ATV

Blog

  • Një nga makinat më të bukura të Pontiac të viteve 1980 që është ende çuditërisht tërheqëse

    Një nga makinat më të bukura të Pontiac të viteve 1980 që është ende çuditërisht tërheqëse

    Një nga makinat më ikonike të viteve ’80 nga Pontiac vazhdon të mbetet çuditërisht tërheqëse edhe sot.

    Marka amerikane, pjesë e General Motors, ishte e njohur për stilin sportiv dhe karakterin më të guximshëm krahasuar me rivalët si Chevrolet apo Buick.

    Megjithatë, pas një kulmi të madh në fund të viteve ’70, shitjet e saj ranë ndjeshëm, duke e detyruar të eksperimentojë me modele të reja dhe dizajne më futuriste.

    Një nga përgjigjet më të rëndësishme ishte gjenerata e tretë e Pontiac Firebird, e prodhuar nga 1982 deri më 1992, paralelisht me Chevrolet Camaro.

    Ky model shënoi një shkëputje të plotë nga dizajnet klasike “muscle car”, duke sjellë linja më të mprehta dhe një pamje moderne që për kohën u konsiderua revolucionare.

    Popullariteti i tij u rrit edhe më shumë falë rolit si makina KITT në serialin Knight Rider.

    Firebird ofrohej me një gamë të gjerë motorësh, nga katër cilindër deri te V8. Një nga versionet më interesante mbetet Pontiac Trans Am, i cili përdorte një motor turbo V6 nga Buick në vend të një V8 tradicional. Megjithatë, modeli i vitit 1988 me motor 5.0-litër V8 ishte më tipik, duke prodhuar rreth 170 kuaj fuqi dhe duke arritur 0–100 km/h për rreth 8.3 sekonda.

    Në kohën e tij, kjo makinë kushtonte rreth 11,399 dollarë (afërsisht 10,500 euro atëherë, ose rreth 27,000–28,000 euro sot).

    Sot, një ekzemplar i ruajtur mirë mund të shitet për rreth 15,000 dollarë (rreth 13,800–14,000 euro), çka e bën një hyrje të përballueshme në botën e makinave klasike amerikane.

    Edhe pse nuk arriti suksesin e madh komercial të paraardhësve, Firebird i kësaj gjenerate mbetet një simbol i një periudhe sfiduese për Pontiac – një kohë kur marka po përpiqej të rishpikë veten.

    Sot, ai përfaqëson një kombinim unik të stilit retro, historisë dhe vlerës së mirë në tregun e koleksionistëve.

  • Sekuestrohen mbi 2 mijë palë syze dielli, Dogana jep detajet

    Sekuestrohen mbi 2 mijë palë syze dielli, Dogana jep detajet

    Dogana e Kosovës ka sekuestruar 2 mijë e 70 palë syze dielli me shenja të brendeve të famshme të modës.

    Dogana ka bërë të ditur se sekuestrimi i tyre është bërë pas kontrollit të një ngarkese me mallra.

    “Dogana e Kosovës, përmes Zyrës Doganore në Prishtinë, pas një kontrolli detal të një ngarkese me mallra komerciale, ka zbuluar 2,070 palë syze dielli me marka tregtare “Gucci”, “Porsche” dhe “Miu Miu”që dyshohet se shkelin të drejtat e pronësisë intelektuale. Mallrat janë ndaluar dhe rasti po trajtohet në përputhje me procedurat ligjore në fuqi”, thuhet në njoftim.

  • Champions League rikthehet me super-sfida vendimtare për çerekfinale

    Champions League rikthehet me super-sfida vendimtare për çerekfinale

    Liga e Kampionëve rikthehet sonte me katër përballje vendimtare të fazës së së tetës së finales, ku pritet të mësohen skuadrat e para që do të sigurojnë kualifikimin në çerekfinale. Emocione të mëdha, presion maksimal dhe shumë dilema mbeten ende të hapura në disa prej dueleve më interesante të këtij edicioni.

    Vëmendja kryesore do të jetë në “Etihad Stadium”, ku Manchester City përballet me Real Madrid. Anglezet ndodhen përballë një misioni tepër të vështirë, pasi janë mposhtur 0:3 në ndeshjen e parë në Madrid. Skuadra e drejtuar nga Pep Guardiola do të synojë një përmbysje historike, ndërsa madrilenët, të udhëhequr nga Álvaro Arbeloa, vijnë si favoritë të mëdhenj për kualifikim. Në formë të shkëlqyer mbetet Federico Valverde, ndërsa rikthimi i Kylian Mbappé është një tjetër armë e fortë për spanjollët.

    Në Londër, Arsenal pret Bayer Leverkusen pas barazimit 1:1 në takimin e parë. “Topçinjtë”, nën drejtimin e Mikel Arteta, konsiderohen favoritë falë stabilitetit të treguar këtë sezon, por gjermanët mbeten një kundërshtar i rrezikshëm dhe synojnë surprizën.

    Një tjetër sfidë e zjarrtë zhvillohet po ashtu në Londër, ku Chelsea përballet me Paris Saint-Germain. Francezët kanë epërsinë e madhe 5:2 nga ndeshja e parë dhe synojnë ta menaxhojnë atë për të siguruar kalimin tutje. Megjithatë, londinezët shpresojnë të reagojnë para tifozëve të tyre, në një duel që mbetet i hapur për shkak të mungesave në të dy kampet.

    Mbrëmja nis më herët në Portugali, ku Sporting CP përballet me Bodø/Glimt. Norvegjezët kanë befasuar me fitoren 3:0 në ndeshjen e parë dhe janë shumë pranë një kualifikimi historik, ndërsa portugezët do të kërkojnë një rikthim të madh para publikut vendas.

    Tri nga katër ndeshjet e sontme do të nisin nga ora 21:00, ndërsa mbrëmja pritet të sjellë spektakël dhe emocione deri në sekondat e fundit të çdo përballjeje.

  • Kështu e hup bereqetin e shtëpisë!- Shefqet Krasniqi e ka një lutje për të gjithë

    Kështu e hup bereqetin e shtëpisë!- Shefqet Krasniqi e ka një lutje për të gjithë

    Hoxha Shefqet Krasniqi ka theksuar rëndësinë e mikpritjes gjatë një interviste në “Studio A” në ATV.

    Ai u shpreh se pritja e mysafirëve sjell begati në familje, ndërsa mbyllja e derës për ta largon bereqetin.

    “Po e mbylle derën për mysafirët, e ke mbyllur derën e bereqetit të shtëpisë,” tha Krasniqi.

    Sipas tij, respekti ndaj mysafirit ndikon pozitivisht në risk, në fëmijë dhe në shëndet, duke sjellë gjithashtu shpërblim të madh tek Zoti.

    LEXONI EDHE:

    “Ata që i dërgojnë prindërit e vet atje, kanë fituar hidhërimin e Zotit” – Shpërthen keq Shefqet Krasniqi kur pyetet për fëmijët që i dërgojnë prindërit në shtëpi të pleqve

  • Verstappen kritikon ashpër rregullat e reja në Formula 1

    Verstappen kritikon ashpër rregullat e reja në Formula 1

    Max Verstappen ka vazhduar me kritikat e tij ndaj zhvillimeve të fundit në Formula 1, duke vënë në pikëpyetje edhe entuziazmin e tifozëve për sezonin aktual, i cili nga shumëkush po konsiderohet më argëtues.

    Katër herë kampioni i botës është shprehur hapur kundër ndryshimeve në rregullore, të cilat kanë prekur si shasinë ashtu edhe “power unit”-in, duke rritur ndjeshëm varësinë nga energjia elektrike gjatë garave.

    Sipas pilotit të Red Bull, roli gjithnjë e më i madh i baterisë në Çmimet e Mëdha po e largon sportin nga thelbi i tij, duke e bërë atë më pak të natyrshëm dhe më pak konkurrues. Ai madje e krahasoi këtë qasje me një version të ekzagjeruar të Formula E.

    Verstappen nuk i kurseu as tifozët që e shohin këtë ndryshim si pozitiv, duke theksuar se një pjesë e tyre nuk e kuptojnë vërtet se çfarë përfaqëson gara në thelb. Ai shtoi se përvoja aktuale në pistë nuk i duket aspak tërheqëse dhe se dinamika e garës ka humbur autenticitetin që e karakterizonte më parë këtë sport

    Piloti holandez e përshkroi situatën si të krahasueshme me një lojë arcade, duke nënvizuar se kjo nuk reflekton më realitetin dhe sfidën e vërtetë të Formula 1.

  • Rrathët e errët nën sy, kur janë normale dhe kur fshehin një problem shëndetësor?

    Rrathët e errët nën sy, kur janë normale dhe kur fshehin një problem shëndetësor?

    Më shpesh, ato shoqërohen me lodhje, mungesë gjumi ose stres. Por jo gjithmonë. Ka raste kur rrathët e errët janë krejtësisht normale dhe të tjera ku ato mund të jenë një tregues se diçka duhet kontrolluar.

    Kur janë normale rrathët e errëta nën sy?

    1. Trashëgimia

    Nëse prindërit tuaj kanë rrathë të errët nën sy, ka shumë të ngjarë që edhe ju t’i keni. Në këtë rast, është një predispozitë gjenetike dhe jo një problem shëndetësor.

    2. Lëkurë e hollë në zonë

    Lëkura poshtë syve është jashtëzakonisht e hollë. Enët e gjakut janë më të spikatura, veçanërisht tek njerëzit me lëkurë të çelët. Kjo mund t’i japë lëkurës një pamje të errët përgjithmonë.

    3. Mungesa e gjumit

    Pagjumësia dhe lodhja ekstreme shkaktojnë vazodilatacion, duke e bërë zonën të duket më e errët. Në këtë rast, pushimi zakonisht përmirëson pamjen.

    4. Dehidratim

    Kur trupi nuk merr lëngje të mjaftueshme, lëkura humbet shkëlqimin e saj dhe rrathët bëhen më të dukshëm.

    5. Mosha

    Me kalimin e kohës, lëkura hollohet dhe humbet kolagjenin. Kjo i bën enët e gjakut më të dukshme dhe rrathët e syve më të theksuar.

    Kur mund të jenë duke fshehur një problem shëndetësor?

    Edhe pse shumica e rasteve janë të padëmshme, ka shenja që meritojnë vëmendje.

    1. Anemia

    Mungesa e hekurit zvogëlon oksigjenimin e indeve, gjë që mund të japë një pamje më të errët nën sy. Shpesh shoqërohet me:

    – Lodhje

    – Marramendje

    – Zbehje

    2. Alergjitë

    Alergjitë kronike shkaktojnë inflamacion dhe ënjtje të enëve të gjakut në atë zonë. Të ashtuquajturat “cikle alergjike” janë të zakonshme tek njerëzit me rinit.

    3. Çrregullime të tiroides

    Në disa raste, çrregullimet hormonale mund të ndikojnë në pamjen e lëkurës dhe të shoqërohen me ënjtje ose ndryshime rreth syve.

    4. Lodhje kronike

    Nëse rrathët e errët nën sy shoqërohen me lodhje të vazhdueshme që nuk përmirësohet me gjumin, mund të nevojitet një vlerësim mjekësor.

    Kur duhet të vizitoni një mjek

    Ia vlen të kërkoni ndihmë mjekësore nëse:

    – Rrathët e errët shfaqën papritur dhe janë intensive

    – Shoqërohet me ënjtje, dhimbje ose ndryshime në shikim

    – Ka simptoma të tjera si lodhje ekstreme ose zbehje Në shumicën e rasteve, rrathët e errët nën sy nuk janë shenjë e një problemi serioz. Megjithatë, kur ato shoqërohen me simptoma të tjera ose vazhdojnë pa ndonjë arsye të dukshme, është mirë të bëni një kontroll të thjeshtë.

    Sepse shumicën e kohës është çështje gjumi dhe gjenesh. Por ndonjëherë, trupi juaj thjesht po përpiqet t’ju tregojë diçka.

  • Aksidenti tragjik në Tiranë, burri i viktimës del në vendngjarje, shpërthen në lot

    Aksidenti tragjik në Tiranë, burri i viktimës del në vendngjarje, shpërthen në lot

    Një aksident tragjik ndodhi paraditen e kësaj të marte në zonën e ish-ekspozitës në Tiranë, ku një grua humbi jetën pasi u përplas nga një autobot i ujit.

    Viktima po lëvizte me një motomjet në momentin e aksidentit dhe ndërroi jetë nga plagët e marra.

    Pamjet e siguruara tregojnë bashkëshortin e të ndjerës duke mbërritur në vendin e ngjarjes, i dëshpëruar dhe në lot.

    Në vendin e ngjarjes ndodhen forcat e policisë dhe grupi hetimor, të cilët po punojnë për zbardhjen e rrethanave të aksidentit.

    Aksident në Tiranë, vdes gruaja që lëvizte me motor elektrik pasi u godit nga një autobot i ujit

     

  • Dua Lipa rrëmben vëmendjen në festën e Elton John AIDS Foundation me një fustan vjollcë plot shkëlqim nga Gucci

    Dua Lipa rrëmben vëmendjen në festën e Elton John AIDS Foundation me një fustan vjollcë plot shkëlqim nga Gucci

    Si eventi më i madh i fundit i sezonit të ndarjes së çmimeve, ceremonia e Oscars është gjithmonë një moment ku yjet shfaqin stilin e tyre më të mirë.

    Edhe ata që nuk marrin pjesë në ceremoninë kryesore, e shfrytëzojnë këtë natë për të spikatur në festat pas saj.

    Këtë e bëri edhe Dua Lipa, e cila u shfaq me një paraqitje mbresëlënëse teksa festonte së bashku me të fejuarin e saj, Callum Turner.

     Dua Lipa/Instagram

    Fillimisht, çifti mori pjesë në festën e 34-të vjetore të Elton John AIDS Foundation, e mbajtur në West Hollywood Park në Los Angeles, ku tërhoqën vëmendjen në tapetin e kuq me paraqitjen e tyre elegante dhe momentet e afërta mes tyre.

    Për këtë event, Dua zgjodhi një fustan vjollcë nga Gucci, i cili shkëlqente dhe ishte i punuar me fije të mbuluara me rruaza që binin lirshëm përgjatë trupit të saj.

    Dizajni krijonte një dekolte të thellë në pjesën e përparme, ndërsa pjesa tjetër theksonte linjat e saj trupore.

    Ajo e kompletoi pamjen me sandale argjendi dhe një gjerdan nga koleksioni Bulgari Serpenti.

     Dua Lipa/Instagram

    Ndërkohë, Callum Turner u shfaq elegant me një kostum klasik të zi, të kombinuar me këmishë gri dhe kravatë të butë, të shoqëruar me këpucë lëkure.

    Çifti u pa duke u përqafuar dhe duke shkëmbyer momente të ëmbla në tapetin e kuq, duke konfirmuar edhe një herë afërsinë dhe harmoninë mes tyre.

  • Dyshime për kequshqyerje, fëmija 5 vjeçar nga Lipjani dërgohet në gjendje të rënduar shëndetësore dhe psikologjike

    Dyshime për kequshqyerje, fëmija 5 vjeçar nga Lipjani dërgohet në gjendje të rënduar shëndetësore dhe psikologjike

    Një fëmijë pesë vjeçar nga Lipjani është sjellë në Emergjencën Qendrore të QKUK-së, i referuar nga QKMF Lipjan, për shkak të plagëve të rënda në të dy shputat e këmbëve, të shoqëruara me ndryshime të theksuara gangrenoze.

    Lajmin e ka bërë të ditur, Mirlinda Qyqalla nga zyra për media e QKUK-së.

    Sipas saj, në momentin e pranimit, fëmija ishte në gjendje të rënduar shëndetësore, me shenja të hipotrofisë (me dyshim për kequshqyerje) dhe me vështirësi në komunikim.

    “Bazuar në të dhënat nga Klinika e Pediatrisë në QKUK, ju informojmë se një fëmijë 5-vjeçar nga Lipjani është sjellë në Emergjencën Qendrore, i referuar nga QKMF Lipjan, për shkak të plagëve të rënda në të dy shputat e këmbëve, të shoqëruara me ndryshime të theksuara gangrenoze. Në momentin e pranimit, fëmija ishte në gjendje të rënduar shëndetësore, me shenja të hipotrofisë (me dyshim për kequshqyerje) dhe me vështirësi në komunikim”, ka thënë Qyqalla.

    Tutje ajo tha se menjëherë pas pranimit në Emergjencën Qendrore janë realizuar konsultat nga kirurgu plastik dhe pediatri, të cilët kanë rekomanduar hospitalizimin urgjent në Klinikën e Pediatrisë – Repartin e Kujdesit Intensiv Pediatrik, për trajtim dhe monitorim të mëtejmë.

    “Duke pasur parasysh dyshimet për keqtrajtim të mundshëm të fëmijës, janë njoftuar organet kompetente, përfshirë Policinë dhe shërbimet sociale, në përputhje me procedurat dhe detyrimet ligjore për mbrojtjen e fëmijëve. Pas pranimit në Kujdesin Intensiv Pediatrik, fëmija i është nënshtruar ekzaminimeve të plota laboratorike dhe imazherike. Trajtimi intensiv i plagëve është duke vazhduar, ndërkohë që janë realizuar edhe konsultat multidisiplinare me kirurgun vaskular, kirurgun plastik dhe ortopedin”.

    Gjithashtu Qyqalla theksoi se për shkak të gjendjes së rënduar psikologjike, në procesin e trajtimit janë përfshirë edhe psikologu, psikiatri i fëmijëve dhe punëtori social, me qëllim të vlerësimit dhe ofrimit të mbështetjes së nevojshme psikosociale.

    “Aktualisht, fëmija ndodhet pa përcjellje nga prindërit apo kujdestari ligjor dhe është nën mbikëqyrjen e vazhdueshme të stafit mjekësor dhe punëtorëve socialë, në përputhje me procedurat për mbrojtjen dhe kujdesin ndaj fëmijëve në situata të tilla”.

    Ndërkaq, nga Policia e Kosovës kanë bërë të ditur se një i mitur është dërguar në Qendrën Klinike Universitare të Kosovë për shkak të gjendjes jo të mirë.

    Rasti ka ndodhur në Lipjan, ndërsa janë arrestuar prindërit e tij për shkak të shkeljes së detyrimeve familjare.

    “Është raportuar se është sjellë në QKUK- Prishtinë viktima mashkull kosovar i mitur, për shkak të gjendjes së tij jo të mirë, për shkak të mos trajtimit nga ana e prindërve të tij”, thuhet në raport.

  • Bryan Adams vjen në Kosovë

    Bryan Adams vjen në Kosovë

    Ylli botëror i muzikës, Bryan Adams, do të performojë për herë të parë në Kosovë në kuadër të turneut të tij evropian.

    Sipas datave zyrtare të publikuara, koncerti në Prishtinë do të mbahet më 27 qershor 2026, në Sallën 1 Tetori, një nga hapësirat kryesore për ngjarje muzikore në vend.

    Ky koncert pritet të jetë një nga ngjarjet më të mëdha muzikore të vitit në Kosovë, duke marrë parasysh popullaritetin e madh të artistit kanadez, i njohur për hitet si “Summer of ’69”, “Heaven” dhe “(Everything I Do) I Do It for You”.

    Turneu i Bryan Adams përfshin disa qytete evropiane