ATV

Category: SPORT

  • ​Mosha nuk është problem për Kane, synon Euro 2028

    ​Mosha nuk është problem për Kane, synon Euro 2028

    Harry Kane thotë se ai po shpreson që të jetë në top formë edhe për tetë ose nëntë vitet e ardhshme, dhe dëshiron të ndihmojë Anglinë të fitojë Kampionatin Evropian në atdheun e tij në vitin 2028.

    Top golashënuesi i Anglisë, i cili do t’i mbushë 35 vjeç gjatë kohës së Evropianit Euro 2028, tha se do të ishte një ëndërr e bërë realitet për ta fituar këtë garë, pasi që humbi finalen e vitit 2020 ndaj Italisë në “Wembley”.

    “Perceptimi në sport apo futboll është se ju arrini moshën 30 vjeçare dhe njerëzit fillojnë të mendojnë se është fundi”, tha sulmuesi i Bayern Munichut pasi Britania e Madhe dhe Irlanda u emëruan nikoqire të Euro 2028.

    “Por mënyra se si po e shikoj është se pothuajse kam gjysmën e dytë të karrierës sime tani. Kam pasur nëntë apo 10 vite në nivelin më të lartë dhe shpresoj për tetë apo nëntë vite të tjera. Me rimëkëmbjen, shkencën sportive dhe mënyrën se si loja është përshtatur, i ka lejuar lojtarët të luajnë për më gjatë”, shtoi Kane, i cili mbushi 30 vjeç në korrik.

  • “Dardanët” nisen drejt Andorrës

    “Dardanët” nisen drejt Andorrës

    Kombëtarja e Kosovës para pak çastesh është nisur drejt Andorrës, ku edhe do ta zhvillojë ndeshjen e radhës në kuadër të Kampionatit Evropian Euro 2024.

    Kosova luan si mysafire në “Nacional – Andorra la Vella” kundër Andorrës, ndeshje kjo e vlefshme për xhiron e shtatë të fazës së grupeve të kualifikimeve drejt Euro 2024, raporton KosovaPress.

    “Dardanët” zhvilluan mbrëmë stërvitjen e fundit në Kosovë, ndërsa tani udhëtojnë drejt Andorras me qëllimin për t’i siguruar pikët e plota nga ndeshja e nesërme.

  • Liverpooli ia uron ditëlindjen Shaqirit, i kujton golat ndaj United (VIDEO)

    Liverpooli ia uron ditëlindjen Shaqirit, i kujton golat ndaj United (VIDEO)

    Ylli me prejardhje nga Kosova, Xherdan Shaqiri feston sot ditëlindjen e tij të 32-të.

    Deri tani Shaqiri ka pasur një karrierë të bujshme, duke luajtur për skuadrat e njohura si Bayern Munichun, Interin e Liverpoolin, raporton KosovaPress.

    Ndërkaq, gjiganti anglez, Liverpool ka shfrytëzuar rastin që t’i urojë sot Shaqirit ditëlindjen e tij.

    “Urimet më të mira për të madhin Xherdan Shaqiri në ditëlindjen e tij”, shkroi Liverpooli në “Facebook’.

    Më pas, ish-skuadra e Shaqirit postoi edhe një video të dy golave të tij ndaj Manchester United.

    Golat i gjeni më poshtë:

  • Caktohen stadiumet e Euro 2028, Evropianin 2032 e marrin Italia dhe Turqia

    Caktohen stadiumet e Euro 2028, Evropianin 2032 e marrin Italia dhe Turqia

    Këtë të martë janë zyrtarizuar stadiumet se ku do të zhvillohen ndeshjet e EURO 2028 dhe të 2032.

    Evropiani i 2028-ës do të shkojë në Mbretërinë e Bashkuar dhe Irlandë, ndërsa katër vite më vonë do të luhet në Itali dhe Turqi.

    Stadiumet e Euro 2028 tashmë janë vendosur, me eventin që do të bashkojë Mbretërinë e Bashkuar dhe Irlandën. Këto ndeshje do të luhen në Belfast, Birmingham, Cardiff, Dublin, Glasgow, Liverpool, Londër (me dy stadiume, Wembley dhe Tottenham Hotspur), Manchester dhe Newcastle.

    Ndërsa stadiumet për Euro 2032 do të vendosen. Italia dhe Turqia do të kenë kohë deri në tetor 2026 për të përcaktuar listën e objekteve të tyre.

    Për momentin, janë njëzet stadiume në garë, dhjetë secila. Për sa i përket Italisë ato janë: Milano, Torino, Firence, Genova, Verona, Bolonja, Roma, Napoli, Bari dhe Cagliari. Konfirmimet e Milanit, Romës dhe Torinos janë pothuajse të sigurta, dy impiantet e tjera duhet të jenë Napoli dhe Firence, por ende nuk është marrë një vendim përfundimtar në këtë kuptim.

  • ​Pezullohet ndeshja e Trepçës në Izrael

    ​Pezullohet ndeshja e Trepçës në Izrael

    FIBA Evropa ka njoftuar se të gjitha ndeshjet e skuadrave izraelite në garat evropiane janë pezulluar për momentin, për shkak të situatës në Izrael.

    Kështu është pezulluar për momentin edhe sfida Hapoel Galil Elion-Trepça, e planifikuar të zhvillohej më 18 tetor.

    Përballja e parë dhe historike për klubin mitrovicas do të jetë kundër ZZ Leiden nga Holanda më 25 tetor në “Minatori”.

    Kjo është hera e parë që ‘Xehetarët’ janë pjesëmarrës të grupeve në FIBA Europe Cup. Në grupe do të luajë edhe kampionia e Kosovës, Peja.

  • “Atë kurrë s’duhet me e ftu, hiç”- Prepolli i ashpër me lojtarin e Malishevës që refuzoi të luajë për Kosovën U21

    “Atë kurrë s’duhet me e ftu, hiç”- Prepolli i ashpër me lojtarin e Malishevës që refuzoi të luajë për Kosovën U21

    Analisti i futbollit, Arsim Prepolli, në emisionin EKIPI A në ATV, duke komentuar refuzimin që i ka bërë futbollisti i Malishevës, Drilon Hazrollaj, kombëtares së Kosovës U21, tha se këtë të fundit “kurrë nuk duhet me e ftu në kombëtare”.

    “Duhet me qenë shumë korrekt. Qysh mundesh me i kërku selektorit ‘po vi në kombëtare për me luajt. Është e palogjikshme, e pa kuptueshme, e pa diskutueshme”, tha Prepolli. /atvlive.tv

    Emisionin e plotë e gjeni në videon më poshtë:

  • Lumi: Dënimi me gjobë nga UEFA do të ishte gjëja më e vogël për ne, nëse do shfaqnim banerë politik kundër Izraelit

    Lumi: Dënimi me gjobë nga UEFA do të ishte gjëja më e vogël për ne, nëse do shfaqnim banerë politik kundër Izraelit

    Gazetari dhe analisti i sportit, Alban Lumi, në emisionin EKIPI A në ATV, tha se në rast se do të shfaqej ndonjë baner politik kundër Izraelit nga tifozët tanë, dënimi me gjobë nga UEFA do të ishte gjëja me e vogël, pasi që sipas tij, do të pësonim shumë si shoqëri.

    “Në këtë rast, dënimi ndoshta do të jetë gjëja më e vogël që ne do të pësojmë një dënim në gjobë për Federatën tonë, por do të pësojmë shumë si shoqëri, pasi që ne duhet që të qëndrojmë indiferent dhe duhet ta dënojmë çfarëdo dhune që vjen nga çdo kush. Ne e dimë vet, që jemi të asaj moshe që kemi përjetu dhunë këtu nga dikush tjetër, nga ajo Serbi që vazhdimisht proklamon banera të tillë”, tha Lumi.

    Ai besoj se një gjë e tillë nuk do të ndodh në stadiumin “Fadil Vokrri”, për shkak se në njërën anë, Dardanët janë grupi i tifozëve që e kanë përkrahur Kosovën në mënyrën më dinjitoze, dhe në anën tjetër policia dhe shërbimet inteligjente nuk do ta lejojnë një gjë të tillë.

    “Po mënoj që rreziqet më të mëdha në këso raste vijnë prej grupeve të organizume dhe grupi me i organizuar i tifozëve të Kombëtares tonë janë Dardanët. Ata vazhdimisht shprehur përkrahjen e tyre për Kosovën në mënyre dinjitoze dhe asnjëherë nuk kanë marrë qoftë edhe vërejtjen më të vogël nga UEFA apo persona përgjegjëse për këtë punë. Mendoj se në këtë pikë jemi mirë. Gjithashtu edhe policia e Kosovës dhe shërbimet tona inteligjente janë në nivel, së paku nga këndi i ynë sa i kemi parë kanë qenë në nivel të tyre dhe nuk besoj se do të lejonin të ndodh një gjë e tillë në stadiumin “Fadil Vokrri”, por gjithsesi ndeshja është e një rreziku të lartë dhe nuk besoj se do të zhvillohet”, theksoi Lumi. /atvlive.tv

  • Shala: Kosova e përgatitur për të ofruar sigurinë e nevojshme në ndeshjen me Izraelin, tani mbetet që UEFA ta caktojë terminin

    Shala: Kosova e përgatitur për të ofruar sigurinë e nevojshme në ndeshjen me Izraelin, tani mbetet që UEFA ta caktojë terminin

    Eksperti i Sigurisë, Drizan Shala, në një lidhje të drejtpërdrejt në emisionin EKIPI A në ATV, tha se Institucionet e Kosovës janë të përgatitura që të ofrojnë sigurinë e nevojshme për ndeshjen mes Kosovës dhe Izraelit.

    Ai tha se tani mbetet që UEFA ta japë dritën jeshile se kur do të luhet ndeshja, dhe kjo për shkak të situatës në Izrael që tani është në gjendje lufte.

    “Mund të themi me përgjegjësi të plotë se në rast se planifikon UEFA ta zhvillojë ndeshjen e futbollit në bazë të rrethanave dhe kushteve aktuale në Izrael, sepse lojtarët e të kombëtares së Izraelit, pjesa më e madhe jetojnë dhe vepron në Izrael dhe ku dihet se tani edhe hapësira ajrore është e bllokuar si shkaktarë e shpalljes së gjendjes së luftës atje dhe lëvizja e kombëtares do të jetë bukur shumë më e vështirësuar për të lëvizur në drejtim të Evropës dhe respektivisht për të marrë pjesë në ndeshjen me kombëtaren e Kosovës. Kjo mbetet çështje e UEFA-s për të përcaktuar ndoshta një termin më të ri. Por, çka mund të themi më përgjegjësi të plotë, në aspektin operacional dhe në aspektin e institucional të sigurisë të Republikës së Kosovës, Kosova ka kapacitete të mjaftuara, qoftë ato inteligjente, qoftë ato policore, për të garantuar çdo kombëtare lëvizjen, qëndrimet tyre në Kosovë duke të krijue edhe perimetra të caktuara të Sigurisë”, tha Shala.

    Ai përmendi edhe rastin kur kemi patur të bëjmë me një akt terrorist sa i përket kombëtares së Izraelit në ndeshjen e cila është zhvilluar në Shkodër, akt ky i cili është parandaluar me sukses.

    “Kjo po e dëshmon faktin që në këtë aspekt institucionet e Kosovës të Sigurisë dhe Inteligjencës ka një bashkërendim dhe një bashkëpunim edhe mes shërbimeve të caktuara të rajonit, por njëkohësisht edhe me partnerët tanë strategjikë dhe mbi këtë bazë rrjedha e informacioneve të cilat mund t’i vijnë në drejtim të institucionit të Kosovës për të marrë masa preventive në drejtim të kombëtares së Izraelin, mund të themi me përgjegjësi të plotë që çdo kombëtare, respektivisht edhe Izraeli që do të vijë në territorin e Kosovës do të ketë sigurinë maksimale të ofruar nga njësitë relevante të Policisë së Kosovës, por njëkohësisht duke u mbështetur edhe nga Shërbimi apo Agjencioni Kosovar i Inteligjencës për të garantuar një rrjedhje të mirë të kësaj loje nga ndikimi i mundshëm të ndonjë aktiviteti terrorist në drejtim të tyre”, tha Shala. /atvlive.tv

  • ​Federata Evropiane e Boksit do të bëjë dokumentar për Donjeta Sadikun

    ​Federata Evropiane e Boksit do të bëjë dokumentar për Donjeta Sadikun

    Donjeta Sadiku është njëra nga boksierët më të suksesshme të Kosovës ndër vite.

    Ajo në karrierën e saj ka tituj të shumë vendor dhe ndërkombëtar, në mesin e të cilave edhe dy herë si kampione ballkanike.

    Për të arriturat e saj, Federata Evropiane e Boksit do të realizojë një dokumentar.

    Lajmin e ka bërë të ditur Federata e Boksit të Kosovës në njoftimin e lëshuar për vizitën që Presidenti i Federatës Evropiane të Boksit,

    “Ju njoftojmë se nesër më 10 tetor 2023 në ora 11:00 në Shtëpinë e Sporteve në Prishtinë, Federata e Boksit do të organizojë konferencë me rastin e arritjes së Presidentit të Federatës Evropiane të boksit EUBC z. Ioannis Filippatos me ekipin e tij, i cili ka ardhë të vizitojë Federatën e Boksit të Kosovës dhe njëherit ekipi i tij do të bëjë një film dokumentar me boksieren Donjeta Sadiku dhe për arritjet e boksit Kosovar.”, thuhet në njoftimin e Federatës së Boksit.

  • ​U17/ Kosova promovohet në Ligën A në kualifikimet për Euro 2024

    ​U17/ Kosova promovohet në Ligën A në kualifikimet për Euro 2024

    Kombëtarja e Kosovës U17 në konkurrencën e vajzave ka fituar miniturneun kualifikues të Grupi 1 në Ligën B për kualifikimet e Kampionatit Evropian “Suedia 2024”, i cili gjatë ditëve të fundit u organizua nga Federata e Futbollit e Kosovës.

    Pas barazimit me Andorrën dhe fitores me Gjeorgjinë, vajzat dardane shënuan fitore në ndeshjen e tretë dhe përcaktuese për pozitën e parë ndaj Maqedonisë së Veriut, me rezultat 2:1, në ndeshjen e zhvilluar në stadiumin “Fadil Vokrri”.

    Të parat në epërsi kaluan mysafiret me golin e Kalina Popeski, në minutën e 10-të. Megjithatë, baraspeshën në rezultat e riktheu Rita Feka, në minutën e 27-të (1:1), me të cilin rezultat edhe u mbyll pjesa e parë. Në pjesën e dytë Dardanet ishin edhe më këmbëngulëse drejt portës mysafire, të vetëdijshme se vetëm fitorja kryente punë, pasi Maqedonia e Veriut në dy ndeshjet e para kishte shënuar fitore.

    Punët për të përzgjedhurat e Sanije Krasniqit u lehtësuan pas përjashtimit të Komnenovës në minutën e 68-të. E këtë epërsi numerike në fushë Dardanet e kapatializuan në minutën e 84-t, me golin e Liza Hoxhës, duke vulosur fitoren në këtë ndeshje, me shifrat 2:1.

    “Kjo fitore na dërgon në Ligën A ku do të ndeshemi me kundërshtar shumë më të fortë. Jam shumë e lumtur për lojën që e kanë bërë vajzat dhe rezultatin pasi që në dy ndeshjet e para kemi stagnuar edhe pse kemi arritur rezultate, një barazim dhe një fitore, mirëpo sot me kundërshtarin i cili i ka pas dy fitore kemi treguar një lojë shumë të mirë ofanzive, ku arritëm deri te fitorja shumë e rëndësishme.”, tha pas ndeshjes trajnerja Sanije Krasniqi.