Blog

Ekipi i Dritës ka triumfuar ndaj Prishtinës në ndeshjen e mbetur të xhiros së 13-të në Albi Mall Superligë, duke fituar me rezultat 2-0 dhe duke përmbyllur stinorin vjeshtor me një notë pozitive.

Kampioni në fuqi i Kosovës vendosi gjithçka në pjesën e parë, me dy gola të shpejtë në minutat e 26-të dhe 28-të. Besnik Krasniqi harkoi bukur për Jorgo Pëllumbin, i cili shënoi për 1-0.

Vetëm tre minuta më vonë, Krasniqi dha një tjetër asist të shkëlqyer për Raddy Ovouka-n, që shënoi për 2-0.

Në pjesën e mbetur të ndeshjes, Drita menaxhoi mirë rezultatin dhe riktheu fitoren pas katër ndeshjeve pa fitore në Superligë.

Me këtë sukses, Drita mbyll vjeshtën në vendin e katërt me 29 pikë, mirëpo lider vjeshtor është ekipi i Ballkanit që mbyll pjesën e parë të sezonit si lider, me 33 pikë, duke lënë pas Prishtinën, e cila ka 30 pikë.

Dukagjini renditet në vendin e tretë me 29 pikë, po aq sa ka edhe Drita në vendin e katërt.

Malisheva zë vendin e pestë me 27 pikë, një më shumë se Gjilani në të gjashtin.

Llapi renditen në vendin e shtatë më 21 pikë, Drenica me 20, një më pak ka Ferizaji në vendin e nëntë dhe Prishtina e Re e përfundon vjeshtën në fund të tabelës, me vetëm 15 pikë. /ATVLIVE.TV

KF Llapi njoftoi se ka arritur marrëveshje të dyanshme me portierin Januz Miftari për përfundimin e kontratës, e cila ishte valide edhe për dy vite e gjysmë.

Duke marrë parasysh konkurrencën dhe mungesën e minutave, Miftari ka kërkuar mirëkuptimin e klubit për t’u larguar, në kërkim të sfidave të reja në karrierën e tij.

Miftari iu bashkua KF Llapit gjatë kësaj vere nga KF Trepçca dhe gjatë gjithë kësaj periudhe tregoi përkushtim dhe profesionalizëm të lartë, duke u angazhuar maksimalisht në çdo moment.

KF Llapi e falënderoi “Nuzin” për kontributin e dhënë dhe i uron shumë suksese në vazhdim të karrierës. /ATVLIVE.TV

Në Qendrën Sportive Kovilovo në Serbi, të hënën u hap edicioni i katërt i “Kupës Ndërkombëtare të Miqësisë në Futsall”, një turne i mbështetur nga institucionet ruse, ku marrin pjesë tetë ekipe të reja nga Rusia, Serbia dhe Republika Srpska e Bosnjë dhe Hercegovinës.

Turneu synon promovimin e bashkëpunimit dhe miqësisë mes të rinjve përmes sportit. Në këtë edicion marrin pjesë ekipet Vojvodina, Guça, Mladost Apatin, Zajeçar, një ekip nga Mitrovica e Veriut dhe një ekip nga Republika Serbe. Skuadra Shahtjor nga Donjecku merr pjesë për herë të parë në një aktivitet sportiv në Serbi.

Në ceremoninë e hapjes, Aleksandar Vološin, anëtar i Këshillit të Federatës Ruse, theksoi se e ardhmja e marrëdhënieve ndërmjet shteteve varet nga brezat e rinj, duke i ftuar pjesëmarrësit të shfrytëzojnë turneun si platformë për ndërtimin e miqësive dhe forcimin e bashkëpunimit.

Këshilltari i Ambasadës së Federatës Ruse në Serbi, Aleksandar Konanihin, theksoi lidhjet historike mes Serbisë dhe rajonit të Donbasit, duke vënë theksin tek ruajtja e traditave dhe vlerave të përbashkëta.

Turneu organizohet nga fondi bamirës “Shenjtorët Apostuj të Lartë Pjetri dhe Pali” në bashkëpunim me Drejtorinë e Festivalit Botëror të Rinisë, me mbështetjen e Agjencisë Federale për Çështjet e Rinisë “Rosmolodezh” dhe Ministrisë së Punëve të Jashtme të Rusisë. Drejtori i fondit, Miloš Tanaskoviq, nënvizoi se qëllimi kryesor mbetet krijimi i miqësive mes të rinjve nga vende të ndryshme, “Këtu po luftojmë për shoqëri – le të fitojë miqësia”.

Presidenti i Komitetit Olimpik të Kosovës, Ismet Krasniqi ka pritur Zëvendësshefin e Misionit të Ambasadës së Bullgarisë në Kosovë, Blagoy Petrov.

Gjatë takimit u diskutuan mundësitë e bashkëpunimit ndërmjet Kosovës dhe Bullgarisë në sport, me fokus të veçantë te shkëmbimi i përvojave, zhvillimi i sportit të të rinjve, edukimi sportiv dhe
bashkëpunimi ndërinstitucional. Qëllimi i përbashkët është avancimi i sportit dhe promovimi i vlerave olimpike në të dy vendet. /ATVLIVE.TV

Fiorentina ka vendosur t’i besojë shiritin e kapitenit David De Geas, një vendim simbolik që synon rikthimin e ekuilibrit dhe besimit në një fazë të vështirë të sezonit.

Ndryshimi u konfirmua përpara ndeshjes së të dielës ndaj Udineses, me De Gean që mori shiritin nga Luca Ranieri, i cili më parë mbante këtë rol. Vendimi u mor nga trajneri Paolo Vanoli në bashkëpunim me drejtuesit e klubit dhe iu komunikua skuadrës pas udhëtimit të fundit të Fiorentinës në Lozanë.

Sipas raportimeve, ky veprim nuk është menduar si ndëshkim për Ranierin, i cili e ka pranuar vendimin pa probleme. Përkundrazi, ndryshimi synon të rifreskojë atmosferën në dhomat e zhveshjes dhe të lehtësojë presionin mbi De Gean, një produkt i akademisë së klubit, i cili ka përjetuar një periudhë të vështirë forme.

Dhënia e shiritit për De Gean është një shenjë e qartë besimi ndaj portierit me përvojë, duke njohur lidershipin dhe karakterin e tij, si dhe rëndësinë brenda skuadrës. Ky vendim pason deklaratat e Roberto Gorettit, pasardhës i Daniele Pradès, i cili kishte paralajmëruar nevojën për “vendime të forta” për të nxjerrë Fiorentinën nga kriza.

Edhe pse fitorja ndaj Udineses mund të mos lidhet drejtpërdrejt me këtë ndryshim, mesazhi që dërgoi klubi përmes shiritit të kapitenit ishte i qartë: besim dhe mbështetje për David De Gean. /ATVLIVE.TV

Red Sea Global (RSG), kompania zhvilluese e projekteve të turizmit rigjenerues The Red Sea dhe AMAALA, ka konfirmuar se superylli i futbollit Cristiano Ronaldo dhe partnerja e tij Georgina Rodriguez kanë investuar në prona luksoze në Nujuma, një Ritz-Carlton Reserve Residence ekskluzive.

Banesat e tyre janë pjesë e koleksionit prestigjioz The Red Sea Residences, i cili përfshin shtëpi ultra-luksoze të markuara, të vendosura në një nga destinacionet ishullore më elitare dhe private në botë.

Nujuma, e pozicionuar rreth 26 kilometra larg bregdetit dhe e aksesueshme vetëm përmes varkave çarter ose hidroavionëve, ofron një nivel privatësie dhe qetësie që shumë pak resorte globale mund ta ofrojnë. Ky destinacion unik përfaqëson kulmin e luksit modern të ndërthurur me natyrën e paprekur.

Resorti përbëhet nga vetëm 19 vila ultra-private, të ndërtuara mbi rërë të bardhë të pacënuar dhe të rrethuara nga ujëra kristal të pastër. Arkitektura e sofistikuar dhe shërbimi i personalizuar kombinohen për të krijuar një përvojë të rrallë jetese dhe pushimi, në harmoni të plotë me mjedisin natyror.

Në rang global, ekzistojnë vetëm tetë Ritz-Carlton Reserves, një markë që u jep emrin vetëm pronave më ekskluzive dhe më të jashtëzakonshme në botë. Nujuma është pjesë e projektit ambicioz The Red Sea, i cili synon të vendosë standarde të reja në turizmin rigjenerues.

RSG ka theksuar se objektivi i tij shkon përtej qëndrueshmërisë tradicionale, me synimin që deri në vitin 2040 të arrihet një përfitim neto prej 30 për qind për ekosistemet lokale, përmes ruajtjes, përmirësimit dhe pasurimit të habitateve natyrore biologjikisht të larmishme.

Ka përfunduar pjesa e parë e ndeshjes së mbetur të Superligës mes Dritës dhe Prishtinës. Pas 45 minutave, kampionia aktuale, Drita, kryeson 2:0.

Golat u shënuan nga Pëllumbi në minutën e 25-të dhe Ovouka vetëm dy minuta më vonë.

Në rast fitoreje, Drita do t’i afrohej Ballkanit në vetëm katër pikë. /ATVLIVE.TV

Fenerbahçe ka shënuar një fitore tejet të rëndësishme dhe dramatike ndaj Barcelonës, duke triumfuar me rezultat minimal 72-71, në ndeshjen e vlefshme për javën e 18-të të Euroligës.

Takimi nisi më mirë për katalanasit, të cilët morën epërsinë në periodën e parë. Megjithatë, shumë shpejt Fenerbahçe reagoi dhe arriti ta përmbysë rezultatin, falë lojës së mirë kolektive dhe pikëve vendimtare të Horton-Tucker, duke ruajtur një avantazh të vogël.

Në periodën e dytë, vendasit rritën ndjeshëm ritmin, me Biberovic që shpërtheu në sulm. Ai realizoi pesë kosha radhazi dhe e çoi epërsinë e Fenerbahçes në dhjetë pikë (35-25). Barcelona reagoi menjëherë, duke realizuar një seri 8-0 dhe e mbylli pjesën e parë vetëm dy pikë prapa.

Perioda e tretë u karakterizua nga ekuilibri i plotë mes dy skuadrave, me barazime të shpeshta në rezultat. Te Barcelona u ndje lodhja nga ndeshjet e fundit, si dhe mungesa e dy lojtarëve të rëndësishëm, Shengelia dhe Clyburn.

Në çerekun e fundit, Brizuela mori përgjegjësinë për Barcelonën dhe dy herë i dha ekipit të tij epërsi prej pesë pikësh. Megjithatë, Fenerbahçe reagoi sërish në momentet vendimtare, duke shënuar në mënyrë kolektive. Brizuela, me 19 pikë, e mbajti Barcelonën në lojë, por dy trepikësha të rëndësishëm në fund nga Biberovic dhe Hall e kthyen avantazhin në anën e vendasve.

Barcelona kaloi sërish në epërsi me dy gjuajtje të lira të Veselyt (69-71), por drama nuk kishte përfunduar. Në sekondat e fundit, Cale shkaktoi faull ndaj Baldwin, i cili u tregua i saktë nga vija e gjuajtjeve të lira, duke realizuar të tria tentativat dhe duke e çuar rezultatin në 72-71 për Fenerbahçen.

Në aksionin e fundit të ndeshjes, Kevin Punter tentoi depërtimin vendimtar për Barcelonën, por u ndal nga mbrojtja, duke bërë që fitorja t’i takojë Fenerbahçes në një mbrëmje plot emocione.