ATV

Blog

  • Komuna e Skenderajt njofton se nga 9 janari nis procesi i aplikimit për vlerësimin e dëmeve nga përmbytjet

    Komuna e Skenderajt njofton se nga 9 janari nis procesi i aplikimit për vlerësimin e dëmeve nga përmbytjet

    Komuna e Skenderajt ka njoftuar qytetarët se nga data 9 janar fillon procesi i aplikimit për vlerësimin e dëmeve të shkaktuara në ekonomitë familjare dhe biznese, si pasojë e dëmtimeve të evidentuara nga vërshimet.

    “Të gjithë qytetarët e prekur ftohen që brenda afatit të përcaktuar të paraqesin kërkesën e tyre pranë Komisionit Komunal për Vlerësimin e Dëmeve”, tha komuna në njoftim.

    Dokumentacioni i nevojshëm për aplikim:

    1. Të dhënat personale të aplikuesit (emri, mbiemri, numri personal, adresa dhe numri kontaktues);

    2. Kopje e letërnjoftimit;

    3. Konfirmimi bankar (llogaria bankare në emër të aplikuesit);

    4. Fotografi që dëshmojnë gjendjen reale të dëmeve, të realizuara nga vendi i dëmtuar;

    5. Çdo dokument shtesë që vërteton pronësinë ose dëmin e pësuar (nëse ka).

    Afati për aplikim:

    • Afati për dorëzimin e kërkesave është 8 (tetë) ditë pune nga data e publikimit të këtij njoftimi.

    Vendndodhja për dorëzim:

    Kërkesat dorëzohen personalisht pranë Komisionit Komunal për Vlerësimin e Dëmeve, sporteli numër 13, Komuna e Skenderajt.

    Për informata shtesë, Komuna tha se qytetarët mund të drejtohen në zyrat e Komunës së Skenderajt gjatë orarit zyrtar të punës.

  • “Rruga ishte e pa pastruar”, mitrovicasi rrotullohet me veturë në Vinarc, i ndihmojnë kalimtarët- pamje

    “Rruga ishte e pa pastruar”, mitrovicasi rrotullohet me veturë në Vinarc, i ndihmojnë kalimtarët- pamje

    Një veturë është rrotulluar sot të Ura e Kuqe në Vinarc të Mitrovicës.

    Shoferi ka thënë se ka ndodhur për shkak të rrugës që ishte e papastruar.

    Mitropol raporton se qytetarët atje janë angazhuar dhe e kanë tërhequr veturën.

  • 28 ditë mungoi pa arsye, Trepça suspendon një punëtor

    28 ditë mungoi pa arsye, Trepça suspendon një punëtor

    Ndërmarrja “Trepça”, ka njoftuar se e ka suspenduar nga puna një punëtor.

    Arsye e këtij vendimi sipas ndërmarrjes është mungesa e shpeshtë personit me inicialet F.A në punë.

    “Bazuar në raportet zyrtare, i njëjti ka munguar mbi 28 ditë pune. Në bazë të këtyre shkeljeve, Komisioni Disiplinor, me vendim nr. prot. 148, datë 08.01.2026, ka shqiptuar masën disiplinore: ndërprerje e marrëdhënies së punës”, thuhet në njoftim.

    “Gjatë verifikimit është konstatuar se:

    • 10 ditë mungesë pa asnjë skenim hyrje/dalje, ndërkohë që meditjet janë ekzekutuar për pagesë

    • 18 ditë me skenim vetëm në hyrje, pa skenim daljeje, me dyshim se ka lënë vendin e punës dhe nuk është kthyer

    • 7 ditë mungesë në punë, për të cilat meditja është arsyetuar”, thuhet tutje në njoftim.

  • Kristjan Asllani mund të transferohet në La Liga tek Girona

    Kristjan Asllani mund të transferohet në La Liga tek Girona

    Mesfushori i Kombëtares shqiptare Kristjan Asllani karrierën mund të vazhdojë në La Ligën spanjolle.

    Sipas raportimeve të mediave Girona po synon transferimin e Asllanit,dhe janë të gatshëm të arrjnë një marrëveshje me lojtarin që është i huazuar tek Torino nga Inter.

    Përndryshe tek Torino nuk synojnë që të transferojnë Asllanin gjatë verës së ardhshme,kjo pasi shqiptari nuk bindi me paraqitjet e fundit me torinezët dhe ka të ngjarë që të rikthehet tek Inter.

    Megjithatë tek neuroazzurët Asllani nuk mund të ketë minutazhë në sezonin e ardhshëm,kjo edhe për faktin që ka mjaft konkurrencë në repartin e mesfushës tek nënkampioni i Italisë.

    Kujtojmë që Kristjan Asllani deri më tani këtë sezon për Torinon ka bërë vetëm 15 paraqitje,por nuk arriti të realizoj ndonjë gol apo të dhuroj një asistim.

  • Përfundon gjendja emergjente në Malishevë, qytetarët ftohen të raportojnë dëmet

    Përfundon gjendja emergjente në Malishevë, qytetarët ftohen të raportojnë dëmet

    Komuna e Malishevës ka njoftuar se është hequr gjendja e situatës emergjente e shpallur pas reshjeve të fundit, të cilat kishin shkaktuar vërshime dhe dëme të konsiderueshme në disa zona të komunës.

    Vendimi është marrë pas mbledhjes së Shtabit Emergjent Komunal, ku u vlerësua gjendja aktuale në terren. Sipas komunës, niveli i ujërave ka shënuar rënie dhe situata tani paraqitet stabile, ndonëse shërbimet emergjente do të vazhdojnë të mbesin në gatishmëri të shtuar.

    Kryetari i Komunës së Malishevës, Ekrem Kastrati, ka theksuar se situata e krijuar ditëve të fundit ka qenë e rëndë dhe ka lënë pasoja të mëdha.

    “Situata ka qenë emergjente dhe është përcjellë me dëme të konsiderueshme, veçanërisht në infrastrukturë, ekonomi familjare, biznese dhe prona private”, ka deklaruar Kastrati gjatë mbledhjes së Shtabit Emergjent.

    Ai ka bërë të ditur se tashmë është formuar Komisioni për Vlerësimin e Dëmeve dhe ka ftuar qytetarët e prekur nga vërshimet që të paraqesin kërkesat e tyre për vlerësim.

    “Ftojmë të gjithë qytetarët e dëmtuar që t’i parashtrojnë kërkesat për vlerësimin e dëmeve pranë Zyrës së Pritjes në Komunën e Malishevës”, ka shtuar ai.

    Në përmbyllje, kryetari Kastrati, në emër të Shtabit Emergjent dhe në emrin e tij personal, ka falënderuar të gjitha ekipet emergjente dhe institucionet e përfshira për angazhimin gjatë menaxhimit të situatës.

  • Kenan Yildiz shkëlqeu me këpucët ikonike të Messi-t në ndeshjen ndaj Sassuolos

    Kenan Yildiz shkëlqeu me këpucët ikonike të Messi-t në ndeshjen ndaj Sassuolos

    Para dy ditësh, në ndeshjen ndaj US Sassuolo, Kenan Yildiz, lojtari i ri i Juventus, tërhoqi vëmendjen e të gjithëve, jo vetëm me lojën e tij brilante, por edhe me këpucët speciale Adidas F50 Stellar Triumph, të cilat zakonisht i mbajnë vetëm Lionel Messi dhe disa nga talentet më të rrallë të botës.

    Këto këpucë janë një privilegj i madh, pasi që vitin e kaluar, Messi zgjodhi vetëm 10 lojtarë të rinj në botë për t’i veshur, dhe Yildiz ishte një prej tyre . Njohja e tij tregon se Juventusi po investon në talente me potencial të jashtëzakonshëm që mund të bëhen yje të së ardhmes.

    Me këtë kombinim të talentit dhe simbolikës së këpucëve, Kenan Yildiz doli nga fusha jo vetëm si lojtar i Juventusit, por edhe si një emër që po shkruan histori në futbollin e të rinjve.

  • Pse duhet ta shmangni konsumin e ujit të gazuar

    Pse duhet ta shmangni konsumin e ujit të gazuar

    Uji i gazuar nuk përmban sheqer ose kalori, kështu që konsiderohet një zgjedhje ideale për ata që janë në dietë ose për ata që nuk duan të pinë alkool gjatë daljeve të tyre në mbrëmje.

    Megjithatë, ai përmban acid karbonik, i cili krijohet nga dioksidi i karbonit i tretur në ujë.

    Ky acid, si të gjitha acidet që gjenden në pijet e gazuara, gërryen smaltin e dhëmbëve. Edhe një gotë e vetme me ujë të gazuar mund të shkaktojë dëme, pasi duhen rreth 45 minuta që pH i zgavrës orale të kthehet në normalitet pas konsumimit të diçkaje acidike.

    Sigurisht, nëse pijet e gazuara, madje edhe uji i gazuar, konsumohen çdo ditë, në planin afatgjatë ka shumë të ngjarë që të ndodhin dëmtime të mëdha në dhëmbë.

    Edhe më i madh është, sigurisht, dëmi i shkaktuar nga pijet e gazuara me sheqer.

    Mund ta kufizoni dëmtimin e dhëmbëve deri diku duke pirë pije të gazuara me anë të një pipe. Gjithashtu, nëse pijet e gazuara kombinohen me ushqim, pH i zgavrës orale është më pak acid.

  • Kolona të gjata në kufi për të dalë nga Kosova, pritje deri në 90 minuta

    Kolona të gjata në kufi për të dalë nga Kosova, pritje deri në 90 minuta

    Qendra Kombëtare për Menaxhimin e Kufirit ka përditësuar informacionet mbi situatën e pritjeve në pikat kufitare të Kosovës.

    Sipas të dhënave të fundit, mërgimtarët që po kthehen në vendet ku jetojnë dhe veprojnë.

    Aktualisht qytetarët po presin deri në 90 minuta në pikën e kalimit të Jarinjes, në Merdarë deri në 1 orë si dhe te Dheu i Bardhë pritjet janë deri në 40 minuta.

    Ndërkohë, pritjet te pikat tjera kufitare vazhdojnë të jenë më të shkurtra, deri në 5 minuta.

    Gjersa sa i përket pritjeve për hyrje në Kosovë, pritjet janë nga 1 deri në 10 minuta.

  • NLB MUZA hap thirrje ndërkombëtare për anëtarësim në Këshillin Artistik!

    NLB MUZA hap thirrje ndërkombëtare për anëtarësim në Këshillin Artistik!

    NLB MUZA, Instituti për Menaxhimin e Trashëgimisë Kulturore i themeluar nga NLB në prill 2020, po hap thirrje ndërkombëtare për aplikime për anëtarësim në Këshillin Artistik.

    Ky Këshill do të luajë një rol kyç në:
    Përcaktimin e drejtimeve strategjike
    Konceptet kuratoriale
    Përmbajtjen e programit në fushën e artit bashkëkohor

    Kush mund të aplikojë?

    Kuratorë me përvojë të gjerë ndërkombëtare dhe drejtorë të galerive/muzeve të artit bashkëkohor me ekselencë profesionale dhe aftësi udhëheqëse.
    Aplikimi duhet të përfshijë:

    CV + lista e ekspozitave, botimeve dhe projekteve
    Letër motivimi me vizionin për zhvillimin e artit bashkëkohor
    Të paktën dy referenca

    Afati i fundit: 25 janar 2026

    Dërgoni aplikimin në: [email protected]
    Subjekti: Application – Artistic Council

    Më shumë detaje: https://www.nlbgroup.com/int-en/media-center/press-releases/2026/press-release-06-01-2026

  • Kryeprokurori i Prizrenit: Dy ish-zyrtarët e lartë të BKS-së shkaktuan dëm 1 milion e 43 mijë euro

    Kryeprokurori i Prizrenit: Dy ish-zyrtarët e lartë të BKS-së shkaktuan dëm 1 milion e 43 mijë euro

    Kryeprokurori i Prizrenit Petrit Kryeziu, në konferencën e mbajtur për media ka deklaruar se cak i hetimeve të aksionit të sotëm ish-drejtori i Byrosë Kosovare të Sigurimeve dhe ai i Financave.

    Kryeziu deklaroi se dy ish-zyrtarët e lartë të BKS-së kanë shkaktuar dëm 1 milion e 43 mijë euro.

    “Ish drejtori i BKS-së dhe drejtori i Financave, kanë bartur transaksione të ndryshme dhe i kanë sjellur vetës përfitime e i kanë shkatuar dëm 1 milion 43 mijë euro. 166 transaksione të dyshimta kanë realizuar ujdi fiktive kanë aplikuar 141 transaksione pa asnjë dokument të vetëm 1600 euro shuma më e vogël 68 mijë euro shuma më e madhe”, deklaroi Kryeziu.

    Ai theksoi se në aksion morën pjesë 400 zyrtarë policorë.

    “Nuk ka pasur regjion që nuk ka pasur bastisje. Kemi sekuestruar ari, orë, armë. Në aksion kanë qenë të angazhuar 400 zyrtarë policorë”, theksoi ai.