Category: Sport

Pas vetëm 6 muajsh fantastikë në Rumani te ekipi FC Arges, mbrojtësi kosovar Leard Sadriu është gati të bëjë një lëvizje të madhe drejt futbollit gjerman.

Me 17 paraqitje dhe 2 gola është një nga mbrojtësit më të mirë të kampionatit rumun.
po ashtu, është grumbulluar rregullisht me Kombëtaren e Kosovës, por numëron 2 paraqitje.

24-vjeçari nga Ferizaj ka rënë në sy të shumë klubeve evropiane, por Holstein Kiel ka fituar garën. Marrëveshja personale mes palëve është arritur ndërsa tani pritet vetëm që klubet Argeș dhe Kiel të mbyllin detajet e fundit.

Argeș kërkon më shumë se 1 milion euro për ta lënë të largohet dhe bisedimet po vazhdojnë dhe transferimi pritet të finalizohet në fillim të janarit.

Sadriu po e sheh kalimin në Bundesliga 2 si mundësinë më të mirë për rritje, në një kampionat shumë më të fortë dhe konkurrues.

Ai kaloi Nga Ferizaj – Skënderbeu – Shkëndija – Mura – Argeș dhe tani drejt Gjermanisë, ku sipas transfermarkt vlera e tij aktuale është 500.000 mijë euro. /ATVLIVE.TV

Afrim Tovërlani është larguar nga Kombëtarja e Kosovës U21 për të marrë drejtimin e FC Prishtinës.

Por pa kaluar as 24 orë, FFK ka marrë vendimin e ri, duke i besuar postin e selektorit të Kombëtares U21 ish-mesfushorit të Kosovës, Hekuran Kryeziut.

Kryeziu konsiderohet një nga figurat e rëndësishme të Kombëtares dardane. Ai iu bashkua Kosovës në vitin 2015 dhe mbeti besnik fanellës dardane edhe pse kishte oferta nga Shqipëria. Deri tani, ai ka shërbyer si ndihmës i Tovërlanit te Kosova U21.

Njoftimi i plotë i FFK-së:

Federata e Futbollit e Kosovës njofton opinionin se përzgjedhësi i deritanishëm i Kombëtares U21, Afrim Tovërlani, është liruar nga detyra me kërkesë të tij dhe me marrëveshje të dyanshme, për t’u angazhuar si kryetrajner te FC Prishtina.

Me këtë rast, FFK u uron sukses të dy trajnerëve në sfidat e tyre të reja, teksa do të vazhdojë të ndjekë frymën e profesionalizmit dhe afrimit të ish-futbollistëve të Kombëtares në detyra të reja. / ATVLIVE.TV

Pas disa dueleve interesante të zhvilluara mbrëmë në Ligën e Kampionëve, spektakli pritet të jetë edhe më i madh sonte, ku në program janë përballje tejet të forta.

Dueli kryesor i mbrëmjes është ai mes Arsenalit dhe Bayern Munichut, që do të luhet në stadiumin “Emirates”. Të dyja skuadrat kanë treguar formë të jashtëzakonshme këtë edicion, duke kryesuar grupin me nga katër fitore në po aq ndeshje.

Një tjetër sfidë madhore pritet të jetë ajo mes Atletico Madridit dhe Interit, në “Metropolitano”. “Los Colchoneros” synojnë t’i shkaktojnë nënkampionit të Evropës humbjen e parë të sezonit në Champions, pasi Interi ka katër fitore nga katër ndeshje. Ndërkohë, skuadra e Diego Simeones regjistron dy fitore dhe dy humbje deri tani.

Një takim tjetër shumë interesant është ai mes kampionit aktual evropian, Paris Saint-Germain dhe Tottenhamit, në Paris. “Spurs” nuk kanë pësuar ende humbje këtë edicion, teksa PSG numëron tri fitore dhe një humbje.

Liverpooli, ndërkohë, synon t’i japë fund formës së dobët me një fitore ndaj PSV Eindhoven në “Anfield”, ndërsa gjiganti spanjoll Real Madrid i shkon mysafir Olympiacosit në Greqi.

Këto ndeshje fillojnë nga ora 21:00, ndërsa prej orës 18:45 zhvillohen dy ndeshje Copenhagen – Kairat Almaty dhe Pafos – Monaco. /ATVLIVE.TV

Ballkani ka emëruar trajnerin e ri dhe drejtimin e skuadrës tashmë e ka marrë kroati Mislav Karoglan.

Trajneri 43-vjeçar vjen me një karrierë të pasur, pasi më herët ka drejtuar gjigantin kroat Hajduk Split në dy periudha të ndryshme, si dhe kampionin moldav, Sheriff Tiraspol.

Lajmin e bëri të ditur vetë klubi me anë të një postimi:

“Klubi zyrtarisht ka emëruar Mislav Karoglan, 43-vjeçar nga Kroacia, si trajnerin e ri të skuadrës – një moment historik për FC Ballkanin, pasi ai bëhet trajneri i parë i huaj që merr drejtimin e ekipit. Kontrata e tij është nënshkruar për dy vjet e gjysmë, dhe pritet që përvoja e tij ndërkombëtare të sjellë një frymë të re dhe profesionale në klub.
Karoglan vjen në Suharekë me një CV mbresëlënëse në futbollin evropian. Ai ka drejtuar klube të njohura si Hajduk Split në Kroaci në dy raste, së fundmi sezonin 2023–24 dhe Sheriff Tiraspol në Moldavi ssezonin e kaluar, me të cilën ka marrë pjesë edhe në garat ndërkombëtare. Përveç tyre, ai ka qenë në krye të disa skuadrave të tjera të elitës kroate, duke ndërtuar reputacion si trajner modern, strategjik dhe i orientuar drejt zhvillimit të lojtarëve.”

Me emërimin e tij, FC Ballkani synon që vizioni, qasja profesionale dhe eksperienca e Karoglanit të sjellin energji të re, përmirësim të lojës dhe rezultate pozitive, duke e çuar klubin drejt objektivave të mëdha si në futbollin vendor ashtu edhe në arenën ndërkombëtare.

Kujtojmë se në 14 xhirot e para të Superligës, ekipi nga Suhareka mban vendin e dytë në tabelë me 23 pikë, vetëm 3 pikë larg vendit të parë, që e mban Prishtina. /ATVLIVE.TV

Skuadra e Juventusit mbrëmë arriti një fitore të vështirë me rezultat 2:3 ndaj Bodo/Glimtit në Ligën e Kampionëve.

Futbollisti kosovar, Edon Zhegrova, luajti pak minuta duke u aktivizuar në minutën e 83-të, shkruan Indeksonline.

Pas ndeshjes, trajneri Luciano Spalletti shpjegoi në njëfarë mënyre pse Zhegrova nuk po merr më shumë minuta.

“Kemi shumë lojtarë që mund të driblojnë bukur dhe të mposhtin një futbollist, si: Yildiz, Zhegrova dhe Conceicao. Por nëse luan me të gjithë, atëherë humbet ekuilibri.

“Duhet të luajmë futboll më cilësor. Jemi duke tentuar të dalim nga ky mediokriteti”, u shpreh Spalletti pas ndeshjes.

Kjo ishte fitorja e parë që lojtari kosovar shijon me fanellën e “Zonjës së Vjetër”.

Janë zhvilluar ndeshje interesante në Ligëne Kampionëve,ku në program ishte termini i orës 18:45.

Benfica shënoi fitoren e parë në Champions,duke mundur në udhëtim Ajaxin me rezultat 2:0.

Samuel Dahl dhe Barriero ishin autorët e golave për portugezët,duke ia siguruar pikët e para Benficës në Ligën e Kampionëve.

Ndërkohë befasia e mbrëmjes ishte në Stamboll,ku Galatasaray pësoi humbje me rezultat 1:0 nga Union SG.

Autori i golit për ekipin belg ishte David që shënoi në minutën e 57-të,teksa turqit mbetën me një lojtar më pak në fushë pas përjashtimit të Arda Unyay në minutën e 89-të

Trajneri i Barcelonës, Hansi Flick, ka deklaruar se Marcus Rashford po lulëzon në mjedisin e ri katalanas pas huazimit të tij nga Manchester United, duke theksuar se ndryshimi i atmosferës ka qenë vendimtar për rikthimin në formë.

Sulmuesi i Anglisë është rikuperuar nga gripi që e mbajti jashtë fushës në fitoren 4-0 ndaj Athletic Bilbaos në fundjavë, dhe tashmë është gati për ndeshjen e së martës në Champions League kundër Chelseat në “Stamford Bridge”.

Rashford ka shënuar gjashtë gola deri tani për Barcelonën, ku katër prej tyre kanë ardhur pikërisht në Champions League. Kalimi në “Spotify Camp Nou” e ka ndihmuar të rigjejë besimin dhe ritmin pas konfliktit të tij me trajnerin e Manchester United, Ruben Amorim.

“Jam i lumtur që e kam në ekip, që po luan për Barçën,” u shpreh Flick.

“E kam ndjekur gjatë gjithë karrierës së tij dhe gjithmonë më ka impresionuar cilësia dhe aftësia që ka në zonë. Tani po i tregon ato edhe në Barcelonë.”

Trajneri gjerman shtoi se ambienti i ri ka bërë diferencën:

“Ky ndryshim për të, një stil i ri futbolli, në Barcelonë, me mot të mirë… Për mua është e pabesueshme ta shoh gjithmonë duke buzëqeshur. Kjo është atmosfera që kemi, dhe është perfekte për të.”

Rashford duket tashmë i integruar plotësisht në projektin e Flick dhe po tregon versionin e tij më të mirë në një fazë të rëndësishme të sezonit.

Ylli brazilian Raphinha ka folur me emocion pas mbështetjes së jashtëzakonshme që mori nga tifozët e Barcelonës në Camp Nou, duke e quajtur përvojën “një moment që do të mbetet përgjithmonë në zemër”.

“Ajo që ndodhi javën e kaluar do të qëndrojë me mua për pjesën tjetër të jetës sime…,” u shpreh ai.

“Prisja duartrokitje, por jo diçka aq të madhe sa ajo që bënë tifozët në Camp Nou.”

Raphinha tregoi se momenti ishte aq i jashtëzakonshëm, saqë emocionet e kanë shoqëruar edhe gjatë procesit të ngrohjes.

“Mendoj se ata filluan të më duartrokasin që në momentin kur u çova të ngrohesha. Ishte diçka shumë speciale,” tha ai.

Braziliani shtoi se nuk do ta harrojë kurrë mbështetjen e madhe që mori nga çdo cep i stadiumit.

“I gjithë stadiumi po duartrokiste dhe thërriste emrin tim. Është diçka që do ta mbaj me vete për gjithë jetën.”

Ky reagim vjen pas një periudhe sfiduese për futbollistin, i cili ishte i lënduar, dhe u rikthye fundjaven që lam pas, ndërsa tifozët i kanë shprehur mbështetje të pakushtëzuar. Atmosfera në Camp Nou ka qenë një dëshmi e lidhjes së tij të fortë me fanellën blaugrana dhe e ndikimit që ai ka te publiku katalanas.

Klubi mbretëror spanjoll Real Madrid, ka marrë vendim lidhur me të ardhmen e Xabi Alonsos në stolin e “Los Blancos”.

Përkundër rezultateve jo të mira në ndeshjet e fundit Alonso ka besimin e drejtuesve të Realit,dhe se një shkarkim i mundshëm nuk do të ndodhë.

Përndryshe Alonso nuk pati marrëdhënie të mira me lojtarët kohëve të fundit,dhe sidomos me yllin brazilian Vinicius Jr ku ky i fundit nuk pajtohej me vendimet e teknikut.

Në anën tjetër tek Real Madrid janë të bindur se Alonso mund të udhëheqë ekipin drejtë synimeve të këtij sezoni,dhe se lojtarët duhet të iu përmbahen udhëzimeve që jep trajneri.

Kujtojmë që Xabi Alonso ka marrëveshje trevjeçare me Real Madridin.

Rodri dhe Mateo Kovaçiç nuk do të jenë gati për ndeshjen e Manchester City-t në Champions League kundër Bayer Leverkusen sonte.

Megjithatë, trajneri Pep Guardiola konfirmoi se rikthimi i Rodrid nuk do të vonojë shumë, por klubi do të tregojë kujdes të shtuar para se ta rikthejë në fushë.

“Kur të kthehet, do të presim edhe pak për t’u siguruar që është 100% mirë,” deklaroi Guardiola.

Rodri ka munguar në tre ndeshjet e fundit për shkak të një dëmtimi në kofshë, ndërsa Kovaçiç ka qenë jashtë fushës për shkak të një problemi në kyçin e këmbës.