë me Barcelonën deri në qershor të vitit të ardhshëm.

  • Karim Adeyemi drejt PSG-së? Loredana një nga arsyet

    Karim Adeyemi drejt PSG-së? Loredana një nga arsyet

    Futbollisti, Karim Adeyemi mund të jetë “thesari” i radhës i Paris Saint-Germain. Sulmuesi 23-vjeçar i Borussia Dortmund ka kërkuar largimin nga klubi gjerman, ndërsa destinacioni i tij i ardhshëm duket të jetë kryeqyteti francez.

    Sipas mediave gjermane, trajneri i kombëtares spanjolle, Luis Enrique, ka dhënë dritën e gjelbër për transferimin e Adeyemit. Klauzola e tij është 75 milionë euro, një shifër që PSG duket se është gati ta paguajë për të siguruar shërbimet e talentit gjerman.

    Karim Adeyemi, i njohur edhe si “dhëndri i Kosovës” për lidhjen e tij me këngëtaren shqiptare Loredana Zefi, duket se është ndikuar gjithashtu edhe nga partnerja e tij.

    Pasiqë thuhet se Loredana e sheh Parisin si vendin ideal për një stil jete luksoze dhe kjo është një nga arsyet që po e shtyn sulmuesin të lërë Dortmundin. /ATVLIVE.TV

  • Nga Lazio te Al-Ittihad, kontratat luksoze të yjeve shqiptarë

    Nga Lazio te Al-Ittihad, kontratat luksoze të yjeve shqiptarë

    Futbollistët e Kombëtares së Shqipërisë po tregojnë gjithnjë e më shumë ndikimin e tyre në skenën ndërkombëtare, jo vetëm me paraqitjet në fushë, por edhe me kontratat luksoze që kanë siguruar me klubet ku aktivizohen.

    Në krye të listës qëndron Elseid Hysaj, mbrojtësi i krahut i Lazios, që përfiton një pagë prej 3.5 –3.7 milionë euro në sezon, duke u bërë shqiptari më i paguar aktualisht.

    Më pas vjen Marash Kumbulla, i huazuar te Roma, me një të ardhur vjetore prej 3.2 – 3.4 milionë euro.

    Një tjetër rritje ka shënuar Ernest Muçi në Turqi, me një pagë që varion 2.8 – 3 milionë euro, ndërsa Armando Broja te Burnley përfiton rreth 2.34 milionë euro në sezon.

    Mesfushori Kristjan Asllani te Torino merr 1.8 – 2 milionë euro, ndërsa Nedim Bajrami te Sassuolo dhe Berat Gjimshiti te Atalanta përfitojnë nga 1.6 deri në 1.8 milionë euro dhe 1.7 milionë euro, respektivisht.

    Mario Mitaj ka siguruar një kontratë prej 1.5 milionë euro në sezon pas transferimit te Al-Ittihad në Arabinë Saudite.

    Ivan Balliu me Rayo Vallecano përfiton 1.2 – 1.4 milionë euro në vit, ndërsa Ardian Ismajli te Empoli përfiton rreth 1.2 milionë euro.

    Këto shifra tregojnë se lojtarët shqiptarë po fitojnë gjithnjë e më shumë peshë në futbollin europian dhe ndërkombëtar, duke kombinuar talentin me kontrata të shtrenjta dhe reputacion të lartë. /ATVLIVE.TV

  • Përkushtim i rrallë nga Timothée Chalamet, stërvitet 7 vite për një rol filmik

    Përkushtim i rrallë nga Timothée Chalamet, stërvitet 7 vite për një rol filmik

    Timothée Chalamet ka zbuluar se ka kaluar plot shtatë vite duke u stërvitur në pingpong për rolin e tij në filmin e ri “Marty Supreme”. Aktori 29-vjeçar tregoi se përgatitjet nisën që në vitin 2018, pas takimit me regjisorin Josh Safdie, ndërsa gjatë pandemisë së koronavirusit ai filloi të luante pingpong në mënyrë të rregullt, duke e kthyer stërvitjen në pjesë të përditshme të jetës së tij.

    Në një intervistë për The Tonight Show, Chalamet tha se procesi nuk ishte i pandërprerë, por kërkonte shumë përkushtim dhe disiplinë. Ai theksoi se e sheh punën si një dhuratë dhe se kjo e shtyu të jepte maksimumin në përgatitje për rolin e Marty Mauser, personazh i frymëzuar nga kampioni legjendar i pingpongut Marty Reisman, në New York-un e viteve ’40. Madje, aktori mbante gjithmonë me vete një tavolinë pingpongu, edhe gjatë xhirimeve të filmave “Dune” dhe “Wonka”, për të mos ndërprerë stërvitjen.

    Duke folur për mesazhin e filmit, Chalamet tha se “Marty Supreme” është një histori për sakrificën dhe ndjekjen e ëndrrave, veçanërisht në kohë të vështira për të rinjtë. Filmi, i cili pritet të ketë premierën në Mbretërinë e Bashkuar më 26 dhjetor, përcjell mesazhin e besimit në vetvete dhe këmbënguljes për të mos pranuar dështimin si përgjigje, një temë me të cilën aktori shprehet se identifikohet thellësisht.

  • Apeli i GJKKO-s lë në fuqi ndalimin e Ballukut jashtë shtetit

    Apeli i GJKKO-s lë në fuqi ndalimin e Ballukut jashtë shtetit

    Gjykata e Posaçme e Apelit la në fuqi masat e sigurisë “ndalim i daljes jashtë shtetit” për zv.kryeministren dhe ministren e Infrastrukturës dhe Energjisë, Belinda Balluku.

    Për masën “pezullim nga detyra”, gjykata vendosi të pezullojë shqyrtimin derisa të shprehet Gjykata Kushtetuese. Vendimi për pezullimin e Ballukut u pezullua nga Kushtetuesja, deri në shqyrtimin e kërkesës së dorëzuar nga Këshilli i Ministrave.

    Balluku është marrë e pandehur për një tender që lidhet me tunelin e Llogarasë, ndërsa po hetohet edhe për disa lote të ndërtimit të unazës së madhe të Tiranës. Ndërkohë, SPAK ka kërkuar heqjen e imunitetit të deputetes për zv.kryeministren për të dhe dhënien e autorizimit për arrestimin ose heqjen e lirisë së saj.

  • Banka Qendrore e Rusisë do të padisë bankat evropiane për asetet e ngrira

    Banka Qendrore e Rusisë do të padisë bankat evropiane për asetet e ngrira

    Banka Qendrore Ruse njoftoi të enjten se do të ngrejë një padi në një gjykatë arbitrazhi rus për të rikuperuar humbjet nga bankat evropiane që vijnë nga asetet e saj të ngrira.

    “Në lidhje me përpjekjet e vazhdueshme të autoriteteve të Bashkimit Evropian për të sekuestruar/përdorur në mënyrë të paligjshme, pa pëlqimin e Bankës së Rusisë, asetet e saj të vendosura në institucionet financiare të BE-së, duke përfshirë edhe vendosjen e një imobilizimi të përhershëm të aseteve të saj”, tha banka qendrore në një deklaratë.

    “Banka e Rusisë, në përputhje me qëndrimin e saj të deklaruar më parë për të siguruar mbrojtjen e interesave të saj, njofton se do të kërkojë dëmshpërblim nga bankat evropiane në një gjykatë arbitrazhi ruse për shkak të bllokimit dhe përdorimit të paligjshëm të aseteve të saj, në shumën e aseteve të mbajtura në mënyrë të paligjshme dhe fitimeve të humbura”, shtoi ajo.

    Deklarata gjithashtu kujtonte se banka kishte ngritur më parë një padi kundër Euroclear me seli në Belgjikë në Gjykatën e Arbitrazhit të Moskës më 12 dhjetor, shkruan Euronews.

    U raportua se Banka Qendrore Ruse kërkoi 18.2 trilion rubla (afërsisht 229.7 miliardë dollarë) kompensim nga Euroclear.

    Të premten, shtetet anëtare të BE-së vendosën të “mobilizojnë për një kohë të pacaktuar” asetet e ngrira ruse me vlerë 210 miliardë euro (246 miliardë dollarë).

    Shefja e politikës së jashtme të BE-së, Kaja Kallas, tha gjithashtu se 210 miliardë euro do të mbeten në territorin e BE-së nëse Rusia nuk kompenson dëmin që i ka shkaktuar Ukrainës gjatë luftës së vazhdueshme, e cila po i afrohet kufirit katërvjeçar.

  • Akreditohet grupi i dytë me 303 vëzhgues për zgjedhjet e 28 dhjetorit

    Akreditohet grupi i dytë me 303 vëzhgues për zgjedhjet e 28 dhjetorit

    Në vazhdim të mbledhjes, KQZ mori vendim për akreditimin e grupit të dytë me 303 vëzhgues për vëzhgimin e zgjedhjeve të parakohshme për Kuvendin e Republikës së Kosovës, të cilat do të mbahen më 28 dhjetor 2025.

    Besnik Buzhala, Drejtori i Zyrës për Regjistrim, Certifikim dhe Kontrollin Financiar të Subjekteve Politike, bëri të ditur se aplikuesit kanë përmbushur detyrimet ligjore.

    PËRFAQËSI DIPLOMATIKE:

    1. Ambasada e Italisë – 3 vëzhgues;

    ORGANIZATË NDËRKOMBËTARE:

    1. Council of Europe – 23 vëzhgues;

    2. NDI – 13 vëzhgues;

    ORGANIZATA JO-QEVERITARE:

    1. Primo la Tolleranza – 10 vëzhgues;

    2. Lëvizja FOL – 4 vëzhgues;

    3. GERMIN – 4 vëzhgues;

    4. Rrjeti i Organizatave Joqeveritare AVONET – 7 vëzhgues;

    5. Instituti i Kosoves per Drejtesi / KOSOVO LAË INSTITUTE – KLI – 31 vëzhgues;

    6. Qendra per Politika dhe Avokim (QPA) – 146 vëzhgues;

    MEDIA VENDORE:

    1. KOHA – 30 vëzhgues;

    2. Radio KM – 4 vëzhgues;

    3. Gazeta Zëri – 3 vëzhgues;

    4. Radio Dodona – 2 vëzhgues;

    5. TV Herc – 6 vëzhgues;

    6. Art Media – 3 vëzhgues;

    7. Arbresh. info – 7 vëzhgues;

    MEDIA NDËRKOMBËTARE:

    1. Associated Press – 7 vëzhgues;

    Në mbledhjen e kaluar, KQZ ka akredituar grupin e parë me 283 vëzhgues për vëzhgimin e zgjedhjeve të parakohshme për Kuvendin e Republikës së Kosovës, të cilat do të mbahen më 28 dhjetor 2025.

    Numri i përgjithshëm i vëzhguesve të akredituar deri më tani, është: 586 vëzhgues, të cilët përfaqësojnë: organizata jo-qeveritare vendore, organizata ndërkombëtare, media vendore / ndërkombëtare, institucione shtetërore dhe përfaqësi diplomatike.