ATV

Blog

  • Ambasadori britanik uron qytetarët për Krishtlindje: Kohë gëzimi, bashkimi dhe shprese

    Ambasadori britanik uron qytetarët për Krishtlindje: Kohë gëzimi, bashkimi dhe shprese

    Ambasadori i Mbretërisë së Bashkuar në Kosovë, Jonathan Hargreaves, ka uruar festën e Krishtlindjes për të gjithë qytetarët që e festojnë sot.

    Duke publikuar një portret familjar pranë pemës së Krishtlindjes, Hargreaves ka shprehur urimet e tij për të gjithë qytetarët e Kosovës.

    “Nga familja ime, juve dhe familjes suaj, ju urojmë një Krishtlindje të Gëzuar të gjithëve në Kosovë që festojnë sot. Kjo kohë është një kohë gëzimi, bashkimi dhe shprese. ‘Drita shkëlqen në errësirë dhe errësira nuk e ka mposhtur atë’,” shkroi ai.

  • Horoskopi sot – Çfarë parashikojnë yjet për ju?

    Horoskopi sot – Çfarë parashikojnë yjet për ju?

    Dashi – Kjo ditë ju gjen energjikë dhe me dëshirë për të marrë drejtimin e situatave. Në ambientin familjar mund të jeni figura që bashkon të tjerët, por kujdes të mos impononi mendimin tuaj. Në dashuri, nevojitet më shumë durim dhe dëgjim, sidomos nëse ka keqkuptime të vjetra. Një bisedë e sinqertë mund të sqarojë shumë. Në planin personal, ndiheni të motivuar për të menduar për hapa të rinj. Mbrëmja sjell qetësi dhe ndjenjë përmbushjeje.

    Demi – Sot ndiheni më të qetë dhe të fokusuar te gjërat që kanë vlerë të vërtetë për ju. Marrëdhëniet familjare dhe emocionale zënë vendin kryesor, duke ju dhënë siguri. Në dashuri kërkoni stabilitet dhe ngrohtësi, jo premtime boshe. Është një ditë e mirë për reflektim dhe për të vlerësuar çfarë keni arritur. Mos u mbyllni shumë në vetvete, sepse një ftesë apo bisedë e papritur mund t’ju gëzojë. Dita mbyllet me ndjesi rehatie.

    Binjakët – Mendja juaj është aktive dhe e mbushur me ide, por sot kërkohet më shumë qetësi se zakonisht. Një takim apo mesazh mund t’ju bëjë të rishikoni një mendim që e kishit të fiksuar. Në dashuri, komunikimi është çelësi për të shmangur keqinterpretimet. Mund të ndiheni pak të ndarë mes dëshirës për shoqëri dhe nevojës për vetmi. Ndiqni ritmin tuaj pa presion. Në mbrëmje ndiheni më të çliruar emocionalisht.

    Gaforrja – Kjo është një ditë e ndjeshme dhe e ngrohtë për ju, ku emocionet dalin natyrshëm në pah. Familja dhe njerëzit e afërt luajnë rol të rëndësishëm në humorin tuaj. Në dashuri, kërkoni siguri dhe përkushtim, duke shmangur dramat e panevojshme. Një kujtim nga e kaluara mund t’ju bëjë nostalgjikë, por edhe më të qartë për të ardhmen. Sot është mirë të tregoni ndjenjat pa frikë. Qetësia shpirtërore vjen gradualisht.

    Luani – Sot ndiheni në qendër të vëmendjes dhe kjo ju jep energji pozitive. Është një ditë e mirë për të forcuar lidhjet shoqërore dhe familjare. Në dashuri dëshironi vëmendje dhe vlerësim, por mos harroni ta jepni edhe ju. Një gjest i vogël mund të ketë ndikim të madh emocional. Vetëbesimi është i lartë, por shmangni krenarinë e tepruar. Dita mbyllet me ndjenjë kënaqësie personale.

    Virgjëresha – Sot keni nevojë për rregull dhe qartësi, sidomos në mendime. Një çështje që ju ka shqetësuar mund të marrë zgjidhje përmes një bisede të thjeshtë. Në dashuri, kërkoni sinqeritet dhe stabilitet emocional. Mos analizoni çdo detaj, sepse jo gjithçka ka nevojë për kontroll. Dita është e përshtatshme për të bërë paqe me veten. Ndiheni më të lehtësuar në mbrëmje.

    Peshorja – Balanca emocionale është tema kryesore e kësaj dite për ju. Mund të gjendeni mes dëshirës për harmoni dhe nevojës për të thënë të vërtetën. Në dashuri, kërkohet ndershmëri dhe mirëkuptim i ndërsjellë. Një vendim i vogël sot mund të ketë ndikim afatgjatë. Mos u shmangni përgjegjësive emocionale. Qetësia vjen kur jeni besnikë ndaj vetes.

    Akrepi – Emocionet janë të thella dhe intensive, duke ju bërë më të ndjeshëm se zakonisht. Sot është e rëndësishme të mos mbani gjithçka brenda vetes. Në dashuri, pasioni përzihet me nevojën për siguri emocionale. Një bisedë e hapur mund të forcojë ndjeshëm një lidhje. Intuita ju udhëheq drejt zgjedhjeve të duhura. Dita mbyllet me ndjenjë çlirimi.

    Shigjetari – Kjo ditë ju shtyn të mendoni për horizonte të reja dhe ndryshime të mundshme. Ndiheni më optimistë dhe të hapur ndaj njerëzve. Në dashuri kërkoni liri, por edhe mirëkuptim të ndërsjellë. Një ide apo plan mund të lindë spontanisht. Shmangni premtimet e nxituara. Energjia pozitive ju shoqëron deri në fund të ditës.

    Bricjapi – Sot ndiheni më reflektues dhe të fokusuar te ajo që ka rëndësi reale. Është një ditë e mirë për të vlerësuar arritjet dhe për të planifikuar me qetësi. Në dashuri, kërkoni stabilitet dhe ndershmëri. Një gjest i thjeshtë nga dikush i afërt ju prek më shumë seç prisni. Mos e ngarkoni veten me përgjegjësi të panevojshme. Dita mbyllet me ndjesi sigurie.

    Ujori – Kreativiteti dhe mendimi ndryshe ju dallojnë sot. Mund të surprizoni të tjerët me idetë ose qëndrimin tuaj. Në dashuri, kërkoni lidhje që ju japin hapësirë dhe mirëkuptim. Një bisedë e papritur mund t’ju ndryshojë humorin për mirë. Ndiqni instinktin, por mos harroni ndjeshmërinë e të tjerëve. Dita është e lehtë dhe frymëzuese.

    Peshqit – Intuita juaj është shumë e fortë dhe ju udhëheq në vendimet emocionale. Sot jeni më empatikë dhe të lidhur me ndjenjat e të tjerëve. Në dashuri, ëmbëlsia dhe kujdesi krijojnë afërsi të veçantë. Një moment qetësie ju ndihmon të riorganizoni mendimet. Mos u humbni në ëndrra pa bazë. Mbrëmja sjell ndjesi paqeje dhe butësie.

  • Papa Leo XIV mban Meshën e parë të Krishtlindjes që nga marrja e detyrës, përcjellë mesazh për dinjitet dhe dashuri

    Papa Leo XIV mban Meshën e parë të Krishtlindjes që nga marrja e detyrës, përcjellë mesazh për dinjitet dhe dashuri

    Papa Leoni XIV, në Meshën e tij të parë të Krishtlindjes, ka vendosur theksin te ekonomia dhe dinjiteti njerëzor, duke theksuar se Zoti dëshiron t’i çlirojë njerëzit “nga çdo skllavëri”.

    “Ndërsa një ekonomi e shtrembëruar na bën t’i trajtojmë njerëzit si mallra”, tha Papa Robert Francis Prevost, “Zoti e bën veten si ne, duke zbuluar dinjitetin e pafund të çdo personi. Ndërsa njeriu dëshiron të bëhet Zot për të dominuar të afërmin e tij, Zoti dëshiron të bëhet njeri për të na çliruar nga çdo skllavëri. A do të jetë e mjaftueshme kjo dashuri”, pyetja retorike e Papës, “për të ndryshuar historinë tonë?”

    Para fillimit të Meshës, Papa Leoni XIV zbuloi fytyrën e Jezusit Fëmijë në skenën e lindjes së Krishtit, e vendosur në një fron të vogël para Altarit të Rrëfimit në Bazilikën e Vatikanit.

    Gjesti i tij u pasua nga një homazh me lule nga fëmijë nga e gjithë bota, përfshirë Ukrainën.

    Sipas zyrës së shtypit të Selisë së Shenjtë, rreth 6,000 besimtarë ndoqën meshën brenda Bazilikës dhe rreth 5,000 të tjerë qëndruan jashtë, duke e ndjekur përmes ekraneve gjigante.

    Papa Leoni XIV gjithashtu përshëndeti besimtarët që qëndruan në shi jashtë Bazilikës së Shën Pjetrit para fillimit të Meshës së tij të parë si Papë në prag të Krishtlindjes: “Mirë se vini të gjithë, bienvenidos”, tha ai në shkallët e Bazilikës së Vatikanit.

  • Turqia arreston 115 anëtarë të dyshuar të Shtetit Islamik që po planifikonin sulme para festave të fundvitit

    Turqia arreston 115 anëtarë të dyshuar të Shtetit Islamik që po planifikonin sulme para festave të fundvitit

    Autoritetet turke arrestuan 115 persona të dyshuar për lidhje me Shtetin Islamik, të cilët planifikonin sulme gjatë Krishtlindjeve dhe Vitit të Ri.

    Operacioni u zhvillua në Stamboll, ku policia bastisi 124 vende dhe arrestoi shumicën e të dyshuarve nga 137 që ishin në kërkim. Sipas prokurorisë, sulmet ishin synuar kryesisht ndaj jomuslimanëve gjatë festimeve.

    Policia tha se veprimi ishte pjesë e masave parandaluese për të mbrojtur qytetarët dhe festat e fundvitit.

  • AAK, Punë për vendin dhe qytetarët

    AAK, Punë për vendin dhe qytetarët

    Në ditën e tetë të fushatës zgjedhore, aleanca për ardhmërinë e Kosovës, zbaroi në Suharekë, komunë kjo që edhe e zotërojnë.

    E nikoqiri i këtij tubimi elektoral, kryetari bali Muharremaj, s’kruseur fjalët e falënderimet për kreun e partisë, teksa atyre që ia besuan mandatin në krye të komunës, iu kërkoi votë që për nivel qendror.

    Në mesin e shumë qytetarëve, kandidati për deputet nga lista e AAK-së Burim Ramadani, tha se kryetari i komunës është shembull i udhëqesisë, sikurse dhe kandidati për kryeministër, që synon ta marr drejtimin e shtetit.

    Zë i tyre në kuvend premtoi se do të jetë edhe Albana Bytyqi, nëse merr besimin e qytetarëve.

    E vetë ai që synim ka qeverinë, Ramush Haradinaj, u zotua se do të punoi për vendin dhe qytetarët.

    Aleanca, ditën e mbyllën në Klinë, ku patën tubim me qytetarë.

  • PDK premton përkrahje për veteranët dhe invalidët e UÇK-së

    PDK premton përkrahje për veteranët dhe invalidët e UÇK-së

    Nga Bastioni më i madh Drenica, Partia Demokratike e Kosovës, kërkoi përkrahje që në zgjedhjet parlamentare të 28 dhjetorit, të dalin fitues.

    Por para se masës s’iu fliste kryetari i komunës së Skenderajt, Sami Lushtaku, jehuan thirrjet për UCK-në dhe krerët e saj.

    Nga salla e mbushur me qytetarë, Lushtaku, tha se vendi i duhet një kryeministër që s’bënë dallime në komuna, por iu shërben të gjithëve

    Salla u elektrizua kur kandidati për kryeministër Bedri Hamza, përshëndetit ish-presidentin Hashim Thaçi, që po gjykohet në Hagë.

    E nga premtimet e tij, ndër prioritetet e para do të jenë edhe ata që i shërbyen vendit në kohë lufte.

    Këtu u prezantuan edhe kandidatët për deputet që vijnë nga kjo komunë e që në total janë 14.

  • Vetëvendosje në Kamenicë, kërkon votë që qeverinë ta bëjë e vetme

    Vetëvendosje në Kamenicë, kërkon votë që qeverinë ta bëjë e vetme

    Lëvizja vetëvendosje ditën e nisi në Kamenicë, në takim me qytetarë

    Ati kryetari I partisë që po kërkon mandatin e tretë si kryeministër Albin Kurti, kërkoi votë që këtë herë ta bëjnë qeverinë vetë, e mos të varën nga partitë e tjera.

    Por nuk la anash as premtimet, nëse synimin për ta vazhduar punën në qeveri e arrin me 28 dhjetor.

    Kurti vizitoi edhe Junikun, ku u zotua për investime në bujqësi.

    Lëvizja vetëvendosje ditën e mbylli në kryeqytet ku takoi qytetarët.

  • Abdixhiku në Anamoravë: Autostrada prioritet i qeverisë së LDK-së

    Abdixhiku në Anamoravë: Autostrada prioritet i qeverisë së LDK-së

    Në ditën e tetë të fushatës zgjedhore, Lidhja Demokratike e Kosovës vazhdoi takimet me qytetarët në Anamoravë, ku kandidati për kryeministër Lumir Abdixhiku, prezantoi zotimet konkrete të LDK-së, që prekin rajonin por edhe vendin.

    Fokusi kryesor ishte Autostrada e Anamoravës, e cilësuar si projekt strategjik kombëtar.

    Abdixhiku theksoi e Anamorava do të jetë prioritet qeverisës, me investime në infrastrukturë, zhvillim ekonomik dhe hapje të vendeve të reja të punës.

    Në zgjedhjet e jashtëzakonshme të 28 dhjetorit, LDK garon me numrin 123.

  • Lista Serbe kërkon 10 Mandate, Premton siguri dhe dinjitet për Serbët

    Lista Serbe kërkon 10 Mandate, Premton siguri dhe dinjitet për Serbët

    Lista Serbe ditën e nisi në Shtërpcë, komunë kjo që kanë udhëheqin

    E si në nivel lokal, partia më e madhe serbe, kërkoi nga qytetarët e këtij komunitet, që tua japin besimin edhe për zgjedhjet nacionale.

    Masës fillimisht iu drejtua kryetari i komunës Ivica Tanasijević, i cili u kërkoi bashkëqytetarëve që mos ta lënë këtë parti nën 10 deputet në kuvend.

     “Dhjetë mandatet në Kuvendin e Kosovës na garantojnë se jemi shtyllë e pashmangshme në ruajtjen e interesave tona dhe në mbrojtjen e popullit tonë në këto hapësira. Një votë për Listën Serbe është votë për një të nesërme më të mirë, për një të ardhme të sigurt për fëmijët tanë, për qëndrim dhe mbijetesë. Është votë për një jetë të qetë dhe dinjitoze për çdo njeri. Votojmë që të jemi zot në tokën tonë, që zëri ynë të dëgjohet dhe të respektohet. Në këto zgjedhje nuk mbrojmë vetëm një të nesërme më të mirë, por edhe vatrat tona shekullore, historinë tonë të pasur, faltoret, ruajmë nderin e të parëve tanë dhe tokën që na është lënë trashëgimi”, tha kryetari i Shtërpcës, Ivica Tanasijević

    Nga kryesia e partisë, Igor Simiq që për disa mandate qe deputet në kuvendin e Kosovës, kërkoi votë për siç tha, që të fitoi populli serb.

     “Në Listën Serbe besojmë se kryeqyteti i të gjithë serbëve është Beogradi dhe jo Prishtina, dhe të gjithë në këtë sallë e dinë mirë këtë. Fatkeqësisht, po ashtu e dini se në radhët tuaja, në radhët e popullit serb, ka disa që janë mashtruar nga Prishtina, u kanë premtuar gjëra, u kanë dhënë dhurata të ndryshme. A është e mundur që një njeri të blihet për 100 euro, që për 100 euro të shesë të ardhmen e fëmijëve të vet dhe të popullit të vet? Nga ana tjetër, përballë nesh është një njeri që ka votuar për t’u marrë toka bujqve serbë në Zubin Potok dhe Leposaviq, që nuk u kundërshtua kur u formua muzeu i gjenocidit të serbëve në Kosovë, që nuk tha asnjë fjalë kur u sulmuan institucionet tona, Qendra për Punë Sociale, kur u përpoqën ta vështirësonin maksimalisht jetën e popullit tonë”, u shpreh Simić.

    Sipas përfaqësuesve të kësaj partie, prioritet mbeten siguria, mbrojtja e pronës dhe institucioneve serbe, si dhe krijimi i kushteve për qëndrim dhe jetë të dinjitetshme të qytetarëve.

  • Presidenti i Fenerbahçes, Steven Sadettin Saran, shoqërohet në paraburgim në kuadër të një hetimi për drogë

    Presidenti i Fenerbahçes, Steven Sadettin Saran, shoqërohet në paraburgim në kuadër të një hetimi për drogë

    Biznesmeni i njohur turk dhe presidenti i Klubit Sportiv Fenerbahçe, Steven Sadettin Saran, është shoqëruar në paraburgim mbrëmjen e sotme në kuadër të një hetimi që lidhet me lëndë narkotike, kanë bërë të ditur autoritetet turke.

    Në një deklaratë zyrtare, Zyra e Prokurorit të Përgjithshëm të Stambollit njoftoi se Saran po hetohet nën dyshimet për përdorim dhe lehtësim të përdorimit të substancave narkotike. Sipas prokurorisë, rezultatet e testeve të kryera më herët gjatë ditës kanë rezultuar pozitive pas një kontrolli të realizuar gjatë fundjavës.

    Raportimet mediatike bëjnë të ditur se në një mostër floku të marrë nga Saran është konstatuar prania e kokainës, ndërsa në analizat e gjakut, urinës dhe thonjve nuk është gjetur asnjë substancë narkotike.

    Pas publikimit të rezultateve, Saran reagoi me një deklaratë me shkrim, ku mohoi kategorikisht përdorimin e drogës. Ai u shpreh se nuk e ka përdorur dhe as nuk ka qenë ndonjëherë në kontakt me substancën në fjalë, duke kërkuar që testet të përsëriten në Institutin e Mjekësisë Ligjore.

    Po ashtu, Saran deklaroi se është i gatshëm t’u nënshtrohet analizave shtesë edhe në institucione ndërkombëtare të pavarura, rezultatet e të cilave, sipas tij, do t’i bëjë publike. Ai ngriti shqetësime serioze edhe për rrjedhjen e informacionit nga dosja hetimore, pavarësisht urdhrit për konfidencialitet.

    Sipas Saranit, publikimi i detajeve nga një dosje e supozuar sekrete në disa media njëkohësisht dhe në mënyrë të koordinuar përbën një shkelje serioze. “Jam i bindur se e vërteta do të dalë në pah dhe se procesi do të përfundojë në mënyrë të drejtë dhe transparente, në përputhje me parimet e shtetit ligjor”, u shpreh ai.

    Shtëpia e Steven Sadettin Saran është kontrolluar më 19 dhjetor, në kuadër të një hetimi më të gjerë për drogë, që përfshin disa persona publikë, përfshirë gazetarë, figura të njohura të rrjeteve sociale dhe biznesmenë.