ATV

Blog

  • 25-vjeçari shqiptar gjendet i pajetë në Itali, nis hetimi për shkaqet e vdekjes

    25-vjeçari shqiptar gjendet i pajetë në Itali, nis hetimi për shkaqet e vdekjes

    Shoferi kalimtar zbulon trupin e 25-vjeçarit shqiptar, autoritetet në hetim

    Një 25-vjeçar shqiptar është gjetur pa shenja jete më 20 shkurt në një zonë rurale mes komunave Bra dhe Montà, në provincën e Asti, Itali, transmeton albinfo.ch.

    Trupi i pajetë u zbulua pranë automjetit të tij, i cili ishte lënë me derën e hapur. Sipas mediave lokale, një drejtues mjeti kalimtar ka vërejtur situatën dhe ka njoftuar menjëherë autoritetet. Në vendngjarje kanë ndërhyrë forcat e rendit për të nisur hetimet.

    Shkaqet e vdekjes ende nuk janë bërë të ditura, ndërsa identiteti i të riut nuk është publikuar zyrtarisht. Autopsia pritet të kryhet në ditët në vijim, çka do të ndihmojë në sqarimin e rrethanave të ngjarjes.

    Hetimet po zhvillohen nën drejtimin e prokurores Sara Paternò dhe po ndiqen nga Karabinierët e Kompanisë së Bra.

    Sipas informacioneve paraprake, 25-vjeçari jetonte në zonën e Alba dhe nuk rezulton të ketë pasur precedentë penalë. Autoritetet po punojnë për të hedhur dritë të plotë mbi këtë rast.

  • Spiropali: Shqipëria mbështetje të palëkundur për popullin ukrainas

    Spiropali: Shqipëria mbështetje të palëkundur për popullin ukrainas

    Me rastin e katërvjetorit të luftës së Rusisë në Ukrainë, Ministrja për Evropën dhe Punët e Jashtme, Elisa Spiropali, në një postim në rrjetin social X ka shkruar se populli ukrainas është një popull i guximshëm dhe se vazhdon të frymëzojë botën.

    Për më tepër, Spiropali është shprehur gjithashtu se lufta e Rusisë ndaj Ukrainës është e pajustifikuar dhe se Shqipëria riafirmon mbështetjen e saj të palëkundur.

    “Katër vjet pasi Rusia nisi agresionin e saj brutal dhe të pajustifikuar kundër Ukrainës, ne përkujtojmë jetët e humbura dhe qëndrojmë në solidaritet të palëkundur me një komb që mbron lirinë, sovranitetin dhe demokracinë e tij.

    Guximi i popullit ukrainas vazhdon të frymëzojë botën. Qëndrueshmëria e tyre dëshmon se terrori nuk mund ta mposhtë vullnetin për të jetuar i lirë.

    Shqipëria riafirmon mbështetjen e saj të palëkundur për Ukrainën, politikisht, diplomatikisht dhe përmes veprimeve konkrete. Solidariteti ynë është i qartë, parimor dhe i qëndrueshëm.

    Ukraina nuk është vetëm!”, ka shkruar Spiropali.

  • Më pak se shtatë orë gjumë shkakton probleme në organizëm

    Më pak se shtatë orë gjumë shkakton probleme në organizëm

    Pamjaftueshmëria e vitaminave besohet të jetë një faktor i rëndësishëm në shfaqjen e pagjumësisë.

    Kjo e fundit ka pasoja të rënda në organizëm.

    Studimet kanë treguar se sëmundjet dyfishohen nëse njeriu fle më pak se 7 orë.

    Nëse njeriu fle më pak se gjashtë orë, ky rrezik katërfishohet.

    Pagjumësia ndikohet jo vetëm nga stresi, puna dhe stili i jetesës.

    Vitamina C

    Vitamina C është shumë e rëndësishme për sistemin imunitar.

    Studimet thonë se sasitë e pamjaftueshme të kësaj vitamine shkaktojnë pagjumësi dhe probleme me gjumin.

    Ekspertët rekomandojnë ngrënien e specave, agrumeve, kivit, lakrave të vogla dhe mangove për të marrë më shumë vitamina.

    Vitamina B12

    Vitamina B12 garanton shëndetin e nervave dhe rruazave të kuqe të gjakut.

    Ajo ndihmon në krijimin e energjisë në organizëm.

    Nivelet e ulëta të kësaj vitamine shkaktojnë probleme nervore, lodhje, çrregullime të gjumit, mpirje dhe luhatje të humorit.

    Sasia e rekomanduar e kësaj vitamine është nga 250 deri në 500 mikrogramë në ditë.

    Vitaminën B12 e gjeni edhe në ushqimet e mëposhtme, rekomanduar nga AgroWeb.org

    Ushqimet me Vitaminë B12

    • Sardelet

    • Salmoni i egër

    • Drithërat e plota

    • Qumështi

    • Kosi

    • Djathi i bardhë

    • Vezët

    Vitamina D

    Nivelet e ulëta të vitaminës D shkaktojnë probleme me gjumin.

    Ushqimet ku mund ta gjeni: Vaji i mëlçisë së peshkut, vaji i peshkut, produktet e pasuruara të bulmetit, drithërat e pasuruar.

    Omega-3

    Acidet yndyrore rekomandohen nga mjekët sepse përmirësojnë cilësinë e gjumit.

    Këto acide yndyrore i gjeni me shumicë tek peshqit, por edhe farat e ndryshme.

    Peshqit e rritur në ujëra të ftohta siç janë salmoni, sardelet, trofta, skumbria dhe harenga përmbajnë nivelet më të larta të acideve yndyrore.

    Goacat e detit, midhjet dhe gaforret përmbajnë gjithashtu sasi të mëdha të acideve yndyrore omega-3./agroweb/

  • Sa kafe duhet të konsumoni në ditë për qarkullim të mirë të gjakut?

    Sa kafe duhet të konsumoni në ditë për qarkullim të mirë të gjakut?

    onsumimi i tre filxhanë kafe në ditë zvogëlon rrezikun e sëmundjeve ose sulmeve në zemër, sipas një studimi të kryer së fundmi. Ata që e konsumonin rregullisht kafenë, kishin 12 për qind më pak shanse për të ndërruar jetë në moshë të re, sipas “The Sun”.

    Rezultatet e studimit tregonin se njerëzit që konsumonin deri në tre filxhanë kafe në ditë, kishin një zemër më të shëndetshme, e cila funksiononte më mirë. Gjithashtu, kafja ngadalëson procesin e plakjes.

    Përfitimet e tjera shëndetësore thuhet se përfshijnë mbrojtjen nga diabeti, sëmundjet e mëlçisë dhe dementia, si dhe djegia e yndyrës në trup.

    Studiuesi Dr. Judit Simon tha: “Rezultatet tona sugjerojnë që konsumimi i rregullt i kafesë është i sigurt dhe 0.5 deri në tre filxhanë kafe në ditë ulin rrezikun e goditjes në tru, të vdekjes nga sëmundjet e zemrës dhe vdekjes nga një shkak tjetër.”

    Dr. Simon dhe ekipi i tij moderuan për 11 vjet të dhënat mjekësore të njerëzve që u bënë pjesë e studimit në Mbretërinë e Bashkuar, duke filluar nga një moshë mesatare prej 56 vjeç.

    Ata zbuluan se ata që konsumonin kafe kishin 21 për qind më pak shanse për të pësuar një goditje në tru. Ata që pinin më shumë se tre filxhanë në ditë ose asnjë filxhan kafe nuk gëzonin të njëjtat përfitime, thanë studiuesit për Kongresin e Shoqërisë Evropiane të Kardiologjisë.

  • Pse dredhëzat nuk janë më aq të ëmbla sa dikur?

    Pse dredhëzat nuk janë më aq të ëmbla sa dikur?

    A ju ka ndodhur të blini dredhëza për një ëmbëlsirë dhe në fund shija të jetë e zbehtë? Sipas një studimi të vitit 2021 të publikuar në Oxford Academic, shumica e pjesëmarrësve thanë se dredhëzat që provuan nuk ishin mjaftueshëm të ëmbla. Dhe, sipas AOL, kjo nuk është rastësi.

    Profesori i hortikulturës Marvin Pritts nga Cornell University ka shpjeguar se gjatë dekadave të fundit dredhëzat janë kultivuar për të përmirësuar madhësinë, prodhimin, ngjyrën dhe qëndrueshmërinë dhe se shija nuk ka qenë prioritet, transmeton KOHA.net.

    Pra, dredhëzat e egra shpesh janë më të ëmbla, ndërsa ato që gjenden në supermarket janë zgjedhur për pamjen dhe rezistencën gjatë transportit.

    Një tjetër problem është momenti i vjeljes.

    Për shkak se fruti duhet të udhëtojë larg, shpesh këshillohet të mblidhet kur ka ende maja të bardha, pra para se të piqet plotësisht. Por sipas një studimi të vitit 1998 në Acta Horticulturae, dredhëzat mund të skuqen pak pas korrjes, por nuk vazhdojnë të piqen. Kjo do të thotë se nëse mblidhen të papjekura, ato nuk bëhen më të ëmbla.

    Roli i tregut

    Një studim i vitit 2017 në revistën Agribusiness ka treguar se mbi 65 për qind e konsumatorëve preferojnë dredhëza më të mëdha, më të kuqe, më të forta dhe me ngjyrë të theksuar. Një grup tjetër vendos madhësinë dhe pamjen përpara shijes.

    Pse? Sepse këto janë cilësitë që shohim pa hapur paketimin.

    Një studim i vitit 2024, i publikuar në revistën Foods ka theksuar se pamja është faktori kryesor që ndikon në blerje. Ne e lidhim madhësinë, ngjyrën e kuqe dhe fortësinë me freskinë dhe shijen, ani pse kjo nuk është gjithmonë e vërtetë.

    Sipas Departamentit Amerikan të Bujqësisë (USDA), 98 për qind e dredhëzave në SHBA prodhohen në Kaliforni dhe Floridë, zona ku prioritet ka qenë madhësia dhe rendimenti, jo aroma.

    Si të zgjidhni dredhëza më të ëmbla?

    -Kontrolloni nëse janë pa fungicide dhe pesticide.

    Një studim i vitit 2023, i publikuar në Journal of Agricultural and Food Chemistry, ka zbuluar se dy fungicide të zakonshme mund të ulin përmbajtjen e sheqerit.

    -Mbështetuni te aroma.

    Një studim i vitit 1989, i publikuar në Chemical Senses, tregoi se sa më e fortë aroma e dredhëzas, aq më e ëmbël është shija.

    -Kërkoni prodhues lokalë ose lloje të reja të zhvilluara për shije.

    Në vitin 2022, studiues nga Rutgers University prezantuan llojin Rutgers D’Light, të zhvilluar për 15 vjet për të arritur balancën ideale mes ëmbëlsisë, aciditetit dhe aromës.

     

  • Çfarë i ndodh trupit kur heqim dorë nga mishi?

    Çfarë i ndodh trupit kur heqim dorë nga mishi?

    Çdo vit, mijëra njerëz në botë vendosin të heqin dorë nga mishi dhe produkett shtazore për të zbuluar në befasi të plotë përfitime të mëdha shëndetësore në organizëm.

    Pavarësisht se mishi i kuq ofron proteinë, ai mund të zëvendësohet shumë mirë me produkte bazore të cilat kanë proteinë që i bën mirë metabolizmit dhe tretjes.

    Rënia Nga Pesha
    Sipas studimeve njerëzit që ndjekin një dietë vegjetariane kanë një rënie të peshës që arrin deri në 4 kilogramë.

    Konsumi i bollshëm i frutave, perimeve, drithërave të plota dhe legumeve e bën rënien nga pesha më të lehtë, ndërsa mishi i kuq më të vështirë.

    Kolesteroli
    Pas heqjes dorë nga mishi i kuq, njeriu mund të vërejë një rënie të nivelit të kolesterolit në gjak.

    Kjo është një gjë shumë e mirë sepse përmirëson shëndetin kardiovaskular i cili ka nevojë për shumë ushqyes që ofrohen nga burimet e tjera ushqimore jo-shtazore.

    Stomaku
    Stomaku i një personi që nuk ha mish është më i pastër.

    Shumica e produkteve shtazore vijnë nga shtazë që janë ngopur me hormone dhe antibiotikë, ndërkohë perimet dhe frutat ofrojnë shumë fibër dhe antioksidantë që e mbajnë stomakun në gjendje shumë të mirë dhe eliminojnë patogjenët e rrezikshëm.

    Lëkura
    Një tretje e mirë reflektohet në fytyrë. Këtë e konfirmojnë ekspertët, sipas të cilëve, njerëzit që hanë ushqime me bazë bimore kanë më shumë shkëlqim rinor në lëkurën e tyre dhe më pak puçra.

    Fibra, antioksidantët dhe mineralet ndihmojnë në pastrimin dhe shëndetin e lëkurës.

    Gazrat
    Rritja e beftë e sasisë së fibrës mund të shkaktojë fryrje dhe gazra.

    Ekspertët rekomandojnë që heqja dorë nga mishi dhe zëvendësimi i tij me produkte bimore të bëhet në mënyrë të ngadaltë por të qëndrueshme.

    Sëmundjet
    Duke supozuar që njeriu heq dorë nga mishi por e zëvendëson atë me ushqime të shëndetshme dhe jo të përpunuara, organizmi është më i mbrojtur prej sëmundjeve të zemrës dhe disa tumoreve.

    Ekspertët thonë se ky rrezik i ulur ndaj këtyre sëmundjeve i atribuohet pranisë së lartë që një njeri duhet të ketë në organizëm të fibrës dhe antioksidantëve.

  • Prokurori i Shtetit: 42 aktakuza ndaj 49 personave për vepra të ndryshme penale

    Prokurori i Shtetit: 42 aktakuza ndaj 49 personave për vepra të ndryshme penale

    Prokurori i Shtetit njofton opinionin publik se gjatë 24 orëve të fundit nga prokuroritë themelore janë ngritur dyzetë e dy aktakuza kundër dyzetë e nëntë personave, për vepra të ndryshme penale,

    Po ashtu, me urdhër të Prokurorit të Shtetit, janë ndaluar njëmbëdhjetë persona të dyshuar, për vepra të ndryshme penale.

    Prokuroria Themelore në Prishtinë: Gjatë 24 orëve të fundit ka ndaluar tre persona për vepër penale, si dhe ka ngritur shtatë aktakuza kundër nëntë personave, për vepra të ndryshme penale.

    Prokuroria Themelore në Prizren: Gjatë 24 orëve të fundit, ka ndaluar një person të dyshuar.

    Prokuroria Themelore në Pejë: Gjatë 24 orëve të fundit ka ndaluar dy persona në kohëzgjatje prej 48 orësh dhe ka ngritur katërmbëdhjetë aktakuzë ndaj gjashtëmbëdhjetë personave.

    Prokuroria Themelore në Gjilan: Gjatë 24 orëve të fundit, ka ngritur nëntë aktakuza, kundër nëntë personave, për vepra të ndryshme penale.

    Prokuroria Themelore në Gjakovë: Gjatë 24 orëve të fundit, ka ndaluar katër persona, në kohëzgjatje prej 48 orësh, si dhe ka ngritur ka ngritur shtatë aktakuza, kundër dhjetë personave, për vepra të ndryshme penale.

    Prokuroria Themelore në Mitrovicë: Gjatë 24 orëve të fundit, ka ngritur katër aktakuza kundër katër personave, për vepra të ndryshme penale.

    Prokuroria Themelore në Ferizaj ka ndaluar një person të dyshuar dhe ka ngritur një aktakuzë kundër një personi.

  • Kurti e avancon Manxhukën nga zëdhënës partie në të qeverisë

    Kurti e avancon Manxhukën nga zëdhënës partie në të qeverisë

    Kryeministri i Kosovës dhe kreu i LVV-së, Albin Kurti ka vendosur ta avancojë Arlind Manxhukën, zëdhënësin e Lëvizjes Vetëvendosje, duke e emëruar në pozitën e Zëdhënësit të Qeverisë së Kosovës.

    Në vendimin e nënshkruar nga Kurti thuhet se Manxhuka, i cili njëkohësisht është edhe Këshilltar Politik në Zyrën e Kryeministrit, do të kryejë detyrat dhe përgjegjësitë që parashihen me Ligjin për Qeverinë e Republikës së Kosovës, si dhe detyra shtesë të caktuara nga Kryeministri.

    “Kryeministri i Republikës së Kosovës, në mbështetje të nenit 94 të Kushtetutës së Republikës së Kosovës, duke u bazuar në nenin 9 (1.3), nenin 13 (2 dhe 5) dhe nenin 17 (2) të Ligjit Nr. 08/L-117 për Qeverinë e Republikës së Kosovës, si dhe nenin 24 (1) të Rregullores (QRK) Nr.04/2026 për Fushat e Përgjegjësisë Administrative të Ministrive, nxjerr: Z. Arlind Manxhuka emërohet Zëdhënës i Qeverisë, i cili njëkohësisht është Këshilltar Politik i Kryeministrit”, thuhet në vendimin e qeverisë të publikuar nga Demokracia.

  • Çfarë duhet të dini përpara se të blini një mikrovalë?

    Çfarë duhet të dini përpara se të blini një mikrovalë?

    Llojet e ndryshme të mikrovalëve mundësojnë funksione të ndryshme, disa madje mund të zëvendësojë një furrë të zakonshme.

    Ka shumë gjëra që duhet të merrni parasysh përpara se të blini një mikrovalë dhe AgroWeb.org ju vjen në ndihmë me disa këshilla.

    Mikrovalët e thjeshta
    Si vetë emri ato janë të përshtatshme për të kryer detyra të thjeshta, por mbani mend se: çmimi i lartë dhe fuqia e lartë nuk janë domosdoshmërisht të barabarta me cilësi të lartë.

    Ato të jenë të lira, kompakte, të lehta për t’u përdorur, por ana negative është se ato në përgjithësi kanë një hapësirë të vogël dhe funksionalitet të kufizuar.

    Mikrovalët e kombinuara
    Këto lloje mund të veprojnë si një furrë e zakonshme, por pjekja me to mund të jetë më e ngadaltë dhe ushqimet mund të bëhen më të thata.

    Megjithatë disa modele më të avancuara mund të jenë edhe më të specializuara.

    Kapaciteti
    Kapaciteti zakonisht varion nga rreth 17L në mbi 32L. Për familjet e mëdha, këshillohet një mikorvalë me një kapacitet rreth litra.

    Gjithashtu ka rëndësi edhe madhësia e pllakës rrotulluese dhe lartësia e brendshme. Në këto raste diametri i pllakës rrotulluese duhet të jetë së paku 30 cm dhe lartësia e brendshme më shumë se 20 cm.

    Madhësia
    Mikrovalët vijnë në një sërë madhësish, prandaj merrni parasysh se sa hapësirë keni në ​​​​kuzhinën tuaj.

    Shihni gjithashtu madhësinë e derës. Dyert e mëdha e bëjnë shumë më të lehtë heqjen e enëve të nxehta ose të rënda.

    Hapësira e ajrimit
    Çdo mikrovalë kërkon hapësirë të mjaftueshme ​​për ajrim, zakonisht të rreth 15 cm sipër dhe pas saj.

    Kjo është veçanërisht e rëndësishme për versionet e kombinuara, pasi ato çlirojnë shumë ajër gjatë përdorimit.

    Fuqia
    Në përgjithësi, sa më e lartë të jetë fuqia, aq më e shpejtë është koha e gatimit.

    Disa mikrovalë i kanë të përcaktuara nivelet e fuqisë me të cilën punojnë. Në këtë rast sugjerimi është që të zgjidhni atë që ju lejon jut ë zgjidhni fuqinë me të cilën dëshironi të gatuani.

    Pllaka rrotulluese
    Pllaka rrotulluese që rrotullon automatikisht ushqimin për të siguruar gatim të barabartë, duhet të hiqet lehtësisht në mënyrë që ju ta pastroni sa më lehtësisht.

    Disa modele nuk e lejojnë këtë, pasi pllaka është e palëvizshme.

  • Mbi 2 mijë e 600 gjoba për 24 orë, policia njofton për mbi 40 aksidente trafiku

    Mbi 2 mijë e 600 gjoba për 24 orë, policia njofton për mbi 40 aksidente trafiku

    Policia e Kosovës, ka njoftuar se gjatë 24-orëve të fundit, janë shqiptuar 2610 gjoba trafiku.

    Në raport bëhet e ditur edhe se, gjatë kësaj kohe janë arrestuar 13 persona, ku 7 janë dërguar në mbajtje.

    Po ashtu njoftohet se, kanë ndodhur 24 aksidente me dëme materiale, dhe 18 me të lënduar.