ATV

Blog

  • Mot i ftohtë e me reshje të dobëta bore sot

    Mot i ftohtë e me reshje të dobëta bore sot

    Më shumë vransira mbulojnë vendin përgjatë ditës së mërkurë. Herë herë mund të shfaqen kushte për reshje të dobëta dëbore, kryesisht përreth viseve kodrinoro-malore, por me një probabilitet më të lartë pjesëve jugore të vendit.

    Temperaturat minimale zbresin në -3C e -2C, derisa maksimalet mbesin ende paksa të ulëta prej 2C e 4C. Frynë erë mesatare dhe mesatarisht e fuqishme nga juglindja 7-10m/s, me hove deri në 15m/s.

    Vransira të ndryshueshme dhe intervale me diell parashihen nga dita e enjtë. Herë herë paraqiten kushte për reshje të dobëta shiu apo edhe dëbore orëve të mëngjesit ditën e enjtë.

    Të premtën mundësi për formim të mjegullës orëve të mëngjesit. Më shumë të reshura shiu përfshinë vendin ditën e diel.Temperaturat me tendencë të rritjes deri në 8C e 9C, maksimalet në fundjavë, ndërsa minimalet luhaten përreth vlerave prej -1C e 2C. Erërat gjithnjë frynë nga jugu e juglindja, të lehta dhe mesatare 2-6m/s.

  • Manchester City befasohet nga Bodo Glmit-Norvegjezët shënojnë fitoren e parë në Chmapions

    Manchester City befasohet nga Bodo Glmit-Norvegjezët shënojnë fitoren e parë në Chmapions

    Manchester City ka pësuar humbje befasuese në udhëtim nga ekipi norvegjez Bodo Glimt me rezultat 3:1 në kuadër të xhiros së 7-të të fazës së ligës në Ligën e Kampionëve.

    Kasper Hogh kaloi në epërsi Bodon në minutën e 22-të ku shënoi me kokë pët 1:0,teksa i njëjti futbolllist shënoi edhe golin e dytë për 2:0.

    Në pjesën e dytë Bodo Glimt thelloi epërsinë në 3:0 përmes Jens Hauge në minutën e 58-të,kurse City arriti të ngushtoj epërsinë në 3:1 nëpërmjet Rayan Cherki në minutën e 60-të.

    Man.City mbeti me një lojtar më pak pasi Rodri u ndëshkua me kartonin e dytë të verdhë,dhe në fund Bodo Glimt siguroi fitoren e parë në Ligën e Kampionëve këtë sezon.

    Man City mbetet në kuotën e 13 pikëve pas 7 ndeshjeve,teksa Bodo Glimt ka grumbulluar 6 pikë nga po aq ndeshje.

  • Peja pëson humbje të thellë nga ekipi grek Iraklis në ENBL Cup

    Peja pëson humbje të thellë nga ekipi grek Iraklis në ENBL Cup

    GO+Peja ka pësuar humbje të thellë ndaj ekipit grek Iraklis me rezultat 122:80,takim ky në kuadër të ENBL League.

    Pejanët nuk patën gjasa të bënin diçka në këtë takim,ku skuadra greke gjatë gjithë kohës ishte dominuese që nga fillimi e deri në fund,kurse vlen të theksohet se verdhëezinjët patën mungesa në këtë ndeshje.

    Tyron Flatten me 23 pikë si dhe Cesare Edëards me 14 pikë të tjera ishin basketbollistët më të mirë tek GO+Peja,por këto ishin të pamjaftueshme për të shmangur humbjen.

    Kujtojmë që kjo ishte humbja e pestë për GO+Pejën në ENBL League,teksa kanë arritur të shënojnë vetëm 1 fitore.

  • AUV ndalon importin e shpezëve dhe produkteve të tyre nga disa regjione të Polonisë

    AUV ndalon importin e shpezëve dhe produkteve të tyre nga disa regjione të Polonisë

    Agjencia e Ushqimit dhe Veterinarisë bazuar në raportet e Organizatës Botërore për Shëndetin e Kafshëve dhe Komisionit Evropian njofton se në Poloni është konfirmuar prania e Avian Influenza (HPAI–H5N1), dhe se ka ndaluar importin e shpezëve dhe produkteve të tyre nga disa regjione të shtetit të Polonisë.

    AUV ka njoftuar edhe se kjo masë hyn në fuqi menjëherë dhe mbetet në zbatim deri në vlerësimin e mëtejshëm të situatës.

    Postimi:

    AUV ndalon importin e shpezëve dhe produkteve të tyre nga disa regjione të shtetit të Polonisë

    Agjencia e Ushqimit dhe Veterinarisë (AUV), bazuar në raportet e Organizatës Botërore për Shëndetin e Kafshëve (WOAH) dhe Komisionit Evropian të datës 11.01.2026, njofton se në Republikën e Polonisë është konfirmuar prania e Avian Influenza (HPAI–H5N1).

    Sëmundja është evidentuar në ferma komerciale, familjare dhe te shpezët e egra në regjionet Lubuskie, Wielkopolskie, Kodzkie dhe Podlaskie.

    Në funksion të mbrojtjes së shëndetit të kafshëve dhe sigurisë ushqimore në Republikën e Kosovës, AUV vendos ndalimin e menjëhershëm të importit të shpezëve të gjalla dhe produkteve të tyre nga zonat e prekura. Përveç nëse ato kanë origjinën nga ferma të paprekura nga sëmundja, të cilat gjenden në një rreze prej 50 km larg zonave të prekura.

    Kjo masë hyn në fuqi menjëherë dhe mbetet në zbatim deri në vlerësimin e mëtejshëm të situatës.

    AUV do të vazhdojë monitorimin e situatës dhe informimin e publikut dhe operatorëve ekonomikë për çdo ndryshim eventual.

    Agjencia e Ushqimit dhe Veterinarisë vazhdonë ta monitorojë me kujdes situatën epidemiologjike dhe të bashkëpunojë ngushtë me institucionet vendore dhe ndërkombëtare për parandalimin e përhapjes së kësaj sëmundjeje. Publiku dhe operatorët ekonomikë do të informohen me kohë për çdo ndryshim eventual.

  • Zvicra synon rritjen e numrit dhe zgjatjen e misionit të ushtarëve në KFOR deri në vitin 2029

    Zvicra synon rritjen e numrit dhe zgjatjen e misionit të ushtarëve në KFOR deri në vitin 2029

    Komisioni i Politikës së Sigurisë i Këshillit të Shteteve (CPS-S) në Zvicër, ka shprehur mbështetjen për zgjatjen e angazhimit të ushtarëve zviceranë në kuadër të KFOR-it në Kosovë deri në vitin 2029, si dhe për rritjen e numrit të tyre.

    Sipas një njoftimi të shërbimeve parlamentare, komisioni vlerëson se “prania e KFOR-it dhe e kontingjentit zviceran Swisscoy në Kosovë mbetet e domosdoshme, pasi situata në terren, veçanërisht në pjesën veriore të vendit, vazhdon të jetë e brishtë”.

    CPS-S, që është Dhoma e Lartë e Parlamentit të Zvicrës, thekson se prania e KFOR-it është “ende e nevojshme edhe për të kontribuar në garantimin e stabilitetit në Ballkanin Perëndimor”.

    “Stabiliteti i Kosovës dhe i Ballkanit Perëndimor është edhe në interes të Zvicrës, ku jetojnë rreth 500 mijë persona me origjinë nga Evropa Juglindore, prej të cilëve mbi 150 mijë janë me origjinë kosovare”, u tha në njoftimin e shërbimeve parlamentare të Zvicrës, raporton CDT.

    Në këtë kuadër u tha se “CPS-S mbështet edhe rritjen e numrit të ushtarëve zviceranë në Kosovë nga 195 në 215”.

    Po ashtu, sipas njoftimit, propozohet që Këshilli Federal të ketë kompetencë që, gjatë mandatit, ta rrisë kontingjentin me deri në 30 ushtarë shtesë, pa afat të caktuar, për t’iu përgjigjur nevojave të mundshme të ardhshme të KFOR-it.

    Parashikohet edhe mundësia e angazhimit të përkohshëm të deri në 50 ushtarëve shtesë për mirëmbajtje, si për shembull të helikopterëve zviceranë, si dhe deri në 20 ushtarë shtesë për sigurinë e vetë kontingjentit.

  • Ambasadori britanik: Rinumërimi bartë rreziqe sa i përket afateve, me rëndësi që Presidenti të zgjidhet me kohë

    Ambasadori britanik: Rinumërimi bartë rreziqe sa i përket afateve, me rëndësi që Presidenti të zgjidhet me kohë

    Ambasadori i Mbretërisë së Bashkuar në Kosovë, Jonathan Hargreaves, theksoi rëndësinë që të respektohen afatet e parapara për zgjedhjen e presidentit të ri.

    Ai tha se procesi i rinumërimit të votave është shumë i rëndësishëm për integritetin e procesit.

    “Kjo dëshmon aftësinë e sistemit për të identifikuar dobësitë dhe për t’i adresuar ato, në mënyrë që të ruhet integriteti i zgjedhjeve. Kjo natyrisht bartë disa rreziqe sa i përket afateve kohore dhe shpresoj që Komisioni ta kryejë rinumërimin sa më shpejt që të jetë e mundur”, tha ai për T7.

    Hargreaves tha se “është jashtëzakonisht e rëndësishme që pas kësaj, partitë politike të bashkohen, Kuvendi të konstituohet dhe qeveria të nisë punën, në mënyrë që buxheti dhe marrëveshjet ndërkombëtare të miratohen sa më shpejt”.

    “Po ashtu, është shumë e rëndësishme që procesi i zgjedhjes së presidentit të ri të zhvillohet sipas afateve të paraprara. Jam i bindur se të gjitha partitë janë të përkushtuara për këtë, sepse të gjithë e kuptojnë rëndësinë që këto procese tejet të rëndësishme kanë për Kosovën”, tha ai.

    Ambasadori britanik tha se Kosova këtë vit duhet të bëjë përparim drejt integrimit.

    “Në vitin 2026, ndërsa Kosova hyn në vitin e saj të 19-të të shtetësisë, është thelbësore që të ketë një qeveri që është në gjendje të veprojë me vendosmëri, të bëjë përparim drejt integrimit në Bashkimin Europian dhe organizatat e tjera ndërkombëtare, dhe të vazhdojë në këtë rrugë të demokracisë që ka qenë mbresëlënëse gjatë viteve të fundit”.

  • Dominik Szobozslai kapiteni i ardhshëm i Liverpooli-it në rast largimi të Virgil Van Dijk

    Dominik Szobozslai kapiteni i ardhshëm i Liverpooli-it në rast largimi të Virgil Van Dijk

    Gjiganti anglez Liverpool duket se e ka gjetur pasardhësin e Virgil Van Dijk për sa i përket shiritit të kapitenit të “The Reds”.

    Ylli hungarez Dominik Szobozslai mund të marrë shiritin e kapitenit të kampionëve të Anglisë,dhe kjo mund të ndodhë në një të ardhme të afërt.

    Përndryshe hungarezi aktualisht është lojtari më i mirë për Liverpoolin këtë sezon,duke marrë parasysh që “The Reds”po kalojnë një sezon tejet të vështirë në histori të klubit dhe Szobozlai ishte lider në shumë ndeshje të rëndësishme,dhe në anën tjetër ka hyrë në bisedime për të nënshkruar kontratën e re me Liverpool-in.

    Ndërkohë Van Dijk nuk ka marrë vendim se nëse dëshiron që të largohet nga Anfield apo jo,teksa holandezi ka kontratë me Liverpoolin deri në vitin 2027.

    Kujtojmë që Dominik Szoboszlai në 37 ndeshje këtë sezon për Liverpoolin ka realizuar 8 gola e dhuroi 5 asistime.

  • Hadergjonaj shkëlqen në Superligën turke, pjesë e formacionit të javës

    Hadergjonaj shkëlqen në Superligën turke, pjesë e formacionit të javës

    Xhiroja e 18-të e Superligës së Turqisë ka sjellë paraqitje të shumta cilësore, të reflektuara edhe në formacionin e javës të publikuar nga Sofascore. Mes emrave më të spikatur të kësaj xhiroje është edhe mbrojtësi Kosovar Florent Hadergjonaj, i cili ka marrë vëmendje të veçantë falë një performance shumë të fortë.

    Mbrojtësi i Alanyasporit u përfshi në 11-shen ideale pas një paraqitjeje të plotë në të dyja fazat e lojës, duke u vlerësuar me notën 8.5, një nga më të lartat për repartin defensiv. Hadergjonaj tregoi siguri në mbrojtje, por edhe efikasitet në sulm, duke kontribuar drejtpërdrejt me një gol dhe një asistim, si dhe duke qenë vazhdimisht aktiv në krahun e djathtë.

    Pavarësisht paraqitjes së tij të shkëlqyer, Alanyaspori nuk arriti të shmangte rezultatin negativ në përballjen ndaj Fenerbahçes, por performanca e Hadergjonajt u vlerësua gjerësisht nga analistët.

    Në formacionin e javës janë përfshirë edhe emra të njohur të kampionatit turk, me Anderson Talisca që spikati si lojtari më i vlerësuar i xhiros, ndërsa në repartin ofensiv u dallua edhe Bruno Petković.

    Mesfusha e formacionit përbëhet nga Orkun Kökçü, Jackson Muleka dhe Eldor Shomurodov, të cilët ofruan kreativitet, ritëm dhe balancë gjatë ndeshjeve të tyre.

    Në mbrojtje, përveç Hadergjonajt, u dalluan edhe Ömer Ali Şahiner, Rıdvan Yılmaz, Emre Topçu dhe Yassine Bounasser, të cilët formuan një vijë solide. Ndërkohë, në portë shkëlqeu Johan Cuesta, me disa pritje vendimtare që siguruan rezultatin për skuadrën e tij.

  • “Nuk po bën diferencën”, Kritika të forta për Rashicën nga Nihat Kahveci

    “Nuk po bën diferencën”, Kritika të forta për Rashicën nga Nihat Kahveci

    Fitorja e ngushtë e Besiktasit ndaj Kayserisporit nuk ka mjaftuar për ta kënaqur ish-yllin e futbollit turk, Nihat Kahveci, i cili ka kritikuar hapur paraqitjen e skuadrës bardhezi, pavarësisht tre pikëve të marra.

    Besiktasi arriti të fitojë 1:0 në ndeshjen e zhvilluar të hënën, falë golit vendimtar të shënuar nga El Bilal Touré në minutën e 95-të, por sipas Kahvecit, loja e ekipit ishte larg nivelit që pritet nga një klub me ambicie të mëdha.

    Ish-sulmuesi i njohur ka theksuar se Besiktasi shfaqi probleme serioze në fazën sulmuese, duke munguar kreativiteti dhe qartësia para portës kundërshtare gjatë pjesës më të madhe të takimit.

    Në analizën e tij, Kahveci nuk i ka kursyer kritikat as për Milot Rashicën. Ai vuri në dyshim ndikimin e sulmuesit kosovar në lojën e ekipit, duke e krahasuar situatën aktuale me periudhën kur Ricardo Quaresma ishte pjesë e Besiktasit.

    “Kur shikon paraqitjen e Rashicës, të krijohet ideja se Quaresma ende mund të luajë. Rashica mund të ndihmojë si lojtar mbështetës në një skuadër të fortë, por kur i jepet një rol kryesor, ai nuk arrin të bëjë diferencën. Nuk e kuptoj pse trajneri e mbajti në lojë deri në minutën e 71-të, kur nuk ishte në formën e duhur”, ka deklaruar Kahveci.

    Rashica, 29-vjeçar, deri tani ka shënuar dy gola dhe ka dhuruar tri asistime në të gjitha garat me fanellën e Besiktasit. Pavarësisht kritikave, ai vazhdon të jetë një nga lojtarët më të komentuar në ambientin bardhezi.

  • Shoferi i testimit të Bugatti Veyron tregon momentet kur frenoi me 400 km/h

    Shoferi i testimit të Bugatti Veyron tregon momentet kur frenoi me 400 km/h

    Jemi me fat që jetojmë në epokën e Bugatti Veyron, një supermakinë rekordthyese që revolucionoi industrinë e automobilave në fillim të viteve 2000. Pak makina kanë pasur ndikim kaq të madh në botën e automjeteve dhe në jetën e entuziastëve të shpejtësisë.

    Loris Bicocchi, ish-shofer testues i Bugatti Veyron, kujton emocionet e para kur u ngjit pas timonit të prototipit të parë. Ai kishte qenë pjesë e testimeve të EB110 GT dhe SS në vitet 1990, por Veyron ishte diçka krejt tjetër. Në pistën e testimit Michelin në Ladoux, pranë Clermont-Ferrand, Bicocchi shpjegon: “Nga 300 km/orë, gjithçka ndryshon. Duhet të rindërtoje të gjitha referencat që kishe ndërtuar deri atëherë.”

    Një nga momentet më dramatike ndodhi kur ai duhej të frenonte plotësisht në mbi 400 km/orë gjatë testimeve në pistën Ehra-Lessien të grupit Volkswagen. Bicocchi kujton qartë aksidentin në Nardò, kur një gomë shpërtheu me 398 km/orë, duke dëmtuar parakolpin dhe kapakun e motorit. Shpejtësia e lartë dhe dëmtimi i gomës e lanë pa frenim dhe pa pamje përpara, por reagimi i tij i shpejtë e shpëtoi jetën. Makina ndaloi pas 1.8 kilometrash duke u mbështetur në barrierën mbrojtëse.

    Bicocchi vazhdoi më pas të testonte edhe modelin Chiron dhe përjetimet e tij mbeten një dëshmi e guximit dhe profesionalizmit të pilotëve testues të Bugatti. Megjithëse Bugatti u tërhoq nga përpjekjet për rekord shpejtësie në vitin 2019, CEO aktual, Mate Rimac, ka sugjeruar se kompania mund të provojë një ditë të thyejë barrierën e 500 km/orë, me goma të specializuara dhe pista të përshtatshme.

    Historia e Veyron nuk është vetëm një tregim mbi shpejtësinë ekstreme, por edhe mbi aftësinë, guximin dhe kontrollin e pafund të pilotëve që testojnë këto përbindësha automobilistik.