Blog

Është ndërprerë takimi i fazës çerekfinale ndërmjet Bashkimit dhe GO+ Pejës,ku tifozët hodhën gjësende të forta.

Ndeshja u ndërpre në minutën e 7-të të çerekut të  dytë të ndeshjes,kjo pasi tifozët vendas hodhën gjësende të forta në parket.

Përndryshe kapiteni i ekipit pejan Dardan Berisha pësoi lëndim në kokë pas gjuajtjeve të gjësendeve të forta,dhe ekipi pejan e konfirmoi në një postim në rrjetet sociale.

“Basketbollistit tonë Dardan Berisha i është qarë koka nga goditjet dhe hudhjet e publikut në Prizren.

Skuadra jonë largohet në drejtim të zhveshtoreve”.

Ndërkohë që autoritetet dhe organizatorët po bëjnë vlerësimin e situatës,në mënyrë që të konfirmohet vazhdimi apo jo i ndeshjes,marrë parasysh edhe sigurinë e lojtarëve.

Atletico Madridi dhe Real Madridi do të përballen sot në një derbi emocionues, me fillim të orës 20:00, në stadiumin “Alinma” në Arabinë Saudite, në kuadër të gjysmëfinales së Superkupës së Spanjës.

Superkupa këtë vit po zhvillohet edhe një herë në Arabinë Saudite, dhe në gjysmëfinalen tjetër, Barcelona siguroi finalen pas fitores së thellë 5-0 ndaj Athletic Bilbaos. Tani, sfida mes dy klubeve madrilene do të vendosë rivalin e katalanasve për finalen e së dielës.

Te Atletico Madridi, trajneri Diego Simeone nuk do të ketë në dispozicion mesfushorin Pablo Barrios, i cili nuk është rikuperuar ende nga dëmtimi i marrë në kampionat.

Në kampin e Real Madridit, mungesa më e dukshme është Kylian Mbappe, që po vuan nga shqetësime në gju. Përveç tij, trajneri Xabi Alonso nuk do të mund të llogarisë as te lojtarët Trent Alexander-Arnold, David Alaba, Eder Militao, Daniel Carvajal dhe Brahim Diaz, i cili po merr pjesë në Kupën e Kombeve të Afrikës me Marokun.

Formacionet zyrtare:

Atletico Madrid: Oblak; Llorente, Pubill, Hancko, Ruggeri; Baena, Gallagher, Koke; Giuliano, Sorloth, Alvarez.

Real Madrid: Courtois; Valverde, Rudiger, Asencio; Bellingham, Tchouameni, Camavinga; Rodrygo, Gonzalo, Vinicius.

Një prej gjyqtarëve të njohur të Premierligës angleze David Coote u dënua me 9 muaj burg,kjo për shkak se Coote mbante një video intime të një mituri në laptopin e tij personal.

43 vjeçari ishte paraqitur në seancën gjyqësore që u mbajt në Gjykatën e Kurorës në Nottingham,ku personi në fjalë u përballë me akuzat lidhur me këtë rast.

Përndryshe gjatë analizës që u bë nga policia në pajisjet e Coote u zbulua videoja e shumëpërfolur,e cila zgjaste rreth 2 minuta e 11 sekonda dhe padyshim se ky rast po konsiderohet si një prej skandaleve më të mëdha në vitet e fundit.

Kujtojmë që David Coote ishte gjyqtar shumëvjeçar në futbollin anglez,ku gjykoj më shumë se 100 ndeshje në Premierligën angleze dhe ishte gjyqtar me stemë të FIFA-së.

Sulmuesi brazilian Raphinha po shkëlqen me Barcelona, duke shënuar statistika mbresëlënëse në ndeshjet vendimtare të klubit katalonas. Sipas të dhënave të fundit, ai ka regjistruar 31 kontribute direkte në 29 ndeshje “knockout”, një shifër që tregon ndikimin e tij të jashtëzakonshëm në fazat vendimtare të kompeticioneve.

Kontributet e Raphinha-s përfshijnë: 17 gola, 14 asistime dhe një mesatare prej 1.07 gola/assist për ndeshje.

Performanca e tij ka ndezur debatet te tifozët dhe analistët, ndërsa emri i tij po përmendet gjithnjë e më shumë si kandidat për Topin e Artë 2026, çmimi më i madh individual në futboll.

Braziliani është bërë një nga lojtarët më të rëndësishëm të Barcelonës në ndeshjet vendimtare, duke treguar jo vetëm cilësi teknike, por edhe mentalitet fitues në momente kyçe.

Tifozët po pyesin: A do të jetë Raphinha sfiduesi i madh për Topin e Artë këtë vit?

Barcelona duket se po përfiton maksimalisht nga energjia dhe kreativiteti i brazilianit, i cili po kontribuon në mënyrë vendimtare për të çuar klubin drejt suksesit në La Liga dhe kompeticione europiane.

Kryetari i Federatës së Futbollit të Kosovës, Agim Ademi, ka pritur sot në takim kryetarin e Komunës së Obiliqit, Halil Thaçi, me të cilin ka zhvilluar një diskutim të detajuar rreth projekteve zhvillimore në fushën e futbollit.

Në qendër të takimit ishte Kampi i të Rinjve në Obiliq, projekt i realizuar nga Federata e Futbollit e Kosovës, i cili përfaqëson një investim të rëndësishëm strategjik në zhvillimin e futbollit, me theks të veçantë te grupmoshat e reja. Ky kamp po shihet si një bazë e rëndësishme për identifikimin dhe përgatitjen e talenteve të së ardhmes.

Po ashtu, gjatë takimit u trajtuan edhe projektet tjera zhvillimore në territorin e Komunës së Obiliqit, me fokus në përmirësimin e infrastrukturës sportive, krijimin e kushteve më të mira për të rinjtë dhe rritjen e pjesëmarrjes së tyre në aktivitetet futbollistike.

Palët shprehën gatishmëri të ndërsjellë për bashkëpunim institucional dhe koordinim të vazhdueshëm, me synim avancimin e futbollit në Komunën e Obiliqit dhe vazhdimin e mbështetjes për projekte që kontribuojnë drejtpërdrejt në zhvillimin e të rinjve dhe forcimin e strukturave sportive lokale.

Federata e Futbollit e Kosovës ka theksuar se investimet në infrastrukturë dhe në edukimin sportiv të të rinjve mbeten prioritet kyç për zhvillimin afatgjatë të futbollit në vend.

Dy tenistët më të mirë në botë spanjolli Carlos Alcaraz dhe italiani Jannik Sinner pritet të zhvillojnë duelin e parë për vitin 2026.

Të dy tenistët do të zhvillojnë duelin në Korenë e Jugut,dhe atë në Inspire Arena në Incheon në kuadër të “Hyundai Card Super Match”,dhe shto faktin që kjo është ndalesa e parë për ta para nisjes në Melbourne për përgatitjet që do t’i bëjnë për Australian Open.

Përndryshe sipas gazetës italiane La Gazzetta dello Sport çmimi për këtë ndeshje pritet të jetë 4 milionë euro,ku të dy tenistët do të fitonin nga 2 milionë euro secili dhe këto para mund t’ua përmirësojnë situatën financiare.

Kujtojmë që dueli i fundit në mes Alcaraz dhe Sinner u zhvillua në kuadër të ATP finals,ku italiani fitoi ndaj spanjollit i cili ishte i lënduar.

Një detaj i vogël ka mjaftuar për të ndezur zemërimin e tifozëve të Tottenham Hotspur. Në rrjetet sociale ka qarkulluar një fotografi ku trajneri i skuadrës, Thomas Frank, shihet duke pirë nga një gotë letre që mban stemën e Arsenalit, rivalit historik dhe të përbetuar të “Spurs”.

Në rrethana normale, një episod i tillë mund të ishte kaluar pa shumë vëmendje, por momenti aktual i klubit e ka kthyer atë në një çështje të madhe. Tottenhami po kalon një sezon të vështirë në Premier League, duke u renditur aktualisht në vendin e 14-të, ndërsa presioni mbi stafin teknik është rritur ndjeshëm.

Për tifozët londinezë, rivaliteti me Arsenalin nuk njeh kompromise, dhe fotografia është perceptuar si një mungesë ndjeshmërie ndaj identitetit të klubit. Reagimet kanë qenë të ashpra, me shumë mbështetës që e cilësuan veprimin si të papranueshëm për një trajner të Tottenhamit.

I përballur me kritikat, Frank ka reaguar duke sqaruar situatën dhe duke mohuar çdo qëllim provokues.

“Sinçerisht nuk e kam vërejtur fare stemën. Nëse do ta kisha parë, nuk do ta kisha marrë kurrë atë gotë. Do të ishte budallallëk i plotë ta bëja me vetëdije”, është shprehur trajneri danez.

Megjithatë, shpjegimi i tij nuk ka mjaftuar për të qetësuar plotësisht tifozët. Besimi ndaj Frank mbetet i brishtë, ndërsa mediat angleze raportojnë se e ardhmja e tij në stol është në pikëpyetje.

Sipas këtyre raportimeve, ndeshja e fundjavës ndaj Aston Villës në FA Cup mund të jetë vendimtare për fatin e tij. Një eliminim tjetër do ta vendoste trajnerin shumë pranë shkarkimit, duke e kthyer këtë përballje në një test jetik për vazhdimësinë e tij te Tottenhami.