Category: Sport

Ka përfunduar ndeshja interesante mes Atalantas dhe skuadrës së Lecces, e vlefshme kjo për xhiron e 18 të Serie A.

Atalanta e Berat Djimsitit e ka mposhtur sot Leccen e Ylber Ramadanit me rezultat minimal 1:0, raporton KosovaPress.

Golin e vetëm të ndeshjes e shënoi Ademola Lookman, i cili vulosi fitoren e skuadrës së tij në minutën e 58’.

Me pikët e reja, Atalanta ngjitet në vendin e gjashtë me 29 pikë të arkëtuara, krahas Lecces që renditet në vendin e 13 në kuotën e 20 pikëve.

Duelin e shqiptarëve e fitoi Djimsiti, ndërsa Atalanta e mbyll vitin 2023 me fitore.

Rezultati final i ndeshjes, 1:0 në favor të Atalantas.

Përmes një postimi në “Facebook”, Redon Ismaili ka njoftuar për largimin e tij nga Gjilani.

Ismaili largohet nga Gjilani pas plot katër viteve me klubin, ndërsa zbuloi se karrierën do ta vazhdojë jashtë Kosovës, raporton KosovaPress.

“Pas 4 viteve e gjysmë të mrekullueshme në klubin tim SC Gjilani, dua të njoftoj se kontrata më ka përfunduar dhe unë tanimë jam një futbollist i lirë. Kam dhënë çdo gjë nga vetja ime për klubin si në kohërat e mira ashtu edhe të vështira, kam respektuar në maksimum fanellën që kam bartur, por edhe kontratën deri në ditën e fundit. Kam vendosur të largohem për të vazhduar karrierën jashtë Kosovës pasi dua ta ndjek ëndrrën time që një ditë të luaj në një kampionat të madh evropian”, shkroi Ismaili në “Facebook”.

Prej se u transferua nga KF Vllaznia te SC Gjilani, Ismaili arriti të bëjë 41 paraqitje në të gjitha garat, duke regjistruar një gol dhe tre asistime mbi emrin e tij.

Klubi i Basketbollit Trepça është përforcuar edhe me një lojtar në parket, duke u bërë gati kështu për pjesën e dytë të sezonit.

Ekipi mitrovicas ka bërë të ditur se ka nënshkruar me basketbollistin Kevin Capers.

“Kevin Capers gjelbër zi. Capers, bashkohet me Trepçen nga ekipi i Isrealit Maccabi Urban Ramat Gan. Welcome Kev”, thuhet në njoftim.

Përndryshe, Trepça e mbylli vitin 2023 me një fitore ndaj Istogut, me rezultat 106-65, në kuadër të Prince Caffe Superligës së Kosovës.

Boksieri turk në kategorinë super të mesme, Cem Kilic ka vdekur në moshën 29-vjeçare.

Qendërsulmuesi shqiptar Armando Broja mund të ndryshojë skuadër në afatin kalimtar të janarit.

Për sulmuesin e Chelseat ka disa skuadra të mëdha evropiane që kanë shprehur interesim, por së fundi në këtë garë është futur edhe gjiganti italian, Interi.

Objektivi i parë i Interit në merkaton e dimrit është një sulmues krahu që mund të zëvendësojë Cuadradon e dëmtuar dhe emri në krye të listës është ai i Tajon Buchanan.

Por drejtuesit e “Nerazzurrëve” janë gjithmonë të gatshëm të shfrytëzojnë çdo mundësi për të forcuar skuadrën në dispozicion të Inzaghit, përcjellë KosovaPress.

Për sa i përket sulmit, përveç iranianit Taremi, ka edhe profile të tjera që mund të emocionojnë drejtuesit e Interit,mes tyre është Armando Broja, një shqiptar i lindur në vitin 2001, i cili së fundmi është rikthyer në fushë me Chelsean, por është i etur për të gjetur më shumë. hapësirë në funksion të Euro 2024.

Barcelona po mendon të përforcohet gjatë afatit kalimtar të janarit, por nuk do të mungojnë as largimet nga klubi prej “Camp Nou”.

Mediumi britanik “Daily Mail” raporton se dy futbollistë i kanë valixhet gati për t’u larguar nga Katalunia në muajin që po vjen.

Bëhet fjalë për Marcos Alonson dhe Sergi Roberton.

Dy mbrojtësve do t’ju skadojnë kontratat në verën e ardhshme, por që ata pritet të largohen nga “Blaugrana” qysh në afatin kalimtar të janarit, pasi gjiganti katalunas po synon të nxjerrë sadopak para nga shitja e tyre e parakohshme, para se të largohen pa para si lojtarë të lirë gjatë verës.

Interesim për dyshen thuhet se ka shfaqur Atletico Madridi.

Ish-mbrojtësi i Fiorentinës dhe i Chelseat nuk kishte hapësirë në këtë sezon në ekipin e Xavi Hernandezit pasi ka luajtur në kampionat për vetëm 10 minuta.

Ndërkaq, lojtari i krahut të djathtë spanjoll i numëron 5 paraqitje, prej tyre vetëm tri në ligë.

Pas ndeshjeve të mbrëmshme, Superliga e Kosovës në basketboll vazhdon sot me dy përballje tejet interesante, të vlefshme këto për xhiron e 15 të këtij sezoni.

Të dy përballjet e sotme zhvillohen në orar të njëjtë, respektivisht me fillim nga ora 19:00, raporton KosovaPress.

Kampionia, KB Peja përballet me KB Vëllaznimin, kurse KB Ylli e pret në shtëpi në palestrën “13 Qershori” të Suharekës KB Bashkimin.

19:00 KB Ylli – KB Bashkimi

19:00 KB Peja – KB Vëllaznimi

Siç bëhet e ditur nga eksperti i transferimeve, Fabrizio Romano, mesfushori senegalez i grupmoshave U17, Pape Daouda Diong do t’i bashkohet Chelseat në qershor të vitit 2024.

I lindur në vitin 2006, Pape do t’i mbush 18 vjeç në verë dhe ai do të bëhet pjesë e projektit të Chelseat, raporton KosovaPress.

Diong ishte në “Stamford Bridge” para dy javëve, ku ka shikuar ambientet e klubit.