ATV

Category: TOP ATV

  • Jezerci, fshati që është bërë atraksion edhe për turistë!

    Jezerci, fshati që është bërë atraksion edhe për turistë!

    Emisioni veror “n’mal A n’det” ka filluar transmetimin në ATV. Ky emision, i cili vjen në një format më ndryshe, drejtohet nga yjet e ATV-së, Roberti, Emira dhe Jeta, jepet çdo ditë nga e hëna deri të premten prej orës 21:10.

    Një ndër rubrikat që do ta përcjellin këtë emision është edhe rubrika “Ku me shku n’mal”, në të cilën do të shfaqen reportazhe nga vende të ndryshme malore në Kosovë.
    Dje në emisioni veror “n’mal A n’det” u shfaq një reportazh nga fshati Jezerc të komunës së Ferizajt, një vend malor, i cili tashmë është kthyer në një ndër fshatrat turistik në Kosovë.

    Më pak se 20 kilometra larg qytetit të Ferizajt, me lartësi mbidetare 1200, ndodhet fshati Jezerc, i cili ka një pamje përrallore. Për shkak të pozitës dhe pamjeve të tij të bukura, është një ndër fshatrat më turistike në të gjitha stinët e vitit.

    Fshati Jezerc, ku sytë u pushojnë nga qetësia dhe bukuria, një pejsazh që ka bërë për vete edhe turistë të shumtë, sidomos gjatë fundjavave dhe festave të ndryshme. Kjo e ka bërë që edhe vendasit t’i kushtojnë rëndësi zhvillimit të turizmit. Këtë e thotë edhe kryetari i fshatit, Nezim Baliu.

    “Jezerci ka qenë ndryshe, sot është ndryshe. Në Jezerc është jetu, kanë banu njerëzit. Vetëm në 98-shin në fillim të luftës kanë qenë 122 shtëpi. Ka pasur nxënës shumë, blegtoria është zhvilluar më shumë, jeta është bërë ndoshta në kushte shumë më të vështira, por ka qenë një kënaqësi. Kurse sot ka ndryshuar 360 shkallë, do të thotë ka kalu në turizëm. Por, bukuritë e këtyre pjesëve, këto e kanë bërë për me e zhvillu turizmin. Mirëpo, për me qenë edhe më mirë edhe me u zhvillu turizmi, është në pyetje infrastruktura. Në Jezerc është bërë pak, por duhet edhe shumë më shumë për me u ba taman qysh duhet. Kjo neve na ndihmon vetëm për me i shit pronat, iu ka hipë vlera e tokës këtu, se për gjëra tjera jo. Pak shtëpi që kemi mbetë, këtu jeta është në krahasim me të kaluarën shumë më e mirë, mirëpo numri i banorëve ka rënë, shkolla është në mbyllje e sipër, do me thanë nuk ka mbetë me jetu as për neve”, tha Baliu. /atvlive.tv

    Emisionin e plotë “n’mal A n’det” e gjeni në videon më poshtë:

  • Qytetarët ‘zihen ngushtë’ kur pyeten se çfarë kuptimi ka fjala ‘kili-mili’, shikoni reagimin e tyre

    Qytetarët ‘zihen ngushtë’ kur pyeten se çfarë kuptimi ka fjala ‘kili-mili’, shikoni reagimin e tyre

    Emisioni veror “n’mal A n’det” ka filluar transmetimin në ATV. Ky emision, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.

    Një ndër rubrikat që do ta përcjellin këtë emision është edhe rubrika “Shqipnisht”, përmes së cilës do të keni mundësinë të mësoni fjalë dhe shprehje të ndryshme që përdoren në regjione të ndryshme në Kosovë.

    Pyetja për qytetarët gjatë ditës së djeshme ishte se si e kuptojnë qytetarët shprehjen “kili-mili”, e cila ka një përdorim të gjerë në pothuajse tërë territorin e Kosovës.

    Të gjithë qytetarët e intervistuar thanë se e kanë dëgjuar këtë shprehje, mirëpo kuptimi i saj nuk ishte i njëjtë për të gjithë. /atvlive.tv

    Në videon më poshtë mund t’i shikoni përgjigjet e qytetarëve se si e kuptojnë shprehjen “kili-mili”.

  • Mërgimtarët në mes të aeroportit i përgjigjen pyetjes së famshme “A ma mirë këtu a atje”

    Mërgimtarët në mes të aeroportit i përgjigjen pyetjes së famshme “A ma mirë këtu a atje”

    Tashmë është koha kur mërgimtarët vijnë për pushime në Kosovë. Zakonisht në këtë periudhë, pyetja më e shpeshtë që iu bëhet atyre është se sa do të qëndrojnë këtu dhe se ku iu pëlqen më shumë atyre që të qëndrojnë.

    Me ardhjen e disa mërgimtarëve në aeroportin “Adem Jashari”, gazetarja e ATV-së, iu parashtrojë atyre pyetjen e famshme ” A ma mirë këtu a atje”.

    “Në vend tonë normal që ma mirë, por çka me bo. Po na merr mall boll por s’po kemi çka me bo, përafërsisht qe 25 vite atje jemi, nuk vi shpesh se tash që më ka vdek burri, po vi veç një herë në vit”, u përgjigj një mërgimtare.

    “Erdha prej Stuttgarti, në bazë të disa kushteve më mirë atje edhe kur t’i krahasoj çmimet e këtuhit me të atjehit, tash e pash një RedBull 2.50 euro, ndërsa atje kushton 1.19 euro. Çmimet këtu janë katastrofë”, tha një burrë.

    “Vijmë në Kosovë dy deri në tre herë në vit por po them se edhe këtu edhe atje mirë, në dyat”, u përgjigj një mërgimtare.

    Për ndjekur përgjigjet e disa prej mërgimtarëve, kliko në videon e mëposhtme:

  • Mërgimtari ‘shokohet’ me çmimet në Kosovë, thotë se një RedBull në Gjermani kushton 1,19euro e n’Kosovë 2.50euro

    Mërgimtari ‘shokohet’ me çmimet në Kosovë, thotë se një RedBull në Gjermani kushton 1,19euro e n’Kosovë 2.50euro

    Mërgimtarë të shumtë kanë zgjedhur rrugën ajrore për të ardhur në Kosovë që t’i kaloj ë pushimet.

    Në aeroportin “Adem Jashari” kanë ateruar mërgimtarë të shumë, të cilët vijnë në vendlindje me zemrën plotë për t’i kaluar pushimet e tyre.

    Ekipi i ATV-së ishte në aeroport për të parë atmosferën e krijuar në aeroport me rastin e ardhjes së shumë mërgimtarëve.

    Një mërgimar u shpreh mjaft i mllefosur me çmimet e shtrenjta në Kosovë.

    Ai në një bisedë për ATV-në, tha se çmimet në Kosovë janë më të larta se në Gjermani.

    “Kur t’i krahasoj çmimet e këtuhit me të atjehit, tash e pash një RedBull 2.50 euro. Atje kushton 1.19 euro. Çmimet këtu janë katastrofë”, thotë ky mërgimtar. /atvlive.tv

    Emisionin e plotë “n’mal A n’det” e gjeni në videon më poshtë:

  • “Shpeshherë, gjatë namazit më kanë rrjedhë edhe lotët”, Babai i Bleros tregon emocionet që kishte përjetuar gjatë haxhit në Mekë

    “Shpeshherë, gjatë namazit më kanë rrjedhë edhe lotët”, Babai i Bleros tregon emocionet që kishte përjetuar gjatë haxhit në Mekë

    Bajram Muharremi, babai i këngëtarit Blerim Muharremi që njihet si Blero, këtë vit ka kryer haxhin, që është një nga pesë shtyllat e Islamit.

    Ai, në një lidhje të drejtpërdrejt në emisionin n’Frekuencë me Robin në ATV, ndau me shikuesit përjetimet e tij në vendin e shenjtë të Mekës si dhe qytetin e profetit Muhamed, Medinën.

    Bajrami tha se vizita e tij në Mekë, për të ishte një ndjenjë tepër e veçantë, ku i kishte ndodhur shpeshherë që gjatë namazit t’i rridhnin edhe lotët.

    “Unë do të jem shumë i sinqertë, vizitën time aty që ma mundësoi Zoti i Madhërueshëm të bëj aty, në Mekë, në harem ata e quajnë, shpeshherë ka ndodhur që gjatë namazit më kanë rrjedhë edhe lotët. Ishte e pamundur që të mundesh me përballu për pa të shku lotët”, rrëfeu Bajrami.

    Ai tha se kjo ishte vizita më e bukur në jetën e tij dhe shpreson se nuk do të jetë e fundit.

    “Ishte një ndjenjë e veçantë, ishte një kënaqësi e veçantë. Për mua ka qenë kjo vizita më e bukur në jetën time të cilën e kam bërë dhe do të jetë, ishalla nuk do të jetë hera e fundit që e vizitoj atë vend. Temperaturat kanë qenë jashtëzakonisht të larta”, u shpreh Bajrami.

    Gjatë vizitës së tij në Medine, ndjenjë e veçantë për të ishte edhe falja e namazit te varri i profetit Muhamed.

    “Pos Mekës, në Medine është xhamia e profetit Muhamed, e cila i zë një milion njerëz të falen brenda, po ashtu edhe përjashtë. Ka pasur raste që brenda ka qenë shumë vështirë të gjejmë një vend që të falemi. Vizita e vorrit, apo në xhami të profetit Muhamed ku e kem bërë, falë hoxhës nga Mitrovica Fuad Ferati, Asllan Fazliu edhe Kastriot Behrami, të cilët na mundësuan, ne katër kemi hyrë aty dhe jemi falë. Muhamedi e quan atë, “është bahqja e Xhenetit”. Aty i kemi falë katër reqate edhe lutje që i kemi bë aty. Ishte një ndjenjë e veçantë, aty brenda kur hyn, i ke prej kur profeti Muhamed ku e ka mbajtë namzin e vet, në atë xhami aty, 30 metra prej aty e ka pasur shtëpinë e vet, edhe ai e quan “ky është kopshti i Xhenetit”. Janë ndjenja shumë të veçanta, është kënaqësi shumë e madhe, je krejt në tjetër botë. Tu duket vetja që je i lidhur drejtpërsëdrejti dhe gjithmonë duhet me kanë ashtu, po me Zotin”, ka rrëfyer Bajram Muharremi. /atvlive.tv

  • “Nuk po kam çka me bo, po duhet me dal me shitë shampona” – Edhe pse në karrocë qytetari nga Kaçaniku nuk heqë dorë nga puna

    “Nuk po kam çka me bo, po duhet me dal me shitë shampona” – Edhe pse në karrocë qytetari nga Kaçaniku nuk heqë dorë nga puna

    Njihet si një nga qytetarët më të respektuar të qytetit të Kacanikut, Luta Shehu 30-vjeçar çdo ditë del në qendër të qytetit dhe shet detergjent të duarve, vetëm të bëjë një punë pasi që lëvizjet e tij janë të kufizuara.

    “Prej 08:00 të mëngjesit e filloj punën por varet edhe qysh më thërrasin shoqëria, është dashtë me dalë me shitë se nuk kam çka me bo edhe po duhet me dal me shitë shampona, nuk kam shitje edhe aq shumë, shkaku I dyqaneve që janë hapur edhe tani njerëzit edhe s’kanë nevojë shumë me ble prej meje…Nuk kam asnjë vërejtje për qytetarët e Kaçanikut, më presin mirë dhe më dojnë shumë, pasi nuk jam agresiv ndaj dikujt, nuk e pres dikon me fjalë të këqij apo diçka edhe për këtë më dojnë njërzit shumë”, tha ai.

    Tutje, ai shtoi se ka vështirësi për qarkullimin e tij me karrocë nëpër qytet.

    Për më shumë ndiqni videon e mëposhtme:

  • “Vetëm për një ditë ndërruan jetë 17 persona” – Babai i Bleros tregon për vizitën e tij në Mekë

    “Vetëm për një ditë ndërruan jetë 17 persona” – Babai i Bleros tregon për vizitën e tij në Mekë

    Bajram Muharremi, babai i këngëtarit Blerim Muharremi që njihet si Blero, këtë vit ka kryer haxhin, që është një nga pesë shtyllat e Islamit.

    Ai, në një lidhje të drejtpërdrejt në emisionin n’Frekuencë me Robin në ATV, ndau me shikuesit përjetimet e tij në vendin e shenjtë të Mekës si dhe qytetin e profetit Muhamed, Medinën.

    Bajrami tregoi se gjatë qëndrimit të tij atje, nuk kishte kaluar ditë që nuk kishin falur ‘namaz të xhenazës’, që është lutja për të vdekurin sipas traditës islame.

    “Ka pasur shumë raste, asnjë namaz që e kemi falë si në Mekë, si në Medine, nuk kem mujt me falë për pa falë edhe namaz të xhenazës. Një ditë në meke kanë qenë 17 vetë të vdekur. Jo që ka ndodh aksident a diçka, po në rrethinë që i sillshin aty në periferi, i pajshim ato veturat apo kamionat e veta të vogla, i sillshin aty edhe u flake namazi i xhenazes”, tregon Bajrami.

    Ai tha se nuk e di saktë nëse të vdekurit kanë qenë haxhinj apo njerëz që i kanë sjellë nga rrethi.

    “Nuk e di a kanë qenë vizitorë apo kanë qenë të rrethit, dua të jem shumë i sinqertë, nuk e di, por ne i kemi parë që i sillshin me ato kamionat e vogël me bateria edhe familja u shkojke, ne i kemi parë, por sigurisht kanë qenë edhe të rrethit, por ka pasur edhe haxhinj nga tjerat vise që kanë vdekë, por për fat të mirë, nga Kosova nuk ka vdekë asnjë haxhi, një ka vdekë në Medine, një përfaqësues i Shqipërisë, i cili ka qenë aty, ai ka vdekë dhe është varrosë aty”, tregon Bajram Muharremi. /atvlive.tv

  • Prej 120 familjeve që jetonin dikur, në fshatin Prapashticë të Prishtinës sot jetojnë vetëm 15

    Prej 120 familjeve që jetonin dikur, në fshatin Prapashticë të Prishtinës sot jetojnë vetëm 15

    Në verilindje të Kosovës, rreth 26 kilometra larg qytetit të Prishtinës ndodhet fshati Prapashticë. Dikur këtu jetonin mbi 100 familje, por me kalimin e viteve, shtëpitë u braktisën nga banorët dhe aktualisht jetojnë vetëm 15 familje në këtë fshat.

    Shumë prej tyre u shpërngulën në qytete, ndërsa pjesa tjetër emigruan edhe jashtë vendit.

    Ajo se çfarë e bën më të veçantë këtë vend është ajri i pastër e bukuritë natyrore që e rrethojnë të gjithë fshatin Prapashticë.

    Shqetësimi më i madh i banorëve mbetet mbyllja shkollës, gjë e cila ka ndodhur prej kohësh. Kështu sipas banorëve që vazhdojnë të jetojnë në fshat, largimet ndodhën prej të gjithëve për një të ardhme më të mirë të fëmijëve.

    Banori i këtij fshati, Ismail Naimi, në një bisedë për emisionin STUDIO A të ATV-së, tregoi se Prapashtica është një fshat i njohur në Kosovë, pasi që, sipas tij, çdo luftë që nisë, nuk e lë pa e prek edhe këtë vend.

    Ai tregoi se gjatë viteve 89-99, në këtë fsha kanë jetuar 120 familje, ndërsa tani janë rreth 15 familje.

    “Këtu Prapashtica është edhe katun i njohur në Kosovë se këtu çdo luftë që kërcet në Ballkan, pa e prek edhe këtu nuk e lë. Prapashtica përpara, jemi kanë këtu të familjes 12 shtëpi, tash jemi vetëm dy shtëpi. Prapashtica i ka pasur 120 familje në vitet 98-99, tash i ka rreth 15 familje, më shumë nuk e di, nuk i kam numëruar, por nuk ka më shumë”, rrëfeu Naimi.

    Ai tregoi se në këtë fshat kanë qenë dy shkolla, ku njëra i ka pasur rreth 120 nxënës, ndërsa sivjet i ka pasur vetëm 5-6 nxënës. Kjo shkollë sipas tij, pritet të mbyllet në shtator të këtij viti.

    Ndërsa shkolla tjetër, ka që 2-3 vite që është mbyllur. /atvlive.tv

    Emisionin e plotë STUDIO A në ATV, e gjeni në videon më poshtë:

  • Në ditën e dasmës së saj në Maldive, mori pashteta me vete – kjo është historia interesante e Vesës

    Në ditën e dasmës së saj në Maldive, mori pashteta me vete – kjo është historia interesante e Vesës

    Vesa Morina-Bahtijari e ftuar në emisionin “Libero”, në ATV derisa foli për për pushimet, sidomos ato gjatë stinës së verës, të cilat janë të domosdoshme e të nevojshme për mirëqenien tonë psikologjike dhe fizike, ajo përmendi një eksperiencë të saj në Maldive.

    Vesa tregoi se për dasmë të saj ajo kishte përzgjedhur të shkonte në Maldive, ku shtoi se për këtë udhëtim, kishte marr me vete ushqim nga shtëpia.

    “Unë kam qenë goxha insistuese në raport me martesën, i kam kërkuar burrit që mos me bo as dasmë e as këto traditat në vend që janë blerja e arit etj., por i thash që po shkojmë diku në pushim dhe asokohe u bo trend me shku në Maldive, dhe kështu vendosëm. Gjetëm alternative sepse ka qenë shumë e vështirë për me realizuar dhe përveç kësaj ishte edhe pak njëfarë mungesë e informacioneve se qysh kalon e të tilla dhe po du me tregu që kom marr pashteta me vete, se s’kam ditë por jam edukua, sepse udhëtimi dhe dalja jashtë vendit është një lloj edukimi”, tha ajo.

    Për më shumë ndiqni videon e mëposhtme:

    LEXONI EDHE:

    “Askush nuk m’i ka pagu, krejt vet i kam bo”, Ana Rrustemi flet për udhëtimet e jashtëzakonshme nëpër botë

     

  • Doktori nga Zvicra zbulon efektet anësore të vaksinës së COVID-19!

    Doktori nga Zvicra zbulon efektet anësore të vaksinës së COVID-19!

    Doktori i shkencave farmaceutike, Ylber Qusaj, i ftuar në emisionin “Libero” në ATV, ka folur rreth pandemisë COVID-19, vaksinës kundër koronavirusit dhe efekteve të saj anësore.

    Ai tha se në fillim ka pasur mendime dhe teori të ndryshme rreth këtij virus, mirëpo falë vaksinës antiCOVID-19, ne tashmë jemi të lirë nga kjo sëmundje.

    “Sidomos në fillim të pandemisë ka pasur konspiracione të ndryshme, mirëpo virusi COVID-19, që e kemi pasur deri tash ka qenë një ndër virus më të rrezikshme dhe më të vështira që kemi pasur. Mirëpo tash me marrjen e vaksinës antiCOVID-19, kemi rritur imunitetin e njerëzimit në përgjithësi dhe tani jemi të lirë nga ky virus. Të gjitha ata që thonë se “ vaksina na kanë lënë me pasoja’, është më shumë një lloj miti se sa që mund të ketë pasoja. Nuk ka pasur asnjë efekt anësore të vaksinës së COVID-19, beso aq të vogla kanë qenë efektet anësore, që vetëm ka qenë mite të njerëzve që kanë dashtë mos me marr vaksinën”, tha ai.

    Për më shumë ndiqni videon e mëposhtme: