Category: Sport

Faza 1/16 e Kupës së Kosovës do të sjellë sot dy ballafaqime mjaftë interesante.

Llapi që në Superligë po tregon ecuri pozitive të rezultateve, do të ballafaqohet me skuadrën e Phoneix, raporton KosovaPress.

Ndeshja tjetër do të jetë ajo ndërmjet Malishevës dhe Kiikës.

Të dz ballafaqimet nisin nga ora 12:00.

Analisti i futbollit Arsim Prepolli, i cili është mysafirë i përhershëm i emisionit ‘EKIPI A’ në ATV, ka deklaruar që për lojtarët e Ballkanit ka shumë interesim nga klubet evropiane, sidomos për Lumbardh Dellovën.

‘Në Kosovë është tregu i lirë, Dellova po të ishte pjesë e klubeve kroate çmimi i tij do të ishte 20 milionë euro’ tha Prepolli.

Emisionin e plotë ‘EKIPI A’ mund ta shikoni më poshtë.

Drejtori i klubit të futbollit Ballkani, i ftuar në emisionin ‘EKIPI A’ në ATV, ka deklaruar që janë disa klube që po interesohen për lojtarët e tyre.

‘Për disa lojtarë ka interesim, sepse paraqitja e tyre në kombëtare iu ka ndihmuar shumë. Nuk po e zbulojë cilat klubet, por janë nga kampionate shumë të rëndësishme’ tha Bunjaku.

Po ashtu drejtori i Ballkanit tregoi që klubi nga Suhareka do të shkojë në stadiumin ‘Maksimir’ të Zagrebit për të fituar ndeshjen përballë Dinamos dhe kështu do të siguronte kalimin e grupit në Ligën e Konferencës.

‘ Jemi duke luftuar në gjitha frontet, ne e kemi një ndeshje të vështirë përballë Dinamo Zagrebit, por do të shkojmë për fitore dhe shpresojmë në një rezultat jo të mirë të Astanës’ tha Bunjaku.

Arbitri Davide Massa rrezikon të pezullohet për shkak të disa vendimeve të dyshimta në derbin ndërmjet Napolit dhe Interit.

“Nerazzurrët” arritën një fitore 3-0 ndaj kampionëve në fuqi në stadiumin “Diego Armando Maradona” të dielën në mbrëmje.

Massa la trajnerin e Napolit Ëalter Mazzarri dhe presidentin Aurelio De Laurentiis të tërbuar pas fishkëllimës së fundit, me të parin që nuk foli për media dhe ky i fundit u ankua te federata italian dhe komisioni i gjyqtarëve.

Siç raportohet nga “Il Mattino”, Massa mund të dënohet nga komisioni i gjyqtarëve, ndoshta duke u dërguar në kategorinë e dytë ose të pezullohet për disa raunde, përcjellë KosovaPress.

Ai gjithashtu nuk pritet të drejtojë një ndeshje të Napolit përsëri këtë sezon. Vendimi i tij për të mos dhënë një faull pas një përplasjeje midis Lautaro Martinez dhe Stanislav Lobotka tek goli i Hakan Calhanoglu dhe mosdhënies së penalltisë pas një ndërhyrjeje në Victor Osimhen.

Presidenti i Federatës së Futbollit të Kosovës, Agim Ademi bashkë me anëtarët e KE-së dhe Taulant Hodajn, ka pritur sot në takim anëtarët e Komisionit për Arsim, Shkencë, Teknologji, Inovacion, Kulturë, Rini dhe Sport të Kuvendit të Kosovës, Eliza Hoxha e Vlora Dumoshi si dhe Leart Hoxhën, ekspert nga organizata Demokraci Plus.

Qëllimi i vizitës së grupit punues të këtij komisioni në krye me Eliza Hoxhën, ishte në kuadër të aktiviteteve për mbikëqyrjen e zbatimit të Ligjit të Sponsorizimit dhe për të marrë informacionet e nevojshme lidhur me nivelin e zbatimit të tij.

“Ademi e vlerësoj vizitën e deputetëve të Kuvendit të Kosovës, të cilët i njoftoi me situatën në FFK dhe me çështjen e zbatimit të Ligjit të Sponsorizimit, përkatësisht lëshimin e vërtetimeve të sponsorizimit për klubet dhe organizatat sportive.”, thuhet në njoftimin e FFK-së.

I pari i FFK-së e cilësoi këtë ligj si shumë të rëndësishëm për zhvillimin e sportit dhe në veçanti futbollit në vendin tonë, por theksoi se ky ligj duhet të interpretohet drejt dhe të zbatohet në të mirë të sportit.

Shqipëria njohu kundërshtarët në finalet e Evropianit “Gjermani 2024”, ku do të përballet me Italinë, Kroacinë dhe Spanjën. Kundërshtarë të fortë në letër, duke pasur parasysh eksperiencën e këtyre skuadrave në arenën ndërkombëtare, por edhe trofetë e fituar.

Në një prononcim për fshf.org, mesfushori i Kombëtares, Ylber Ramadani, ka komentuar shortin e hedhur nga UEFA në Hamburg të Gjermanisë. Futbollisti, i cili aktivizohet me Leçen në Itali, theksoi se është një grup i vështirë.

Megjithatë, sipas tij asgjë nuk është e pamundur dhe Shqipëria do të shkojë në Gjermani për të marrë maksimumin. Më tej, mesfushori kuqezi shtoi se edhe në edicionin kualifikues Shqipëria u përball me kundërshtarë të fortë si Çekia dhe Polonia, por ia doli mbanë të bënte mirë.

“Përshëndetje të gjithëve, siç e patë grupin tonë, një grup i vështirë me Spanjën, Kroacinë dhe Italinë, por ne do të shkojmë në Gjermani dhe do të tentojmë që të bëjmë befasinë. Ne shkojmë atje që të tregojmë nivelin e skuadrës tonë. Edhe në kualifikuese në Grupin E kemi pasur ekipe të vështira si Çekia dhe Polonia. Ne do të shkojmë atje të luajmë, të bëjmë maksimumin dhe të marrim rezultate pozitive. Nuk do të dorëzohemi lehtë. Një grup i vështirë, por ne mund të bëjmë mrekullinë në Gjermani. Ju përshëndes të gjithëve dhe forca Shqipëria”, përfundoi prononcimin e tij Ylber Ramadani.

Shqipëria për herë të dytë në histori do të luajë në fazën finale të një kompeticioni si Europiani. Kuqezinjtë mbyllën fazen kualifikuese sit ë parët e grupin, duke lënë pas emra si Polonia dhe Çekia.

Të shtunën ekipi ynë u njoh edhe me kundërshtarët që do të ketë në fazën finale. Kuqezinjtë u shortuan në grupin B, teksa goglat i vunë përballë Spanjës, Kroacisë dhe italisë. Tashmë Sylvinho do të nisë punë për të përgatiru në detaj këto 3 sfida, ku të gjithë kërkojmë dhe ëndërrojmë kalimin e grupin.

Asgjë nuk do të jetë e thjeshtë, pasi përballë do të kemi emra “big”, por kombëtarja shqiptare me në krye Sylvinhon do të luajnë shanset e tyre, pasi nuk kanë asgjë për të humbur. Menjëherë pas shortit u nis të niskutohet se sa do të jetë numri i lojtarëve që mund të grumbullojnë kombëtaret.

UEFA në vendimin e saj ka bërë të ditur se 23 do të jetë lista me futbollistët e grumbulluar dhe jo 26 siç ishte në europianin e kaluar, ku diçka e tillë u lejua për shkak të COVID. Ky vendim bën me “dhimbje koke” Sylvinhon dhe stafin e tij, të cilët do të duhet të përzgjedhin lojtarët që do të kenë të gatshëm në Euro 2024. Kjo pasi brazilaini në kualifikuese ka aktivizuar më shumë se 23 lojtarë dhe tashmë do të duhet të tregohet “zemër gur” për të reduktuar numrin e tyre.

Deri me 8 qershor trajnerët kanë të drejtë të dorëzojnë listën e tyre, ndërsa mund të zëvendësojnë ndonjë lojtar të dëmtuar deri 1 ditë para ndeshjeve të para. Ndërkohë në rast dëmtimi të portierëve, ata mund të zëvendësohen në çdo rast gjatë turneut.

Veteranët e Dukagjinit janë fituesit e turneut përkujtimor “Rama Domi” pasi në finalen e madhe mposhtën Vëllaznimin 2:1

Sot u mbajt turneu përkujtimor “Rama Domi” në Stadiumin e Flamurtarit, i organizuar nga Komuna e Prishtinës dhe Liga e Veteranëve në kuadër të FFK-së.

Pjesëmarrësit në këtë turne ishin përfaqësuesit e veteranëve të Prishtinës, veteranëve të Vëllaznimit, veteranëve të Lirisë dhe veteranëve të Dukagjinit.

Ndeshja e parë ishte mes Prishtinës dhe Dukagjinit, me skuadrën nga Klina që fitoi me rezultatin 1:3. Në ndeshjen e dytë, Liria dhe Vllaznimi u përballën, dhe koha e rregullt përfundoi me barazim 2-2, me Vëllaznimin me pas që fitoi në penallti.

Në finalen e madhe, Dukagjini dhe Vllaznimi u takuan, ku fitore shënuan veteranët e Dukagjinit me rezultat 2:1.

Të pranishëm në ndarjen e çmimeve ishin, Kryetari i Prishtinës Përparim Rama, drejtues nga FFK dhe kryetari i ‘Dardanëve’ Lul Berisha.