Category: Sport

Futbollsiti i kombëtares shqiptare Tualant Seferi në emisionin A PLAY në ATV, duke komentuar grupin në të cilin gjendet kombëtarja e Shqipërisë në Euro 2024, tha se grupi B. aty ku është Shqipëria është shumë i fortë.

“Padyshim është grup i fortë me ekipe shumë të forta, por ne do të shkojmë ta bëjmë punën tonë. Me ka pëlqyer shumë grupi, pasi me kombëtare si Italia, Spanja dhe Kroacia të motivojnë më shumë’ tha Seferi.

Seferi i cili aktivizohet te Baniyas, në Emiratet e Bashkuara Arabe, tha e percjell edhe kombëtaren e Kosovës.

‘Kombëtarja e Kosovës ka shumë cilësi, duhet me qenë gjithë bashkë për të ecur bashkë. Nuk mundem me cek se kush është fajtor për mos sukses, por Kosova do ta na bëjë krenar, pasi ka lojtarë shumë të mirë’ tha Seferi.

Gazetari dhe komentatori i njohur i futbollit, Artor Shala, në emisionin A PLAY në ATV, duke komentuar grupin në të cilin gjendet kombëtarja e Shqipërisë në Euro 2024, tha se futbollistët shqiptarë kanë gjasa ta ndalin Italinë.

“Këtë Itali, mendoj që Shqipëria ka forcë për ta ndalë, sepse ka shumë telashe Italia, as nuk e kanë mbrojtjen e dikurshme pasi ata janë shquar në të kaluarën me mbrojtje shumë të mirë, por edhe lojtarët, jo vetëm që ka qenë mbrojtja e fortë, por edhe lojtarët kanë qenë të jashtëzakonshëm, në qendër të mbrojtjes ndër vite kanë qenë më të mirët. Ajo Itali nuk është më që ka qenë dikur”, vlerësoi Shala.

Ndonëse Itali u shpall kampion i Evropës në kampionatin e fundit, Shala tha se, sot kemi të bëjmë me një Itali tjetër.

“Në kampionatin e kaluar ata ishin kampion, por me të vërtetë bënë një futboll të jashtëzakonshëm, por tani nuk është e njëjta, është ndërruar trajneri, disa lojtarë kanë pasur shumë telashe sidomos në repartin defanziv, edhe mesfusha nuk ka shkëlqye e mos të flasim dhe sulmi, sepse pikërisht aty ku presin italianët të shënojnë gola, lojtarët nuk i ka qe kanë qenë dikur”, u shpreh Shala. /atvlive.tv

Fati nuk ishte me Shqipërinë, teksa në Euro 2024 gjejmë Italinë, Spanjën dhe Kroacinë. Nuk mund të ishte i kënaqur me goglat trajneri i kuqezinjve, Silvinjo, i cili duket se priste diçka tjetër.

“Është shumë bukur të jem këtu për Shqipërinë, jemi shumë të lumtur. A folët me Spaletin për shortin? Jo gjithçka ishte shumë e shpejtë, shkëmbeva disa fjalë me të. Është grup i vështirë, nuk ka skuadra të lehta. Kam punuar në Itali. Siç kam jetuar dhe kam luajtur në Spanjë, i njoh edhe atje, mentalitetin e tyre”.

Armë plus që i njeh këto dy filozofi? E shoh të vështirë, të gjithë njihemi. Kam pasur një rrugëtim në Itali dhe Spanjë, por të gjithë njihen. Ata janë të fortë, por janë mësuar të luajmë në këtë turne. Do të shkojmë të tregojmë forcën tonë.

Grupi është i vështirë, por të gjitha janë të vështira. Kemi Kroacinë, Spanjën dhe Italinë që janë mësuar të luajnë në këto kompeticione. Do të provojmë është një sfidë e bukur. Mungon vetëm Brazili dhe Argjentina? Ndoshta luajmë në çerekfinale dhe gjysmëfinale”, – tha ai.

Ish-trajneri i Dinamos së Tiranës, i cili aktualisht drejton kombëtaren kortarë, Zlatko Daliç, ka dhënë përshtypjet e tij të para për shortin e Kampionatit Europian, ku Kroacia ndodhet në të njëjtin grup me Shqipërinë, Spanjën dhe Italinë.

Na pret një punë e vështirë”, ka qenë reagimi i parë i Zlatko Daliç pas shortit të Euro 2024, i cili e vendosi kombëtaren kroate në “grupin e vdekjes” me Spanjën, Italinë dhe Shqipërinë.

Sipas mediave kroate, trajneri pret ndeshje të mëdha, por edhe një atmosferë madhështore, për të cilën do të kujdesen tifozët kroatë.

“Shorti është i vështirë dhe dihet se kush janë rivalët. Ndeshjen hapëse e kemi kundër Spanjës në Berlin, do të jetë spektakël”, tha Daliç për HRT.

“Italianët janë kampionë të Europës, kanë cilësinë e tyre dhe një ekip shumë të mirë. Duhet të studiojmë më hollësisht shqiptarët, ata ishin shumë të mirë në kualifikime. Ajo ndeshje e dytë mund të jetë faktori vendimtar, shpresoj që të përgatitemi mirë dhe të jemi të shëndetshëm në gjashtë muaj, kjo është gjëja më e rëndësishme për mua.

Ne duam të kalojmë fazën e grupeve. Gjermania është mikpritëse për ne, duhet ta rregullojmë kampin tani, por kudo që të luajmë do të ketë mbështetje të madhe nga tifozët. Ne do të kemi kushte shumë të mira në atë anë”, u shpreh Daliç.

Luçiano Spaleti ka komentuar për “Rai” shortin e Euro 2024, ku goglat e vendosën përballë Shqipërisë, Spanjës dhe Kroacisë. Ndeshja e parë e të kaltërve është pikërisht kundër kuqezinjve dhe Spaleti ka analizuar ata, si dhe ekipet e tjera që do të ketë përballë.

“A mund të kishte shkuar më mirë? Po, por ne ishim në vazon e katërt. Por nuk duhet harruar asnjëherë fakti që jemi Italia.

Debutimi me Shqipërinë? Është e vështirë të bësh parashikime tani, ka edhe shumë muaj përpara. Shqipëria sigurisht ka treguar se di të vendoset mirë në fushë.

Spanja? Ne e dimë se shumë varet nga niveli i gjendjes sonë në atë momente, nga përgatitja që kemi do mundur të zhvillojmë në ato momente si në drejtim të rritjes së kampionatit ashtu edhe në marrëdhëniet mes nesh.

Kroacia? Është një ekip i fortë, eksperte. Ka disa lojtarë pak në moshë, por unë shoh disa prej tyre në nivelet më të larta.

Plani ndaj Spanjës? Kush e do këtë sport duhet të ketë shijen për sfidën, për përballjen, përndryshe çdo kënaqësi humbet. Pastaj është e qartë se brenda një ndeshjeje ka momente të ndryshme ku skuadra duhet të mbajë një qëndrim prej skuadre kompakte, ndonjëherë do të ketë nevojë të mbrohemi me 10 lojtarë në buzë të zonës, por synimet janë gjithmonë të propozojmë futboll sulmues”, ishin fjalët e Spaletit.

Shqipëria ka njohur sot rrugëtimin e saj në EURO 2024 me një short i cili ka rezultuar jo shumë me fat për ekipin kuqezi, pasi ka vënë përballë ekipe me shumë emër e me pretendime në këtë turne në Grupin B përballë Spanjës, Italisë dhe Kroacisë.

Kalendari i aktivitetit sheh kuqezinjtë të zbresin në fushë për herë të parë më 15 qershor, teksa do të përballet me Italinë në “Westfalenstadion” të Dortmundit.

Ndeshja e dytë e kombëtares shqiptare është më datë 19 qershor, kur përballet me Kroacinë në “Volksparkstadion” në Hamburg.

Ndeshja e tretë në grup e kuqezinjve i sheh ata përballë Spanjës, në sfidën e cila do të luhet më 24 qershor në “Merkur Spiel-Arena” të Dyseldorfit.

Mbetet të mësohet nga UEFA se në cilat orare do të luhen këto ndeshje të kuqezinjve në këtë turne pasi oraret nuk janë vendosur ende.

Luis de la Fuente, trajneri i kombëtares spanjolle, pasi u njoh me shortin e Euro 2024, pohoi se Grupi B është më i vështiri. Ai përbëhet nga ekipe të mëdha që do t’i bëjnë të gjitha ndeshjet shumë të komplikuara. Sigurisht që është një short i vështirë. Ky është një grup që do të na detyrojë të tregojmë më të mirën që kemi brenda”, u shpreh trajneri iberik.

Analiza e rivalëve

“Unë e di që të gjithë shikojnë Kroacinë dhe Italinë, por të mos harrojmë Shqipërinë, e cila ishte e para në grupin e saj. Sa i përket Italisë, mund t’ju siguroj se askush nuk donte të përballej me të. Pavarësisht nëse rezultatet e fundit nuk kane qenë të mira, e dimë që kanë shume talente dhe skuadra menaxhohet shumë mirë. Për Kroacinë mund të themi se është një skuadër që e njohim mirë nga Liga e Kombeve. Ka shumë vite që ofron rezultate spektakolare”, tha De la Fuente.

Rritja e Spanjës

De la Fuente konfirmoi se me shtatë muaj të mbetur deri në fazën finale, Spanja është ende në një fazë rritjeje në tërësi. “Ne po shkojmë në Europian me bindje të madhe dhe në një progres të qartë. Jemi në formë të mirë, por kemi një rrugë të gjatë për të bërë. Ne duhet të mendojmë për Kroacinë, por gjëja themelore gjatë kësaj kohe është të vazhdojmë të rritemi dhe të demonstrojmë të madhen. Ne kemi potencial. E dimë që jemi ndër më të mirët në botë”. Trajneri gjithashtu guxoi të komentojë se: “Jam i bindur se skuadrave të tjera në grup nuk u pëlqente të përballeshin me Spanjën”.

Në Hamburg është zhvilluar shorti për Kampionatin Evropian që do të mbahet në Gjermani.
Shqipëria është në Grupin B së bashku me Spanjën e Kroacinë, derisa skuadra e fundit në grup është Italia.

Grupet e plota:

GRUPI A: Gjermani; Hungaria, Skocia, Zvicra
GRUPI B: Spanja; Shqipëria, Kroacia, Italia
GRUPI C: Anglia; Danimarka, Sllovenia, Serbia
GREPI D: Franca; Austria, Holanda, Fituesi i play-offit A
GRUPI E: Belgjika; Rumania, Sllovakia, Fituesi i play-offit B
GRUPI F: Portugalia; Turkia, Çekia, Fituesi i play-offit C

Përveç Gjermanisë nikoqire, 20 skuadra janë kualifikuar tani për turneun e verës së ardhshme, në mesin e të cila është edhe Shqipëria dhe tre vendet e mbetura do të vendosen përmes play-off-it në mars.

Në vazon e parë janë: Gjermania, Anglia, Franca, Spanja, Belgjika dhe Portugalia.

Në vazon e dytë, bashkë me Shqipërinë janë edhe Danimarka, Hungaria, Turqia, Rumania dhe Austria.

Në të tretën: Holanda, Skocia, Sllovenia, Sllovakia, Kroacia dhe Çekia.

Ndërsa në vazon e katërt: Italia, Serbia dhe Zvicra deri tani, si edhe tri vendet e “playoff”-it.

Kjo do të jetë hera e parë që Gjermania do ta organizojë këtë ngjarje si e bashkuar.

Dhjetë qytete do të jenë nikoqire, ndërsa takimet do të zhvillohen në 10-të stadiume të klasit botëror.

Kampionati Evropian i vitit të ardhshëm do të fillojë më 14 qershor dhe do të përfundojë më 14 korrik.

Në Hamburg të Gjermanisë është hedhur shorti për grupet e Kampionatit evropian të futbollit i cili do të mbahet gjatë verës pikërisht në Gjermani.

Kombëtarja e Shqipërisë ka mësuar kundërshtarët më të cilët do të përballë.

Shqipëria do të ndodhët në Grupin B së bashku me Spanjën, Kroacinë dhe Italia

Kujtojmë që kjo është hera e dytë që Shqipëria është pjesë e evropianit, ‘kuqezinjtë’ ishin në evropian edhe në vitin 2016.