Category: Sport

Sandro Tonali ishte protagonist në fitoren e Newcastle në finalen e “Carabao Cup” kundër Liverpool-it, duke i dhuruar klubit të tij një trofe që mungonte prej 70 vitesh. Një triumf historik që ka ndezur tifozët dhe që për ish-mesfushorin e Milanit është vetëm hapi i parë drejt rikthimit të ekipit në elitën e futbollit europian:

Tudor debutoi me fitore në stolin e Juventusit: Luajtëm me zemër, duhet t’i kënaqim tifozët tanë

“Finalja ishte fantastike. Ta fitonim këtë trofe pas 70 vitesh ishte diçka e pabesueshme, ndoshta shijohej për herë të parë nga shumë tifozë tanët që ishin në ‘Wembley’. Ky sukses është i veçantë për të gjithë qytetin e Newcastle, sepse këtu çdo ndeshje përjetohet me pasion, çdo person e mbështet ekipin me dashuri, qoftë lojtarët, stafin apo çdo anëtar të klubit”.

Tani, fokusi është i kthyer tek sfida e ardhshme, kualifikimi në Ligën e Kampionëve: “Na pret një periudhë e vështirë, sepse çdo ndeshje është e komplikuar, por duhet ta sigurojmë me çdo kusht kualifikimin në Champions. Me pesë ekipe që mund të kualifikohen, kemi një mundësi më shumë, por mbetet mision aspak i lehtë. Kemi vetëm një rrugë, gjithsesi, të kualifikohemi”.

Tonali zbuloi gjithashtu një detaj interesant mbi raportin e tij me rrjetet sociale, duke treguar se i përdor në mënyrë të kufizuar: “I përdor vetëm për familjen time, për asgjë tjetër. I shoh ndoshta pas ndeshjes për të parë ‘highlight’-et, por jo për merkaton. Ka qenë kështu qysh kur isha 17 vjeç, nuk iu kam dhënë kurrë shumë rëndësi thashethemeve”.

Igor Tudor buzëqesh, duke parë mundësinë që ai krijoi dhe çoi në avantazhin e Juves ndaj Genoa. Kjo pasoi me festimin e tij të fortë. “Më doli kështu, nuk e provuam, – shpjegoi kroati për mikrofonat e Dazn. – Jam shumë i kënaqur, sepse Genoa është një ekip serioz që po bën mirë, vrapon, Lufton. Nga ana tjetër, ne kemi kaluar periudhën që të gjithë e dimë. Kemi bërë 2-3 seanca stërvitore, kishte pak entuziazëm. Në 2-3 ditë stërvitje kjo periudhë nuk kalon, si nga ana tekniko-taktike, ashtu edhe nga ana psikologjike. Duhet ta kalosh gjithçka me punë”.

Tudor për Juventusin e tij të ri – Trajneri i ri i bardhezinjve, pastaj, tregoi se si ka provuar ta ndryshojë ekipin: “Tani është gjithçka ndryshe, luhet më shumë në drejtim vertical. Paralelisht kërkohet një intensitet tjetër për ta bërë këtë. Jam i lumtur sepse djemtë dhanë gjithçka, është një fitore që e merituam. Jemi të kënaqur veçanërisht për tifozët. Fituam me zemër, tani duhet të pushojmë dhe të fillojmë të punojmë seriozisht, për një javë të plotë, me të gjithë lojtarët në dispozicion”.

Tudor për Yildiz – Trajneri kroat, megjithatë, duhet ta falënderojë Kenan Yildiz, i cili, me golin e tij në minutën e 25-të, iu dha tri pikët bardhezinjve: “Jam shumë i kënaqur për të, ka cilësi të rëndësishme. Më pëlqeu ai, por dhe në mbrojtje ishim të fortë. Në mesfushë bëmë një punë të madhe. Mund të kishim shënuar edhe gola të tjerë, të paktën një tjetër, ndaj na vjen keq, por 1-0 ndonjëherë është më mirë psikologjikisht se 2-0. Kur ndeshja përfundon, megjithatë…”

Tudor për Koopmeiners – Buzëqesh dhe nuk kursen shakatë Tudor, por nuk fshihet për shkakun e vetëm të hidhur: Teun Koopmeiners, ende i paaftë për të ndikur: “Nuk është një moment i madh për të, por ka treguar se është lojtar i fortë këto vite. Nga periudha të tilla dilet vetëm duke punuar fort. Është një djalë i mirë që ka dëshirë, duket mjaft i interesuar, ka një këmbë të shkëlqyer. Është i rëndësishëm për ekipin, por duhet ta rifitojmë me formën optimale”.

Kupa e Botës 2026 po merr formë, kjo pasi janë zbuluar shtatë përfaqësueset e para që do të marrin pjesë në të. SHBA-ja, Kanadaja dhe Meksika janë tre kombëtaret e para që janë mësuar, kjo pasi janë tre vendet organizatore të këtij Botërori.

Në sfidat e marsit, atyre iu janë bashkuar dhe katër përfaqësuese të tjera. E para ishte Japonia, e cila ka dominuar grupin e saj në kualifikueset e Azisë, dhe po nga aty është bashkuar edhe Irani, pas barazimit 2-2 me Uzbekistanin.

Zelanda e Re do të rikthehet të luajë një Botëror pas 16 vitesh, duke u kualifikuar si kampionia e Oqeanisë.

Në fund e kishte radhën Argjentina, me kampionët e Botës që ndodhen në vendin e parë të kualifikueseve të Amerikës Latine dhe e konfirmoi këtë me fitoren 4-1 kundër Brazilit.

Botërori 2026 do të ketë 48 përfaqësuese pjesëmarrëse dhe do të startojë më 11 qershor 2026 e do të përfundojë më 19 korrik të po atij viti. /Tch

Pas pushimit për shkak të ndeshjeve të kombëtareve, Superliga e Kosovës në futboll rikthehet me ecurinë e saj të këtij edicioni me ndeshjet e xhiros së 26-të, raporton KosovaPress.

Ndeshja e parë e kësaj xhiroje do të zhvillohet sot dhe do të ballafaqohen Drita dhe Gjilani në derbin e madh të qytetit të Gjilanit.

Drita që tashmë me një dorë ka prekur titullin e kampionit pas ka krijuar distancë prej 11 pikëve nga ndjekësi i parë që është Ballkani, do të kërkojë tri pikë të reja për ta bërë kështu edhe më të lehtë rrugëtimin në javët e fundit të kampionatit, nga ana tjetër, Gjilani që e nisi shumë dobët sezonin, tashmë ka ri-gjetur formën dhe momentalisht ka 35 pikë në vendin e katërt dhe synon së paku pozitën e tretë që dërgon në garat evropiane sezonin e ardhshëm, shkruan KosovaPress.

Kjo ndeshje do të zhvillohet nga ora 14:00 në stadiumin me bari sintetik në Gjilan.

Trajneri i Argjentinës Lionel Scaloni ka folur për përfshirjen e mundshme të Lionel Messit në Botërorin e ardhshëm. Ai ka thënë se me kalimin e kohës do të merret vendimi i duhur për këtë situatë.

A do të luajë Messi edhe në Botërorin 2026? “Ne do të shohim se çfarë do të ndodhë, ka ende shumë për të bërë: sot duhet ta lëmë të qetë. Ka ende shumë për të bërë, pastaj do të shohim,” zbuloi trajneri i Argjentinës Scaloni në një konferencë për shtyp, përcjellë kp.

“Ai do të vendosë, le të mos e çmendim,” shtoi ai.

Fituesi në fuqi e Kupës së Botës në Katar, kombëtarja e Argjentinës do të jetë e pranishme edhe në edicionin e 2026-ës.

Pavarësisht fitores dërrmuese 4-1 ndaj Brazilit, Argjentina tashmë kishte siguruar matematikisht kualifikimin për Botërorin e ardhshëm përpara se të dilte në fushë pas barazimit 0-0 të Bolivisë me Uruguain.

“Qesharak”, “masakër”… janë disa nga mbiemrat që përdori shtypi brazilian për të përshkruar humbjen 4-1 nga Argjentina, përcjellë KosovaPress.

“Turp për Monumentalin: Argjentina mposht Brazilin në humbjen e saj më të keqe që nga humbja 7-1 ”, shkroi mediumi “Lance” në titullin e saj kryesor. “Argjentina po godet dhe presioni mbi Dorival rritet”, tha “Folha do Sao Paulo”, një nga gazetat më prestigjioze në këtë vend.

Edhe pse lojtarët nuk u përjashtuan nga kritikat, i dyshuari kryesor ishte trajneri Dorival Junior, një trajner që iu bashkua Seleçaos pa shumë përvojë dhe që shfaqet i dënuar pas humbjes së djeshme. Megjithatë, logjika dikton që ai do të drejtojë katër ndeshjet e fundit kualifikuese (Ekuadori, Paraguai, Kili dhe Bolivia), ku Brazili duhet të certifikojë kualifikimin e tij për Botërorin 2026 dhe deri atëherë e ardhmja e tij është e pasigurt. “Nuk do të jap kurrë dorëheqjen”, tha trajneri në konferencën për shtyp pas ndeshjes.

Kështu, siç ndodhi disa muaj më parë, trajneri më i lidhur me rolin e tij të ardhshëm duke nisur nga qershori është Carlo Ancelotti, trajneri i Real Madridit që ka kontratë deri në vitin 2026.

Presidenti i CBF-së, Ednaldo Rodrigues e ka vënë syrin te ‘Carletto’, megjithëse ai mund të mos jetë i vetmi kandidat. Filipe Luis (Flamengo); Jorge Jesus (Hilal); ose Abel Ferreira (Palmeiras) do të ishin emra të tjerë për t’u marrë parasysh. Por Dorival duket i dënuar për një afat të shkurtër

Jeta e Raul Asencios nuk do të jetë më e njëjta këtë sezon. Ai është tashmë është një lojtar kyç për klubin bardhezi, pasi marrëveshja për rinovimin e tij është mbyllur, shkruan KosovaPress.

Sipas asaj që ka mësuar gazeta spanjolle “Marca”, talenti ka nënshkruar për këtë sezon dhe katër të tjera, pra deri në qershor të vitit 2029. Dhe praktikisht është një nënshkrim galaktik sepse sezonin e ardhshëm do të fitojë 6.2 milionë euro dhe do të ketë një rritje progresive, që sezonin tjetër të arrijë në 9 milionë.

Ky rinovim përfshin edhe një klauzolë blerjeje prej 50 milionë euro dhe megjithëse Madridi kishte hapësirë për të negociuar, ata preferuan ta mbyllnin rinovimin sa më shpejt të ishte e mundur pasi arritën marrëveshje me lojtarin dhe agjentin e tij të ri.

Asencio iu bashkua ekipit të parë në verë për të ndihmuar në parasezonin e Real Madridit në Shtetet e Bashkuara. Ai bëri debutimin e tij kundër Chelseat dhe shfrytëzoi rastin për të lënë një përshtypje të qëndrueshme në stafin e trajnerëve. 94 ditë më vonë ai do të dilte në fushën e “Bernabeu” pas dëmtimit të Militaos dhe prej andej ai nuk do të lëvizte derisa të siguronte një rinovim më se të merituar 30 ndeshje më vonë, transmeton KosovaPress.

Situata e qendërmbrojtësit u bë një prioritet për bardhezinjtë pasi paraqitjet e tij të shkëlqyera në fushë vazhduan të grumbulloheshin. Ai erdhi për të mbushur boshllëqet dhe përfundoi duke u bërë një figurë thelbësore në skemën e Carlo Ancelottit. Me një kontratë deri më 30 qershor 2026 dhe një klauzolë blerjeje prej 50 milionë, Madridi mund të ishte i qetë, por ata gjithashtu donin të ishin të drejtë. Kërcimi i tij sportiv duhej të shoqërohej me një rritje page, dhe kështu ka ndodhur.

“Kur të gjithë të kthehen, Asencio do të luftojë për vendin e tij, sepse në ndeshjet që ka luajtur, ai ka merituar të jetë titullar. Ai ka qenë shumë i mirë me topin dhe i pozicionuar mirë pa të. Ai ka performuar mirë dhe meriton të konsiderohet për të luftuar për një vend me të tjerët “, tha Ancelotti për Asencion.

Shqipëria dhe Andorra, që të dyja synojnë të rikthehen nga humbjet në raundin e parë të ndeshjeve kualifikuese për Kupën e Botës, pasi do të përballen të sonte në ndeshjen e dytë në Grupin K, shkruan KosovaPress.

Nikoqirët pësuan një humbje 2-0 ndaj Anglisë në ndeshjen e tyre të fundit, ndërsa mysafirët u mundën 1-0 nga Letonia.

Shqipëria është një nga skuadrat anembanë globit që synojnë të përfitojnë nga formati i zgjeruar i Kupës së Botës FIFA 2026, i cili do të përfshijë 16 kombe të tjera.

Shqipëria është në grup me Anglinë, Letoninë, Serbinë dhe Andorrën dhe do të synojë të sigurojë vendin e dytë, me Anglinë që ka të ngjarë të zërë vendin e parë, duke u dhënë atyre mundësinë për të konkurruar në play-off dhe për të fituar kualifikimin e tyre të parë në një finale të Kupës së Botës.

Sylvinho e ka drejtuar tashmë Shqipërinë në një turne të madh që kur u emërua në janar 2023, duke siguruar paraqitjen e tyre të dytë në Kampionatin Evropian, ku u tërhoqën në një grup me Spanjën, Italinë dhe Kroacinë dhe më pas u eliminuan.

Ndeshja do të zhvillohet nga ora 20:45 dhe këto janë formacionet e mundshme:

Shqipëria:Kastrati; Balliu, Ajeti, Gjimsiti, Aliji; Broja, Asllani, Ramadani, Laci, Bajrami; Uzuni

Andorra: Alvarez; Font, Llovera, Garcia, Olivera, Cervos; Cucu, Vales, Muller, Pujol; Rosas

Me rëndësinë e tij të shtuar në skuadrën e FC Barcelona dhe paraqitjet e tij të jashtëzakonshme në fushë këtë sezon, anësori brazilian Raphinha ka qenë në qendër të vëmendjes këtë sezon.

Aktualisht, ai është në detyrë ndërkombëtare pasi është thirrur nga Brazili. Pasi ndihmoi ekipin e tij të merrte një fitore vendimtare kundër Kolumbisë, tani është vendosur të luajë në një nga ndeshjet më të mëdha në futbollin botëror, mes Brazilit dhe Argjentinës, shkruan KosovaPress.

Përpara kësaj ndeshjeje të madhe, anësori u shfaq në një intervistë me ish-superyllin e Brazilit dhe Barcelonës, Romario. Siç ka raportuar “Mundo Deportivo” , një nga temat për të cilat ata folën në këtë intervistë ishin shanset e tij për të fituar Topin e Artë .

“Është normale që të më kalojë në mendje, dhe nëse do t’ju thoja të kundërtën, do të gënjeja. Por përpiqem ta lë mënjanë dhe të fokusohem në qëllimet e mia personale në karrierën time, qofshin ato për të shënuar gola, për të dhënë asistime apo për të fituar tituj”, ka thënë Raphinha, përcjellë KosovaPress.

Duke komentuar më tej këtë temë, anësori i Blaugranas tha:

“Mendoj se nëse i arrij të gjitha objektivat që kam shkruar në fletoren time deri në fund të sezonit, mundësia për të fituar një çmim individual do të jetë shumë e lartë. Por nuk më pëlqen të fokusohem shumë te Topi i Artë, sepse të mendosh shumë për të mund të shpërqendrohesh. Qëllimi im kryesor është të shënoj gola, të krijoj shanse, të fitoj tituj dhe të kënaqem duke luajtur.”