ATV

Blog

  • Më 27 shkurt fillon gjykimi i dytë ndaj Thaçit, Specialja del me njoftim

    Më 27 shkurt fillon gjykimi i dytë ndaj Thaçit, Specialja del me njoftim

    Gjykata Speciale ka njoftuar se më 27 shkurt do të mbahen deklaratat hyrëse në gjykimin e dytë ndaj Thaçit ku përfshihen edhe Bashkim Smakaj, Isni Kilaj, Fadil Fazliu dhe Hajredin Kuçi.

    Sipas një njoftimi të Speciales, seanca mbahet në orën 09:30 dhe do të përfundojë në orën 16:00.

    Aktakuza fillestare ndaj tyre u konfirmua më 29 nëntor 2024 dhe u ndryshua më 16 prill 2025.

    Sipas aktakuzës, midis 12 prillit 2023 dhe 2 nëntorit 2023, gjatë vizitave të ndryshme në objektin e paraburgimit, Thaçi u dha Smakajt, Kilajt, Fazliut dhe Kuçit informacion konfidencial për dëshmitarë të thirrur nga Prokuroria në çështjen gjyqësore për krime lufte Thaçi dhe të tjerët, duke i udhëzuar ata “që të ndikonin në dëshmitë e dëshmitarëve dhe u dha hollësi se si të vepronin”.

    Në aktakuzë më tej pretendohet se Thaçi bashkërendoi tre grupe, të përbëra nga Smakaj, Fazliu, Kilaj, Kuçi dhe persona të tjerë për të cilët nuk janë ngritur akuza me qëllimin e ndërhyrjes në dëshmitë e dëshmitarëve të thirrur nga Prokuroria në gjykimin aktual për krime lufte Thaçi dhe të tjerët.
    “Isni Kilaj u arrestua së pari si i dyshuar më 2 nëntor 2023, dhe u lirua përkohësisht me kushte të rrepta më 15 maj 2024. Pas konfirmimit të aktakuzës, më 5 dhe 6 dhjetor 2024, Isni Kilaj, Bashkim Smakaj dhe Fadil Fazliu u arrestuan dhe transferuan në njësinë e paraburgimit të DHSK-së. Hashim Thaçit iu dorëzua fletarrestimi në objektin e paraburgimit të DHSK-së, ndërsa Hajredin Kuçit iu dorëzua fletëthirrja për paraqitjen e parë. Pesë të akuzuarit u vetëdeklaruan të pafajshëm. Prokuroria dorëzoi dosjen paraprake të saj më 19 shtator 2025. Z. Smakaj, z. Thaçi dhe z. Fazliu dorëzuan dosjet paraprake të tyre më 19 dhe 20 tetor 2025. Dosja e çështjes iu kalua për gjykim Gjykatësit të Vetëm më 12 nëntor 2025. Isni Kilaj u lirua me kusht në Kosovë për të dytën herë në bazë të vendimit të Gjykatësit të Vetëm më 10 dhjetor 2025. Bashkim Smakaj dhe Fadil Fazliu u liruan me kusht më 10 shkurt 2026 në bazë të vendimit të Gjykatësit të Vetëm”, theksohet më tej në aktakuzë.

  • Italia i vendos pikë turizmit masiv, kufizime të reja në Kapri

    Italia i vendos pikë turizmit masiv, kufizime të reja në Kapri

    Mbingarkesa e shkaktuar nga fluksi i madh i vizitorëve gjatë verës ka detyruar autoritetet lokale në Kapri të ndërmarrin masa të reja për menaxhimin e turizmit.

    Ishulli, me rreth 13 mijë banorë, përballet çdo sezon veror me deri në 50 mijë vizitorë në ditë. Kjo situatë ka krijuar presion të madh në porte, rrugë dhe zonat më të frekuentuara turistike. Sipas agjencisë italiane të lajmeve ANSA, nga sezoni i ardhshëm veror do të lejohen të zbresin në ishull vetëm grupe të organizuara me maksimum 40 persona. Vendimi është miratuar njëzëri nga këshilli bashkiak.

    Rregullorja e re parashikon që guidat turistike të grupeve me mbi 20 persona nuk do të mund të përdorin altoparlantë gjatë tureve në qytetin kryesor. Në vend të tyre, do të përdoren kufje me radio, me qëllim reduktimin e zhurmës dhe shqetësimeve për banorët dhe vizitorët e tjerë.

    Po ashtu, drejtuesit e grupeve do të duhet të identifikohen me bexha të dukshëm në qafë dhe nuk do të lejohen të përdorin mjete sinjalizuese si çadra apo flamuj të vendosur mbi shkopinj. Ata do të kenë përgjegjësinë të mbajnë grupet të bashkuara, të sigurojnë lëvizje të rregullt dhe të shmangin bllokimin e rrugëve dhe shesheve.

    Kapri, i vendosur në Gjiri i Napolit, është i njohur për vilat me mure të bardha, bregdetin shkëmbor dhe atraksione të famshme si Grotta Azzurra. Megjithatë, gjatë sezonit të pikut, portet, pikat panoramike dhe monumentet historike të ishullit mbingarkohen rregullisht.

    Me këto masa, autoritetet synojnë të ruajnë cilësinë e jetës për banorët vendas dhe përvojën e vizitorëve, duke vendosur një ekuilibër mes turizmit dhe qëndrueshmërisë.

  • Ambasada e Gjermanisë uron Pavarësinë e Kosovës: Krenare për partneritetin tonë të fortë

    Ambasada e Gjermanisë uron Pavarësinë e Kosovës: Krenare për partneritetin tonë të fortë

    Ambasada e Gjermanisë në Kosovë, ka uruar 18-vjetorin e Pavarësisë së vendit.

    Përmes një postimi në Facebook, ambasada thekson se Gjermania është krenare që ka partneritet të fortë me Kosovën, të ndërtuar shumë kohë para pavarësisë dhe të forcuar çdo ditë që atëherë.

    “Nga Gjermania në Prishtina dhe Kosova në Berlin, sot festojmë së bashku. Gjermania dhe Kosova janë të bashkuara nga demokracia, liria dhe respekti i ndërsjellë. Si një nga vendet e para që njohu pavarësinë e Kosovës, Gjermania është krenare për partneritetin tonë të fortë dhe të qëndrueshëm — të ndërtuar shumë kohë para pavarësisë dhe të forcuar çdo ditë që atëherë”, thuhet në njoftim.

    “Gati 600,000 kosovarë që jetojnë në Gjermani e mbajnë lidhjen midis vendeve tona të gjallë dhe të gjallë. Në moshën tetëmbëdhjetë vjeç, Kosova është një histori e vërtetë suksesi. Le të vazhdojmë të shkruajmë kapitullin tjetër të një të ardhmeje të ndritur të përbashkët. Gëzuar Ditën e Pavarësisë!”.

  • Spiropali uron Kosovën: Shqipëria krah jush si motër e aleate, me përkushtim të plotë

    Spiropali uron Kosovën: Shqipëria krah jush si motër e aleate, me përkushtim të plotë

    Kryediplomatja shqiptare Elisa Spiropali ka uruar Kosovën në 18-vjetorin e Pavarësisë.

    Spiropali tha se Shqipëria qëndorn krah Kosovës “si moter dhe si aleate”.

  • Britania drejt ndalimit të mediave sociale për personat në 16 vjeç

    Britania drejt ndalimit të mediave sociale për personat në 16 vjeç

    Britania e Madhe synon një ndalim në një kohë të shpejtë të mediave sociale për personat nën 16 vjeç, duke përfshirë kufizime për chatbot-et e inteligjencës artificiale.

    Muajin e kaluar kryeministri britanik Keir Starmer nisi një konsultim mbi ndalimin e mediave sociale për fëmijët nën 16 vjeç dhe tani po punon për të ndryshuar legjislacionin në mënyrë që ndryshimi të ndodhë menjëherë pas fazës së konsultimit.

    Pritet të vendoset një ndalim i mediave sociale sipas modelit australian, duke mbyllur kësisoj një boshllëk ligjor që i la disa chatbot-e të inteligjencës artificiale jashtë rregullave të sigurisë, si pjesë e përpjekjeve të qeverisë për t’iu përgjigjur më shpejt rreziqeve dixhitale.

    Spanja, Greqia dhe Sllovenia kanë thënë gjithashtu se po punojnë për ndalime pasi Australia u bë vendi i parë në botë që bllokoi aksesin për personat nën 16 vjeç./A2CNN

     

     

  • Konfirmohet largimi i parë i madh nga Real Madridi në fund të sezonit

    Konfirmohet largimi i parë i madh nga Real Madridi në fund të sezonit

    Gazetari i njohur italian, Fabrizio Romano, zbuloi përmes llogarisë së tij në platformën X se mbrojtësi austriak David Alaba do të largohet nga Real Madridi në fund të sezonit aktual, pas vendimit të drejtuesve të klubit për të mos rinovuar kontratën e tij.

    Sipas Romanos, lojtari veteran po përgatitet për një eksperiencë të re gjatë afatit kalimtar veror, duke marrë në konsideratë disa oferta dhe opsione të ndryshme për të vendosur destinacionin e tij të ardhshëm.

    Kontrata e Alabës përfundon në fund të sezonit aktual, dhe Real Madrid ka vendosur të mos nisë negociatat për rinovimin, gjë që do të thotë se mbrojtësi austriak do të largohet falas sapo të përfundojë sezoni, duke mbyllur një kapitull të rëndësishëm të karrierës së tij në kryeqytetin spanjoll.

    33-vjeçari Alaba iu bashkua Real Madridit në verën e vitit 2021 përmes një transferimi falas nga Bayern Munich, dhe deri tani ka luajtur 126 ndeshje me klubin spanjoll, duke shënuar pesë gola dhe dhuruar tetë asistime.

    Vlen të përmendet se largimi i mbrojtësit austriak do të lirojë një shumë të konsiderueshme në shkallën e pagave të klubit, sidomos duke marrë parasysh se ai është një nga lojtarët më të paguar brenda skuadrës mbretërore.

  • Vdes Robert Duvall, aktori i paharrueshëm nga “The Godfather”

    Vdes Robert Duvall, aktori i paharrueshëm nga “The Godfather”

    Aktori ikonik i Hollywood’it, Robert Duvall, ka vdekur në moshën 95-vjeçare, raporton NBC News.

    Ai mbetet i paharruar për rolin e Tom Hagen përkrah Al Pacino dhe Marlon Brando në The Godfather.

    Duvall ka vdekur në shtëpinë e tij në Middleburg, sipas një deklarate nga familja e tij.

    Në vitin 2005, Duvall u martua me gruan e tij të katërt, Luciana Pedraza, mbesa e pionieres argjentinase të aviacionit Susana Ferrari Billinghurst.

    Në një karrierë të begatë në Hollywood që zgjati gati gjashtë dekada, Duvall interpretoi me mjeshtëri mes roleve kryesore dhe atyre dytësore. Ai e mishëronte plotësisht çdo personazh.

    Ai u nominua për shtatë çmime Academy Awards dhe shtatë Golden Globe Awards. Ai fitoi çmimin Oscar për aktorin më të mirë në vitin 1984 për rolin e këngëtarit të muzikës country Mac Sledge në filmin Tender Mercies të regjisorit Bruce Beresford.

    Duvall është martuar katër herë, por nuk ku pasur fëmijë.

    Duvall u njoh me gruan e tij të parë, Barbara Benjamin, gjatë xhirimeve të To Kill a Mockingbird. Ata ishin të martuar nga viti 1964 deri në vitin 1975.

    Gruaja e tij e dytë ishte Gail Youngs, me të cilën ishte i martuar nga viti 1982 deri në vitin 1986.

    Martesa e tij e tretë ishte me Sharon Brophy, një balerinë, nga viti 1991 deri në vitin 1995.

    Në vitin 2005, Duvall u martua me gruan e tij të katërt, Luciana Pedraza, mbesa e pionieres argjentinase të aviacionit Susana Ferrari Billinghurst.

  • Lyrical Son: Për mua hero nuk ishte Spidermani, por UÇK-ja

    Lyrical Son: Për mua hero nuk ishte Spidermani, por UÇK-ja

    Në emisionin “DPT te Fidani” me Fidan Jupollin, të ftuar ishin Ismail Tasholli nga platforma “Liria ka Emër” dhe artisti Lyrical Son.

    Gjatë bisedës, Festim Arifi ka ndarë kujtime nga fëmijëria e tij, kur iu arrestua babai.

    “Më rrok edhe mu te qata njerëz, edhe unë e kam pa babën t’u ma arrestu, unë e kam çel derën, i kam pas 5-6 vjeç. Fati pshtoi qysh pshtoi. Unë jam kanë t’u lujt me kilikera. Ma kanë bo në gjuhën e tyre ‘ku e ke babën’, edhe s’e kam pa dy vjet”.

    Ai shtoi se heronjtë për të nuk lidhen me personazhe si Spiderman apo Batman, por me përvojën e tij.

    “S’u kanë për mu Spidermani, as Batmani, për mu është kanë UÇK-ja. Unë jam kanë në Prishtinë, na veç kena ditë që filani është në UÇK. Përndryshe, gjeneratat e reja është gjithmonë mirë me u informu. Secili profesor e njeri i edukum, e ka porosinë e njëjtë, është me u informu. Ma mirë me lexu libra, se komente”, tha reperi.

    Lyrical Son po ashtu do të jetë një nga artistët që do të performojnë në marshin “Drejtësi, jo politikë”.

    Krahas tij, edhe shumë artistë të tjerë kanë shprehur mbështetje për ish-krerët e UÇK-së, në protestën që mbahet sot (e martë) në Prishtinë.

  • Presidenti gjerman uron Kosovën, përmend transferin e pushtetit në veri, pret “hapa tjerë konstruktivë” dhe angazhim të vendosur në dialog

    Presidenti gjerman uron Kosovën, përmend transferin e pushtetit në veri, pret “hapa tjerë konstruktivë” dhe angazhim të vendosur në dialog

    Presidenti i Gjermanisë, Frank-Walter Steinmeier, uron Kosovën për 18-vjetorin e Pavarësisë, duke përgëzuar progresin e vendit dhe duke shprehur shpresën për hapa të mëtejshëm konstruktivë, përfshirë zgjedhjet në veri dhe transferin e pushtetit te kryetarët e rinj.

    Steinmeier konfirmon se Gjermania do të mbështesë edhe në të ardhmen Kosovën.

    Derisa shpreson edhe për hapa të tjerë “konstruktivë” në të ardhmen, kur përmend zgjedhjet në veri dhe transferin e pushtetit te kryetarët e rinj.

  • Pamje nga Shkodra me flamurin e Kosovës, Beci: Zemra e çdo shqiptari rreh njëlloj, në gëzim, në sfida, ne jemi bashkë

    Pamje nga Shkodra me flamurin e Kosovës, Beci: Zemra e çdo shqiptari rreh njëlloj, në gëzim, në sfida, ne jemi bashkë

    Kryetari i Shkodrës, Benet Beci ka uruar qytetarët e Kosovës në 18-vjetorin e pavarësisë.

    Ai në një postim në Facebook shkruan se zemra e çdo shqiptari rreh njëlloj kudo ku jetojmë, gjersa ka bashkëngjitur një video, ku bashkia e Shkodrës është ndriçuar me flamurin e Kosovës.

    Lexoni të plotë postimin:

    Gëzuar 18-vjetorin e Pavarësisë KOSOVË!

    Ti je dëshmia se liria fitohet me guxim dhe ruhet me përgjegjësi.

    Zemra e çdo shqiptari rreh njëlloj kudo ku jetojmë. Në gëzim, në sfida, ne jemi bashkë.🇦🇱

    Qofsh përherë e lirë, e fortë, krenare dhe e zhvilluar.

    Urime për këtë ditë historike!.