ATV

Blog

  • Para Kuvendit të Republikës së Kosovës – Fillon protesta e OVL-UÇK kundër ekspozitës me pasaktësi për masakrat

    Para Kuvendit të Republikës së Kosovës – Fillon protesta e OVL-UÇK kundër ekspozitës me pasaktësi për masakrat

    Para Kuvendit të Republikës së Kosovës, ka nisur protesta e thirrur nga OVL-UÇK kundër ekspozitës me pasaktësi “Masakrat në Kosovë 1998–1999” e vendosur dy ditë më parë në qendër të Prishtinës.

    Kjo organizatë e kanë cilësuar atë ekspozitë si shtrembërim të së vërtetës për Luftën Çlirimtare.

    Për të protestuar janë mbledhur qindra qytetarë para këtij institucioni.

    Ekspozita e cila mori kritika të shumta për pasaktësitë e detajeve të masakrave që kanë ndodhur gjatë luftës së fundit në Kosovë, u përcjell edhe me reagimin e OVL-UÇK.

    Kryetari i OVL-UÇK, Hysni Gucati në konferencë për media të dielën, tha se kjo ekspozitë ishte fyerje për këtë organizatë dhe jo vetëm.

  • Veteranët tentojnë të hyjnë me forcë në hyrje të Kuvendit

    Veteranët tentojnë të hyjnë me forcë në hyrje të Kuvendit

    Veteranët e luftës së UÇK-së, kanë tentuar të hyjnë me forcë në hyrje të Kuvendit, nga ana e deputetëve.

    Aty shihen edhe zyrtarë policor të cilët mundohen t’i ndalojnë protestuesit.

    Protesta e OCL- UÇK-së, është thirr kundër ekspozitës që u vendos në sheshet e Prishtinës, e cila pasqyroi pasaktësi për masakrat e Kosovës./Ekonomia Online

  • Milot Rashica: “Kjo është ndeshja më e rëndësishme e karrierës sime dhe e Kombëtares së Kosovës”

    Milot Rashica: “Kjo është ndeshja më e rëndësishme e karrierës sime dhe e Kombëtares së Kosovës”

    Ylli i Besiktas dhe i Kombëtares së Kosovës, Milot Rashica, ka folur për median turke SÖZCÜ në prag të ndeshjes vendimtare të playoff-it, duke e cilësuar atë si momentin më të rëndësishëm të karrierës së tij dhe të ekipit kombëtar.

     

    Ai pranoi se kundërshtari konsiderohet favorit, por theksoi se besimi dhe motivimi i Kosovës mbeten të larta.

     

    “Kjo është ndeshja më e rëndësishme për Kombëtaren tonë dhe për karrierat tona. Jemi vetëm një hap larg nga të bërit histori”, u shpreh fillimisht Rashica.

     

    Sipas tij, përvoja dhe cilësia individuale e kundërshtarit e bëjnë atë favorit në letër, por kjo nuk e zbeh aspak ambicien e Kosovës.

     

    “Pavarësisht kësaj, ne jemi të uritur për sukses dhe krenarë që përfaqësojmë vendin tonë. Besojmë në cilësinë tonë dhe në mundësinë për të shkruar histori”, tha Rashica.

     

    Ai nënvizoi se arma më e fortë e ekipit është fryma e grupit dhe uniteti.

     

    “Forca jonë më e madhe është puna në ekip. Nuk ndiejmë presion, përkundrazi, po e shijojmë këtë rrugëtim dhe momentin që po jetojmë”, tha ai.

     

    Duke qenë prej vitesh pjesë e futbollit turk, Rashica e cilësoi sfidën edhe si emocionale në aspekt personal.

     

    “Turqia është një vend që e dua dhe ku ndihem si në shtëpi. Por kjo është një ndeshje futbolli dhe unë jam gati të jap gjithçka për vendin tim”, u shpreh ai.

     

    Në fund, ai theksoi se pavarësisht krenarisë për arritjet deri tani, objektivi kryesor mbetet ende për t’u realizuar.

  • Enzo Fernandez:Preferoj të jetojë në Madrid-Transferimi tek Real Madrid i mundshëm

    Mesfushori i Chelsea-it Enzo Fernandez ka bërë një deklaratë e cila ka tërhequr vëmendjen e shumë mediave,duke e lidhur me një transferim të mundshëm tek klubi mbretëror spanjoll Real Madrid.

    Argjentinasi ka thënë se dëshiron që një ditë të jetojë në Madrid,dhe sipas tij metropoli spanjoll i kujtoj atij Buenos Airesin.

    Përndryshe Fernandez u pyet se në cilën skuadër nga Madridi mund të transferohet,por mesfushori vendosi që të mos përgjigjet duke lënë spekulime rreth të ardhmes së tij tek gjiganti londinez.

    Kujtojmë që Enzo Fernandez në këtë sezon me Chelsea-in ka bërë 44 ndeshje,duke arritur të realizoj 11 gola e bëri 5 asistime në të gjitha garat teksa ka kontratë me “Blutë e Londrës”deri në vitin 2032 dhe vlera e tij në tregun e transferimeve arrin deri 90 milionë euro.

  • Çfarë të bëni kur jeni me ftohje

    Çfarë të bëni kur jeni me ftohje

    Ftohja është një nga sëmundjet më të zakonshme, e cila shoqërohet me simptoma si lodhje, kollë, rrjedhje hundësh dhe humbje të oreksit.

    Gjatë kësaj gjendjeje, ushqimi luan një rol shumë të rëndësishëm në forcimin e sistemit imunitar dhe në lehtësimin e simptomave.

    Zgjedhja e ushqimeve të duhura mund të ndihmojë trupin të luftojë infeksionin dhe të përshpejtojë shërimin.

    Më poshtë janë disa ushqime të cilat rekomandohen të konsumohen gjatë ftohjes.

    Bananet

    Bananet janë të lehta për sistemin tretës dhe shpesh mbeten ndër ushqimet e pakta që ju duken tërheqëse kur humbni oreksin për shkak të sëmundjes. Ato përmbajnë fruktane, që janë sheqerna me veti antivirale dhe që mund të ndihmojnë në forcimin e imunitetit.

    Manaferrat (frutat e pyllit)

    Nëse jeni me ftohje, provoni të hani manaferra si boronicat dhe mjedrat. Këto fruta janë të pasura me antioksidantë, si dhe kanë veti anti-inflamatore dhe antivirale.

    Karotat

    Karotat mund të shtohen në supa për shije, por gjithashtu ndihmojnë imunitetin falë përmbajtjes së beta-karotenit (një formë e vitaminës A).

    Çaji i kamomilit

    Një filxhan i ngrohtë çaji kamomili mund të ndihmojë në përmirësimin e gjumit, duke ju bërë të ndiheni më mirë më shpejt. Kamomili është i pasur me antioksidantë dhe përmban flavonoide me veti anti-inflamatore.

    Qershitë

    Qershitë, si ato të tharta ashtu edhe të ëmbla, janë të pasura me antioksidantë për shkak të përmbajtjes së lartë të vitaminës C.

    Edhe pse vitamina C nuk parandalon ftohjen, ajo mund të ndihmojë në lehtësimin e simptomave. Qershitë përmbajnë gjithashtu melatoninë, e cila ndihmon gjumin—shumë i rëndësishëm për rikuperim.

    Frutat agrume

    Frutat si portokalli, limoni dhe limoni jeshil përmbajnë vitaminë C dhe folate, që mbështesin funksionin e sistemit imunitar.

    Përveç lëngut të portokallit, mund të shtoni limon në ujë ose të konsumoni direkt këto fruta.

    Hudhra

    Hudhra është përdorur prej kohësh për të luftuar infeksionet dhe për të forcuar organizmin. Ajo përmban fruktane, të ngjashme me ato të bananeve. Megjithatë, nevojiten më shumë studime për efektin e saj në ftohje.

    Xhenxhefili

    Xhenxhefili ndihmon kryesisht në lehtësimin e të përzierave, por gjithashtu ka veti anti-inflamatore që mund të ndihmojnë në luftimin e infeksioneve të rrugëve të frymëmarrjes.

    Mjalti i papërpunuar

    Mjalti ka veti antibakteriale dhe anti-inflamatore, dhe mund të ndihmojë në qetësimin e kollës, sidomos tek fëmijët.

    Megjithatë, nuk duhet t’u jepet fëmijëve nën 1 vjeç, pasi mund të shkaktojë botulizëm.

    Spinaqi

    Spinaqi është i pasur me vitamina si C dhe E, të cilat ndihmojnë në forcimin e sistemit imunitar.

    Supa

    Një tas me supë të ngrohtë nuk e shëron ftohjen, por ndihmon në lehtësimin e simptomave. Avulli i saj ndihmon në lirimin e rrugëve të frymëmarrjes dhe në zbutjen e bllokimit të hundës. Gjithashtu, supa ndihmon në hidratim.

    Nëse jeni vegjetarian ose vegan, mund të zgjidhni supë me qiqra ose supa të tjera me bazë bimore. Nëse konsumoni produkte shtazore, supa me pulë është një zgjedhje shumë e mirë.

  • Kuvendi mblidhet të enjten, këto janë pikat e rendit të ditës

    Kuvendi mblidhet të enjten, këto janë pikat e rendit të ditës

    Kryesia e Kuvendit ka caktuar seancë për ditën e enjte.

    Të enjten Kuvendi u rikthehet punimeve pas pezullimit të masës së përkohshme të cilën e pati caktuar Gjykata Kushtetueses.

    Anëtarët e Kryesisë së Kuvendit kanë miratuar rendin e ditës për seancën e së enjtes.

    Rendi i ditës i miratuar:

    1. Miratimi i procesverbaleve nga seancat e mëparshme,

    2. Deklarimet jashtë rendit të ditës,

    3. Pyetjet parlamentare,

    4. Shqyrtimi i Projektligjit nr.10/L-008 për Ratifikimin e Marrëveshjes për qasje në Arsimin e Lartë dhe pranim për studime në Ballkanin Perëndimor,

    5. Shqyrtimi i Projektligjit nr.10/L-009 për Ratifikimin e Amendamentit “nr.3 të Marrëveshjes Financiare ndërmjet Republikës së Kosovës dhe Bashkimit Evropian, për Programin IPA 2018“,

    6. Shqyrtimi i Projektligjit nr.10/L-010 për Ratifikimin e “Amendamentit nr. 2 të Marrëveshjes Financiare ndërmjet Republikës së Kosovës dhe Bashkimit Evropian, për Programin IPA 2017“,

    7. Shqyrtimi i Projektligjit nr.10/L-011 për ratifikimin e Marrëveshjes së Kredisë mes Republikës së Kosovës dhe Bankës Evropiane për Investime për Projektin Energjia Diellore Fotovoltaike në KEK – Porta Globale,

    8. Shqyrtimi i Projektligjit nr.10/L-012 për ratifikimin e Marrëveshjes së Kredisë ndërmjet Republikës së Kosovës, e Përfaqësuar nga Ministria e Financave, Punës dhe Transfereve dhe Bankës Evropiane për Rindërtim dhe Zhvillim (BERZh) për Projektin e efiçencës së energjisë në ndërtesa publike,

    9. Shqyrtimi i Projektligjit nr.10/L-013 për ratifikimin e Marrëveshjes së Kredisë “ Projekti i Rrugës me Shpejtësi të Lartë Prishtinë – Mitrovicë” (Kredi shtesë) ndërmjet Fondit Saudit për Zhvillim dhe Republikës së Kosovës,

    10. Shqyrtimi i Projektligjit nr.10/L-014 për ratifikimin e Marrëveshjes së Kredisë ndërmjet Republikës së Kosovës dhe Bankës Evropiane për Rindërtim dhe Zhvillim për Projektin “Impianti për Trajtimin e Ujërave të Zeza në Podujevë”,

    11. Formimi i Komisionit Ad-Hoc për përzgjedhjen e kandidatëve për një (1) anëtar të Komisionit të Pavarura të Mediave,

    12. Formimi i Komisionit Ad-Hoc për përzgjedhjen e kandidatëve për tre (3) anëtarë nga radhët e komunitetit shqiptar dhe për dy (2) anëtarë jo shumicë në Komisionin e Pavarura të Mediave,

    13. Formimi i Komisionit Ad-Hoc për përzgjedhjen e kandidatëve për gjashtë (6) anëtarë nga komuniteti shqiptar, një (1) anëtar nga komuniteti serb dhe një (1) antar nga komunitetet jo shumicë në Bordin e Radiotelevizionit të Kosovës,

    14. Propozimi i GP të Listës Serbe për emërimin e deputetit Branislav Nikoliq në komisione parlamentare.

    3. Shqyrtimi i propozimeve dhe i kërkesave

  • Irani hedh poshtë propozimin e Trump për përfundimin e luftës në Lindjen e mesme

    Irani hedh poshtë propozimin e Trump për përfundimin e luftës në Lindjen e mesme

    Teherani thotë se “nuk kemi pasur asnjë kontakt të drejtpërdrejtë me SHBA” dhe se “flitet për kërkesa të tepërta dhe të paarsyeshme.

    Zëdhënësi i Ministrisë së Jashtme iraniane, Esmail Baghaei, tha të hënën se Teherani “nuk ka zhvilluar asnjë negociatë të drejtpërdrejtë me Shtetet e Bashkuara deri më tani”.

    “Ajo që është diskutuar janë mesazhe që kemi marrë përmes ndërmjetësve, sipas të cilave Shtetet e Bashkuara duan të negociojnë”, tha Baghaei në deklaratat e transmetuara nga agjencia gjysmëzyrtare e lajmeve Tasnim.

    “Pyes veten se sa njerëz në Amerikë i marrin seriozisht pretendimet e diplomacisë amerikane! Detyra jonë është e qartë, ndryshe nga pala tjetër, e cila vazhdon të ndryshojë qëndrimin e saj”, shtoi ai.

    Ministri theksoi se Irani e ka të qartë qëndrimin e tij në këtë situatë konflikti.

    “Irani ka qenë i qartë në lidhje me qëndrimin e tij që nga fillimi dhe ne e dimë shumë mirë se cili është kuadri që po shqyrtojmë. Materiali që na u transferua përfshinte kërkesa të tepërta dhe të paarsyeshme”, tha Baghaei.

    Dhe në fund vuri në dukje negociatat nëpërmjet Pakistanit, i cili ka shprehur interesin e ndërmjetësuesit për t’i dhënë fund luftës.

    “Takimet që po zhvillon Pakistani janë një kuadër që ata vetë e vendosën dhe në të cilin ne nuk morëm pjesë. “Është pozitive që vendet në rajon janë të interesuara të përfundojnë luftën, por ato duhet të jenë të kujdesshme se cila palë e filloi luftën”, tha ai.

  • Spanja i thotë ‘Jo’ SHBA-së: Hapësira ajrore e mbyllur për luftën ndaj Iranit

    Spanja i thotë ‘Jo’ SHBA-së: Hapësira ajrore e mbyllur për luftën ndaj Iranit

    Spanja ka mbyllur hapësirën e saj ajrore për avionët amerikanë të përfshirë në sulmet ndaj Iranit, tha të hënën ministrja e Mbrojtjes, Margarita Robles.

    “Ne nuk autorizojmë përdorimin e bazave ushtarake apo të hapësirës ajrore për veprime që lidhen me luftën në Iran,” tha ajo për gazetarët në Madrid. Ky vendim detyron avionët ushtarakë të shmangin Spanjën, një anëtare e NATO-s, gjatë udhëtimit drejt Lindjes së Mesme, por nuk përfshin situata emergjente, raportoi El País.

    Ministri i Ekonomisë, Carlos Cuerpo, tha se ky vendim pasqyron qëndrimin e qeverisë spanjolle për të mos marrë pjesë në një luftë që, sipas tyre, është nisur në mënyrë të njëanshme dhe kundër së drejtës ndërkombëtare.

    Kryeministri spanjoll, Pedro Sánchez, ka qenë një prej kritikëve më të ashpër të sulmeve amerikane dhe izraelite ndaj Iranit, duke i cilësuar ato të pakujdesshme dhe të paligjshme. Ndërkaq, Presidenti amerikan Donald Trump ka kërcënuar të ndërpresë tregtinë me Madridin për refuzimin e përdorimit të bazave spanjolle, raporton Reuters.

  • Elsa Lila bën deklaratën e fortë: “Jam maskiliste, djemtë janë më shumë për njëri-tjetrin se vajzat”

    Elsa Lila bën deklaratën e fortë: “Jam maskiliste, djemtë janë më shumë për njëri-tjetrin se vajzat”

    Këngëtarja e njohur shqiptare Elsa Lila ka ngjallur reagime me deklaratat e saj të fundit në një intervistë, ku foli hapur për raportet mes gjinive dhe qëndrimin e saj personal.

    Ajo u shpreh se nuk e sheh veten si feministe, madje duke e cilësuar veten si “maskiliste”. Sipas saj, meshkujt tregojnë më shumë solidaritet dhe mbështetje ndaj njëri-tjetrit krahasuar me vajzat.

    “Djemtë janë shumë më për njëri-tjetrin sesa vajzat”, u shpreh këngëtarja, duke shtuar se shpeshherë mungon uniteti dhe përkrahja mes grave.

    Deklarata e saj ka hapur debat në rrjetet sociale, ku shumë përdorues kanë reaguar pro dhe kundër këtij qëndrimi, duke e cilësuar si një mendim të guximshëm, por edhe të diskutueshëm.

    Intervista e Elsa Lilës vjen në një kohë kur temat mbi barazinë gjinore dhe raportet mes grave dhe burrave janë gjithnjë e më të pranishme në diskursin publik.

  • FSK-ja drejt misionit në Gazë, Maqedonci e quan vendimin historik për Kosovën

    FSK-ja drejt misionit në Gazë, Maqedonci e quan vendimin historik për Kosovën

    Sot, në mbledhjen e shtatë të Qeverisë së Republikës së Kosovës u miratua propozim – vendimi për dërgimin e kontingjentit të Forcës së Sigurisë së Kosovës në kuadër të Forcës Stabilizuese Ndërkombëtare për Gazën.

    Nëpërmjet këtij propozim – vendimi, Republika e Kosovës po merr rol aktiv në sigurinë ndërkombëtare dhe po dëshmon gatishmëri për ta ruajtur stabilitetin rajonal.Në vijim gjeni postimin e plotë të ministrit të Mbrojtjes, Ejup Maqedonci:

    “Sot, në mbledhjen e Qeverisë, miratuam propozim-vendimin për dërgimin e kontingjentit të Forcës së Sigurisë së Kosovës, si pjesë e Forcës Stabilizuese Ndërkombëtare për Gazën.