ATV

Blog

  • Orav takim lamtumirës më Osmanin: BE është partneri i besueshëm i Kosovës

    Orav takim lamtumirës më Osmanin: BE është partneri i besueshëm i Kosovës

    Ambasadori i Bashkimit Evropian në Kosovë, Aivo Orav ka zhvilluar një takim lamtumirës me presidenten e Kosovës, Vjosa Osmani.

    Në këtë takim sipas njoftimit të zyrës së BE-së, Orava e ka falënderuar Osmanin për bashkëpunimin, duke shtuar se Bashkimi Evropian mbetet partneri më i besueshëm i Kosovës.

    “Në një takim lamtumirës sot, Aivo Orav falënderoi Presidenten e Kosovës Vjosa Osmani për bashkëpunimin gjatë mandatit të tij si Ambasador i BE-së në Kosovë, duke theksuar se BE-ja mbetet partneri më i fortë dhe më i besueshëm i Kosovës ndërsa vendi avancon drejt BE-së”, thuhet në njoftim.

  • Gjermania i përgjigjet kërkesës së Trumpit: “Kjo nuk është luftë e NATO-s”

    Gjermania i përgjigjet kërkesës së Trumpit: “Kjo nuk është luftë e NATO-s”

    Berlini i është përgjigjur thirrjeve të presidentit të SHBA-së, Donald Trump, për të ndihmuar në mbajtjen e rrugëve të transportit detar pa ndërprerje në Ngushticën e Hormuzit.

    Në këtë drejtim, sipas mediave të huaja, përcjell Telegrafi, një zëdhënës i qeverisë tha: “Kjo luftë nuk ka të bëjë fare me NATO-n. Nuk është luftë e NATO-s”.

    Komenti i bërë nga zëdhënësi i kancelarit Friedrich Merz vjen pasi Trump bëri një “kërcënim” ndaj aleancës së NATO-s, duke thënë se ajo mund të përballet me një “të ardhme shumë të keqe”.

    Kështu, qeveria gjermane përsëriti edhe një herë se nuk do të merrte pjesë në asnjë aktivitet në Ngushticën e Hormuzit.

    “Pjesëmarrja nuk është marrë në konsideratë para kësaj lufte dhe nuk po merret në konsideratë tani”, shtoi zëdhënësi i qeverisë, shkruan CNN.

    Këtë mëngjes, duke mbërritur në Bruksel, ministri i Jashtëm gjerman Johann Wadephul u tha gjithashtu gazetarëve se nuk sheh një rol për anëtarët e NATO-s në Ngushticën e Hormuzit.

    E sipas DW, ai e përjashton për momentin pjesëmarrjen gjermane në sigurimin e Ngushticës së Hormuzit.

    Në emisionin televiziv “Bericht aus Berlin” ai tha: “Ne nuk do të marrim pjesë në këtë konflikt”.

    Sipas Wadephul, SHBA-ja dhe Izraeli i kanë thënë se qëllimi i sulmeve të tyre është shkatërrimi i kapaciteteve ushtarake të Iranit, veçanërisht i programit bërthamordhe i programit të raketave.

    Gjermania pret ta informojnë kur kjo të ketë ndodhur dhe “pastaj do të dëshironim me kënaqësi të marrim pjesë në negociata”, tha ai.

    Ndërsa lidhur me një zgjerim të mundshëm të misionit detar të BE-së “Aspides” në Ngushticën e Hormuzit, Wadephul u shpreh se është “shumë skeptik” nëse kjo do të sillte më shumë siguri në atë zonë, pasi sipas tij aty ku është vendosur tani misioni në Detin e Kuq “nuk po tregon efekte”.

    Ai pranoi se nuk kishte pritur drejtpërdrejt luftë dhe se gjithashtu “nuk dihet plotësisht saktë” se kur do të përfundojë.

    Sipas tij, është e qartë se Evropa gjithmonë ofron mbështetje konstruktive, kur bëhet fjalë për sigurimin e rrugëve detare.

    “Por unë nuk shoh ndonjë nevojë të menjëhershme, dhe sidomos se pse Gjermania duhet të marrë pjesë”, citohet të ketë thënë ai.

    “Kërkesa jonë ndaj SHBA-së dhe Izraelit është të na mbajnë të informuar dhe të na tregojnë cilat objektiva konkrete po ndjekin, dhe pastaj të diskutojmë së bashku se si mund të përfundojë kjo luftë”, ka thënë ministri i jashtëm gjerman.

    Sipas Wadephul në rajon të gjithë presin që Gjermania të ketë një rol aktiv.

    Siç vënë në pah më tej Mediat, Merz ka forcuar qëndrimin e tij ditët e fundit, ndërsa lufta me Iranin vazhdon të mos tregojë shenja përfundimi.

    Javën e kaluar ai kritikoi SHBA-në për lehtësimin e sanksioneve ndaj Rusisë dhe ka thënë hapur se nuk është i qartë se cilat janë planet e SHBA-së për t’i dhënë fund luftës.

    Kancelari gjerman do të takohet me kryeministrin holandez Rob Jetten në Berlin më vonë sot. Të dy udhëheqësit ka të ngjarë të përgjigjen në pyetje mbi përgjigjet e tyre ndaj Trump dhe kërkesave të tij

  • E njohim për këngë dashnie, por Meda muzikën e paska filluar me folklor

    E njohim për këngë dashnie, por Meda muzikën e paska filluar me folklor

    Këngëtari i njohur Mehdin Përgjeçaj, i njohur për publikun si Meda, prej vitesh është një nga emrat më të dashur të muzikës popullore dhe baladave. Megjithatë, pak kush e di se hapat e parë në muzikë ai i ka bërë me këngë folklorike.

    Në një rrëfim ekskluziv në emisionin “LIBERO”, këngëtari ka treguar se muzikën e ka nisur shumë herët, duke kënduar së bashku me vëllain e tij. Ai tregoi se fillimisht është marrë me folklor, ndërsa me kalimin e viteve repertori i tij ka ndryshuar dhe është orientuar edhe drejt këngëve të dashurisë. Megjithatë, folklori mbetet ende pjesë e pandashme e tij.

    “…Bashkë me vëllain kemi kënduar në atë kohë. Unë e kam vazhduar, ndërsa ai e ka lënë… Kam filluar me folklorin dhe me kohën kam ndryshuar, mirëpo prapëseprapë folklorin s’e kam ndalur dhe mund të këndoj…”, është shprehur Meda.

    Dashuria për muzikën, sipas Medës, vjen edhe nga tradita familjare. Përgjeçaj ka treguar se talenti muzikor është trashëguar brez pas brezi në familjen e tij.

    “…Në familjen tonë, duke filluar prej babagjyshit, ai nuk ka instrument frymor që s’i ka rënë – çiftelisë, sharkisë… Ndërsa babai ka kënduar për një kohë të gjatë me grupin e Hajvalisë, mbi 25 vjet…”, ka rrëfyer këngëtari.

    Për ta dëgjuar intervistën e plotë të Medës, klikoni në linkun e mëposhtëm:

  • I plagosuri në Gjakovë, jashtë rrezikut për jetë

    I plagosuri në Gjakovë, jashtë rrezikut për jetë

    I plagosuri në Gjakovë nga të shtënat me armë zjarri në Çarshinë e Vjetër është dërguar në repartin e Ortopedisë në Spitalin e Gjakovës.

    Ilir Asllanaj, ushtrues detyre i shefit të Emergjencës në Gjakovë, ka bërë të ditur se gjendja e pacientit është stabile dhe jashtë rrezikut për jetë.

    “Rreth orës 5:20 ka ardhur një pacient i plagosur në Emergjencë. Menjëherë janë marrë masat, janë bërë disa ekzaminime të nevojshme. Pacienti është hospitalizuar në repartin e Ortopedisë. Gjendja e pacientit është stabile, jashtë rrezikut për jetë”, tha ai.

    Mëngjesin e sotëm ka humbur jetën një person si pasojë e të shtënave me armë zjarri në Çarshinë e Vjetër të Gjakovës, ndërsa një tjetër është plagosur.

    I dyshuari, që dyshohet të jetë pronari i lokalit ku ndodhi rasti, është në arrati dhe po kërkohet nga Policia e Kosovës.

  • Sacramento Kings dhe New York Knicks marrin fitore të rëndësishme

    Sacramento Kings dhe New York Knicks marrin fitore të rëndësishme

    Janë zhvilluar ndeshje mjaft interesante në ligën më të fortë të basktebollit në botë NBA.

    Sacramento Kings ka mposhtur në udhëtim skuadrën e Utah Jazz me rezultat 116:111,ku Demar Derozan shkëlqeu për King duke realizuar 41 e 11 asistime teksa kontribut dha dhe Precious Achiuëa me 20 pikë e 11 kërcime dhe MAXIME Raymund që shtoi 12 kërcime.

    Tek Jazz më i miri ishte Cody Williams me 34 pikë,7 kërcime e 7 aistime,kurse Brice Sensabaugh me 22 pikë dhe Isaiah Collier me 21 pikë si dhe Anderson Garcia me 11 kërcime.

    Në anën tjetër Neë York Knicks shënoi fitore përballë Golden State Ëarriors 110:107.

    Jalen Brunson me 30 pikë e 9 asistime ishte më i miri tek Knicks,kurse kontribut dha dhe Karl Anthony Towns me 17 pikë e 12 kërcime,dhe poashtu edhe Josh Hart me 12 kërcime.

    Për Warriors më i miri në parket ishte Brandon Podziemski me 25 pikë dhe Quinten Post me 22 pikë të tjera.

  • 10 gjërat që “e mbysin” një lidhje, këshilla për ta ngjallur raportin

    10 gjërat që “e mbysin” një lidhje, këshilla për ta ngjallur raportin

    Dashuria duhet mbrojtur, duhet “ujitur” si një bimë që duhet të rritet dhe pasi të zhvillohet, duhet mbajtur e gjallë për të bërë të mundur që frutat të vazhdojnë prodhimin. Gjithmonë duhet mahnitje, dëfrim e të festoni edhe atë që nuk do të kishit festuar kurrë..

    Kur dy persona lidhen, e bëjnë me bindjen se do të jetë përgjithmonë, por nuk dihet nëse do të jetë vërtetë kështu. Shpesh, marrëdhëniet përfundojnë për mungesë vëmendjeje, sepse diçka ngec dhe jo sepse dashuria mbaron. Kur lidhesh merr një impenjim kundrejt një tjetër personi dhe gjithçka duhet ndjekur ditë pas dite, pa konsideruar kurrë asgjë të sigurt.

    Nëse një raport zgjat prej disa vjetësh dhe fillohet të ndihet mërzia apo monotonia e të qëndruarit bashkë, është rasti të bëni diçka që s’e keni bërë më parë. Në fazat e para të marrëdhënies, çiftet e vendosin veten në qendër të jetës së njëri-tjetrit, si dhe vlerësojnë njëtrajtësisht mendimet dhe dëshirat e tyre. Me kalimin e kohës, ky përqendrim ose fokusim, kalon tek fëmija për gruan dhe tek puna për burrin. Edhe gratë pa fëmijë e zënë kohën me punët e shtëpisë. Dhe kështu vijon rrjedha e jetës.

    Të mërzitur me lidhjen apo martesën tuaj? Mendoni se jeni mbërthyer në një rutinë, në një martesë të shurdhët? Nuk di çfarë të flasësh me partneren/in tënd? Asgjë nuk po funksionon si në fillim? Ndoshta ju jeni të vetëdijshëm për këtë, por shpresoni se mund të kalojë apo mendoni se jeni në fundin e një marrëdhënieje. Shkak për këtë janë një sërë arsyesh e problematikash në një raport. Monotonia lind nga shkëputja e lidhjeve të respektit dhe dashurisë midis dy individëve.

    Disa arsye që çojnë marrëdhënien në monotoni:

    1. Moskomunikimi me njëri-tjetrin

    Mungesa e dialogut paraqet fazën më negative të një lidhjeje. Mos komunikimi çon në ankesa çiftin.

    2. Mospërkushtimi i kohës

    Puna deri orët e vona, përkujdesja e tepërt e fëmijëve, kalimi i kohës vetëm me shoqërinë rrezikon marrëdhënien me partnerin apo partneren duke e vënë durimin e tij/saj në provë.

    3. Mungesa e vëmendjes

    Një armik tjetër i madh është dhe mungesa e vëmendjes. Partneri apo partnerja ndihet i lënë mbas dore n.q.s ju nuk shikoni çdo gjë, nuk vëzhgoni ndryshimet, nuk kushtoni vëmendje rreth tij/saj.

    4. Moskujdesi për veten

    Fakti që keni shumë vite së bashku nuk do të thotë që të tregoni parregullsi në disa aspekte të mënyrës së jetesës që bëni. Pamja e jashtme është gjithmonë e rëndësishme.

    5. Mungesa e jetës intime

    Me kalimin e kohës fantazitë ngecin, marrëdhënia intime rrallohet. Raporti intim midis dy partnerëve është pak a shumë si uji për jetën, i domosdoshëm në raportin në çift.

    6. Teprimi me xhelozinë

    Kontrollet e tepërta, mos besimi në partnerin apo partneren tuaj çon në fund të një marrëdhënieje.

    7. Mungesa e projekteve së bashku

    Mungesa e planeve,qëllimeve së bashku, qoftë edhe planifikimi i pushimeve apo një darkë jashtë çon në mosfunksionim të raportit në çift.

    8. Teprimi i raportit me familjarët reciprokë

    Detyrimi i partnerit apo partneres pa dëshirë të vizitojë pafund prindërit reciprokë e çon në acarim çiftin. E njëjta gjë vlen edhe për shoqërinë apo kolegët tuaj të punës.

    9. Heqja dorë e aktivitete së bashku

    Fillimi i heqjes dorë nga shumica e argëtimeve së bashku, përfshirë dhe mbrëmjet jashtë, vajtja në kinema apo ambientet me muzikë. E dala rrallë çon në rrezik marrëdhënien tuaj.

    10. Shikimi i tepërt i televizionit

    Çiftet kalojnë shumë kohë para TV i cili është vrasësi kryesor i pasionit. Një darkë e ngrënë në shoqërinë e TV sigurisht nuk ndihmon në bashkimin tuaj.

    “Ujiteni” dashurinë të japë fryte!

    Për ta sjellë përsëri atë shkëlqim, ju duhet t’i hidhni një vështrim marrëdhënies tuaj para se të merrni një vendim, duke i rifutur disa pasione apo angazhime të reja lidhjes.

    Komunikoni me partneren/in tuaj. Në komunikim përdorni fjalën “unë” në vend të fjalës “ti” sepse fjalitë e formuara me “ti” përmbajnë sinjale kritikuese dhe kjo çon në acarim palën tjetër e cila do të përpiqet të mbrohet.

    Ndani me partnerin/ren hobet e tij/saj ose të paktën mos kritikoni dëshirat e tij/saj.

    Komunikoni lirshëm sepse personi i cili nuk arin të kuptohet nga partneri pas njëfarë kohe nuk do të përpiqet të flasë më rreth vetes dhe kështu do të krijohen distanca të mëdha mes çiftit.

    Gjallërojeni marrëdhënien tuaj në çift me ndryshime të vogla të herë pas hershme. Ana e cila kërkon ndryshim duhet ta shprehi qartë këtë dhe në pikën e mosmarrëveshjes duhet të kërkojë një zgjidhje. Para se të fillojmë ankesat, secili nga ne duhet të ndryshojë vetveten më parë.

    Thyeni rutinën duke shkuar në vende që s’kemi shkuar më parë bashkë.

    Planifiko pushimet në minutën e fundit. Shkoni me pushime disa ditë, nuk ka rëndësi se ku, e rëndësishme është që do jeni bashkë.

    Disa këshilla për të ndezur pasionin në një marrëdhënie:

    1. Dëgjoni muzikën kur jeni takuar për herë të parë.

    2. Lexoni letrat,sms,email-et që keni dërguar me njëri –tjetrin në fillimin e lidhjes.

    3. Nxirrni fotot e hershme dhe shikojini së bashku.

    4. Hidhni parfumin që keni pasur në takimin e parë.

    5. Ndrysho gjërat në dhomën e gjumit.

    6. Ndryshoni mënyrën e sjelljes qoftë edhe për një ditë të vetme.

    7. Gatuani diçka speciale vetëm për të.

    8. Dërgo sms-të që ke dërguar më parë (thjesht sapo të ndahesh t’i dërgosh ‘të dua’).

    9. Shpreh ose diskuto çdo gjë, duke e parë në sy partnerin/ren pa lejuar një mur ndarës.

    10. Dilni natën dhe shikoni yjet së bashku ose dilni në 5 të mëngjesit dhe të shikoni diellin duke lindur. Këto janë disa momente të paharrueshme.

  • Gjashtë gabime që shumë njerëz bëjnë kur rinovojnë kuzhinën e tyre

    Gjashtë gabime që shumë njerëz bëjnë kur rinovojnë kuzhinën e tyre

    Nëse po planifikoni një rinovim të plotë të kuzhinës apo vetëm përditësime të vogla, është mirë t’i kushtoni vëmendje disa gabimeve të zakonshme që njerëzit bëjnë gjatë rinovimeve.

    Ekspertët e RealSimple kanë renditur gjashtë gabimet më të zakonshme kur familjet vendosin të rinovojnë kuzhinën e tyre .

    Një ishull që është shumë i madh

    Një ishull i madh kuzhine mund të jetë jashtëzakonisht praktik, por ekziston rreziku i teprimit.

    “Disa ishuj janë aq të mëdhenj sa nuk mund të arrish as në mes të tyre për t’i përdorur ose pastruar”, shpjegon dizajneri i brendshëm Rainey Richardson.

    Siç thotë ai, nuk ka nevojë për një ishull të madh vetëm sepse ke hapësirë ​​për të. Më i madh nuk do të thotë gjithmonë më i mirë.Sipas saj, duhet të mendoni se sa funksional është në të vërtetë ishulli dhe si ndikon në paraqitjen e dollapëve të kuzhinës dhe hapësirës së magazinimit. Është gjithashtu e rëndësishme të planifikoni se ku do të vendosen pajisjet e kuzhinës.

    Dalja standarde e banakut dikur ishte rreth 30 centimetra, por sot kjo shpesh nuk është e mjaftueshme për karriget individuale të barit. Prandaj, rekomandohet gjithnjë e më shumë një dalje prej rreth 35 centimetrash, që është gjerësia maksimale përpara se të nevojiten mbështetëse shtesë.

    Frigorifer shumë larg lavamanit

    Një kuzhinë e bukur është e rëndësishme, por funksionaliteti është ende në plan të parë, veçanërisht në një hapësirë ​​që përdoret intensivisht çdo ditë. Një nga gabimet më të zakonshme në planifikim është vendosja e frigoriferit shumë larg lavamanit.”Frigorifer dhe lavamani janë zonat më të përdorura në kuzhinë. Nëse janë shumë larg njëra-tjetrës ose, edhe më keq, të ndara nga një ishull kuzhine, do të ndërmerrni vazhdimisht hapa të panevojshëm”, shpjegon Yvonne Harty, projektuesja kryesore në Harty Interiors.

    Kjo është arsyeja pse është e rëndësishme të planifikoni paraqitjen e pajisjeve tuaja sipas rrjedhës natyrore të kuzhinës suaj. Lëvizja midis frigoriferit, lavamanit dhe sobës duhet të jetë e lehtë dhe e shpejtë. Kur ta bëni siç duhet, do të jeni mirënjohës çdo ditë që e keni shmangur këtë gabim.

    Injorimi i instalimeve të vjetruara

    Pajisjet elektrike dhe hidraulike shpesh fshihen pas mureve, por ato janë thelbësore për funksionimin e një kuzhine. Todd Tripp, një kontraktor ndërtimi dhe ekspert i rinovimit të shtëpive, thotë se një nga gabimet më të zakonshme gjatë rinovimit është mospërshtatja e pajisjeve të vjetra për të akomoduar pajisjet e reja.

    “Nëse rinovoni një kuzhinë të vjetër sipas standardeve moderne, shpesh ka ndryshime të mëdha në amperazhin e qarqeve dhe prizave elektrike”, shpjegon ai, duke shtuar se pajisjet e reja mund të kërkojnë tension dhe amperazh të ndryshëm nga ato të instaluara më parë.

    Nëse instalimet nuk rregullohen në kohë, mund të lindin probleme sigurie, ndërlikime rregullatore ose situata ku pajisjet dhe pajisjet nuk funksionojnë siç duhet. Prandaj, këshillohet që një profesionist të shqyrtojë specifikimet teknike përpara se të fillojë instalimi.

    Kombinimi i kuzhinës së vjetër dhe të re

    Dollapët e kuzhinës shpesh janë një investim i madh, kështu që shumë njerëz përpiqen të kursejnë para duke kombinuar dollapët e vjetër me ata të rinj. Megjithatë, projektuesit paralajmërojnë se një zgjidhje e tillë pothuajse gjithmonë çon në zhgënjim.“Rinovimi i pjesshëm i kuzhinës pothuajse gjithmonë do të thotë pakënaqësi e përhershme. Mund të duket mirë në fazat e planifikimit, dhe madje edhe gjatë punës, gjithçka duket mirë. Por sapo kuzhina të jetë përfunduar dhe të jetë në përdorim të përditshëm, gjithmonë do t’i vini re elementët e vjetër, sepse ato të rejat duken shumë më mirë”, thotë Richardson.

    Dollapët e rinj të kuzhinës kanë një ngjyrë, përfundim dhe pamje të ndryshme. Kjo është arsyeja pse ajo këshillon që kur rinovoni një kuzhinë, të zëvendësoni të gjithë dollapët në mënyrë që hapësira të duket e unifikuar dhe moderne.

    Kursimi në cilësi

    Kuzhina është një nga hapësirat më të ngarkuara në shtëpi, kështu që edhe kur buxheti është i kufizuar, nuk duhet të kurseni në cilësinë e materialeve.

    “Nuk doni të investoni në një rinovim kuzhine dhe pastaj të instaloni materiale të lira që dëmtohen lehtë dhe nuk zgjasin shumë”, paralajmëron Tripp, duke shtuar se përdorimi i materialeve me cilësi të ulët ose me çmim të ulët mund të çojë gjithashtu në probleme kur bëhet fjalë për zëvendësimin e një pjese.

    Është më mirë të qëndroni brenda buxhetit tuaj, por zgjidhni produktet me cilësinë më të lartë që mund të përballoni nga prodhues të besuar. Produkte të tilla shpesh vijnë me garanci dhe çdo zëvendësim ose riparim më vonë është shumë më i lehtë.

    Ruajtja e pajisjeve të vjetra

    Nëse po planifikoni një rinovim të madh, duke ndryshuar planimetrinë e kuzhinës ose duke instaluar elementë të rinj, ekspertët rekomandojnë zëvendësimin e pajisjeve të kuzhinës që janë më shumë se shtatë vjeç.

    “Teknologjia e pajisjeve të kuzhinës po përparon me shpejtësi. Karakteristikat përmirësohen, përfundimet ndryshojnë, dimensionet ndryshojnë dhe dizajnet e dorezave vijnë e shkojnë”, thotë Richardson.

    Si pjesë e një projekti të madh rinovimi, zëvendësimi i pajisjeve zakonisht nuk përfaqëson një kosto të madhe shtesë, veçanërisht nëse modelet e vjetra janë me përmasa të vjetruara. Nëse i zëvendësoni të gjitha pajisjet tani, nuk do të keni problem t’i vendosni modelet e reja në kuzhinën e rinovuar rishtazi më vonë.

  • Kur duhet të filloni të merrni kolagjen dhe cilat ushqime e përmbajnë atë?

    Kur duhet të filloni të merrni kolagjen dhe cilat ushqime e përmbajnë atë?

    Hulumtimet e fundit kanë zbuluar efektet e gjera të një suplementi të vetëm që mund të jenë të dobishme për shëndetin e lëkurës, kockave dhe muskujve. Megjithatë, ekspertët paralajmërojnë se njerëzit mund të kenë nevojë ta marrin këtë suplement për një kohë të gjatë para se të ndiejnë përfitimet e vërteta.

    Kolagjeni është një proteinë kyçe e përfshirë në shumë funksione në trup. Edhe pse trupi ynë e prodhon atë natyrshëm, niveli i prodhimit zvogëlohet me moshën, gjë që mund të shkaktojë probleme të ndryshme estetike dhe funksionale. Vicky Pennington, nutricioniste e Boots, shpjegon:

    “Kolagjeni është një nga proteinat më të bollshme në trupin e njeriut dhe është çelësi për ndërtimin e muskujve dhe riparimin e qelizave”, thotë ajo.

    Popullariteti i suplementeve të kolagjenit po rritet në rrjetet sociale, por nutricionisti këshillon që së pari të përqendrohemi në mënyrat natyrale për të ruajtur kolagjenin:”Para se të merrni në konsideratë suplementet, është e rëndësishme të bëni sa më shumë që të mundeni natyrshëm për të ruajtur nivelet e kolagjenit.

    Kjo do të thotë të hani një dietë të shëndetshme që përfshin arra dhe fara, një shumëllojshmëri frutash dhe perimesh, peshk dhe proteina të ushqyera me bar. Kolagjeni detar, i marrë nga peshq të tillë si salmoni, absorbohet deri në 1.5 herë më me efikasitet sesa kolagjeni nga burimet e mishit të viçit ose derrit, prandaj zgjidheni sa herë që të jetë e mundur”, shkruan Mirror.co.uk.

    Kolagjeni nuk është i rëndësishëm vetëm për lëkurën.

    “Kolagjeni është çelësi për shumë më tepër sesa elasticitetin dhe hidratimin e lëkurës. Ai luan një rol të rëndësishëm në ruajtjen e lëkurës, kockave dhe nyjeve të shëndetshme, riparimin e muskujve dhe mbrojtjen e organeve, përfshirë sistemin tretës”, thotë ajo.

    Kur duhet të fillohet marrja e kolagjenit?

    Një keqkuptim i zakonshëm është se kur duhet të filloni të merrni kolagjen.

    “Kolagjeni nuk do të ketë një efekt të menjëhershëm, por marrja afatgjatë dhe e vazhdueshme tregon rezultatet më të mira. Nuk ka një kohë të përsosur për të filluar, megjithatë, pas moshës 40 vjeç, prodhimi i kolagjenit bie më shpejt, kështu që shumë vendosin të fillojnë suplementet që në të njëzetat dhe të tridhjetat e tyre”, thekson ajo.

    Kirsty Torley-Mitchell, drejtoreshë e Wellness në Boots, shton se brezat e rinj po ndjekin trendet:

    “Shtesat e kolagjenit janë më të popullarizuara tek të rinjtë. Një studim i kohëve të fundit zbuloi se gjysma e Gjeneratës Z dhe Millennials kanë provuar kolagjenin, krahasuar me vetëm 20 përqind të njerëzve në të gjashtëdhjetat. Nëse doni të rrisni marrjen e kolagjenit për të zëvendësuar kolagjenin e humbur ose për të inkurajuar trupin tuaj të prodhojë më shumë, suplementet mund të jenë zgjidhja më e mirë. Shtesat vijnë në formë tabletash, pluhuri, kapsulash dhe pijesh, kështu që të gjithë mund të gjejnë një mënyrë për ta përfshirë atë në rutinën e tyre të përditshme”, beson ajo.

    Ushqimet më të mira për marrjen e kolagjenit

    Kolagjeni është një proteinë kyçe që mban lëkurën, flokët dhe nyjet të shëndetshme, por ndërsa plakemi, trupi prodhon më pak prej tij. Pije dhe ushqime të caktuara mund të mbështesin prodhimin natyror të kolagjenit dhe të ndihmojnë në vonimin e shenjave të plakjes së parakohshme, shkruan Verywell Health .Ushqimet dhe pijet bazë përfshijnë lëngun e kockave, qumështin, pijet me bazë bimore si qumështi i sojës, lëngu jeshil dhe smoothiet me fruta agrume dhe manaferra. Lëngu i kockave përmban kolagjen natyral nga mishi dhe peshku, ndërsa qumështi dhe qumështi i sojës sigurojnë proteina që trupi mund ta përdorë për të prodhuar kolagjen.

    Lëngjet jeshile dhe perimet me gjethe janë të pasura me vitaminë C dhe aminoacide që ndihmojnë në krijimin e kolagjenit, ndërsa frutat agrume dhe manaferrat mbështesin më tej prodhimin e kësaj proteine ​​dhe mund të ndihmojnë lëkurën të rigjenerohet.Përveç dietës, shëndeti i kolagjenit mbështetet edhe nga zgjedhjet e përditshme të stilit të jetesës: gjumë i mjaftueshëm, kontrolli i stresit, shmangia e pirjes së duhanit dhe alkoolit të tepërt, si dhe mbrojtja e lëkurës nga dielli.

    Shtesat e kolagjenit, të tilla si kapsulat ose pluhurat, mund të jenë gjithashtu të dobishme, por këshillohet të konsultoheni me një mjek përpara se t’i përfshini ato në rutinën tuaj.

    Një kombinim i rregullt i një diete të pasur me vlera ushqyese, zakoneve të shëndetshme dhe suplementeve të mundshme mund të ndihmojë ndjeshëm në ruajtjen e kolagjenit, i cili kontribuon në një lëkurë, flokë, nyje më të shëndetshme dhe një ndjenjë të përgjithshme vitaliteti.

  • Vdekja tragjike e 20-vjeçares shqiptare në Itali, tentoi të futej në shtëpi nga ballkoni

    Vdekja tragjike e 20-vjeçares shqiptare në Itali, tentoi të futej në shtëpi nga ballkoni

    Anxhela Byku, një 20-vjeçare me origjinë shqiptare, humbi jetën mbrëmjen e së enjtes në Piacenza të Italisë, pas një rënieje dramatike nga ballkoni i banesës ku jetonte me bashkëshortin e saj, gjithashtu shqiptar.

    Shërbimet e emergjencës, përfshirë 118 dhe karabinierët, mbërritën në pallatin në Viale Beverora pas alarmit të dhënë nga bashkëshorti i saj, i cili e gjeti të shtrirë në oborrin e brendshëm të ndërtesës. Përplasja me tokën, nga një lartësi rreth 10 metrash, i shkaktoi dëmtime të rënda, veçanërisht në kokë, që rezultuan fatale.

    Njësia hetimore e karabinierëve ka kryer rindërtimin e ngjarjes dhe inspektime të hollësishme në apartament dhe ambientet përreth. Hetuesit përjashtuan përfshirjen e palëve të treta dhe tani besohet se shkaku i rënies ishte një aksident, shkruajnë mediat.

    Sipas hetimeve, vajza kishte ngelur jashtë apartamentit dhe në përpjekje për t’u kthyer brenda përmes ballkonit, humbi ekuilibrin dhe ra.

    Familjarët e vajzës, përfshirë nënën dhe motrën, kanë mbërritur nga Shqipëria për të qëndruar pranë të afërmve të saj. / abcnews

  • Starmer ofron 53 milionë paund mbështetje për familjet që përdorin naftë për ngrohje

    Starmer ofron 53 milionë paund mbështetje për familjet që përdorin naftë për ngrohje

    Kryeministri britanik Keir Starmer njoftoi se qeveria e tij do të ofrojë 53 milion paund mbështetje për familjet që përdorin naftë për ngrohje, pas rritjes së çmimeve që pothuajse janë dyfishuar që nga fillimi i konfliktit në Lindjen e Mesme.

    “Po njoftoj sot mbështetje të menjëhershme për konsumatorët më të cenueshëm të naftës për ngrohje, duke ofruar 53 milion paund për ato familje që janë më të ekspozuara,” tha Starmer.

    Ai shtoi se do të ndërmerren veprime ligjore ndaj kompanive të naftës nëse rezulton se kanë shkelur ligjin. Raportet që disa kompani kanë anuluar porositë dhe më pas “rritur çmimet” janë “plotësisht të papranueshme,” theksoi kryeministri.
    Ky veprim është një nga pesë masat që qeveria po merr për të mbështetur konsumatorët, së bashku me mekanizmat ekzistues si kufiri i çmimeve të energjisë.

    Starmer gjithashtu bëri të ditur se një udhëzim ligjor është dhënë kompanive të energjisë, sipas të cilit çdo kursim që bëhet për shkak të ndërhyrjes së qeverisë duhet të kalojë te konsumatorët.