Blog

Agjencia e Statistikave të Kosovës (ASK) ka publikuar statistikat e mirëqenies sociale për muajin dhjetor të vitit 2025, sipas të cilave në disa skema të pensioneve numri i përfituesve ka rënë, ndërkohë që në disa të tjera numri i përfituesve është rritur krahasuar me dhjetorin e vitit 2024.

Sipas ASK-së, numri i veteranëve përfitues është rritur për 985 për një vit ose me 2.7 për qind. Nga 36 mijë e 990 veteranë në listën e përfituesve në dhjetorin e vitit 2024 në dhjetorin e vitit 2025 në listë ishin 37 mijë e 975.

Sipas ASK-së numri i përfituesve nga skema e ndihmë sociale për një vit ka shënuar rënie për 10.3 për qind. Nga 18 mijë e 121 përfitues sa ishin më 2024, në dhjetor të vitit të kaluar në listën e përfituesve ishin 16 mijë e 253 persona.

Rënie është shënuar edhe të disa kategori të tjera të përfituesve.

“Në muajin dhjetor 2025, krahasuar me muajin dhjetor 2024, kishte rënie të numrit të përfituesve nga: skema për pensionet invalidore (-27,5 %); skema për pensionet e Trepçës (-20,6 %); skema për pensionet familjare (-10,6 %); skema e ndihmës sociale (-10,3 %); skema e pensioneve kontribut- paguesve të moshës (-2,0 %); skema për familjet e dëshmorëve dhe invalidët e luftës (-1,4 %)”, thuhet në njoftimin e ASK-së.

Ndërkohë që rritje të numrit të përfituesve kishte të kategoritë e tjera të përfituesve.

“Në muajin dhjetor 2025, krahasuar me muajin dhjetor 2024 kishte rritje të numrit të përfituesve nga: skema për Pensionet Paraplegjike dhe Tetraplegjike (12,6 %); skema e pensioneve të Forcës së Sigurisë së Kosovë (8,6 %); skema për përkrahje financiare familjeve që kanë fëmijë me aftësi të kufizuara (8,0 %); skema e pensioneve bazike të moshës (7,5 %); skema e kompensimit për punëtorët e arsimit që punuan gjatë vitit shkollor 1990/91 deri në vitin shkollor 1998/99 (5,1 %); skema e pensioneve për personat me aftësi të kufizuara (4,5 %); skema për veteranët e luftës (2,7%). skema e pensioneve të Trupave Mbrojtëse të Kosovës (TMK) (0,8 %); skema e kompensimeve për personat e verbër (1,2 %)”, thuhet në njoftim.

Tabela: ASK

Sot bëhen 28 vjet nga sulmi i dytë i forcave serbe ndaj familjes Jashari në Prekaz.

Më 22 janar 1998, në orët e hershme të mëngjesit, nga Fabrika e Municionit të Gjuetisë(Skenderaj), rreth 500 metra larg shtëpive të lagjes Jashari, kishin lëvizur forca të policisë serbe, të cilat u drejtuan drejt Kullës së Jasharëve për ta sulmuar atë me armë të llojeve të ndryshme. Ky aksion i policisë së Serbisë ndaj familjes së Shaban Jasharit, erdhi plot 6 vite pas aksionit të 30 dhjetorit të vitit 1991.

Sulmi i tretë i Serbisë ndaj familjes Jashari ndodhi vetëm një muaj e gjysmë më pas, më 5, 6 dhe 7 mars 1998, mijëra policë dhe ushtarë të Serbisë e kryen aksionin e tretë dhe më fatalin në Prekaz, duke i vrarë 20 anëtarë të familjes së Shaban Jasharit, përfshirë edhe komandantin legjendar të UÇK-së, Adem Jasharin, nga 59 sa u vranë gjithsej ato ditë në Prekaz.

Organizata e Veteranëve të Luftës së UÇK-së, njofton se sot mban homazhe në orën 10:00, në Prekaz, pranë Kompleksit Memorial.

“Në nderim të datës 22 janar 1998 kur forcat serbe sulmuan për herë të dytë familjen Jashari në Prekaz, ngjarje kjo që shënoi një vendim historik të qëndresës, ku përballë dhunës dhe rrezikut familja zgjodhi të mos largohej nga shtëpia dhe trualli i vet, duke i treguar botës se shqiptarët nuk braktisin kurrë tokën e tyre, OVL UÇK fton familjet e dëshmorëve, bashkëluftëtarët dhe qytetarët që të marrin pjesë për homazhe në orën 10:00, në Prekaz, pranë Kompleksit Memorial”, thuhet në njoftim.

Sot me fillim nga ora 13:00, në Gjykatën Themelore të Prizrenit do të vazhdojë seanca në rastin e vrasjes së Auron Thaqit.

Në këtë rast akuzohen dy persona.

I riu Auron Thaqi, vdiq më 7 korrik 2024, pasi ishte plagosur rëndë me thikë.

Ai ndërroi jetë në Qendrën Klinike Universitare të Kosovës.

Në njëvjetorin e vdekjes, nëna e tij pati rrëfyer në Klan Kosova se si e kishte pranuar lajmin e trishtë.

Derisa nëna e të riut që u vra, ka kërkuar burgim të përjetshëm për të akuzuarit.

Lidhja Demokratike e Kosovës gjatë ditës së sotme do të mbajë konferencë për media.

Konferenca sipas njoftimit do të mbahet lidhur me çështjen e energjisë elektrike.

Njoftimi i plotë:

ë nderuar përfaqësues të medieve,

Lidhja Demokratike e Kosovës në konferencën e nesërme për medie, në orën 11:00 trajton çështjen e reduktimeve dhe problemet energjetike, ku folës do të jetë, Visar Azemi.

Konferenca mbahet në Selinë Qendrore.

Ftohen mediet të përcjellin këtë ngjarje!

Vranësira të shumta kalojnë përgjatë vendi edhe ditën e enjtë, megjithëse kohëpaskohe nuk mungojnë intervale me diell.

Përreth zonave malore nuk duhet përjashtuar mundësi që vransirat të shoqërohen me reshje të dobëta dëbore. Temperaturat minimale zbresin në -2C e 0C, derisa ato maksimale shënojnë një rritje deri në 4C e 7C. Frynë erë e lehtë jugore e juglindore 1-2m/s.

Të premtën po priten intervale më të shpeshta me kthjellime e diell. Orëve të mëngjesit, luginave të lumenjve mund të formohen kushte edhe për mjegull.

Temperaturat shënojnë rritje deri në 8C e 9C.

Të dielen parashihet të kalojnë më shumë vransira, si dhe të reshura shiu kohëpaskohe. Rritje shënojnë edhe minimalet deri në 2C e 3C. Përgjatë fundjave frynë erëra më të theksuara juglindore, me hove mbi 15m/s ditën e diel, njofton Mendimi për Motin.

Kryeministri i Izraelit, Benjamin Netanyahu, ka pranuar një ftesë për t’u bashkuar me Bordin e Paqes të Presidentit të SHBA-së, Donald Trump, ka raportuar BBC.

Një deklaratë nga zyra e tij tha se Netanyahu do të bëhej anëtar i bordit “i cili do të përbëhet nga udhëheqës botërorë”.

Bordi fillimisht mendohej se kishte për qëllim të ndihmonte në përfundimin e luftës dyvjeçare midis Izraelit dhe Hamasit në Gaza dhe të mbikëqyrte rindërtimin. Por statuti i tij i propozuar nuk përmend territorin palestinez dhe duket se është hartuar për të zëvendësuar funksionet e OKB-së.

Papa Leo gjithashtu ka marrë një ftesë për t’u bashkuar me bordin, tha zyrtari më i lartë diplomatik i Vatikanit të mërkurën pasdite.

“Unë besoj se do të jetë diçka që kërkon pak kohë për shqyrtim para se të japë një përgjigje,” u tha gazetarëve kardinali Pietro Parolin.

Deri më tani, Bahreini, Egjipti dhe Emiratet e Bashkuara Arabe kanë rënë dakord gjithashtu të bashkohen, si dhe Shqipëria, Armenia, Azerbajxhani, Bjellorusia, Hungaria, Kazakistani, Maroku, Turqia dhe Vietnami.

Drejtoria për Hetimin e Krimeve Ekonomike dhe Korrupsionit (DHKEK), përkatësisht Njësia Rajonale për Hetimin e Krimeve Ekonomike dhe Korrupsionit në Pejë, ka ndërmarrë veprime hetimore lidhur me një rast të “Deklarimit të rremë”, njofton Policia e Kosovës.

Sipas komunikatës, personat e dyshuar F.SH. (2000) dhe A.K. (2005) më 13 janar 2026, pranë Qendrës për Pajisje me Dokumente të Identifikimit (QPD) në Pejë, kanë bërë deklarime të rrejshme duke garantuar për identitetin e saktë të personit tjetër të dyshuar, A.R. (2003).

“Të dyshuarit janë intervistuar në prezencën e avokatëve, dhe pas intervistimit, prokurori kompetent ka lëshuar vendim për ndalim policor të dy personave të dyshuar,” thuhet në komunikatë.