Blog

Me përfundimin e zgjedhjeve të jashtëzakonshme të 28 dhjetorit dhe rinumërimin e votave të kandidatëve për deputetë dolën në pahë shumë parregullsi ku shumë kandidatëve iu shtuan vota, e disa të tjervë ju hoqën ato.

Ndonëse asnjë deputet që doli me më shumë vota nuk dha dorëheqje, anëtarët e Shoqërisë Civile vlerësojnë se ata duhet të largohen vetë nga Kuvendi.

Eugen Cakolli, në një prononcim për Gazeta Metro, tha se largimin e tyre mund ta bëjnë edhe vetë partitë përkatëse.

“Dhe unë besoj që, në fakt, të paktën për nga prizmi moral, meqenëse ligjërisht, për sa kohë që të njëjtit nuk kanë vendim gjyqësor që tregon se kanë qenë të përfshirë në keqpërdorim të votave, nuk është se mund t’u merret mandati, por nga aspekti moral do duhej që ose të largohen vetë kandidatët në fjalë, sidomos disa prej tyre, të cilët dallimin në vota e kanë me mijëra sosh, deri sa të ketë sqarim. Ose tjetra, në rast se partitë do të ishin me të vërtetë të interesuara për parimet e integritetit zgjedhor, që të njëjtëve t’ua kërkonin ose t’i largonin të paktën nga strukturat, meqenëse unë besoj që nuk i kontribuon as Kuvendit dhe, në fakt, e minon vetë besimin e publikut në rolin përfaqësues të Kuvendit, nëse kemi të zgjedhur deputetë të cilët kanë ardhur aty me një pjesë të votave, të cilat ose kanë rezultuar ose janë në fakt të keqpërdorura. Prandaj, unë besoj që në këtë prizëm do të duhej që kandidatët, si zgjidhja më e mirë, të largohen vetë, në mënyrë që të mos ketë nevojë për përjashtime apo të ngjashme”, tha Cakolli

Deputetët që siguruan ulëse, pavarësisht manipulimit me vota, mandatin nuk mund t’ua marrë as ligji, pasi proceset gjyqësore zgjasin tepër shumë.

“Në bazë të ligjit për zgjedhjet e përgjithshme, Kushtetutës dhe aktgjykimeve të Gjykatës Kushtetuese, në rast se deputetë të caktuar do ta marrin mandatin, pavarësisht dyshimeve, nevojitet që për ta të ketë dënim të formës së prerë nga ana e gjykatave, përkatësisht të paktën nga apeli, me të paktën një vit burgim efektiv, në mënyrë që atyre t’u pushojë automatikisht mandati. Por, duke e ditur kohëzgjatjen e proceseve gjyqësore në Kosovë, nuk pres në fakt që aktgjykime të tilla të marrin formë të prerë brenda një periudhe të shpejtë, meqenëse zakonisht marrin vite të tëra”, tha ndër të tjera Cakolli.

Ndërkaq, edhe prokuroritë tashmë kanë filluar hetimet për manipulimet me vota, ku gjatë hetimeve janë ndaluar dhe arrestuar disa dhjetëra komisionerë dhe kryesues të qendrave të numërimit në disa komuna. Në Prizren janë ndaluar mbi 100 persona, prej të cilëve 23 janë dërguar në paraburgim të mëtejshëm. Në Mitrovicë, 34 persona janë ndaluar nën dyshimet për manipulim, ndërsa për 10 të tjerë është kërkuar paraburgim 30-ditor. Në Malishevë, 15 kryetarë të komisioneve zgjedhore janë vendosur në paraburgim dhe dhjetëra të tjerë janë marrë në pyetje. Hetimet vazhdojnë, ndërsa numri i të ndaluarve mund të rritet.

Kryetari i AAK-së, Ramush Haradinaj ka shprehur ngushëllimet e tij për 16 viktimat si pasojë e dy aksidenteve të rënda rrugore në Turqi.

Përmes një postimi në Facebook, Haradinaj iu uroi shërim sa më të shpejtë personave që mbetën të lënduar,

Ai shtoi se Kosova është pranë popullit turk në këto momente të vështira.

“Shteti mik turk u trondit nga dy aksidente të rënda rrugore, që morën jetën e 16 personave dhe lanë dhjetëra të tjerë të lënduar. Në emrin tim dhe të Aleancës për Ardhmërinë e Kosovës, shpreh ngushëllimet më të sinqerta për familjet që humbën më të dashurit e tyre në këto tragjedi. Të lënduarve u uroj shërim të shpejtë”, ka shkruar ai.

Gjykata Themelore në Pejë ka caktuar një muaj paraburgim ndaj Tomo Prekaj i akuzuar për dhunë seksuale ndaj një të miture.

Në aktvendimin e siguruar nga Gazeta Insajderi thuhet se i pandehuri e ka detyruar të miturën 13 vjeçare të shkojë me të në motel dhe të kryej akt seksual.

E njëjtë gjë kishte ndodhur dy herë. Rasti i parë në nëntor të vitit të kaluar dhe i fundit në janar të këtij viti.

Fillimisht ai e kishte joshur atë duke i dhënë para lëmoshë .

“Në fund të muajit nëntor të vitit 2025 në kohë të pacaktuar në fshatin Dubravë të Istogut në vilat e motelit “La Isla” I pandehuri Tomo Prekaj e detyron të kryej seks oral viktimën fëmijë në këmbim të pagesës prej 15 euro për këtë shërbim në atë mënyrë që i pandehuri fillimisht e takon viktimën te ETC ekspres në Istog e cila ishe duke kërkuar lëmoshë si dhe e bindë të njëjtën duke shfrytëzuar dhe ditur moshën e saj 13 vjeçare dhe gjendjen e dobët financiare që të shkoj me të njëjtin në vilën e lartcekur ku fillimisht e merr me veturën e tij Pick up e bardhë dhe më pas hyjnë në villë se bashku ku I pandehuri kërkon nga viktima të pastrohet dhe më pas fillojnë prekjet dhe ledhatimet ku dhe kryejnë seks oral ndaj tij. Fëmija kishte filluar aktin seskual oral i cili kishte zgjatur rreth një orë ku i dyshuari në këtë rast kishe arritur të ejakuloj në pëshqir”, thuhet në aktvendim

Edhe herën e dytë i pandehuri Tomo Prekaj e kishte detyruar viktimën të kryej akt seksual derisa në kohën kur ishte paraqitur Policia e Kosovës.

“Më datë 29.01.2026 në orën 14:30 minuta në fshatin Dubravë të Istogur në ambientet e motelit “La Isla” në vazhdimësi i pandehuri Tomo Prekaj e detyron viktimën e mitur të kryej akt seksual (seks oral) në këmbim të pagesës prej 15 euro për këtë shërbim në atë mënyrë që i pandehuri fillimisht e takon viktimën te tregu duke kërkuar lëmoshë e të njëjtës dhe i jep 2 euro lëmoshë, si dhe e binë të njëjtën duke shfrytëzuar dhe ditur moshën e saj. Së bashku me veturë shkojnë në vendin e lartcekur për të kryer seks oral. Ai ishte pastruar dhe me pas kishte filluar prekjet dhe ledhatimet pastaj edhe I kishte kërkuar viktimës/fëmijë që ajo të kryente seksin oral ndaj tij, viktima kishte filluar aktin seksual oral i cili kishte zgjatur rreth 10 minuta ku i dyshuari me këtë rast nuk kishte arritur të ejakuloj për shkak se në vendin e ngjarjes kishe ardhur policia dhe e kishte arrstuar të pandehurin”, thuhet tutje në aktvendim.

Për shkak të këtyre veprave dhe rrezikut se personi në fjalë mund të arratiset, t’i përsërisë ose të kryejë ndonjë vepër të re, gjykata ka vlerësuar se masa e paraburgimit është masë e nevojshme për zhvillimin normal dhe të papenguar të procedurës penale.

Kryeprokurori i Prokurorisë Speciale të Republikës së Kosovës, Blerim Isufaj, Drejtori i Përgjithshëm i Sekretariatit të Këshillit Prokurorial të Kosovës, Sami Istrefi dhe prokurori special, Naim Abazi, me ftesë të institucioneve të Shteteve të Bashkuara të Amerikës, nisin vizitën zyrtare në Washington, ku do të marrin pjesë në aktivitete zyrtare dhe do të zhvillojnë takime të rëndësishme.

Gjatë qëndrimit të tyre në SHBA, do të marrin pjesë në ceremonitë e organizuara me rastin e Lutjeve të Mëngjesit (National Prayer Breakfast), një ngjarje tradicionale me karakter institucional dhe ndërkombëtar, e cila mbledh përfaqësues të lartë të institucioneve shtetërore nga vende të ndryshme.

Në kuadër të kësaj vizite zyrtare, përfaqësuesit e sistemit prokurorial të Republikës së Kosovës do të zhvillojnë takime me zyrtarë të lartë amerikanë, ku pritet të diskutohen mundësitë për avancimin e bashkëpunimit profesional dhe krijimin e partneriteteve ndërshtetërore, në funksion të rritjes së efikasitetit në ushtrimin e detyrave dhe kompetencave përkatëse, si dhe forcimin e sundimit të ligjit në Republikën e Kosovës.

Kryetari i Suharekës, Bali Muharremaj, ka finalizuar përbërjen e kabinetit drejtues për mandatin e tij të tretë qeverisës.

Kabineti i ri synon rritjen e efikasitetit institucional, forcimin e bashkëpunimit ndërinstitucional dhe përmirësimin e shërbimeve ndaj qytetarëve, përmes një qeverisjeje profesionale, transparente dhe të përgjegjshme.

Përbërja e kabinetit të ri:

Arta Gashi – Nënkryetare e komunës

Kymete Bajraktari – Drejtoreshë e Shëndetësisë dhe Mirëqenies Sociale

Gent Gashi – Drejtor i Inspeksionit

Erza Ramadani – Drejtoreshë e Ekonomisë, Buxhetit dhe Financave

Liridon Jollxhiu – Drejtor i Administratës

Armend Krasniqi – Drejtor i Bujqësisë, Zhvillimit Rural dhe Pylltarisë

Remzi Bajselmani – Drejtor i Arsimit,

Amir Hoxha – Drejtor i Shërbimeve Publike dhe Emergjencave

Donjete Kabashi – Drejtoreshë e Kulturës, Rinisë, Sportit dhe Mërgatës

Mensur Selimaj – Drejtor për Shërbime Pronësore, Gjeodezi dhe Kadastër

Visar Kuqi – Drejtor i Urbanizmit, Planifikimit Hapësinor dhe Mjedisit

Snapchat ka pezulluar më shumë se 400,000 llogari që u përkisnin përdoruesve nën moshën 16 vjeç në Australi, më pak se dy muaj pasi platforma e mediave sociale u ndalua.

“Ne vazhdojmë të bllokojmë llogaritë çdo ditë”, tha Snapchat në një deklaratë.

Rrjeti social theksoi kufizimet e këtyre masave të verifikimit, duke shpjeguar se mjetet e përdorura për të vlerësuar moshën e përdoruesve kanë një diferencë gabimi prej dy deri në tre vjetësh.

“Në praktikë, kjo do të thotë që ata nën 16 vjeç mund të anashkalojnë masat mbrojtëse, duke u përballur potencialisht me më pak mbrojtje, ndërsa të rinjtë e tjerë mbi 16 vjeç humbasin padrejtësisht aksesin”, tha kompania.

Snapchat po u propozon autoriteteve australiane që vetë katalogët e aplikacioneve të verifikojnë moshën e përdoruesve përpara se të shkarkohen aplikacionet.

Disa platforma, duke përfshirë Snapchat, TikTok, YouTube dhe aplikacionet Meta (Facebook, Instagram), janë të detyruara të zbatojnë ndalimin në Australi dhe përballen me gjoba nëse nuk ndërmarrin hapa të arsyeshëm për t’u përmbajtur ligjit.

Ligji australian ka pasur një ndikim global. India ka filluar të shqyrtojë një propozim të ngjashëm dhe, në Francë, Asambleja Kombëtare votoi javën e kaluar në favor të një ndalimi të ngjashëm për personat nën 15 vjeç, me qëllim zbatimin e plotë deri më 1 janar 2027.

Në seancën fillestare të hënën në Gjykatën Themelore në Prishtinë, e akuzuara Nadica Cvetkoviq u deklarua e pafajshme lidhur me akuzën se në cilësinë e gardianes në burgun e Prishtinës dhe paralelen në Lipjan, ka kryer krime lufte.

Deklarimin rreth fajësisë, Cvetkoviq e bëri pas leximit të aktakuzës nga prokurori special, Atdhe Dema, raporton “Betimi për Drejtësi“.

Më pas, kryetari i trupit gjykues, Leon Përlaska njoftoi të akuzuarën dhe mbrojtësen e saj, avokaten Jovana Filipoviq se në afat prej 30 ditësh kanë të drejtë për kundërshtim të provave dhe kërkesë për hudhje të aktakuzës.

Ndryshe, Prokuroria Speciale e Republikës së Kosovës (PSRK) më 16 janar 2026 ka ngritur aktakuzë ndaj Nadica Cvetkoviq të cilën e akuzon për veprën penale “Krime lufte kundër popullsisë civile”.

Cvetkviq akuzohet se në mënyrë sistematike, i ka keqtrajtuar të burgosurat shqiptare, duke i kanosur për jetë dhe torturuar në mënyrë çnjerëzore me mjete të ndryshme, si shkop gome, shqelma dhe grushte, deri në alivanosje, duke iu shkaktuar lëndime trupore.

“Ekziston dyshimi i bazuar mirë se e pandehura N.C., gjatë periudhës 1998-1999, në cilësinë e personit zyrtar-gardiane në Burgun e Prishtinës, paralelja për gra në Lipjan, në bashkëkryerje me zyrtarë të tjerë të burgut, ka shkelur rregullat e së drejtës ndërkombëtare gjatë konfliktit të armatosur, përkatësisht kohës së luftës. Sipas aktakuzës, N.C., gjatë gjithë kësaj periudhe, në mënyrë sistematike, i ka keqtrajtuar të burgosurat shqiptare, duke i kanosur për jetë dhe torturuar në mënyrë çnjerëzore me mjete të ndryshme , si shkop gome, shqelma dhe grushte, deri në alivanosje, duke u shkaktuar lëndime trupore. Si pasojë e këtyre rrahjeve, viktimat kanë pësuar dhunë psikike, gjendje ankthi dhe frike, dhe u është cenuar rëndë dinjiteti njerëzor”, thuhet në njoftimin e Prokurorisë.