ATV

Blog

  • “Ata që i dërgojnë prindërit e vet atje, kanë fituar hidhërimin e Zotit” – Shpërthen keq Shefqet Krasniqi kur pyetet për fëmijët që i dërgojnë prindërit në shtëpi të pleqve

    “Ata që i dërgojnë prindërit e vet atje, kanë fituar hidhërimin e Zotit” – Shpërthen keq Shefqet Krasniqi kur pyetet për fëmijët që i dërgojnë prindërit në shtëpi të pleqve

    I ftuar në emisionin ‘Studio A’ në ATV, hoxha Shefqet Krasniqi ka folur gjerësisht për vlerat familjare, raportin ndaj prindërve dhe rëndësinë e Natës së Kadrit.

    Gjatë intervistës, Krasniqi u shpreh kritik ndaj fenomenit të dërgimit të prindërve në shtëpi për të moshuarit, duke e cilësuar këtë si një “njollë të zezë të shoqërisë”.

    “Kalojnë muaj dhe nuk telefonon prindin e vet, kalon një vit dhe nuk e viziton. A kaq vlerë ka prindi?” – u shpreh ai.

    Sipas tij, përkujdesja ndaj prindërve është obligim moral dhe fetar. Ai shtoi se pakënaqësia e prindërve lidhet drejtpërdrejt me pakënaqësinë hyjnore: “Ata që i dërgojnë prindërit e vet atje, kanë fituar hidhërimin e Zotit, sepse hidhërimi i prindërve është hidhërim i Allahut.”

    Krasniqi ngriti edhe pyetjen se sa prindër janë vërtet të kënaqur me një vendim të tillë: “Cili prind është i kënaqur nëse shkon në shtëpi të pleqve?”

    Përveç kësaj teme, ai foli edhe për rëndësinë shpirtërore të Natës së Kadrit, duke theksuar se ajo është një mundësi e madhe për reflektim, falje dhe afrimitet me Zotin.

    Intervista u përqendrua gjithashtu në rrugëtimin e tij jetësor dhe sfidat që ka kaluar ndër vite, duke sjellë një rrëfim më të zgjeruar se zakonisht për publikun.

    Për të ndjekur intervistën e tij të plotë, klikoni në linkun e mëposhtëm: 

  • Dy kompani kineze dhe një iraniane sanksionohen për sulme kibernetike kundër BE-së

    Dy kompani kineze dhe një iraniane sanksionohen për sulme kibernetike kundër BE-së

    Këshilli i BE-së ka miratuar masa kufizuese ndaj tre entiteteve dhe dy individëve përgjegjës për sulme kibernetike kundër shteteve anëtare të BE-së dhe partnerëve të tyre.

    Dy prej entiteteve janë kompani kineze.

    Integrity Technology Group ka furnizuar rregullisht produkte të përdorura për të komprometuar dhe për të hyrë në pajisje në shtetet anëtare të BE-së.

    Ndërsa Anxun Information Technology ka ofruar shërbime hakerimi të drejtuara ndaj infrastrukturave dhe funksioneve kritike të këtyre shteteve.

    Një tjetër kompani është ajo iraniane Emennet Pasargad, e cila ka arritur të sigurojë në mënyrë të paligjshme akses në një bazë të dhënash të abonentëve francezë dhe ka reklamuar shitjen e saj në “dark web”, si dhe ka komprometuar tabela reklamuese për të përhapur dezinformim gjatë Lojërave Olimpike të Parisit 2024.

  • Meta planifikon shkurtime të mëdha të vendeve të punës ndërsa kostot e inteligjencës artificiale rriten

    Meta planifikon shkurtime të mëdha të vendeve të punës ndërsa kostot e inteligjencës artificiale rriten

    Meta Platforms po planifikon një valë të re shkurtimesh të vendeve të punës që mund të prekin mbi 20% të punonjësve të kompanisë, sipas burimeve të cituara nga Reuters.

    Vendimi lidhet me përpjekjet e kompanisë për të ulur kostot dhe për të financuar investimet e mëdha në infrastrukturën e inteligjencës artificiale.

    Deri tani nuk është caktuar një datë e saktë për zbatimin e këtyre shkurtimeve dhe as numri përfundimtar i punonjësve që do të preken.

    Shefi ekzekutiv Mark Zuckerberg ka theksuar së fundmi se kompania po përqendrohet gjithnjë e më shumë në zhvillimin e inteligjencës artificiale gjenerative.

    Sipas tij, përdorimi i teknologjive të reja mund të bëjë që projekte që më parë kërkonin ekipe të mëdha të realizohen nga shumë më pak persona.

    Ky veprim është pjesë e një trendi më të gjerë në industrinë e teknologjisë, ku kompanitë po përdorin AI për të rritur efikasitetin dhe për të reduktuar kostot.

  • Vjen reagimi i parë nga PD, pasi Kuvendi votoi Rezolutën që shpall Iranin si vend sponsor i terrorizmit

    Vjen reagimi i parë nga PD, pasi Kuvendi votoi Rezolutën që shpall Iranin si vend sponsor i terrorizmit

    Kreu i Partisë Demokratike Sali Berisha ka reaguar këtë të martë pas votimit me 79 vota pro në seancën plenare të Kuvendit, me votat e mazhorancës lidhur me rezolutën për të shpallur Iranin vend sponsor të terrorizmit.

    Berisha në deklaratën e shpërndarë thotë se Partia Demokratike mbështet përpjekjet e SHBA-së dhe Izraelit për përmbysjen e diktaturës mizore teokratike të Ajatollahëve.

    Deklarata e Partisë Demokratike të Shqipërisë:

    Partia Demokratike e Shqipërisë shpall Gardën Revolucionare të regjimit diktatorial të Teheranit si organizatë terroriste. Ajo e cilëson shtetin obskurantist të Ajatollahëve si sponsorin kryesor të terrorizmit në botë dhe një kërcënim madhor për paqen dhe stabilitetin në Lindjen e Mesme dhe kudo në glob.

    Partia Demokratike e Shqipërisë dënon me forcën më të madhe sulmet e Teheranit ndaj vendeve të Gjirit Persik, Arabisë Saudite, Emirateve të Bashkuara Arabe, Katarit, Kuvajtit, Bahrejnit dhe vendeve të tjera mike të Shqipërisë dhe ju shpreh ketyre vendeve solidaritetin e saj të plotë.

    Partia Demokratike mbështet përpjekjet e SHBA-së dhe Izraelit për përmbysjen e diktaturës mizore teokratike të Ajatollahëve dhe zëvendësimin e këtij regjimi me një qeveri të zgjedhur nga populli si një kontribut madhor për çlirimin e popullit iranian, si dhe për garantimin e paqes dhe stabilitetit në rajon e më gjerë.

  • A po ia vjedh Kosova Zvicrës një kampion të Thunit si Valmir Matoshi?

    A po ia vjedh Kosova Zvicrës një kampion të Thunit si Valmir Matoshi?

    Valmir Matoshi (22 vjeç) është një nga fytyrat e ngritjes meteorike të Thun. Pavarësisht performancave të forta, ai nuk ka dëgjuar ende asgjë nga Murat Yakin.

    Titulli kampion për FC Thun po afrohet gjithnjë e më shumë dhe duket të jetë thjesht një formalitet. Ekipi i Bernese Oberland ka nevojë vetëm për katër fitore të tjera në tetë ndeshjet e mbetura për të siguruar titullin.

    Megjithatë, nëse rivali i tyre i vetëm i mbetur, St Gallen, humb pikë, Thun mund të festojë edhe para se liga të ndahet në fillim të prillit.

    Me Ethan Meichtry (20 vjeç) dhe Valmir Matoshin (22 vjeç), liderët sensacionalë të Superligës së Zvicrës kanë dy talentë të vërtetë vendas të Thunit si titullarë të rregullt. Matoshi, në veçanti, ka lindur në Thun dhe ka qenë me ekipin që nga niveli U11. Suksesi historik i afërt i klubit është për këtë arsye edhe më i veçantë për të.

    “Është e pabesueshme dhe pothuajse e pamundur ta shprehësh me fjalë”, ka thënë fillimisht Matoshi për 20 Minuten pas fitores 5-1 të Thun kundër Grasshoppers.

    “Kam qenë me klubin për 12 vjet tani, kjo do të thotë shumë për mua”, shtoi ai, pa përmendur në mënyrë eksplicite titullin e kampionatit.

    Murat Yakin do të duhet të shpallë skuadrën e tij për ndeshjet miqësore kundër Norvegjisë dhe Gjermanisë të enjten e ardhshme.

    Me pesë gola dhe katër asistime këtë sezon, mesfushori qendror ka të ngjarë të paktën të ketë rënë në sy të trajnerit të kombëtares, veçanërisht pasi djali i emigrantëve kosovarë mund të largohet ende nga kombëtarja zvicerane.

    Yakin nuk është përgjigjur ende.

    “Jo, nuk kam dëgjuar ende asgjë”, u përgjigj Matoshi kur u pyet nëse Yakin e kishte telefonuar tashmë. Ish-lojtari i Zvicrës U21 theksoi se donte t’i mbante të hapura opsionet e tij në lidhje me të luajturit për Zvicrën ose Kosovën.

    Por, askush nga Kosova nuk e kishte kontaktuar atë, tha Matoshi, i cili tashmë kishte tërhequr vëmendjen e Juventusit të Torinos ndërsa luante në Challenge League.

    Në vjeshtën e vitit 2022, atëherë 19-vjeçari luajti aq mirë në sezonin e tij të parë nën drejtimin e trajnerit Mauro Lustrinelli saqë Juventusi donte ta nënshkruante. Megjithatë, Matoshi refuzoi, ndoshta sepse fillimisht do të ishte menduar vetëm për ekipin e të rinjve të klubit më të mirë italian.

  • “PDK, viktima më e madhe”, Behrami i përgjigjet BE-së

    “PDK, viktima më e madhe”, Behrami i përgjigjet BE-së

    Deputeti i Partisë Demokratike të Kosovës, Artan Behrami, i është përgjigjur asaj që Bashkimi Evropian e cilësoi si befasi, kur iu referua reagimit të këtij subjekti politik lidhur me çështjen e Ligjit për të huajt.

    Behrami thotë se PDK-ja është viktima më e madhe e dialogut, bashkëpunimit dhe lojalitetit ndaj Perëndimit, kurse sipas tij Vetëvendosje është përfituesja më e madhe nga konfrontimi, nga dhuna politike dhe nga besëprerja ndaj Perëndimit.

    “PDK-ja është viktima më e madhe e dialogut, bashkëpunimit dhe lojalitetit ndaj Perëndimit. Ndërsa VV-ja është përfituesja më e madhe nga konfrontimi, nga dhuna politike dhe nga besëprerja ndaj Perëndimit. Andaj, mos u befasoni me një standard që vetë e keni legjitimuar. Me negociatat sekrete dhe pranimin e strukturave paralele, Kurti ka vendosur themelet e jetësimit të Zajednicës. Ajo, bazuar në marrëveshjen e Ohrit, parasheh autonomi territoriale për veriun dhe eksteritorialitet për kishat ortodokse serbe”, ka shkruar ai.

  • Përfitimet shëndetësore që merr organizmi nga hudhra

    Përfitimet shëndetësore që merr organizmi nga hudhra

    Hudhra është përdorur që në kohët e lashta si një ushqim që shëron. Ajo është gjetur  në piramidat egjiptiane dhe në tempujt e lashtë grekë, madje është e përmendur dhe në Bibël.

    Nuk është një rastësi që këto kultura të lashta kanë arritur në përfundimin që hudhra ka veti të mahnitshme shëndetësore.

    Edhe shkenca moderne po e shikon hudhrën njësoj si lashtësia, një ushqim i fuqishëm që ndihmon në përmirësimin dhe trajtimin e shumë problemeve shëndetësore.

    Më poshtë ju sjellim vetitë e pabesueshme që ka hudhra në shëndetin e njeriut.

    E dimë që hudhra nuk mban një aromë edhe aq të pëlqyer, por efektet e saj janë të mëdha. Sugjerohet që ta përdorni hudhrën me qumësht që aroma e saj të mos jetë e lartë. Ose të hani mollë, majdanoz apo spinaq. Janë ushqime që largojnë aromën shumë shpejt.

    Ul rrezikun e kancerit të mushkërive

    Konsumimi dy herë në javë i hudhrës gjatë një periudhe 7 vjeçare ka ulur me 44% rrezikun e kancerit të mushkërive, sipas një studimi të kryer në Kinë. Duke iu referuar këtij hulumtimi, dritare.net ju sugjeron  të përdorni hudhrën në gatime pasi është një agjent kimik që parandalon kancerin.

    Parandalon kancerin e trurit

    Elementët që ndodhen në hudhër kanë veti shkatërruese ndaj qelizave vdekjeprurëse në tru. Shkencëtarët e Universitetit Mjekësor në Kaliforninë e Jugut.

    Janë antibiotikë të fuqishëm

    Hudhra ka një përbërës 100 herë më efektiv sesa dy antibiotikë, sipas një studimi të botuar në Journal of Chemotherapy Antimicrobial. Hudhra shkatërron baktere që shkaktojnë sëmundje.

    Mbron zemrën

    Hudhra përmban kimikate që mbrojnë zemrën. Diallyl trisulfide, një komponent i vajit të hudhrës, ndihmon në mbrojtjen e zemrës gjatë operacionit kardiak dhe pas një sulmi në zemër.

  • Kush është Ali Larijani, shefi i mbrojtjes së Iranit të cilin Izraeli thotë se e ka vrarë?

    Kush është Ali Larijani, shefi i mbrojtjes së Iranit të cilin Izraeli thotë se e ka vrarë?

    Ali Larijani, kreu i Këshillit të Sigurisë Kombëtare të Iranit për të cilin ministri izraelit i Mbrojtjes Israel Katz tha se u “eliminua” të hënën mbrëma, ishte shfaqur si një nga figurat më të rëndësishme në Iran muajt e fundit, shkruan CNN.

    Fillimisht ai u pa si një lider i rëndësishëm në shtypjen e protestave popullore në janar dhe më pas si pjesë e tranzicionit që pasoi vdekjen e Udhëheqësit Suprem Ali Khamenei.

    67-vjeçari kishte një lidhje të gjatë me Gardën Revolucionare Islamike të Iranit (IRGC) dhe ishte bërë një simbol i dukshëm i regjimit – madje mori pjesë edhe në një tubim publik javën e kaluar në Teheran pavarësisht se ishte objektiv kryesor për Izraelin.

    Larijani ka manovruar me aftësi në politikën e Republikës Islamike – duke shërbyer në role të ndryshme. Ai ishte komandant në IRGC gjatë luftës me Irakun në vitet 1980 përpara se të kalonte në role politike.

    Larijani ka shërbyer si drejtues i transmetuesit shtetëror, kryenegociator bërthamor i Iranit dhe kryetar i parlamentit të Iranit (për 12 vjet deri në vitin 2020) – dhe gjithnjë e më shumë kishte besimin e Khameneit për çështje sigurie pas emërimit të tij si këshilltar në vitin 2004.

    Pas konfliktit të vitit të kaluar me Izraelin, ai u rikthye në skenë si kreu i Këshillit të Sigurisë Kombëtare, duke u konsideruar nga shumë analistë si vendimmarrësi kryesor i Iranit.

    Larijani vjen nga një familje klerikale me ndikim në Republikën Islamike. Një nga vëllezërit e tij, Sadegh, është Ajatollah dhe ish-kreu i gjyqësorit të Iranit.

    Ai ishte gjithashtu një akademik i njohur. I trajnuar fillimisht në matematikë dhe shkenca kompjuterike në Universitetin e Teknologjisë Sharif, ai ka doktoraturë në filozofi nga Universiteti i Teheranit dhe ka shkruar gjerësisht për veprën e filozofit gjerman Immanuel Kant.

    Analistët thonë se megjithëse Larijani shihej si pragmatist dhe jo si një ideolog i ashpër, ai ishte i përkushtuar ndaj mbijetesës së Republikës Islamike si nezam – ose sistemi i qeverisjes së Iranit.

    Që nga fillimi i konfliktit Larijani ka provokuar shpesh Presidentin e SHBA-së Donald Trump dhe ka qenë thelbësor në hartimin e strategjisë së luftës së Iranit, sipas analistëve.

    “Në dallim nga Shtetet e Bashkuara, (Irani) është përgatitur për një luftë të gjatë”, shkroi ai në X menjëherë pasi filloi konflikti.

  • PSD: Vetëvendosje e ka ‘’kapur’’ Prokurorinë e Shtetit

    PSD: Vetëvendosje e ka ‘’kapur’’ Prokurorinë e Shtetit

    Partia Social Demokrate e Kosovës gjatë ditës së sotme ka zhvilluar një aksion simbolik para objektit të Prokurorisë së Shtetit.

    Në një prononcim për media gjatë aksionit, i pari i kësaj partie, Dardan Molliqaj është shprehur se Lëvizja Vetëvenodsje e ka kapur Prokurorinë.

    Më tutje ai thotë se arsyeja kryesore se përse Albin Kurti e don postin e Presidentit është për shkak të mundësisë së kapjes së pozitës së Kryeprokurorit të Shtetit.

     

  • Reperi i njohur kosovar udhëton drejt Mekës për të kryer Umren

    Reperi i njohur kosovar udhëton drejt Mekës për të kryer Umren

    Prej kohësh është vënë re një tërheqje e tij nga skena dhe daljet e shpeshta publike, dhe duket se reperi i njohur Azet e ka pasur një arsye shumë të fortë për këtë pauzë të menduar.

    Granit Musa, siç është emri i tij i vërtetë, ka lënë mënjanë për pak kohë jetën e zhurmshme të koncerteve, studiove dhe klubeve të natës për t’iu përkushtuar plotësisht besimit të tij.

    Reperi shqiptar, i cili prej vitesh dominon toplistat në tregun gjerman e më gjerë, ndodhet aktualisht në qytetin e shenjtë të Mekës, ku po kryen ritet e Umres.

    Në fotot e fundit që po qarkullojnë me shpejtësi në llogaritë e njerëzve të tij të afërt në TikTok, Azet shfaqet i buzëqeshur dhe në paqe të plotë para Qabesë.

    Ai nuk e ka ndërmarrë i vetëm këtë udhëtim kaq të rëndësishëm. Pranë tij, i veshur po ashtu me rrobat e bardha tradicionale të Ihramit, qëndron vëllai i tij, Albi, së bashku me miq të tjerë të ngushtë dhe bashkëpunëtorë.

    Kjo shkëputje e qëllimshme nga luksi, makinat e shtrenjta dhe dinamika e paparashikueshme e showbizit, tregon një dimension krejtësisht tjetër, shumë më të qetë e reflektues të liderit të KMN Gang.

    Ndonëse ndjekësit janë padyshim në pritje të projekteve të reja muzikore që pasojnë çdo pauzë të tijën, ata e kanë përshëndetur masivisht këtë vendim të artistit për të gjetur ekuilibrin shpirtëror larg vëmendjes mediatike.