Drenica ka marrë një fitore të vlefshme në shtëpi, duke mposhtur Malisheva me rezultat 4-2 në një ndeshje të mbushur me ritëm dhe emocione, në kuadër të javës së 25-të të elitës së futbollit kosovar.
Vendasit e nisën më mirë takimin dhe arritën të zhbllokojnë rezultatin në minutën e 33-të, kur Igball Jashari finalizoi një aksion të bukur për epërsinë 1-0.
Megjithatë, mysafirët reaguan në fund të pjesës së parë, duke barazuar shifrat në kohën shtesë me golin e Diattas për 1-1.
Pjesa e dytë solli më shumë dramë dhe gola. Drenica riktheu avantazhin në minutën e 76-të, sërish përmes Jasharit që realizoi golin e tij të dytë personal për 2-1. Vetëm katër minuta më vonë, skuadra vendase thelloi epërsinë, kur Kreshnik Uka shënoi për 3-1.
Malisheva nuk u dorëzua dhe ngushtoi rezultatin në 3-2 në minutën e 83-të, duke rihapur ndeshjen, por shpresat e tyre u shuan në fund, kur Andi Veliqi vulosi fitoren me golin e katërt për Drenicën.
Me këtë sukses, Drenica ngjitet në kuotën e 25 pikëve duke mbajtur vendin e nëntë në tabelë, ndërsa Malisheva mbetet në pozitën e katërt me 37 pikë.
Kryeministri, Albin Kurti, e ka emëruar Lulzim Hetemin në pozitën e zëvendësministrit në Ministrinë për Komunitete dhe Kthim.
Kjo është bërë e ditur në një njoftim nga Kryeministria.
“Kryeministri Kurti e uroi Hetemin për detyrën e re dhe i dëshiroi suksese në përmbushjen e përgjegjësive të reja. Në zgjedhjet e jashtëzakonshme komunale të 23 prillit 2023, z. Hetemi u zgjodh kryetar i komunës së Leposaviqit, detyrë në të cilën shërbeu deri në fund të mandatit”, thuhet në njoftimin e lëshuar.
Ferizaj ka vazhduar serinë pozitive, duke regjistruar një fitore bindëse 3-0 ndaj Prishtina në një përballje ku vendasit shkëlqyen nga fillimi deri në fund.
Të njohur si “Ujqit”, futbollistët e Ferizajt dominuan lojën dhe me një paraqitje të organizuar e plot ritëm arritën të sigurojnë tri pikë të merituara para tifozëve të tyre.
Goli i parë erdhi në momentet e fundit të pjesës së parë, pas një aksioni të bukur kolektiv. Qlirim Avdulli shërbeu saktë për Ade Oguns, i cili nga afërsia nuk gaboi për ta kaluar Ferizajn në epërsi 1-0.
Me këtë avantazh minimal u mbyllën 45 minutat e para, ndërsa pjesa e dytë nisi sërish në favor të vendasve. Një kundërsulm i shpejtë u konkretizua nga Erion Sadriu që asistoi për Ruben Silva-Richards, i cili dyfishoi rezultatin në 2-0.
Në minutat e fundit, Ferizaj vulosi fitoren me golin e tretë, ku realizator ishte Jakup Berisha, duke e bërë edhe më bindëse epërsinë e skuadrës së tij.
Pas kësaj fitoreje, Ferizaj ngjitet në vendin e tetë me 29 pikë, ndërsa Prishtina mbetet në pozitën e tretë me 38 pikë.
Në xhiron e ardhshme, Ferizaj do të luajë sërish në shtëpi ndaj Drenica, ndërsa Prishtina do të përballet me Ballkani në një sfidë tjetër interesante.
Zëvendëssekretarja e Përgjithshme e NATO-s, Radmila Shekerinska, priti në selinë e NATO-s Ambasadorin Peter Sorensen, Përfaqësuesin Special të BE-së për Dialogun Beograd-Prishtinë.
Shekerinska përsëriti angazhimin e fortë të NATO-s ndaj Ballkanit Perëndimor, një rajon me rëndësi strategjike për Aleancën.
Ajo theksoi partneritetin midis NATO-s dhe BE-së në ruajtjen e paqes dhe stabilitetit në Kosovë dhe më gjerë.
Ajo tha: “NATO vazhdon të bëjë atë që është e mundur ushtarakisht në terren për të mbrojtur paqen, për të mirën e të gjithë njerëzve që jetojnë në Kosovë. Por zgjidhja përfundimtare për stabilitet të qëndrueshëm rajonal është politike. Për këtë qëllim, NATO vazhdon të mbështesë plotësisht dialogun e udhëhequr nga BE-ja për normalizimin e marrëdhënieve midis Beogradit dhe Prishtines dhe përpjekjet e EUSR Sorensen”.
Shekerinska theksoi nivelin e bashkëpunimit midis NATO-s dhe BE-së, duke theksuar se koordinimi i vazhdueshëm do të jetë çelësi për të çuar përpara dialogun e udhëhequr nga BE-ja dhe se aleatët kanë rënë dakord të rrisin mbështetjen e tyre për përpjekjet e normalizimit nga BE-ja.
Afërdita Dida nga fshati Breg-Lumë i Bashkisë së Kukësit në Shqipëri, është e detyruar ta nisë ditën, ende pa zbardhur mirë mëngjesi.
Ajo jeton e vetme. burri i ka vdekur vite më herët, dy vajzat i ka të martuara, njërin djalë e ka në gyrbet e tjetrin ushtar!
Punë bënë me aq sa mundet, ose aq sa gjendja shëndetësore ia lejon.
“Kur të vie vajza nga atje, pastron dhe lanë të gjitha, me divana dhe gjithqka. Unë nuk kam takat…(bukën) e vendos në tepsanë dhe e pjeki për të mos mbetur pa bukë, sepse nuk po kam dëshirë me ble…dhimbje e madhe. Duarve tërë natën ua bëjë kështu, e shtypi fort këtë, kjo dializë problem”, tha ajo.
Janë bërë më shumë se dy dekada prej kur veshkët nuk ia pastrojnë mirë gjakun.
Kështu, Dida, rreth të 50-ave, duhet ta bëjë këtë artificialisht duke marë dializë.
Procesi i flitrimit të gjakut, ia konsumon së paku 12 orë në javë pacientes.
Spitali në Kukës, nuk ia ofron këtë shërbim asaj dhe pacientëve të tjerë me këso probleme.
Dida bënë një telefonatë, në këtë orë të hershme.
Në linjë është shoferi i furgonit, që transporton pacientët nga Kukësi dhe zonat përreth, drejt Spitalit të Përgjithshëm në Prizren, tri herë në javë.
Kur ecën në tatëpjetëzen drejt lokacionit ku del për ta pritur furgonin, meqë ky nuk hynë dot deri tek shtëpia e saj, e ka një brengë të përhershme.
Ndonjëherë thotë se i duhet të ndalet e të pushoj pak.
Shteti i Shqipërisë s’ia ofron shërbimin mjekësor, por ia jep 100 euro në muaj, për t’i mbuluar shpenzimet e transportit.
Furgoni erdhi. Në të janë edhe pacientë të tjerë, që po shkojnë drejt Prizrenit për mjekim.
Udhëtimi zgjat rreth 30 minuta deri në Prizren.
Pritja për pacientët nga Shqipëria, është e ngrohtë. Trajtimi është i barabartë për të gjitë.
Pacientët thonë janë të kënaqur me trajtimin.
Bazuar në çmimoret e kompanive që tregtojnë aparatura për dializë, një e tillë mund të kushtojë nga 10 mijë deri në 30 mijë euro.
Autoritetet në Shqipëri nuk ofruan qasje në ambientet e spitalit dhe as mundësi për intervistë.
Sidoqoftë, spitali i Prizrenit, është adresë për mijëra pacientë nga Shipëria, për shërbime të ndryshme.
Në vitin e kaluar 175 prej tyre, u hospitalizuan këtu. GRAFIKË Ndërsa afro dy mijë, pranuan shërbime të tjera.
Sipas drejtorit të spitalit, Hilmi Shala, arsyet pse këta zgjedhin Gjakovën, janë afërsia gjeografike dhe numri më i madhë i profileve mjekësore.
Kosova vazhdon të mos ketë data bazë digjitale për pasqyrim të shëndetit të përgjithshëm të pacientëve që trajtohen në vend.
Këto evidenca, ende mbahen në letër.
Ministria e Shëndetësisë në vitin 2011, tentoi aplikimin të këtij sistemi në tri faza, porse nuk pati sukses.
Sipas Ligjit për Ndarjet Buxhetore për vitin 2026, deri në vitin e kaluar për SISH u shpenzuan rreth 23.7 milionë euro.
Përvec dhjetëra milionave dhe 15 vjetëve të humbura, mungesa e Sistemt Informativ Shëndetësor ka pasoja zinxhirore për sistemin shëndetësor në Kosovë.
Një sistem i tillë funksional do të mundësonte që të dihet secila diagnozë për scilin pacient, rrjedhimisht do të diheshin trendet, sëmundjet që janë në rritje, do të dihej cfarë barnash duhet blerë,në cilat klinika duhet më shumë investime, në cilat rajone për cfarë pajisjesh ka nevoja urgjente, për cilat profile të mjekëve specialistë ka nevojë më shumë, cilat politika shëndetësore duhet të ndryshohen, cilët mjekë dhe cilat klinika punojnë më mirë dhe cilët punojnë më dobët si dhe një sërë parametrash tjerë që sot vlerësohen me informata dhe statistika gjysmake.
Për më tepër mungesa e Sistemit Informativ Shëndetësor ka pamundësuar edhe funksionalizimin e nëj skeme të sigurimeve shëndetësore për kosovarët. Edhe sigurimet shëndetësore janë nismë e para më shumë se një dekade dhe nismë ku kanë dështuar gjashtë kabinete qeveritare.
Fondi i Sigurimeve Shëndetësore ofron përkrahje financiare për shërbime shëndetësore që nuk ofrohen në institucione publiek shëndetësore për të gjithë shtetasit e Republikës së Kosovës.
Një udhëzim administrativ i specifikon kushtet se kush dhe në cilat rrethana mund të përfitojë nga ky fond dhe cilat kërkesa dhe dokumenta duhet plotësuar.
Në periudhën 2022 – 2024 fondi ka shpenzuar 40 milionë Euro nga buxheti i shtetit për mbulimine shpenzimeve për trajtimin e mijëra pacientëve. Mirëpo, një analizë sipërfaqësore qartazi tregon se as shpenzimet, as diagnozat nuk janë lineare.
Më 2022 fondi kishte harxhuar 6 milionë Euro, më 2023 mbi 22 milionë Euro, kurse më 2024, shpenzimet ishin mbi 12 milionë Euro. Mirëpo, edhe kjo shifër nuk ka qenë e planifikuar. Buxheti fillestar ka qenë 8 milionë, kurse edhe 50% e kësaj shume u shtua ndërkohë.
Për vitin 2025, në buxhetin e shtetit kanë qenë të parapara 11 milionë Euro për Fondin e Sigurimeve Shëndetësore, kurse më 2026 janë të parapara rreth 10,8 milionë.
Të dhënat financiare përfundimtare për 2025-ën nuk janë publike akoma, por nëse shikohen të dhënat për pacientë, del se Fodni ka marrë përsipër trajtimin e 952 pacientëve, përgjatë një viti.
Një analizë kuantitative e e 2025-ës lehtësisht tregon edhe ku janë problemet më të mëdha në shëndetësinë e Kosovës. Nga 952 rastet në total 169 janë në pediatri dhe 20 në neonatalogji.
Sa për ilustrim numri i kosovarëve që trajtohen jashtë, është më shumë se 3 herë më i lartë se numri i shtetasve të Maqedonisë së Veriut që tarjtohen jashtë shtetit, që më 2025 ishte 273.
Përvec foshnjave dhe fëmijëve, përqindje e madhe e rasteve vërehet edhe në mjeëkësinë nukleare (110), radiologji e oftalmologji (92) dhe urologji (78)
Numri i pacientëve të evidentuar si të trajtuar jashtë dhe milionat e paguara nag buxheti i shtetit tregojnë se përderisa Kosova shihet si shpëtim për pacientët nga Shqipëria veriore, qindra pacientë nga Kosova cdo vit trajtohen jashtë vendit, pikërisht në mungesë të kushteve në Kosovë.
Për mijëra kosovarë, Maqedonia e Veriut është destinacioni i parë për shumë shërbime dhe trajtime shëndetësore.
Mirëpo, në statistikat e Fondit të Sigurimeve Shëndetësore të Kosovës, numri i pacientëve që trajtohen në Maqeodoni të Veriut është dukshëm më i ulët, nuk tejkalon 150 raste në vit.
Kjo mos përputhje sipas Blerim Sylës, ish Kryetar i Federatës Sindikale të Punëtorëve Shëndetësorë është dëshmi se qindra kosovrë në Maqedoni paguajnë nga xhepi i tyre.
Mungesa e SISH-it sipas tij shkakton edhe shumë telashe tjera.
Me ose pa marrëveshje midis shteteve, me para të vetat ose nga fondet publike, pacientët vazhdimisht kalojnë kufijtë shtetëror, në kërkim të trajtimit mjekësor.
Në mungesë të informatave dhe statistikave, sistemi shëndetësor i Kosovës vazhdon të funksionojë ad hoc, nga rasti në rast, edhe për rezidentët, edhe për kosovarët që trajtohen jashtë, por edhe për jo-rezidentët që trajtohen në Kosovë./atvlive.tv/
Mënyra se si e nisni mëngjesin zakonisht përcakton edhe tonin e pjesës tjetër të ditës. Nëse e nisni pa energji dhe dita rezulton të ketë qenë jo produktive, me siguri ke bërë një nga 7 gabimet e zakonshme të mëngjesit.
Ja gabimet që duhet të shmangni në mëngjes për të pasur një ditë më të mbarë.
Mos e fikni alarmin e orës
Specialistët e gjumit thonë se alarmi i orës nuk është një ide e mirë. E vërteta është se sa herë e fikni alarmin për t’u kthyer sërish në gjumë, hyni në një cikël gjumi të cili nuk mund ta përfundoni. Kështu që kur zgjoheni, ndiheni shumë të lodhur dhe përtacë.
Mos qëndroni shtirë në shtrat
Kur zgjoheni, shtrijini këmbët dhe krahët teksa jeni ende në shtrat. Sa më shumë të shtriqeni, aq më shumë të sigurt dhe të lumtur do të jeni gjatë ditës. Ata që zgjohen duke u strukur në shtrat si mace, priren të jenë më të stresuar dhe të përgjumu gjatë ditës.
E-maili nuk duhet të jetë asnjëherë gjëja e parë që shihni
Hapja e e-mailit menjëherë sapo zgjoheni mund t’iu shpërqendrojë nga gjërat e rëndësishme që duhet të bëni më tej. Përqendrohuni në veprime produktive në vend që të rrëmoni inbox-in.
Rregulloni shtratin
Edhe pse mund të duket e pabesueshme, rregullimi i shtratit është i lidhur me produktivitetin e pjesës tjetër të ditës. Përveç kësaj, ky zakon i rëndësishëm është hapi i parë për të ndihmuar zakonet e tjera të mira të marrin rrugë.
Shmangni konsumimin e kafesë
Nëse jeni nga ata njerëz që konsumojnë një filxhan kafe sapo zgjohen në mëngjes, është koha ta rishikoni këtë zakon. Mes orës 8-9 të mëngjesit, trupi ynë prodhon një sasi të madhe të hormonit të rregullimit të energjisë të quajtur kortizol. Nëse konsumon kafe përpara orës 9.30, trupi do të reduktojë prodhimin e kortizolit dhe ju do të keni më pak energjiMos u çoni në errësirë
Ora e brendshme e trupit tonë është e ndjeshme ndaj dritës dhe errësirës. Në qoftë zgjoheni në errësirë truri juaj mund të hutohet dhe të bëjë që ju të ndiheni të përgjumur. Hapni perdet, dhe në qoftë se jashtë është ende errësirë kur jeni zgjuar, ndizni një dritë.
Zakonet janë gjithçka
Sipas shkencëtarëve, vullneti juaj është i kufizuar dhe nëse e shpenzoni duke bërë gjëra të vogla e të parëndësishme duke zgjatur mëngjesin tuaj, gjatë ditës do të keni më pak energji, transmeton Shqip. Përqendrohuni të bëheni gati, krijoni një rutinë që ju lejon të lëvizni në ‘mënyrë automatike’ në mëngjes dhe ruajini rezervat e vullnetit për pjesën tjetër të ditës.
Trajneri gjerman Hansi Flick është shumë pranë vazhdimit të aventurës së tij të suksesshme me FC Barcelona, pasi klubi katalanas ka arritur tashmë një marrëveshje për zgjatjen e kontratës së tij.
E ardhmja e Flick ishte për një kohë të lidhur ngushtë me zhvillimet në kryesinë e klubit, por gjithçka u qartësua pas rizgjedhjes së Joan Laporta në postin e presidentit. Me vazhdimin e mandatit të tij, u konfirmua edhe besimi i plotë ndaj teknikut gjerman.
Në një deklaratë për RAC1, Laporta bëri të ditur se rinovimi është çështje kohe:
“Shumë shpejt do ta bëjmë zyrtare zgjatjen e kontratës me Flick. Marrëveshja do të jetë edhe për një sezon shtesë, deri në vitin 2028”.
Kontrata aktuale e trajnerit ishte e vlefshme deri në vitin 2027, por palët kanë arritur mirëkuptim të shpejtë dhe pa komplikime për vazhdimin e bashkëpunimit.
“Hansi tashmë ka rënë dakord, ai është shumë i lumtur këtu,” shtoi Laporta, duke nënvizuar harmoninë mes trajnerit dhe klubit.
Që nga marrja e drejtimit të Barcelonës në vitin 2024, Flick ka sjellë rezultate mbresëlënëse, duke fituar titullin në La Liga dhe duke shtuar edhe tre trofe të kupave vendase, duke rikthyer shkëlqimin në “Camp Nou”.
Klubi ukrainas Metalist 1925 ka konfirmuar se sulmuesi kosovar Baton Zabërgja është ftuar nga Kombëtarja e Kosovës për ndeshjen e rëndësishme ndaj Sllovakia.
Kosova do të përballet në transfertë me Sllovakinë më 26 mars, në kuadër të fazës play-off për kualifikim në Kupën e Botës 2026. Kjo ndeshje konsiderohet vendimtare për “Dardanët”, të cilët synojnë një hap të madh drejt kualifikimit historik.
Ftesat për lojtarët tashmë kanë nisur të shpërndahen, ndërsa një nga emrat e parë në listë është Zabërgja, i cili po kalon një formë të mirë me klubin e tij në Ukrainë.
Në njoftimin zyrtar, Metalist 1925 bëri të ditur:
“Sulmuesi i ‘Metalista 1925’, Baton Zabergja, është thirrur në ekipin kombëtar të Kosovës për ndeshjen e playoff-it të kualifikimeve për Kupën e Botës 2026”.
Tutje, klubi theksoi se nëse Kosova arrin të kalojë këtë fazë, më 31 mars mund të përballet me fituesin e çiftit mes Turqia dhe Rumania.
Ky zhvillim vjen si një lajm i mirë për Kombëtaren kosovare, që po përgatitet për një nga sfidat më të rëndësishme në rrugëtimin e saj ndërkombëtar.
E ftuar në emisionin “The Elite Way” në ATV, Zhaklin Lekatari ka folur hapur për vendimin e saj për të mos pasur fëmijë.
Ajo e cilësoi këtë si një zgjedhje personale, duke theksuar se nuk synon të ndikojë tek të tjerët me qëndrimin e saj.
“Ky është opinioni im, është përzgjedhje personale, pa ftuar të tjerët që të veprojnë si unë dhe e pashë që në publik nuk u prit mirë,” u shpreh Lekatari.
E pyetur nëse kjo zgjedhje mund të ndikojë në raportin me partnerin, ajo tha se ka gjetur një person që ndan të njëjtin mendim.
“Unë kam bërë zgjedhjen e partnerit të duhur jo të gabuarin, derisa unë kam vendosur kështu që kohën time t’ia dedikoj atij dhe në krahë kam një partner që ka mentalitet si timin që mendon se statusi im, vlera ime nuk varet nga mëmësia dhe kështu jemi në rregull,” shtoi ajo.
