Category: Sport

Mbrojtësi i Kombëtares së Kosovës, Amir Rrahmani thuhet se është duke luajtur sezonin e fundit me Napolin, pasi në afatin kalimtar të verës mund të largohet nga klubi italian.

Giovanni Scotto, gazetar nga mediumi Il Roma, ndau reflektimet e tij për momentin aktual të Napolit, për afatet e transferimeve dhe për perspektivat e ardhshme për disa lojtarë kyç

Tregu i transferimeve në largim ishte një tjetër temë e diskutuar, me Scotton që hipotezon largimin e Amir Rrahmani që në verën e ardhshme.

“Rrahmani mund t’i thotë lamtumirë Napolit që në afatin kalimtar të ardhshëm. Ai është 31 vjeç dhe ka marrë oferta nga disa klube. Është koha e duhur për ta shitur atë”, ka thënë fillimisht Scotto.

Në këtë kontekst, ai përmendi emrin e 19-vjeçarit të Fiorentinës, Pietro Comuzzo, i cili mund të vijë si zëvendësues i kapitenit të Kosovës.

“Comuzzo është praktikisht një lojtar i Napolit. Klubi pothuajse ka përfunduar marrëveshjen për një huazim dy vjeçar me vlerë 5 milionë me detyrim blerje të përcaktuar në 25 milionë. E enjtja mund të jetë vendimtare për transferimin e tij”, përfundoi gazetari italian. /Telegrafi/

Trajneri kroat Niko Kovac është trajneri i ri i Borussia Dortmundit për të zënë vendin e të shkarkuarit Nuri Sahin.

53-vjeçari është është zyrtarizuar si kryetrajner i skaudrës së Dortmundit. Palët kanë arritur një marrëveshje për një kontratë që zgjat deri në vitin 2026.

Kovac ka një eksperiencë të pasur në futbollin evropian. Më parë, ai ka drejtuar klube të njohura si Eintracht Frankfurt, Bayern Munich dhe Monaco.

Klubi i tij më i fundit ishte Wolfsburg, ku ai ka treguar aftësi të mira menaxhuese.

Me Dortmundin, Kovac do të përballet me sfidën e rivendosjes së skuadrës në një nivel konkurrues, duke u përpjekur të kthejë ekipin në një kandidat të fortë për garat evropiane pasi sa i përket titullit duket e pamundur që verdhezinjtë të luftojnë.

Megjithëse shumica e klubeve kryesore norvegjeze duan të heqin dorë nga përdorimi i VAR-it, Federata Norvegjeze e Futbollit dëshiron të vazhdojë me sistemin.

Federata Norvegjeze e Futbollit (NFF) ka vendosur të vazhdojë me sistemin e arbitrimit të videove VAR, edhe pse shumica e klubeve kryesore norvegjeze preferojnë të heqin dorë nga përdorimi i VAR.

Presidentja e futbollit Lise Klaveness e bëri të ditur këtë vendim të mërkurën pasdite pas një takimi dyditor të bordit, përcjellë KosovaPress.

“Ne nuk mund ta ndalojmë tashmë një projekt në të cilin kaq shumë njerëz kanë investuar burime dhe i cili është lejuar të funksionojë vetëm për dy sezone, dhe që është bërë një pjesë e rëndësishme e futbollit evropian të klubeve dhe kombëtareve”, thotë Lise Klaveness.

Klubet në dy divizionet më të mira të Norvegjisë kanë votuar për të ndërprerë përdorimin e gjyqtarëve ndihmës video (VAR) në ligat e tyre.

Javën e kaluar 32 skuadrat në Norsk Toppfotball (NTF), organizata që përfaqëson klubet në Eliteserien dhe Kategorinë e Parë të Norvegjisë, miratuan një mocion që “kërkon që bordi i Federatës së Futbollit të Norvegjisë (NFF) të rekomandojë dhe që Asambleja Federale të miratojë, ndërprerjen të arbitrit të asistuar me video (“VAR”) sa më shpejt të jetë e mundur.”

VAR u fut në Eliteserien në vitin 2023, por shpesh ka qenë objekt i protestave mbështetëse në Norvegji.

Bordi Ekzekutiv i KOK-ut, nën udhëheqjen e presidentit Ismet Krasniqi, ka mbajtur mbledhjen e 41-të në të cilën diskutoi kryesisht për Asamblenë e Punës 2024 dhe Asamblesë Zgjedhore për ciklin olimpik të cilat mbahen më 7 shkurt 2025.

Bordi konstatoi se të gjitha përgatitjet po shkojnë sipas dinamikës së paraparë, ndërsa i propozoi Asamblesë që zgjedhjet për KAS dhe GJAS të shtyhen për një datë tjetër, për shkak të numrit të vogël të aplikimeve.

Federatat që kanë përfunduar Kuvendet e Punës dhe Zgjedhore kanë dërguar listat me emrat e kandidatëve për presidentë, nënpresidentë dhe anëtarë të Bordit Ekzekutiv, ndërsa federatat që do të mbajnë Kuvendet deri në fund të këtij muaji, kanë afat të dërgojnë propozimet deri më 1 shkurt 2025 në ora 14:00.

Krahas Asamblesë, Bordi shqyrtoi edhe pika tjera të rendit të ditës, si ceremonia e Laureatëve 2024, e cila u vendos të mbahet më 25 shkurt 2025, granti i dedikuar për sportet ekipore dhe përzgjedhja e bursistëve “Shpresa Olimpike 2025”, për të cilat thirrja do të hapet në fillim të muajit shkurt.

Paulo Fonseca kaloi një aventurë të pakëndshme te Milani, i cili u shkarkua në mes të këtij sezoni, për shkak të rezultateve të dobëta të kuqezinjve.

Gjithsesi, duket se portugezi ka gjetur shumë shpejt një skuadër të re dhe po përflitet për një rikthim të mundshëm në Francë.

Kësaj radhe, ai pritet të drejtojë Olympique Lyon, me palët që kanë gjetur një akord paraprak.

Tashmë, pritet vetëm që Fonseca të ndërpresë kontratën e tij me Milanin, e cila e mban “peng” edhe pse të shkarkuar.

Ish-sulmuesi i njohur dardan, Atdhe Nuhiu është emëruar ndihmëstrajner i Kombëtares A.

Ky vendim i presidentit Agim Ademi vjen si pjesë e strategjisë së FFK-së për të përfshirë ish-lojtarët e Kombëtares në strukturat e ekipeve kombëtare dhe për ta përcjellë eksperiencën e tyre tek gjeneratat e reja.

Atdheu është i njohur për karrierën e tij të suksesshme si futbollist.

Ai ka fituar përvojë edhe si trajner tek skuadra austriake, Altach dhe pa dyshim përfshirja e tij në stafin e përzgjedhësit Franco Foda do të jetë një mundësi e mirë në zhvillimin e tij të mëtutjeshëm, por edhe ndihmesë për sukseset e reja të ekipit kombëtar.

Karim Adeyemi është bërë objektivi kryesor i Napolit pasi “Partenopei” vendosi të largohej nga gara për Alejandro Garnacho, kryesisht për shkak të kërkesave larta të Manchester United, por ata tani mund të përballen me një çështje të ngjashme në negociatat me sulmuesin e Borussia Dortmund.

Skuadra e Antonio Contes ka qenë në kërkim të një lojtari për të zëvendësuar Khvicha Kvaratskhelia pas transferimit të tij te PSG, por çmimi prej 70-80 milionë euro i vendosur nga Djajtë e Kuq për argjentinasin i komplikoi planet e tyre, duke i detyruar ata të ndryshojnë fokusin e tyre në opsionet alternative.

Sipas raporteve të fundit, klubi ka bërë progres për Adeyemi të Dortmundit, duke u mbyllur në një marrëveshje me gjigantët e Bundesligës për një tarifë prej rreth 40 milionë euro, përcjellë KosovaPress.

Ndërsa 23-vjeçari fillimisht ishte i gatshëm të qëndronte në klub deri në verën e ardhshme, ai thuhet se po hapet gradualisht ndaj perspektivës për t’u transferuar në “Stadio Maradona” pasi bisedoi me Conten.

Megjithatë, “Calciomercato” shpjegon se ai kërkon paga sezonale prej 4.5 milionë euro për të bërë këtë lëvizje, e cila do ta bënte atë lojtarin e dytë më të paguar në skuadrën e Napolit.

Adeyemi ka pesë gola dhe po aq asistime nga 14 ndeshje në të gjitha garat me Dortmundin këtë sezon.

Juventusi ka konfirmuar zyrtarisht se kapiteni Danilo është larguar nga klubi pasi të dyja palët arritën një marrëveshje për të ndërprerë kontratën e tij me pëlqim reciprok.

33-vjeçari është larguar nga klubi pas një qëndrimi pesëvjeçar e gjysmë, kohë gjatë së cilës ai fitoi titullin e Serie A dhe dy herë Kupën e Italisë. Juventusi ka konfirmuar se largimi i tij nuk do të ketë ndikim në financat e klubit duke qenë se ai ka pranuar të largohet falas.

Ai tashmë u ka thënë lamtumirën tifozëve të Juventusit në një mesazh emocionues lamtumire të postuar në rrjetet sociale mëngjesin e së hënës, përcjellë KosovaPress.

Danilo do të kthehet në Brazilin për të nënshkruar me Flamengon. Ai ishte lidhur me një lëvizje për t’iu bashkuar Napolit të Antonio Contes, i cili qëndron në krye të tabelës së Serie A, por në vend të kësaj ka vendosur të kthehet në shtëpi për arsye personale.

Largimi i tij i hap rrugën Juventusit për të shpallur nënshkrimin e tyre të ardhshëm në janar: Renato Veiga, i cili i bëri testet mjekësore në Torino të hënën në mëngjes përpara huazimit të tij nga Chelsea.

Veiga do t’i bashkohet Juventusit në një marrëveshje të drejtpërdrejtë huazimi për pjesën e mbetur të sezonit 2024-25 dhe pason Randal Kolo Muani dhe Alberto Costa, të cilët gjithashtu i janë bashkuar Zonjës së Vjetër në janar.

Pep Guardiola është kundërpërgjigjur ndaj kritikëve të shpenzimeve të Manchester Cityt, duke theksuar se skuadrat e suksesshme në vitet e fundit kanë tejkaluar vazhdimisht ata për sa i përket shpenzimeve.

Manchester City ka bërë tri nënshkrime këtë afat kalimtar, duke sjellë Omar Marmoush, Abdokhadir Khusanov dhe Victor Reis për të forcuar skuadrën e tyre.

Transferimet e kampionit anglez kanë bërë që rivalët të kritikojnë strategjinë e klubit nga Etihad, por kjo nuk i pengon trajnerit Guardiola.

Guardiola ka thënë se çdo ekip i suksesshëm në 20 vitet e fundit ka shpenzuar më shumë se ta.

“Njerëzit thonë: Man City po shpenzon përsëri! Çdo ekip i suksesshëm në këtë vend në dy ose tre dekadat e fundit ka shpenzuar më shumë se klubet e tjera. Në pesë vitet e fundit ne jemi në vendin e 11-të në shpenzime neto”.

“Të gjitha klubet që kanë qasje dhe mundësi shkojnë në merkato, çdo klub”, ka thënë Guardiola.

Robert Lewandowskit i është ofruar një kontratë e madhe për t’u transferuar në Arabinë Saudite.

El Nacional raporton se sulmuesi i Barcelonës do t’i jepet një marrëveshje 50 milionë euro në vit nëse ai kalon në një klub të paidentifikuar në Ligën Pro të Arabisë Saudite.

Kontrata e Lewandowskit me Barcelonën skadon në vitin 2026, por ai mund të largohet këtë verë.

Lewandowksi është pjesë e Barçës që nga viti 2022, kur u transferua nga Bayern Munchen.