ATV

Blog

  • ZKA fillon auditimin mbi sigurinë e nxënësve në shkollat publike

    ZKA fillon auditimin mbi sigurinë e nxënësve në shkollat publike

    Zyra Kombëtare e Auditimit (ZKA) ka njoftuar fillimin e auditimit të performancës me temën “Siguria e nxënësve në shkollat publike në Kosovë”, i cili do të përqendrohet në klasat VI-XII për periudhën 2022-2025, në kuadër të Planit Vjetor të Auditimit 2025/2026.

    Sipas ZKA-së, ky auditim synon vlerësimin e sigurisë dhe përshtatshmërisë së ambientit shkollor, si dhe të mekanizmave që institucionet përgjegjëse kanë vendosur për parandalimin, trajtimin, raportimin dhe monitorimin e incidenteve të dhunës në shkolla.

    “Qëllimi ynë është të sigurojmë që nxënësit të kenë një ambient të sigurt dhe të përshtatshëm për zhvillimin e tyre akademik dhe personal”, ka bërë të ditur ZKA.

    Fushëveprim i auditimit përfshin Ministrinë e Arsimit, Shkencës, Teknologjisë dhe Informacionit, Inspektoratin e Arsimit, si dhe Drejtoritë e Arsimit në komunat e Prishtinës, Ferizajt dhe Gjakovës.

    Po ashtu, në auditim mund të përfshihen edhe Policia e Kosovës dhe drejtoritë e saj rajonale, si dhe Qendrat për Punë Sociale të tri komunave të përfshira.

    ZKA ka theksuar se auditimi do të ndihmojë në identifikimin e sfidave dhe dobësive në menaxhimin e sigurisë në shkolla dhe do të ofrojë rekomandime për përmirësim të mekanizmave ekzistues, në funksion të mbrojtjes së nxënësve dhe zhvillimit të një ambienti arsimor më të sigurt. /Telegrafi/

  • Shqipëria goditet nga një tërmet

    Shqipëria goditet nga një tërmet

    Një tërmet i shkallës 3.9 Rihter ka ndodhur sot në ora 11:28 në Shqipëri.

    Sipas Qendrës Sizmologjike Evropiane-Mesdhetare epiqendra e tërmetit ishte 56 km në jug-lindje të Elbasanit, ose 18 km në jug-perëndim të Pogradecit.

    Thellësia e tërmetit ishte 15 km.

    Deri tani nuk është raportuar për ndonjë të lënduar ose dëme.

  • U tentua shmangia e tatimit, Dogana kap barna me vlerë rreth 49 mijë euro

    U tentua shmangia e tatimit, Dogana kap barna me vlerë rreth 49 mijë euro

    Dogana e Kosovës ka njoftuar se ka kapur barna në vlerë rreth 49 mijë euro, për të cilat ishte tentuar shmangia e tatimit, shkruan Reporteri.net.

    Sipas njoftimit në Zyrën e Brendshme Doganore në Prishtinë është paraqitur për kontroll një dërgesë mallrash, ku gjatë verifikimit dokumentar dhe ekzaminimit fizik të dërgesës, janë konstatuar mospërputhje ndërmjet përshkrimit të deklaruar dhe gjendjes faktike të mallit, i cili ishte deklaruar si lëndë e parë për prodhim.

    “Gjatë ekzaminimit të detajuar, përfshirë kontrollin e origjinës, sasisë, formës së paraqitjes dhe karakteristikave të tjera, është konstatuar se mallrat nuk përbëjnë lëndë të parë, por janë produkte farmaceutike të gatshme, të paketuara për shitje me pakicë. Me këtë veprim, është tentuar shmangia e pagesës së TVSH-së, si dhe nuk është paraqitur dokumentacioni shtesë përkatës, përfshirë certifikatën për import të produkteve farmaceutike të gatshme”, thuhet në njoftim.

    Dogana ka thënë se ky rast përbën kundërvajtje doganore, në përputhje me legjislacionin në fuqi, për shkak të deklarimit të pasaktë të të dhënave doganore me qëllim shmangien e pagesës së detyrimeve fiskale.

  • Ministria del me njoftim për shtetasit e huaj që hyjnë në Kosovë, i paralajmëron për rregullat dhe pasojat nëse s’i respektojnë

    Ministria del me njoftim për shtetasit e huaj që hyjnë në Kosovë, i paralajmëron për rregullat dhe pasojat nëse s’i respektojnë

    Ministria e Punëve të Brendshme ka dalë më një njoftim lidhur me shtetasit e huaj që hyjnë në Kosovë, pas hyrjes në fuqi të Ligjit për të Huajt.

    MPB ua ka kujtuar se me rastin e hyrjes në Kosovë, të huajt duhet të posedojnë document të vlefshëm udhëtimi, të posedojnë vizë ose leje qëndrimi kur kërkohet, të respektojnë qëllimin apo afatin e qëndrimit, të lajmërojnë adresën e qëndrimit në afat prej ditës nga dita e hyrjes dhe të kenë mjete të mjaftueshme për jetesë, shkruan Reporteri.net.

    Me rast të qëndrimit afatshkurtër, Ministria ka sqaruar se të huajt mund të qëndrojnë deri në 90 ditë brenda periudhës 180 ditësh pa vizë dhe se nuk lejohet puna gjatë kësaj periudhe pa leje.

    “Çdo qëndrim mbi 90 ditë kërkon aplikim për lejeqëndrim”, thuhet në njoftim.

    Me rast të qëndrimit në Republikën e Kosovës për çështje punësimi, MPJD ka bërë me dije se kërkohet leje qëndrimi e përkohshme për punë;

    “Kërkohet licencim paraprak në rast të aplikimit për leje pune për profesionin që kërkon licencë”, duke theksuar se puna pa leje është e ndaluar.

    Aplikimi për leje të punës bëhet pranë Agjencisë së Punësimit.

    Sa i përket qëndrimit për çështje studimi, ribashkimi familjar ose arsye tjera humanitare, kërkime shkencore dhe rrethana tjera të parapara me ligj, kërkohet pajisja me lejeqëndrim të përkohshëm dhe plotësimi i kritereve tjera ligjore në varësi nga qëllimi i qëndrimit.

    “Aplikimi mund të bëhet në misione diplomatike/konsullore ose në DSHAM, në rastet kur i huaji ka hyrë në Republikën e Kosovës dhe nuk ka nevojë për vizë”, thuhet në njoftim.

    Ministria ka paralajmëruar pasoja në rast shkeljeje, si:

    – anulimin e lejeqëndrimit,

    – shqiptimin e gjobës,

    – urdhërimin e largimit dhe

    – ndalimin e hyrjes në territorin e Republikës së Kosovës.

    “Zbatimi i plotë fillon nga data 15 mars 2026. Çdo hyrje pas kësaj date që rezulton me mosparaqitje sipas rregullave të listuara brenda këtij udhëzuesi, do rezultojë me ndalim hyrje në Republikën e Kosovës”, theksohet në njoftim.

  • Endrit Morina i jep fund bashkëpunimit me FC Dritën

    Endrit Morina i jep fund bashkëpunimit me FC Dritën

    Kampioni aktual FC Drita ka njoftuar largimin e Endrit Morina nga skuadra.

    Morina ka shkëputur marrëveshjen me Morinën,duke i dhënë fund aventurës me klubin gjilanas.

    Përndryshe FC Drita në një postim në Facebook e ka falenderuar Morinën,dhe i ka uruar suksese në të ardhmen.

    Kujtojmë që Drita po bën përgatitjet për stinorin e ri pranveror.

  • “A të mbeti peng që nuk luftove?” – pyetja e Anton Qunit që e befasoi avokaten Rozafa Ukimeraj

    “A të mbeti peng që nuk luftove?” – pyetja e Anton Qunit që e befasoi avokaten Rozafa Ukimeraj

    Avokatja Rozafa Ukimeraj ka rrëfyer një moment të pazakontë nga takimi i saj me ish-ministrin Anton Quni, një pyetje që, sipas saj, e befasoi, por që më pas u shndërrua në një diskutim për një “luftë” tjetër – atë kundër korrupsionit dhe për integritet institucional.

    Sipas Ukimerajt, ministri i atëhershëm i kishte dërguar fillimisht një mesazh duke i kërkuar një takim, pa i sqaruar arsyen. Gjatë takimit, Quni i kishte parashtruar drejtpërdrejt pyetjen nëse i kishte mbetur peng që nuk kishte luftuar gjatë luftës.

    “Sigurisht unë e kisha një përgjigje shumë të sinqertë. Në kohën kur ishte lufta unë isha e vogël, gjithsesi unë provoj të luftoj në mënyra tjera, jo vetëm me armë”, ka treguar Ukimeraj.

    Ajo shtoi se pikërisht kjo përgjigje kishte qenë hyrje për një mision të ri profesional. “Epo atëherë pikërisht na duhet dikush që do ta bëjë një luftë të re – luftën kundër korrupsionit, luftën për ta bërë Ministrinë e Mbrojtjes një institucion me integritet”, citohet të ketë thënë ministri.

    Vlen të theksohet se Rozafa Ukimeraj ka shërbyer për dy mandate radhazi si Sekretare e Përgjithshme, fillimisht në Ministrinë e Administrimit të Pushtetit Lokal dhe më pas në Ministrinë e Mbrojtjes. Ajo njihet si gruaja e vetme Sekretare e Përgjithshme në gjeneratën e saj, duke u veçuar për angazhimin e saj në forcimin e administratës publike dhe promovimin e integritetit institucional.

    Për ta dëgjuar intervistën e plotë të Rozafa Ukimeraj, klikoni linkun e mëposhtëm:

  • Hyn në fuqi: Paga minimale në Kosovë 425 euro në janar dhe 500 euro në korrik

    Hyn në fuqi: Paga minimale në Kosovë 425 euro në janar dhe 500 euro në korrik

    Qeveria e Republikës së Kosovës ka miratuar vendimin për rritjen e pagës minimale, duke përcaktuar dy faza të reja të rritjes gjatë vitit 2026.

    Sipas vendimit zyrtar me numër 10/273, të datës 31 tetor 2025, i nënshkruar nga kryeministri në detyrë Albin Kurti, paga minimale do të jetë: 425 euro bruto duke filluar nga 1 janari 2026, për një punë të rregullt me orar të plotë dhe  500 euro bruto duke filluar nga 1 korriku 2026, po ashtu për punë të rregullt me orar të plotë.

    Me këtë vendim: Obligohen Ministria e Financave, Punës dhe Transfereve, Administrata Tatimore e Kosovës dhe Inspektorati i Punës për zbatimin e tij.

    Ky vendim hyn në fuqi ditën e publikimit në Gazetën Zyrtare të Republikës së Kosovës.

  • Ndeshje interesante në xhiron e 16-të në Procredit Superligën e Kosovës

    Ndeshje interesante në xhiron e 16-të në Procredit Superligën e Kosovës

    Kjo fundjavë pritet të zhvillohet xhiroja e 16-të në Procredit Superligën e Kosovës në basketboll.

    Kampioni aktual Trepça do të luaj në udhëtim kundër Vëllaznimit në palestrën “Shani Nushi”në Gjakovë,ku xehetarët do të synojnë fitoren e rradhës pas asaj kundër GO+Pejës në mesjavë,teksa në anën tjetër ekipi gjakovar do të tentoj ta harrojë humbjen nga Bashkimi dhe të iu rikthehet fitoreve.

    Sigal Prishtina në anën tjetër e pret skuadrën e Boras,ku kryeqytetasit kanë pësuar dy humbje me rradhë ku së fundmi humbën ndaj Golden Eagle Yllit,dhe synojnë që të rikthehen tek fitorja kurse Bora do të tentoj të shënoj fitoren e tretë me rradhë në Procredit Superligë.

    GO+Peja e pret në palestrën “Karagaçi”e pret skaudrën e Golden Eagle Yllit,ku pejanët synojnë që t’iu rikthehen fitoreve pas humbjes ndaj Trepçës në mesjavë,kurse suharekasit synon të vazhdojë serinë e fitoreve edhe pas xhiros së 16-të.

    Në fund Bashkimi e pret skuadrën e Rahovecit 029,ku prizrenasit para publikut synon fitore ndaj ekipit të vendit të fundit e ka 4 ndeshje pa fitore në Procredit Superligë,teksa këta të fundit synojnë të ia japin fund serisë negative.

    Kujtojmë që të gjitha ndeshjet pritet të zhvillohen ditën e diel.

  • Ndryshon numri i votave pas rinumërimit

    Ndryshon numri i votave pas rinumërimit

    Në Qendrën e Numërimit dhe Rezultateve (QNR) po vazhdon numërimi i fletëvotimeve sipas listës së vendvotimeve për të cilat KQZ ka marrë vendim që të rinumërohen.

    Ndryshimeve të votave ka në të gjitha partitë, në Lëvizjen Vetëvendosje, Partinë Demokratike të Kosovës, Lidhjen Demokratike të Kosovës, Aleancën për Ardhmërinë e Kosovës.

    Te disa kandidatë vërehet rënie e numrit të votave, e te disa rritje.

    Në linkun e KQZ-së, nga të dhënat e orës 10:50, del se lideri i LVV-së ka rënie për 86 vota, Glauk Konjufca ka rënie për 56 vota, Donika Gërvalla minus 6 vota, Avni Dehari – 29 vota, Albulena Haxhiu -18 vota.

    Rritje të votave ka Hekuran Murati për 4 vota, Mimoza Kusari, Shqipe Selimi plus 36 vota.

    Nga PDK, rënie ka Bedri Hamza për 21 vota, Uran Ismaili – 20, Vlora Çitaku ka rënie për 11 vota, Enver Hoxhaj – 14.

    Rritje të votave ka Ganimete Musliu për 10 vota, Përparim Gruda për 31 vota, Elmi Reçica për 27 vota.

    Ndërkaq, te Lidhja Demokratike e Kosovës rënie të votave ka Lumir Abdixhiku për 20 vota, Kujtim Shala për 7 vota, Hykmete Bajrami minus 8 vota, Anton Quni – 16 vota.

    Rritje të votave në LDK ka Jehona Lushaku për 1 votë, Adelina Thaçi Meta +3 vota, Visar Azemi +3 vota.

  • Aksident fatal ne Komoran, arrestohet shoferi i mitur

    Aksident fatal ne Komoran, arrestohet shoferi i mitur

    Policia e Kosovës ka njoftuar se të enjten, rreth orës 19:30, në Komoran ka ndodhur një aksident trafiku me fatalitet, ku janë përfshirë dy vetura.

    Sipas njoftimit zyrtar, si pasojë e aksidentit ka humbur jetën një mashkull kosovar, ndërsa katër meshkuj kosovarë kanë pësuar lëndime trupore.

    Vdekja e viktimës është konstatuar nga mjeku kujdestar në QMF Komoran.

    Me urdhër të prokurorit për të mitur, trupi i pajetë është dërguar në Instituti i Mjekësisë Ligjore (IML) për obduksion, ndërsa shoferi i dyshuar, i mitur, është ndaluar në mbajtje.

    Policia po vazhdon hetimet për zbardhjen e plotë të rrethanave të aksidentit.