Blog

KEDS, Kompania për Distribuimin e Energjisë Elektrike në Kosovë ka njoftuar se të premten, më 13.03.2026, do të kryhen punime për siguri të sistemit energjetik.

Në disa lokalitete do të ketë ndërprerje të energjisë elektrike.

Ky është orari sipas rajoneve:

Prishtinë

NS 110/35/10 [kV] Prishtina 1 do të ndërprehet:

Dalja 10 [kV] J23 Komuna e Re (kodi: 10000015) nga ora 08:00 deri 15:30

Vendet: Rekalitë, Komuna objektet e reja, Dogana, Kazerma Adem Jashari, Prroni i Njelmët, Mekanika dhe kontigjenti Portugez i KFOR-it.

Arsyeja: Projekte investive. Detektimi i kabllove ekzistues dhe punimi i lidhëseve.

NS 110/10 [kV] Prishtina 3 do të ndërprehet:

Dalja 10 [kV] J05 Arbëria e re-Butrinti (kodi: 12000029) nga ora 08:00 deri 15:30

Vendet: Zona afër Komunës së re.

Arsyeja: Projekte investive. Detektimi kabllove ekzistuese dhe punimi i lidhëseve.

Punime nga pala e tretë

1.

Nga NS 110/20[kV] Prishtina 7 do të ndërprehet:

Dalja 10[kV] J35 Prishtina e re (kodi: 19000081) nga ora 09:00 deri 15:00

Vendet: 87.Veternik 7,340.Muharrem Fejza A-1 K-1 obj-Relax 6

Arsyeja: Punimi i 6 lidhësve ne puset energjizimi i kthinave 10(20)kV sipas pëlqimit elektro-energjetik dhe aprovimit të projektit.

2.

Nga NS 110/20[kV] Prishtina 7 do të ndërprehet:

Dalja 10[kV] J17 Veterrniku 1 (kodi: 19000094) nga ora 08:00 deri në ora 14:00.

Vendet: 376. rr.Rexhep Krasniqi te TMK,120.Lagjja e Spitalit te BMË, ExDCdcdc-LLAM-8, Qazim Sadiku te Betoni Dino, rr.Behar Begolli, Stadioni Veternik (h.Fontana), rr. Shkupi Lokal-3, rr.Richard Hollbruk garazha nr.35.

Arsyeja: Punët që duhen të kryhen, sipas pëlqimit elektro-energjetik dhe projektit të aprovuar.

Pejë

Nga NS 110/10[kV] Istogu do të ndërprehet:

Dalja 10[kV] J10 Kërnina (kodi: 54000006) nga ora 09:00 deri në ora 11:00

Vendet: Dubravë, Veriq, Padalishtë, Bellopojë, Shushicë dhe Kërninë.

Arsyeja: Ndërprerje për siguri, bartje ne shtylle te re.

Ferizaj

Nga NS 35/10 [kV] Badovci do të ndërprehet:

Dalja 10 [kV] J11 Janjeva ( Kodi:10014011) prej orës 09:00 deri në ora 13:00

Vendet: Janjeva, Shashkovci, Akllapi, Terbuvci, Gushterica e Epërme Shushica.

Arsyeja: Vendosja e shtyllës nën tension si dhe kyçja e përçuesit të ri në rrjet.

Punime nga pala e tretë

1.

Nga NS 110/35/10[kV] Ferizaj 1 do të ndërprehet:

Dalja 10[kV] J09 Drejtimi i Komogllavës (kodi: 40000009) nga ora 09:00 deri në ora 10:00

Vendet: fshatrat: Bibaj (4 konsumatorë), Fshati i Vjetër, Gërlicë, Komogllavë, Magjistralja Ferizaj-Kaçanik (një pjesë), Magjistralja Prishtinë-Ferizaj (1 konsumator) dhe Varosh.

Arsyeja: Ngritja e shtyllës në tension sipas pëlqimit elektro-energjetik dhe projektit të aprovuar.

2.

Nga NS 110/35/10[kV] Ferizaj 1:

Nga dalja 10 [kV] J18 Varoshi nga ora 09:00 deri në ora 13:00 do të ndërprehet:

TS 10/0.4[kV] Elektroheta SHPK (me kod: 40000018358)

Vendet: Elektroheta.

Arsyeja: Punët që duhen të kryhen, sipas pëlqimit elektro-energjetik dhe projektit të aprovuar.

3.

Nga NS 35/10[kV] Ferizaj II do të ndërprehet:

Dalja 10[kV] Kosovatransi 1 (kodi: 40041038) nga ora 10:00 deri në ora 13:00

Vendet: Një pjesë e rr. Reçaku, një pjesë e rr. Driton Islami, një pjesë e rr. Tahir Sinani,

Arsyeja: Realizimi i punimeve sipas projektit të aprovuar.

Gjakovë

Nga TS 35/10 [kV] Xërxa do të ndërprehet:

Dalja 10[kV] 18 Nentori (kodi: 82081004) nga ora 07:00 deri 07:30 dhe 11:30 deri 12:00

Vendet: Xëxë – kryesisht konsumatorë komercial – bizneset.

Arsyeja: Punime sipas pëlqimit elektro-energjetik dhe projektit të aprovuar.

2.

Nga TS 35/10 [kV] Xërxa do të ndërprehet:

Nga alja 10[kV] 18 Nëntori nga ora 07:00 deri 12:00 do të ndërprehet:

TS 10/0.4[kV] XENI COMERECE – Nexhdet Popaj (me kod: 82081004008)

Vendet: Xëxë.

Arsyeja: Punime sipas PEE dhe projektit të aprovuar.

Një ushtar francez ka humbur jetën, ndërsa disa të tjerë janë plagosur në një sulm me dron ndaj trupave në rajonin e Erbilit në Kurdistanin irakian. Këtë informacion e ka konfirmuar presidenti francez, Emmanuel Macron.

Një pjesëtar i forcave të armatosura “ka vdekur për Francën gjatë sulmit në rajonin e Erbilit në Irak”, ka shkruar Macron në rrjetin social X.

Kjo është gjithashtu viktima e parë mes ushtarëve francezë në Lindjen e Mesme që nga fillimi i konfliktit të ri që u përshkallëzua në fund të muajit të kaluar, pasi Shtetet e Bashkuara të Amerikës dhe Izraeli kryen sulme ndaj Iranit.

Macron shtoi se disa ushtarë të tjerë u plagosën në këtë incident. Më herët, ushtria franceze kishte njoftuar se gjashtë ushtarë u plagosën të enjten në një sulm me dron ndërsa po zhvillonin stërvitje.

“Nënoficeri Arnaud Frion nga batalioni i 7-të i gjuetarëve alpinë nga Varces ka vdekur për Francën gjatë një sulmi në rajonin e Erbilit në Irak. Familjes së tij, si dhe vëllezërve të tij në armë, dua t’u shpreh ngushëllimet më të thella dhe solidaritetin e kombit. Disa nga ushtarët tanë janë plagosur. Franca qëndron pranë tyre dhe familjarëve të tyre. Ky sulm ndaj forcave tona, të cilat që nga viti 2015 janë të angazhuara në luftën kundër ISIS-it, është i papranueshëm. Prania e tyre në Irak zhvillohet në kuadër të rreptë të luftës kundër terrorizmit. Lufta në Iran nuk mund të justifikojë sulme të tilla”, ka pohuar Macron.

Ushtarët ishin “të angazhuar në aktivitete trajnimi për luftën kundër terrorizmit me partnerët irakianë”, deklaroi një anëtar i shtabit të përgjithshëm për AFP, duke shtuar se trupat e plagosur u dërguan menjëherë në institucionin më të afërt mjekësor.

Këshilli Prokurorial i Kosovës do të mbajë të premten një mbledhje të jashtëzakonshme, në të cilën pritet të trajtohen disa çështje të rëndësishme, përfshirë edhe zgjedhjen e drejtuesve të rinj të këtij institucioni.

Sipas rendit të ditës, mbledhja do të nisë në ora 09:30 dhe do të përfshijë katër pika kryesore për shqyrtim.

Një ndër pikat më të rëndësishme të kësaj mbledhjeje është zgjedhja e kryesuesit dhe zëvendëskryesuesit të Këshillit Prokuroria të Kosovës.

Mandati i anëtarëve të partive politike në Komisionin Qendror të Zgjedhjeve po përfundon. Presidentja u ka kërkuar subjekteve politike propozimet për anëtarët e rinj, të cilat duhet të dorëzohen deri më 15 mars. Disa parti ende nuk i kanë bërë publikë emrat, ndërsa përbërja e re e KQZ-së pritet të përcaktohet në ditët në vijim.

Anëtarët e partive politike në Komisionin Qendror të Zgjedhjeve janë në ditët e fundit të mandatit brenda këtij institucioni.

Emërimi i tyre duhet të ndodhë jo më vonë se 60 ditë nga dita e certifikimit të rezultateve zgjedhore.

Presidentja Vjosa Osmani më 9 mars u ka kërkuar subjekteve politike propozimet për anëtarët e rinj.

Partitë kanë afat deri më 15 mars që t’i dërgojnë propozimet.

Në Vetëvendosje thanë se ende nuk i kanë dërguar emrat e dy anëtarëve të rinj që do t’ia propozojnë Osmanit për emërim.

Sami Kurteshi nuk do të propozohet më nga partia e tij, duke qenë se ka konsumuar kufirin e mandateve të parapara me Ligjin për Zgjedhjet e Përgjithshme.

Ky ligj thotë se i njëjti person mund të propozohet dhe emërohet nga një subjekt politik deri në tri mandate radhazi. Pas mandatit të tretë, ai nuk mund të emërohet përsëri.

Në Partinë Demokratike nuk kthyen përgjigje gjatë ditës, e as në Lidhjen Demokratike. Kurse Aleanca për Ardhmërinë e Kosovës tashmë ka propozuar edhe për një mandat, anëtarin aktual të saj në KQZ, Muharrem Nitajn.

Presidentja ka afat prej 7 ditësh, pas dorëzimit të emrave, për emërimin ose mosemërimin e anëtarëve të propozuar nga subjektet politike të përfaqësuara në Kuvend.

Blerim Burjani, analist thotë se “bëhet verifikimi i kandidaturave nga ana e zyrës së presidentes dhe aty vlerësohet kush i plotëson kriteret kush jo dhe a ka kaluar më shumë mandate se sa që e parasheh ligji”.

6 anëtarë pritet të emërohen nga radhët e subjekteve politike shqiptare: 2 nga Vetëvendosje, 2 nga PDK dhe me nga një anëtar LDK dhe AAK, ndërsa katër anëtarë të tjerë do të emërohen nga radhët e komuniteteve pakicë.

Presidenti i Serbisë, Aleksandar Vuçiq, konfirmoi më 12 mars se Serbia ka blerë raketa balistike supersonike CM-400 nga Kina.

“Ne kemi një numër të konsiderueshëm raketash dhe do të kemi edhe më shumë”, tha Vuçiq në një intervistë për Radio Televizionin e Serbisë.

Ai shtoi se Forcat e Armatosura të Serbisë i kanë integruar tashmë me sukses raketat kineze në avionët luftarakë rusë MiG-29, të cilët i zotërojnë.

Deklarata e tij vjen pasi një forum i specializuar ushtarak publikoi së voni fotografi që tregonin disa avionë luftarakë të Forcave të Armatosura të Serbisë.

Një avion, siç u pretendua, ishte i armatosur me një raketë kineze ajër-tokë me rreze të gjatë veprimi, me shenjën CM-400.

Tjetri, sipas raportit, mbante një bombë ajrore LS-6, gjithashtu të prodhuar në Kinë.

Vuçiq tha se avionët me raketat kineze ishin “filmuar rastësisht”.

Ai nuk iu përgjigj pyetjes së gazetarit se sa kushtuan raketat kineze.

“Raketat janë tmerrësisht të shtrenjta. Ne i morëm me një zbritje të vogël”, tha Vuçiq.

Ai shtoi se rrezja e tyre është 200 deri në 400 kilometra dhe se ato janë raketa me fuqi të madhe shkatërruese.

Ndaj kësaj blerjeje reagoi kryeministri i Kroacisë, Andrej Pllenkoviq.

Ai tha se vendi i tij – anëtar i Bashkimit Evropian dhe i NATO-s – do të flasë me aleatët e tij për këtë çështje.

“ Ne do të flasim me partnerët tanë në NATO dhe do t’i paralajmërojmë për armët e tilla, të cilat janë risi në arsenalin e Ushtrisë së Serbisë”, tha Pllenkoviq.

Megjithatë, ai shtoi se nuk pret që një armë aq e fuqishme të përdoret ndonjëherë kundër vendeve fqinje, si Kroacia apo ndonjë shtet tjetër.

Serbia, pavarësisht paralajmërimeve nga Brukseli dhe Uashingtoni, po e zgjeron bashkëpunimin e saj ushtarak me Kinën.

Sipas të dhënave të Institutit Ndërkombëtar për Kërkime të Paqes (SIPRI) në Stokholm, në periudhën 2020–2024, Serbia ka importuar më së shumti armë nga Kina (57%), më pas nga Rusia (20%) dhe nga Franca (7.4%).

Duke reaguar ndaj deklaratës së Pllenkoviqit, Vuçiq tha se “Zagrebi nuk do të vendosë se çfarë do të ketë Serbia”.

Ai tha se Serbia “po përgatitet për mundësinë e sulmit nga aleanca që po formohet nga Prishtina, Tirana dhe Zagrebi”.

Shtoi se, gjatë një vizite në Indi në mes të shkurtit, Pllenkoviq e ka siguruar se bashkëpunimi ushtarak mes Kroacisë, Shqipërisë dhe Kosovës nuk është i drejtuar kundër Serbisë.

“E dëgjova dhe kaq. Por, a kam ende një dozë shqetësimi dhe frike? Po, kam”, tha Vuçiq.

Në mars të vitit 2025, Kroacia, Shqipëria dhe Kosova nënshkruan një Deklaratë për bashkëpunim në fushën e mbrojtjes dhe sigurisë, të cilën zyrtarët serbë e cilësuan si kërcënim për sigurinë e Serbisë. /REL

Presidenti i Serbisë, Aleksandar Vuçiq, vazhdon të shpreh “shqetësimin” për formimin e një aleance ushtarake midis Kroacisë, Shqipërisë dhe Kosovës, duke e paraqitur veten si viktimë të një situate që sipas tij është drejtuar direkt kundër vendit të tij.

“Unë jam president i një vendi numerikisht të vogël. Nuk jam Donald Trump, Vladimir Putin, presidentë të mëdhenj që zgjidhin gjithçka me lehtësi. Nuk ka gjëra të lehta për mua. Sigurisht që kam frikë. Jam një president që dëshiron që trashëgimia e tij të jetë paqja. Nga askund, shfaqet një aleancë ushtarake. Sigurisht që kam frikë, për jetën e çdo qytetari të vendit tonë, kjo është përgjegjësia ime”, tha Vuçiq në një intervistë të fundit.

Ai akuzoi Kroacinë dhe Shqipërinë se qëllimisht po krijojnë një aleancë për të minuar Serbinë, duke theksuar se “kjo aleancë ushtarake është e drejtuar drejtpërdrejt kundër Serbisë, nuk ka arsye tjetër”.

“Ne po përgatitemi për sulmin e tyre . Ata po presin momentin që do të ndodhë në të ardhmen kur të shpërthejë një konflikt më i madh midis evropianëve dhe rusëve dhe një konflikt edhe më i madh në Lindjen e Mesme. Çdo gjë që bëjmë, e bëjmë për të mbrojtur vendin tonë. Ne nuk mund të sulmojmë vendet e NATO-s, dhe Shqipëria dhe Kroacia janë midis tyre. Këto janë qëllimet e tyre, ata po presin një moment të favorshëm kur të ketë kaos të përgjithshëm në botë”.

Duke komentuar deklaratën e kryeministrit kroat Andrej Plenkoviq për armët hipersonike të Serbisë, Vuçiq tha se marrëdhëniet me NATO-n janë “korrekte dhe të mira” dhe se vendi i tij nuk do të anëtarësohet në Aleancë, duke ruajtur neutralitetin.

Analistët e shohin këtë qëndrim si një strategji për të shfaqur Vuçiq si viktimë të një situate rajonale, duke e pozicionuar veten si mbrojtës i paqes dhe stabilitetit në rajon përballë një aleance që ai e percepton si kërcënim.

NATO për paktin e mbrojtjes të Kosovës: Shqipëria dhe Kroacia kontribuojnë në stabilitetin rajonal

Zëvendëssekretarja e Përgjithshme e NATO-s, Radmilla Shekerinska, më herët ka deklaruar se Shqipëria dhe Kroacia kontribuojnë në stabilitetin rajonal, kur u pyet për bashkëpunimin në fushën e mbrojtjes të dy shteteve të aleancës me Kosovën.

“Shqipëria dhe Kroacia nuk janë vetëm aleate të besueshme dhe të çmuara brenda aleancës. Ato janë edhe kontribuuese për paqen dhe stabilitetin rajonal. Ato kanë prani në KFOR, por në përgjithësi janë të përqendruara në mbështetjen e kësaj agjende në rajon”, tha Shekerinska për agjencinë serbe të lajmeve, Beta.

Pas këtyre deklaratave, ministri i Mbrojtjes i Kroacisë, Ivan Anusheviq, tha se bashkëpunimi me Kosovën dhe Shqipërinë nuk përbën kërcënim për askënd.

“Në këtë deklaratë absolutisht nuk ka asgjë të diskutueshme dhe, natyrisht, nuk i rrezikojmë askënd me të. Bashkëpunimi ynë është qartësisht i orientuar drejt forcimit të stabilitetit dhe sigurisë në Evropën Juglindore, si dhe për thellimin e partneritetit dhe aleancës mes tre shteteve mike”, shkroi ai në X.

Edhe më herët, nënshkruesit e deklaratës kanë deklaruar se ajo nuk është kundër askujt, as ndaj Serbisë, teksa ministri i Mbrojtjes i Shqipërisë, Pirro Vengu, deklaroi në fund të janarit të këtij viti se e ka ftuar Serbinë që të bëhet pjesë e këtij pakti, por Beogradi nuk i është përgjigjur kësaj ftese.

Kroacia dhe Shqipëria janë pjesë e aleancës ushtarake perëndimore të NATO-s, aty ku Kosova shpreson të anëtarësohet.

Sipas deklaratës, janë katër fusha kryesore të bashkëpunimit, që përfshijnë promovimin e bashkëpunimit në fushën e aftësive mbrojtëse dhe industrisë mbrojtëse, rritjen e ndërveprueshmërisë përmes arsimit, trajnimit dhe ushtrimeve të përbashkëta, adresimin e kërcënimeve hibride dhe forcimin e qëndrueshmërisë, si dhe ofrimin e mbështetjes së vazhdueshme dhe të plotë për integrimin euroatlantik.

Në bazë të kësaj deklarate, veç tjerash, Prishtina, Tirana dhe Zagrebi parashohin të bëjnë blerje të përbashkëta të armatimit nga Shtetet e Bashkuara.

Prokuroria shtetërore në Lubjanë, Slloveni ka ngritur më 12 janar aktakuzë kundër kryepeshkopit të Kishës Ortodokse Serbe, Porfirije Periq, për akuza të keqtrajtim në vendin e punës ndaj një prifti.

Sipas dokumentit zyrtar të Prokurorisë së Qarkut të Lubjanës, akuzat janë paraqitur në Gjykatën Komunale të Lubjanës kundër dy palëve: Pravoslavit Porfirije Periq, i cili atëbotë ishte mitropolit i Mitropolisë Zagreb‑Lubjanë të Kishës Ortodokse Serbe dhe Kishës Ortodokse Serbe – Njësisë së Kishës në Lubjanë si person juridik.

Akuzat lidhen me pretendimet e priftit Zhelko Lubarda, i cili deklaron se ka qenë subjekt i keqtrajtimit të vazhdueshëm dhe presionit psikologjik, shkruan nova.rs.

Ai thotë se u sulmua sistematikisht në punë për shkak se refuzoi të jepte dëshmi të rreme për të fshehur supozime për abuzime financiare në arkat e kishës.

Lubarda pretendon që presioni dhe trajtimi i tij ka qenë i tillë saqë i ka shkaktuar probleme të rënda shëndetësore dhe ka rezultuar në humbjen e të ardhurave dhe shtëpisë së tij.

Dokumenti i prokurorisë i referohet nenit 196 dhe 197 të Kodit Penal të Republikës së Sllovenisë, që konsiderojnë keqtrajtim në vendin e punës si vepër penale.

Aktualisht, çështja është në fazën kur gjykata do të verifikojë ligjshmërinë e aktit akuzues dhe, më pas, do të caktojë datën e fillimit të procesit gjyqësor.