Blog

Të gjithë qytetarët që ia mësyjnë sot kryeqytetit do të mund të lëvizin me autobusët e Trafikut Urban pa pagesë.

Ky vendim u mor nga Komuna e Prishtinës në përkrahje të marshit “Drejtësi, jo politikë“ dhe shënimit të 18-vjetorit të Pavarësisë së Kosovës.

Lajmin e bëri të ditur kryetari i Prishtinës, Përparim Rama.

“Sot transporti publik në Kryeqytet është pa pagesë, në përkrahje të marshit “Drejtësi, jo politikë”. Prishtina ju mirëpret!”, shkroi Rama në Facebook.

Me moton “Drejtësi, jo politikë”, sot në Prishtinë në orwn 14.00 nw sheshin “Skënderbeu” mbahet marshi në mbështetje udhëheqësve të Ushtrisë Çlirimtare të Kosovës që po gjykohen në Hagë.

Ndërsa, nga 9 shkurti i këtij viti në Dhomat e Specializuara të Kosovës në Hagë nisi parashtrimi i fjalëve përmbyllëse në procesin gjyqësor kundër ish-krerëve të UÇK-së.

Nesër në Dhomat e Specializuara të Kosovës do të vijohet me deklaratat e Hashim Thaçit, Kadri Veselit, Rexhep Selimit e Jakup Krasniqit.

Katërshja e UÇK-së do të kenë mundësinë që të flasin nga 20 minuta per tërë këtë proces gjyqësor.

Deklaratat përmbyllëse të palëve kanë nisur më 9 shkurt, ku kryeprokurorja Kimberly West ka kërkuar nga 45 vjet burg për ish-krerët e Ushtrisë Çlirimtare të Kosovës.

Ekipet mbrojtëse kanë kërkuar që të njëjtit të shpallen të pafajshëm për të gjitha pikat e aktakuzës.

Ata kanë thënë se nuk ka asnjë provë që argumenton pretendimet e Prokurorisw Speciale për krime lufte.

Hashim Thaçi, Kadri Veseli, Jakup Krasniqi dhe Rexhep Selimi, po përballen me akuza të ngritura nga Zyra e Prokurorit të Specializuar, të cilat ata i kanë cilësuar si të pabazuara. Edhe mbrojtja i ka hedhur poshtë këto akuza dhe ka argumentuar se UÇK-ja nuk kishte strukturë të organizuar komanduese.

Gjykimi ndaj tyre ka nisur më 3 prill 2023, gati tri vjet pas konfirmimit të aktakuzës. Ish-krerët e UÇK-së mbahen në qendrën e paraburgimit në Hagë nga fundviti 2020.

Presidentja Vjosa Osmani, kryetarja e Kuvendit, Albulena Haxhiu dhe kryeministri Albin Kurti kanë bërë homazhe në Prekaz në nder të Pavarësisë së Kosovës.

Krerët shtetërorë kanë bërë homazhe edhe te varri i ish-presidentit Ibrahim Rugova dhe te varri i veprimtarit, Adem Demaçi.

Pos tjerash, ata bën nderime edhe te Monumenti i të Pagjeturve, si dhe te Pllaka Përkujtimore për Fëmijët e Vrarë.

Kryetari i Komunës së Prishtinës, Përparim Rama bashkë me kabinetin e tij në 18-vjetorin e pavarësisë së Kosovës ka bërë homazhe te varri i ish-presidentit Ibrahim Rugova.

Është arrestuar një person në Drenas, pasi që i njëjti dyshohet ka sulmuar fizikisht një zyrtar policor gjatë kryerjes së detyrës zyrtare.

Policia njofton në raportin 24-orësh se si pasojë e sulmit që ndodhi të hënën, zyrtari policor ka pësuar lëndime trupore dhe ka pranuar tretman mjekësor.

Me vendim të prokurorit i dyshuari është dërguar në mbajtje.

Kosova sot feston 18-vjetorin e shpalljes së Pavarësisë. Sot është ditë pushimi në Gjykatën Speciale në Hagë. Megjithatë, ka pasur raste kur në Dhomat e Specializuara të Kosovës janë mbajtur seanca edhe në ditë festash.

Kështu kishte ndodhur më 28 Nëntor, përvjetorin e shpalljes së Pavarësisë së Shqipërisë dhe Ditën e Flamurit, ku ishte caktuar një konferencë përgatitore ndaj ish-presidentit, Hashim Thaçi.

Për këtë kishte reaguar Thaçi para trupit gjykues, duke thënë se një gjë e tillë duhet të evitohej.

Nesër në Dhomat e Specializuara të Kosovës do të vijohet me deklaratat e Hashim Thaçit, Kadri Veselit, Rexhep Selimit e Jakup Krasniqit.

Katërshja e UÇK-së do të kenë mundësinë që të flasin nga 20 minuta per tërë këtë proces gjyqësor.

Dje ekipi mbrojtës i Jakup Krasniqit ka përfunduar parashtrimin e deklaratës përmbyllëse, ku më pas trupi gjykues ka vijuar me pyetjet për Zyrën e Prokurorit të Specializuar dhe ekipet mbrojtëse.

Më pas, kanë pasuar kundërpërgjigjet e prokurorëve.

Deklaratat përmbyllëse të palëve kanë nisur më 9 shkurt, ku kryeprokurorja Kimberly Ëest ka kërkuar nga 45 vjet burg për ish-krerët e Ushtrisë Çlirimtare të Kosovës.

Ekipet mbrojtëse kanë kërkuar që të njëjtit të shpallen të pafajshëm per të gjitha pikat e aktakuzës.

Ata kanë thënë se nuk ka asnjë provë që argumenton pretendimet e Prokurorisë Speciale për krime lufte.

Hashim Thaçi, Kadri Veseli, Jakup Krasniqi dhe Rexhep Selimi, po përballen me akuza të ngritura nga Zyra e Prokurorit të Specializuar, të cilat ata i kanë cilësuar si të pabazuara. Edhe mbrojtja i ka hedhur poshtë këto akuza dhe ka argumentuar se UÇK-ja nuk kishte strukturë të organizuar komanduese.

Gjykimi ndaj tyre ka nisur më 3 prill 2023, gati tri vjet pas konfirmimit të aktakuzës prej kur ish-krerët e UÇK-së mbahen në qendrën e paraburgimit në Hagë.

Ushtria ukrainase arriti të rimarrë rreth 200 kilometra katrorë territor javën e kaluar, që përfaqëson përparimin më të shpejtë të forcave të tyre që nga vera e vitit 2023.

Sipas të dhënave të përpunuara nga agjencitë, duke cituar informacione nga Instituti Amerikan për Studimin e Luftës (ISW), ushtria ukrainase çliroi saktësisht 201 kilometra katrorë territor të pushtuar javën e kaluar.

Është interesante të theksohet se forcat ruse arritën të kapnin territor të ri vetëm të hënën, ndërsa pjesa tjetër e javës u shënua nga përparimi i ushtrisë ukrainase.

Analistët ushtarakë besojnë se pas këtyre sukseseve të papritura të ushtrisë ukrainase qëndrojnë problemet teknike me të cilat përballet pala ruse. Në veçanti, agjencitë citojnë një analizë nga ISW sipas së cilës përparimi ukrainas ndoshta u ndihmua nga problemet që ushtria ruse ka me përdorimin e sistemit të internetit satelitor Starlink.

Kompania amerikane SpaceX, e cila operon këtë sistem, njoftoi se ka futur masa për të parandaluar ushtrinë ruse të përdorë teknologjinë e saj. Forcat ruse më parë janë të njohura për përdorimin e terminaleve Starlink, ndër të tjera, për udhëzim preciz të dronëve.

Ndërsa ky përparim është i rëndësishëm, të dhënat tregojnë një pamje më të gjerë të një konflikti të gjatë. Sipas AFP-së, para se të shpërthente lufta gati katër vjet më parë, Rusia kontrollonte shtatë përqind të territorit të Ukrainës.

Aktualisht ajo zë 19.5 përqind të territorit, nga 18.6 përqind një vit më parë. Sipërfaqja totale e Ukrainës është më shumë se 603,000 kilometra katrorë.