Deputeti i PDK’së, Mërgim Lushtaku, është përplasur me deputetin e Vetëvendosjes, Adnan Rrustemi, në sallën e Kuvendit.
“Thirreni seancën, leni pallavrat. Demagogë”, u dëgjua t’i thoshte Lushtaku Rrustemit dhe deputetit tjetër, Ardian Gola.
“Kjo s’është normale”, shtoi ai.
Më pas ata u shtynë fizikisht, ndërsa ndërhynë deputetë të tjerë për të qetësuar situatën.
Deputeti i PDK’së, Përparim Gruda, është ballafaquar me deputetët e Vetëvendosjes në sallën e Kuvendit.
Ministrja në detyrë e drejtësisë, Donika Gërvalla, në pyetjen e Grudës se pse s’po e thirrin seancën konstituive, Gërvalla tha se ka edhe 30 ditë afat.
“Ne i kemi edhe 30 ditë nga dita kur mblidhet Kuvendi”, tha Gërvalla.
“Pra, deri më 7 shtator apo?”, e pyeti Gruda.
“Jo s’është deri më 7 qershor, po më 6 qershor”, iu përgjigj Gërvalla.
“Media të nderuara, ministrja e Drejtësisë po thotë deri më 6 shtator. 60 ditë për Kuvendin”, tha Gruda më pas.
“A të kam caktuar zëdhënës apo qysh. Mos fol në emër tem. Unë thashë i kemi 30 ditë që do t’i shfrytëzjmë maksimalisht me gjet një marrëveshje”, tha ajo.
Po vazhdojnë përplasjet në Kuvendin e Kosovës ku po kërkohet vazhdimi i seancës konstituive.
Deputetët e PDK-së, dhe ata nga radhët e Aleancës, e kanë gjuajtur me ujë dhe letra ministren në detyrë të Drejtësisë, Donika Gërvallën, njofton Klankosova.tv.
Më pas, kanë vazhduar edhe thirrjet e deputetëve nga këto dyja parti: “Thirreni seancën”.
Deputetët e Partisë Demokratike të Kosovës, janë përplasur me ministren në detyrë të Drejtësisë, Donika Gërvallen.
Përplasja ka ndodhur në Kuvend, aty ku janë hapur dyert për mërgimtarët.
Deputetët e PDK’së i kanë kërkuar Gërvalles që ta thërrasin seancën konstituive të Kuvendit.
Në anën tjetër, Gërvalla i ka ftuar në takim.
Gërvalla dëgjohet teksa i thotë deputetes Blerta Deliut ‘’largohu veç pak, s’ke nevojë në fytyrë’’.
Deliu i përgjigjet duke i thënë ‘’s’po të vjen marre’’.
Gjatë kësaj situate janë dëgjuar edhe thirrje ‘’UÇK’’, dhe ‘’Poshtë Jugosllavia’’.
Përplasje ka pasur mes edhe Gërvalles edhe Artan Behramit, ku janë dëgjuar fjalë si ‘’ti ke shkelë mbi gjakun e UÇK’së’’, ku ministrja ka thënë ‘’mos rrej’’.
Po vazhdon përplasja në Kuvendin e Kosovës ndërmjet deputetëve të Partisë Demokratike të Kosovës dhe disa përfaqësuesve të Lëvizjes Vetëvendosje që më pas shkuan aty.
Ndërsa Ardian Gola i LVV-së hyri në sallën kryesore të Kuvendit dhe po përplasej me deputetë të PDK-së, Ganimete Musliu e PDK-së i hodhi atij ujë.
“Super kiriminela jeni. Po e shkelni Kushtetutën”, i tha Musliu Golës pasi i hodhi ujë.
“Red Bull Arena” në Salzburg do të jetë sonte skena e duelit mes Paris Saint-Germainit dhe Aston Villës, në një përballje që hap zyrtarisht sezonin e ri evropian.
Kampionia e Evropës, PSG-ja, vjen në këtë sfidë me synimin për të shtuar një tjetër trofe në vitrinën e saj, pasi triumfoi në Ligën e Kampionëve për herë të dytë radhazi. Francezët mposhtën Arsenalin në finale pas ekzekutimit të penalltive.
Përballë tyre do të jetë Aston Villa, e cila siguroi biletën për Superkupë pas triumfit në Europa League. Anglezët dominuan finalen ndaj Freiburgut, duke fituar me rezultat 3-0.
Megjithatë, një dilemë interesante që mund të lindë gjatë ndeshjes lidhet me atë se çfarë ndodh nëse rezultati mbetet i barabartë pas 90 minutave.
UEFA ka përcaktuar se në Superkupën e Evropës nuk do të ketë vazhdime.
Nëse PSG-ja dhe Aston Villa nuk arrijnë ta ndajnë fituesin brenda kohës së rregullt, skuadra triumfuese do të përcaktohet menjëherë përmes goditjeve nga pika e bardhë.
Pra, ndryshe nga ndeshjet e fazave eliminatore të Ligës së Kampionëve apo Europa League-s, ku barazimi pas 90 minutave pasohet nga 30 minuta shtesë, në Superkupë gjithçka mund të vendoset direkt nga penalltitë.
Ky rregull ishte në fuqi edhe në edicionin e kaluar, kur PSG-ja triumfoi ndaj Tottenhamit pikërisht pas penalltive. Skuadra franceze kishte qenë në disavantazh 2-0, por arriti të rikthehej në fund të ndeshjes dhe ta barazonte rezultatin, përpara se të siguronte trofeun nga pika e bardhë.
Edhe këtë vit rregullorja mbetet e pandryshuar. Kështu, nëse 90 minutat nuk prodhojnë fitues, trofeu i Superkupës së UEFA-s do të vendoset direkt përmes penalltive.
“ Mos më prek” Arbwrie Nagavaci e VV dhe Albana Bytyqi e AAK shtyhen fizikisht në hyrje të sallës
Një përplasje e ashpër ka ndodhur mes deputetes së VV’së, Arbëria Nagavcit, dhe asaj të Aleancës, Albana Bytyqit.
Mes tyre ka pasure dhe shtyrjes, teksa dëgjohet Nagavci që i thotë Bytyqit ‘‘Mos më prek. Hjeke dorën’’, përcjell Gazeta Express.
Në situatë është përfshirë edhe deputeti i VV’së, Ardian Gola që i kërkon Bytyqit të ‘’qetësohet’’.
Inspektorati Policor i Kosovës (IPK) ka filluar një hetim preliminar sipas detyrës zyrtare bazuar në raportimet mediale dhe deklaratat publike të datës 11 gusht 2026 lidhur me pretendimet nga qytetari me inicialet N.R. për tejkalim të autorizimeve policore ndaj disa pjesëtarëve të Policisë së Kosovës.
IPK thotë se ka filluar këtë hetim paraprak me qëllim të verifikimit të pretendimeve dhe sqarimit të të gjitha fakteve dhe rrethanave relevante që lidhen me këtë rast respektivisht veprimeve policore gjatë një operacioni policor të zhvilluar në Dren të Zubin Potokut.
“Duke mos paragjykuar rezultatin e hetimit, qëllimi i kësaj faze është mbledhja dhe vlerësimi i të gjitha informacioneve dhe provave të disponueshme në përputhje me mandatin ligjor të Inspektoratit”.
“Inspektorati Policor i Kosovës do të ndërmarrë të gjitha veprimet e nevojshme hetimore dhe procedurale brenda kompetencave, përfshirë bashkëpunimin me institucionet përkatëse, sigurimin e dokumentacionit dhe informacioneve zyrtare, intervistimin e personave që mund të kenë njohuri për incidentin etj”, tha IPK.
Ky institucion tha se çdo ankesë apo informacion me lidhur me pretendimet që kanë të bëjnë me sjelljen e zyrtarëve policorë trajtohet nga IPK me seriozitetin më të lartë.
Deputeti i PDK-së, Arian Tahiri në foltoren e Kuvendit të Kosovës tha se situata aktuale politike është alarmante.
Ai tha se po krijohet situatë anarkie në vend, teksa potencoi se PDK i është drejtuar me shkresë zyrtare kryesuesit të Kuvendit, Avni Dehari për vazhdimin e seancë konstituive.
“Ne jemi bashkë me deputetë të PDK-së dhe Aleancës për të bërë punën tonë, ne mandatin na e ka dhënë populli dhe jo Kurti, andaj që me qëllimin që me mbrojtë kushtetutshmërinë, deputetët e PDK-së i janë drejtuar me shkresë zyrtare kryesuesit të seancës z.Dehari në mënyrë që të vazhdohet në Kuvend seanca dhe të funksionalizohet institucioni më i lartë i vendit. Përkundër kërkesës sonë nuk është thirrë vazhdimi i seancës andaj kemi ardhur këtu ku e kemi mandatin. Tash është kriju si shembull që realisht nëse ‘organizata baliteske’ nuk e respekton Kushtetutën atëherë pse një biznes privat atje duhet me pagu tatimin, ky po e shkel Kushtetutën, pse ai mos me shkel ligjin? Pra është më shumë se alarmante më shumë se shqetësuese”, tha ai.
Sekretarja e Partisë Demokratike të Kosovës, deputetja Vlora Çitaku tha se futja në sallën kryesore të Kuvendit “nuk është aksion”.
“Ne jemi në vendin tonë të punës – aty ku na ka sjellur qytetari i Republikës së Kosovës me votë. Ne na obligon Kushtetuta, ligjet, rregullorja e punës së Kuvendit që të jemi këtu çdo 48 orë deri në konstituimin e Kuvendit të Republikës së Kosovës”, tha ajo.
Çitaku tha se kryesuesi i seancës konstituive, Avni Dehari “nuk ka mandat të negociatorit, as të bëjë marrëveshje politike”.
“Ai thjesht e ka për obligim që ta thërrasë seancën konstituive dhe ne këtu ta zgjedhim kryetarin dhe Kryesinë e re”, tha ajo.
Çitaku tha “fatkeqësisht, kemi suspendim të Kushtetutës, kemi suspendim të ligjit dhe kemi suspendim të demokracisë”.
Kjo që po ndodh tani në Kosovë, Çitaku tha se “është krizë politike, është krizë morale që vjen si rezultat i mosgatishmërisë i Lëvizjes Vetëvendosje për ta konstituuar Kuvendin dhe për të ecur përpara”.