Global Arts Festival, njëra nga ngjarjet kryesore kulturore në Ohio University, do të zhvillohet sërish këtë vit, nga 17 deri më 19 mars 2026, duke festuar 20 vjet të promovimit të lidhjeve ndërkulturore përmes artit. Programi do të përfshijë koncerte, valle tradicionale, performanca teatrore dhe ekspozita artistike nga grupe dhe artistë nga mbi 20 vende të botës. Organizatorët theksojnë se festivali është një platformë e fuqishme për të ndarë tradita të ndryshme kulturore dhe për të nxitur dialogun mes kombeve përmes artit.
Blog
-
New Delhi World Book Fair 2026 me rekord vizitorësh
New Delhi World Book Fair 2026 theksoi bashkëpunimin kulturor midis Indisë dhe Rusisë, duke nxjerrë në pah rëndësinë e botës së librit.
New Delhi World Book Fair 2026 u zhvillua nga 10 deri më 18 janar, duke bërë të mundur takimin e autorëve, botuesve dhe lexuesve nga e gjithë bota. Festivali këtë vit theksoi bashkëpunimin kulturor midis Indisë dhe Rusisë, duke nxjerrë në pah rëndësinë e letërsisë si urë për dialog dhe njohje mes popujve. Ngjarja përfshiu stenda të veçanta, diskutime me autorë, sesione nënshkrimesh dhe punëtori për fëmijë, duke e kthyer këtë ngjarje në një festë të vërtetë të librit dhe kulturës.
-
Erion Veliaj bën kallëzim penal, pretendon se i është falsifikuar nënshkrimi në një dokument gjyqësor
Kryetari i Bashkisë së Tiranës, Erion Veliaj, ka dorëzuar kallëzim penal pranë Prokurorisë së Juridiksionit të Përgjithshëm në Tiranë, për veprën penale të “Falsifikimit të dokumenteve”, parashikuar nga neni 186 i Kodit Penal.
Kallëzimi lidhet me një dëftesë njoftimi gjyqësore, e administruar në dosjen e Gjykatës së Posaçme të Apelit për Korrupsionin dhe Krimin e Organizuar, në të cilën figuron një nënshkrim në emër të Erion Veliajt, sikur ai të kishte marrë dijeni personalisht për një vendim gjyqësor.
Sipas kallëzimit penal, ky nënshkrim nuk është firma e tij, ndërsa verifikimet zyrtare tregojnë se vendimi i Apelit nuk ka mbërritur asnjëherë në Institucionin e Ekzekutimit të Vendimeve Penale Durrës, ku Veliaj ndodhet i paraburgosur.
Ky fakt është konfirmuar zyrtarisht me shkresë nga vetë I.E.V.P. Durrës.
-
Frida Kahlo rikthehet në Houston me ekspozitë madhështore
“Frida: The Making of an Icon” shfaq mbi 30 vepra të artistes legjendare dhe objekte personale, duke zbuluar historinë e saj kulturore.
Museum of Fine Arts, Houston ka hapur ekspozitën “Frida: The Making of an Icon”, e cila sjell mbi 30 vepra të Frida Kahlos, përfshirë piktura, skica dhe objekte personale. Ekspozita eksploron evoluimin e Kahlos si artiste dhe ikonë kulturore, duke nxjerrë në pah ndikimin e saj në artin global dhe në temat sociale dhe historike të kohës. Vizitorët mund të shohin nga afër jetën dhe krijimtarinë e artistes, duke kuptuar sfidat dhe inspirimin që e bëri Frida një emër të pavdekshëm në botën e artit.
-
Fejesa merr fund: Emeli Sandé konfirmon ndarjen
Këngëtarja britanike Emeli Sandé i ka dhënë fund fejesës me pianisten Yoana Karamova, duke i dhënë kështu fund lidhjes së tyre disavjeçare. Artistja 38-vjeçare e ka konfirmuar ndarjen për gazetën britanike The Sun, duke bërë të ditur se vendimi për t’u ndarë është marrë që gjatë verës së kaluar.
“Është e dhimbshme, por kemi vendosur të ecim në rrugë të ndara. Ende kemi shumë respekt dhe kujdes për njëra-tjetrën, por ishte e nevojshme të fokusonim kohën dhe energjinë tonë në karrierat muzikore,” është shprehur Sandé.
Emeli Sandé dhe pianistja klasike bullgare Yoana Karamova e bënë publike lidhjen e tyre në prill të vitit 2022, ndërsa fejesën e njoftuan në shtator të po atij viti.
Çifti kishte planifikuar të kurorëzonte lidhjen me martesë në vitin 2023, por ceremonia u shty për shkak të angazhimeve të shumta profesionale të këngëtares. Në fund, ato vendosën që secila të vazhdonte rrugëtimin e saj individual.
-
Dubai Art Season 2026 nis me program të pasur artistik
Ngjarja zhvillohet nga 21 janari deri më 26 prill dhe sjell ekspozita, festivale dhe performanca ndërkombëtare.
Dubai Art Season 2026 ka nisur me një program të pasur artistik që synon të promovojë kreativitetin dhe dialogun ndërkombëtar. Ngjarja përfshin ekspozita të artit bashkëkohor, performanca live, aktivitete letrare dhe punëtori krijuese për të gjitha grupmoshat. Artistë nga e gjithë bota po prezantojnë punët e tyre, duke sjellë një bashkëpunim kulturor dhe shkëmbim ideje. Publiku mund të marrë pjesë në evente të ndryshme, të eksplorojë teknika të reja artistike dhe të bashkohet me komunitetin kreativ ndërkombëtar.
-
Policia shpall në kërkim të riun në Gjakovë, të dyshuar për “vrasje në tentativë”- ia publikon foton
Hetuesit policorë të Sektorit të Hetimeve Rajonale në Gjakovë, në koordinim dhe me autorizim të Prokurorit të Shtetit, kanë bërë publike fotografinë e një personi të dyshuar në lidhje me rastin e veprës penale “Vrasje në tentativë”.
Sipas Policisë së Kosovës, gjatë fazës së hetimeve që janë në zhvillim, i dyshuari, pavarësisht thirrjeve zyrtare policore dhe kërkimeve në disa lokacione, nuk është paraqitur dhe aktualisht gjendet në arrati.
Drejtoria Rajonale e Policisë në Gjakovë ka kërkuar bashkëpunimin e qytetarëve për ofrimin e informatave që mund të ndihmojnë në identifikimin dhe lokalizimin e personit të paraqitur në fotografitë e publikuara.
Policia u bën thirrje qytetarëve që çdo informacion relevant ta raportojnë përmes numrit emergjent 192, në stacionin më të afërt policor ose përmes e-mailit zyrtar: [email protected].
Autoritetet policore theksojnë se bashkëpunimi i qytetarëve është i rëndësishëm për zbardhjen e plotë të rastit dhe vënien e të dyshuarit para organeve të drejtësisë.
-
Lavrov: Rusia është e gatshme të komunikojë me SHBA-në për Ballkanin
Ministri i Jashtëm i Rusisë, Sergei Lavrov, ka thënë të martën se Moska është duke komunikuar me Shtetet e Bashkuara lidhur me Ballkanin dhe se është e gatshme t’i zhvillojë ato kontakte.
“Ne kemi më shumë mundësi të komunikojmë me Shtetet e Bashkuara [sesa me Bashkimin Evropian] lidhur me Ballkanin, kur bëhet fjalë për Bosnje-Hercegovinën dhe shtetet tjera në rajon. Këto kontakte po vazhdojnë. Nuk kanë rezultuar ende me ndonjë rezultat pozitiv apo diçka tjetër. Por, ne jemi të hapur për kontakte të tilla, dhe për sa mund të gjykoj, edhe kolegët tanë amerikanë kanë gatishmëri për t’i zhvilluar ato”, është cituar të ketë thënë Lavrov në një konferencë për media, sipas agjencisë së lajmeve Reuters.
Serbia ruan marrëdhënie të ngrohta me Rusinë dhe është shteti i vetëm që nuk i ka vendosur sanksione Moskës për luftën e nisur në Ukrainë.
-
Policia i fton për intervistim qytetarët që kanë pranuar shërbime nga Arianit Sllamniku
Policia e Kosovës ka ftuar qytetarët që kanë pranuar shërbime apo konsulta mjekësore me konspiracionistin Arianit Sllamniku për intervistim.
Në njoftimin e Policisë, thuhet se nëse janë dëmtuar në çfarëdo forme nga këshillat e Sllamnikut, konsiderojnë se janë të rëndësishme për zbardhjen e rrethanave të rastit.
Njoftimi i plotë:
Drejtoria Rajonale e Policisë në Gjilan, përkatësisht Njësia e Hetimeve Rajonale në Gjilan, me autorizim të Prokurorisë së Shtetit, është duke ndërmarrë veprime fillestare hetimore në drejtim të veprave penale ‘’Ushtrim të kundërligjshëm të veprimtarisë mjekësore ose farmaceutike’’ nga neni 256 i KPRK-së dhe ‘’Eksperimente të kundërligjshme mjekësore dhe testime të barnave’’ nga neni 257 i KPRK-së, me qëllim të verifikimit të rrethanave të rasteve të dyshuara që ndërlidhen me trajtim shëndetësor të ofruar nga personi Arianit Sllamniku.
Në kuadër të këtyre veprimeve, Drejtoria Rajonale e Policisë në Gjilan fton të gjithë qytetarët të cilët kanë pranuar shërbime shëndetësore apo konsulta me përdorim të ndonjë terapie apo medikamenti nga personi në fjalë dhe që konsiderojnë se janë dëmtuar në çfarëdo forme, qoftë materiale apo shëndetësore, që të paraqiten në ambientet e Njësia e Hetimeve Rajonale në Gjilan për intervistim me qëllim të zbardhjes të rrethanave të rastit.
-
Verdhëza tek të porsalindurit, çfarë duhet të dinë prindërit
Disa foshnja hasin probleme për t’u përshtatur me botën e re. Fatmirësisht, pjesa më e madhe e problemeve me të cilat përballen, janë të vogla dhe zgjidhen shpejt, shkruan libri libri “Udhërrëfyes për një shtatzëni të shëndetshme”.
Këtë sëmundje që shfaqet me një nuancë të verdhë në lëkurë dhe sy, e kalojnë më tepër se gjysma e foshnjave të porsalindura, transmeton lajmi.net.
Në përgjithësi, shenjat shfaqen disa ditë pas lindjes dhe kjo mund të zgjasë disa javë. Verdhëza shfaqet kur bilirubina, e cila prodhohet nga ulja e numrit të rruazave të kuqe të gjakut, grumbullohet më shpejt sesa mëlçia arrin ta nxjerrë nga trupi.
Zakonisht verdhëza ikën vetë dhe nuk shkakton asnjë problem te fëmija. Ajo mund ta zërë atë për disa arsye: – bilirubina prodhohet më shpejt nga sa mund të reagojë mëlçia;
– mëlçia e fëmijës, që është ende në zhvillim e sipër, nuk është në gjendje ta largojë bilirubinën nga gjaku;
– pjesa më e madhe e bilirubinës thithet nga zorrët, para se trupi i fëmijës ta nxjerrë jashtë me jashtëqitje.
Verdhëza që është në nivele mesatare, nuk kërkon asnjë lloj mjekimi, ndërsa në rastet më të rënda, foshnja duhet të qëndrojë më gjatë në maternitet. Verdhëza mund të largohet në një sërë mënyrash.
Këshillohet që ta ushqeni foshnjën më shpesh, gjë që nxit bilirubinën të largohet me jashtëqitjen.