ATV

Blog

  • Zyrtare: Lamine Yamal shpallet Lojtari më i Mirë i Dhjetorit në La Liga

    Zyrtare: Lamine Yamal shpallet Lojtari më i Mirë i Dhjetorit në La Liga

    Lamine Yamal është shpallur zyrtarisht Lojtari më i Mirë i muajit Dhjetor në La Liga, pas një muaji brilant me fanellën e FC Barcelona, duke konfirmuar statusin e tij si një nga yjet më të mëdhenj të kampionatit spanjoll.

    Gjatë muajit dhjetor 2025, Yamal ishte vendimtar në çdo paraqitje: 3 gola të shënuar, 4 asistime, 7 kontribute direkte në gola dhe mesatarisht mbi 3 raste të krijuara për ndeshje, po ashtu një nga lojtarët me më shumë driblime të suksesshme në La Liga gjatë dhjetorit.

    Sipas mediave spanjolle dhe statistikave të publikuara nga platformat analitike evropiane, Yamal ishte lojtari ofensiv më i rrezikshëm i Barcelonës në dhjetor, duke udhëhequr skuadrën si në krijim loje ashtu edhe në fazën finale.

    Performancat e tij ishin kyçe në rezultatet pozitive të Barcelonës gjatë këtij muaji, ndërsa ndikimi i tij në lojë u reflektua jo vetëm në gola dhe asistime, por edhe në ritmin, kreativitetin dhe presionin konstant ndaj mbrojtjeve kundërshtare.

    Ky çmim individual vjen si konfirmim i një muaji perfekt për talentin spanjoll, i cili vazhdon të shkruajë histori në La Liga, pavarësisht moshës së re.

  • Pritet përkeqësim i kushteve atmosferike, Komuna e Prishtinës thotë se në disa zona mund të ketë pezullim të transportit publik

    Pritet përkeqësim i kushteve atmosferike, Komuna e Prishtinës thotë se në disa zona mund të ketë pezullim të transportit publik

    Komuna e Prishtinës ka paralajmëruar për përkeqësim të kushteve atmosferike në ditët e ardhshme krahas thirrjes për kujdes të shtuar gjatë qarkullimit.

    Sa i përket transportit urban, Komuna tha se në disa linja mund të ketë vonesa e në disa zona “ku vlerësohet rrezik për qarkullim të sigurt”, transporti publik do të pezullohet përkohësisht deri në normalizimin e kushteve.

    “Për çdo rast të tillë, qytetarët do të njoftohen me kohë”, thuhet në njoftim.

    Komuna po ashtu ka dhënë disa kontakte për qytetarët që mund t’iu duhet ndihmë.

    Postimi i plotë:

    Njoftim për qytetarët

    Gjatë ditëve në vijim pritet përkeqësim i kushteve atmosferike, me temperatura të ulëta, ngrica dhe reshje bore. Ju lutemi për kujdes të shtuar gjatë qarkullimit.

    🚗 Rekomandohet:

    • të kufizoni lëvizjet vetëm në raste të domosdoshme,

    • të përdorni pajisjet e detyrueshme të dimrit,

    • të shmangni shpejtësinë e lartë dhe të respektoni sinjalistikën në terren.

    🚌 Transporti Publik Urban

    Si pasojë e kushteve atmosferike, mund të ketë vonesa në disa linja. Në zonat ku vlerësohet rrezik për qarkullim të sigurt, transporti publik do të pezullohet përkohësisht deri në normalizimin e kushteve; për çdo rast të tillë, qytetarët do të njoftohen me kohë.

    📞 Qendra e Thirrjeve

    Për çdo pengesë në qarkullim apo situatë që kërkon ndërhyrje, qytetarët mund të kontaktojnë në:

    0800 122 33 ose 0800 122 44

    Faleminderit për bashkëpunimin dhe mirëkuptimin.

  • Fenerbahçe pranë goditjes së madhe: Matteo Guendouzi drejt Stambollit për 30 milionë euro

    Fenerbahçe pranë goditjes së madhe: Matteo Guendouzi drejt Stambollit për 30 milionë euro

    Fenerbahçe është shumë pranë finalizimit të një transferimi të rëndësishëm, pasi ka arritur marrëveshje për nënshkrimin e mesfushorit francez Matteo Guendouzi nga Lazio.

    Sipas burimeve të afërta me negociatat, shuma totale e transferimit kap vlerën rreth 30 milionë euro, duke e bërë këtë një nga transferimet më të shtrenjta të klubit turk në vitet e fundit.

    Guendouzi tashmë ka mbërritur në Stamboll, ku pritet t’i nënshtrohet vizitave mjekësore, hap i fundit përpara zyrtarizimit të marrëveshjes.

    Me këtë lëvizje, Fenerbahçe synon të forcojë ndjeshëm mesfushën dhe të rrisë ambiciet për sukses si në kampionat ashtu edhe në arenën evropiane.

  • Chelsea nuk po punon për transferimin e Vinícius Jr

    Chelsea nuk po punon për transferimin e Vinícius Jr

    Pavarësisht raportimeve të fundit në media, Chelsea nuk është duke punuar për një marrëveshje për transferimin e Vinícius Jr. Burime të besueshme pranë të dy klubeve, si dhe nga ana e lojtarit, konfirmojnë se nuk ka asnjë negociatë në zhvillim dhe asnjë ofertë nuk i është dërguar Real Madridit.

    Raportimet për një ofertë në vlerë prej 135 milionë eurosh janë mohuar plotësisht, duke u cilësuar si të pavërteta. Vinícius Jr mbetet plotësisht i fokusuar te Real Madridi, ndërsa Chelsea është duke orientuar vëmendjen e saj drejt objektivave të tjerë, veçanërisht sa i përket strukturës së pagave.

    Nga ana tjetër, Real Madridi shpreson të arrijë marrëveshje për rinovimin e kontratës së Vinícius Jr gjatë këtij viti, edhe pse bisedimet ende nuk kanë hyrë në fazën përfundimtare.

  • ZYRTARE: Victor Da Silva është përforcimi më i ri i Drenicës

    ZYRTARE: Victor Da Silva është përforcimi më i ri i Drenicës

    Klubi Futbollistik Drenica ka njoftuar arritjen e marrëveshjes me sulmuesin brazilian Victor Da Silva, i cili zyrtarisht i bashkohet skuadrës kuq e zi.

    31-vjeçari vjen në stadiumin “Bajram Aliu” si një përforcim i rëndësishëm për repartin ofensiv, duke sjellë me vete eksperiencë të pasur ndërkombëtare dhe cilësi të dëshmuara në fushë.

    Në aspektin e karrierës, Da Silva ishte së fundmi pjesë e FK Partizanit në kategorinë superiore, ndërsa më parë është formuar dhe ka luajtur për klube të njohura italiane si Chievo Verona dhe Brescia 🇮🇹. Ai ka lënë gjurmë gjithashtu edhe te Vllaznia e Shkodrës, si dhe te Nasaf Qarshi, duke konfirmuar veten si një sulmues me përvojë dhe efikasitet.

    Klubi Futbollistik Drenica i uron mirëseardhje Victor Da Silva-s dhe shumë suksese me fanellën kuq e zi.

  • Zjarr i madh në një fabrikë në Gjakovë, policia jep detaje

    Zjarr i madh në një fabrikë në Gjakovë, policia jep detaje

    Një zjarr i madh ka përfshirë një fabrikë pasditen e sotme në rrugën “Gjergj Sokoli” në Gjakovë.

    Lajmin e ka konfirmuar zëdhënësi i policisë për rajonin e Gjakovës, Sheremet Elezaj i cili ka thënë se nuk raportohet për persona të lënduar.

    Ai tutje ka bërë të ditur se zjarri është i përmasave të mëdha dhe ekipet emergjente po vazhdojnë për punën për lokalizimin dhe shuarjen e zjarrit.

    “Rreth orës 16:50, jemi njoftuar se në rrugën “Gjergj Sokoli” në Gjakovë një fabrikë është përfshirë nga zjarri. Njësitet policore dhe zjarrfikësit kanë dalë menjëherë në vendin e ngjarjes dhe janë duke ndërmarrë të gjitha masat e nevojshme për lokalizimin dhe shuarjen e zjarrit. Zjarri është i përmasave të mëdha dhe ekipet emergjente vazhdojnë punën për ta vënë situatën nën kontroll. Deri në këto momente, bazuar në informatat e pranuara, nuk raportohet për persona të lënduar, megjithatë verifikimi i plotë i situatës dhe i pasojave eventuale në njerëz do të bëhet pas shuarjes së plotë të zjarrit”, ka deklaruar Elezaj.

  • Igor Tudor arrin marrëveshje me Juventus për ndërprerjen e kontratës

    Igor Tudor arrin marrëveshje me Juventus për ndërprerjen e kontratës

    Gjiganti italian Juventus ka arritur një marrëveshje me trajnerin kroat Igor Tudor për shkëputje të kontratës.

    Përkundër që Tudor u shkarkua nga stoli i “Zonjës së Vjetër”kroati pati një kontratë e cila vlente deri në vitin 2027,dhe pas shkëputjes së saj Tudor mund të merrë drejtimin e ndonjë skuadre jashtë Italisë.

    Përndryshe sipas rregullave në fuqi Tudor nuk mund të drejtojë ndonjë ekip në Serie A gjatë këtij sezoni,megjithatë ka të drejtë që të nënshkruaj me ndonjë klub tjetër në Evropë.

    Kujtojmë që Igor Tudor u shkarkua nga stoli i Juventusit gjatë tetoritr,dhe kjo për shkak të rezultateve të dobëta në fillim të sezonit aktual.

  • Gjermania e njohu Niue-n si shtet të pavarur!

    Gjermania e njohu Niue-n si shtet të pavarur!

    Qeveria gjermane ka vendosur të vendosë marrëdhënie diplomatike me ishullin e vogël të Niue-s në Paqësorin Jugor. Ky veprim është një sinjal për thellimin e bashkëpunimit me të ashtuquajturin “kontinentin blu”, u tha gazetarëve zëdhënësi i qeverisë Stefan Kornelius.

    Shtetet ishullore të Paqësorit dhe organizata e tyre rajonale, Forumi i Ishujve të Paqësorit, janë partnerë të ngushtë të Gjermanisë, veçanërisht kur bëhet fjalë për mbrojtjen e klimës.

    “Ne duam të forcojmë dhe thellojmë bashkëpunimin tonë me ta. Njohja e Niue-s në përputhje me të drejtën ndërkombëtare dhe vendosja e marrëdhënieve diplomatike kontribuojnë në këtë.”

    Niue ndodhet në një trekëndësh të formuar nga ishujt Tonga, Samoa dhe Ishujt Kuk – rreth 2,400 kilometra në verilindje të Zelandës së Re.

    Me një sipërfaqe prej rreth 261 kilometrash katrorë ku rreth 1,500 banorë janë shtetas të Zelandës së Re.

    Ishulli i përkiste Zelandës së Re deri në vitin 1974 dhe sot është një partner i ngushtë i atij vendi.

    Ishulli nuk është anëtar i plotë i Kombeve të Bashkuara, por ka status vëzhguesi atje. Megjithatë, Niue është pozicionuar gjithnjë e më shumë në mënyrë të pavarur vitet e fundit dhe që atëherë ka vendosur marrëdhënie diplomatike me më shumë se 25 vende.

    Njohja formale dhe një deklaratë mbi vendosjen e marrëdhënieve diplomatike do të realizohen nëpërmjet një letre nga Presidenti i Gjermanisë , Frank-Walter Steinmeier , dhe nëpërmjet shkëmbimit të të ashtuquajturave nota verbale.

  • “Nazistë, vrasës”, protestuesit në SHBA përleshen me oficerët federalë në vendin ku dje u vra një grua nga ICE

    “Nazistë, vrasës”, protestuesit në SHBA përleshen me oficerët federalë në vendin ku dje u vra një grua nga ICE

    Protestuesit dhe forcat e rendit po përplasen në Minneapolis të SHBA-së pasi një agjent i ICE qëlloi për vdekje një grua dje.

    Sekretarja e Sigurisë Kombëtare Kristi Noem e mbrojti agjenten, duke thënë se gruaja – e identifikuar si 37-vjeçarja Renee Nicole Good – ishte përpjekur ta shtypte oficerin.

    Zyrtarët shtetërorë dhe lokalë kundërshtuan pretendimet se të shtënat ishin bërë në vetëmbrojtje.

    Njerëz në të gjithë Minneapolis u mblodhën në vendin e të shtënave që ndodhën mbrëmë (sipas kohës lokale) për të përkujtuar Renee Nicole Good. Shkollat ​​e qytetit do të jenë gjithashtu të mbyllura për pjesën e mbetur të javës “për shkak të shqetësimeve për sigurinë”.

    Oficerët federalë me uniforma, përfshirë ata të ekipeve të reagimit special të Patrullës Kufitare, kanë mbërritur dhe janë pozicionuar në një rresht jashtë ndërtesës Federale Bishop Henry Whipple pranë St. Paul, Minnesota, duke u përpjekur të zhvendosin protestuesit përtej rrugës, shkruan CNN, transmeton Gazeta Express.

    Protestuesit, disa prej të cilëve përballen drejtpërdrejt me oficerët federalë, kanë qenë të zëshëm, duke i quajtur oficerët nazistë dhe vrasës.

    Çdo portë rreth objektit federal është zbrazur nga protestuesit.

  • Komandanti i KFOR-it pret shefin e UNMIK-ut në Prishtinë, diskutohet siguria në Kosovë

    Komandanti i KFOR-it pret shefin e UNMIK-ut në Prishtinë, diskutohet siguria në Kosovë

    Komandanti i KFOR’it, Ozkan UIuas, ka pritur sot në takim shefin e ri të UNMIK’ut, Peter Due.

    Siç bën të ditur KFOR, takimi është përqendruar në situatën aktuale të sigurisë në Kosovë, ku edhe është theksuar bashkëpunimi mes KFOR’it dhe UNMIK’ut.

    ‘’Gjeneral Major Ulutaş rikonfirmoi përkushtimin e KFOR-it për vazhdimin e koordinimit ndërmjet dy misioneve, me qëllim ruajtjen e një mjedisi të sigurt dhe të qetë për të gjithë njerëzit në mbarë Kosovën’’’, thuhet mes tjerash në njoftim.

    Njoftimi:

    Komandanti i misionit KFOR të udhëhequr nga NATO, Gjeneral Major Özkan Ulutaş, priti Përfaqësuesin Special të Sekretarit të Përgjithshëm dhe Shefin e UNMIK-ut, z. Peter N. Due, në Selinë e KFOR-it në Kampin “Film City”, në Prishtinë.

    Takimi u përqendrua në situatën aktuale të sigurisë në Kosovë dhe theksoi bashkëpunimin e ngushtë ndërmjet KFOR-it dhe UNMIK-ut.

    Gjeneral Major Ulutaş rikonfirmoi përkushtimin e KFOR-it për vazhdimin e koordinimit ndërmjet dy misioneve, me qëllim ruajtjen e një mjedisi të sigurt dhe të qetë për të gjithë njerëzit në mbarë Kosovën.

    KFOR-i vazhdon të zbatojë mandatin e tij – të bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit që jetojnë në Kosovë dhe për të garantuar lirinë e lëvizjes, në çdo kohë dhe në mënyrë të paanshme. KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në rolet e tyre përkatëse si reagues të sigurisë.