Category: Sport

Sezoni i Premier League vazhdon me intensitet të lartë dhe sonte tifozët do të kenë mundësinë të ndjekin gjashtë ndeshje që mund të kenë ndikim të madh në renditjen e tabelës.

Vëmendja kryesore bie në Stadiumin Emirates, ku Arsenal pret Aston Villan, një përballje që pritet të jetë vendimtare për skuadrën e Mikel Artetës në luftën për titull pasiqë do të kërkojnë të mbajnë ritmin në krye të tabelës, ndërsa Aston Villa synon të surprizojë skuadrën londineze dhe të marrin pikë të rëndësishme.

Në ndeshjen tjetër të orës 21:15, Manchester United pret ekipin Wolves, me ‘Djajtë e Kuq’ që synojnë të marrin fitoren për të kaluar në zonën e Champions League, ndërsa ‘Ujqërit’ do të mundohen të marrin fitoren e parë të këtij edicioni pasiqë ndodhen në vendin e fundit me vetëm 2 pikë.

Ndërsa 4 ndeshjet e tjera fillojnë nga ora 20:30,

Burnley pret në shtëpi ekipin Newcastle United, një sfidë interesante për të dyja skuadrat që kanë nevojë për pikë. Skuadra e Scott Parker është në vend të 19 – të me 12 pikë, ndërsa ekipi i Eddie Howe në të 14-tin me 23 sosh.

Chelsea do të presë në ‘Stamford Bridge’ ekipin Bournemouth. ‘Blutë e Londrës’ do të kërkojë fitoren për të rritur presionin mbi rivalët, ndërsa ‘Qershitë’ synojnë të tregojnë formë konkurruese jashtë fushe.

Një duel interesant është edhe në mes të Nottingham Forest dhe Everton, me të dyja skuadrat që luftojnë për pikë të çmuara, pasiqë ekipi i Sean Dyche është në vendin e 17-të me 18 pikë, ndërsa ekipi i David Moyes në të 12-tin me 25.

Në ndeshjen tjetër West Ham pret në ‘London Stadium’ Brightonin, ku të dyja ekipet kërkojnë fitore pasiqë ‘çekanët’ ndodhen në vendin e 18-të me 13 pikë, ndërsa ‘pulëbardhat’ në të 13-tin me 24 pikë.

Këto janë 6 ndeshjet e para të xhiros së 19-të, për të vijuar më pas edhe me 4 ndeshjet e tjera në datën 1 janar ku luajnë: Crystal Palace – Fulham, Liverpool – Leeds, Brentford – Tottenham dhe Sunderland – Munchester City. /ATVLIVE.TV

Një natë spektakolare është zhvilluar në parketet e NBA-së, ku u luajtën plot 11 ndeshje dhe vëmendja kryesore u përqendrua te superylli i Oklahoma City Thunder, Shai Gilgeous-Alexander.

Lideri i Thunder vazhdoi formën e jashtëzakonshme, duke treguar edhe një herë pse ishte figura kyçe në rrugëtimin drejt titullit sezonin e kaluar. Oklahoma shënoi plot 140 pikë dhe triumfoi ndaj Atlanta Hawks me rezultatin 140:129.

Gilgeous-Alexander ishte i pandalshëm, duke regjistruar 39 pikë, gjashtë asistime dhe pesë ribaunde, në një ndeshje që mbeti e hapur deri në minutat e fundit. Një minutë para fundit, Atlanta ishte vetëm dy posedime larg barazimit, por Oklahoma tregoi qetësi dhe siguroi fitoren e 28-të në 33 ndeshje të zhvilluara këtë sezon.

Shumica e skuadrave favorite e justifikuan epitetin, edhe pse nuk munguan disa surpriza të vogla.

Toronto Raptors triumfuan ngushtë ndaj Orlando Magic me shifrat 107:106.

Jamal Shead udhëhoqi skuadrën e tijë drejt fitores me 19 pikë, katër kërcime e pesë asistime,, derisa kontribut dha edhe Brandon Ingram 17 sosh.

Te skuadra humbëse më efikaset ishin, Anthony Black me 27 pikë dhe Paolo Banchero me triple-double prej 23 pikëve, 15 kërcimeve dhe 10 asistimeve.

Raptors janë në vendin e katërt në Konferencën e Lindjes derisa Magic një pozitë më poshtë.

Golden State Warriors janë këndellur me fitore pasi munden Brooklyn Nets me rezultat 120-107.

Si gjithmonë edhe këtë natë shkëlqeu ylli I skudarës së “luftëtareve” Stephen Curry, pasi realizoi 27 pikë e pesë asistime, derisa parzqitje të mirë kishte edhe Jimmy Butler me 21 sosh.

Përkunder performancës së mirë të Michael Porter Jr. me 27 pikë, nëntë kërcime e pesë asistime, nuk mjaftuan për fitore.

Warriors renditen në poziten e tetë në Perëndim derisa Nets në vendin e  13 në Lindje.

Sergio Ramos, një nga mbrojtësit më të njohur të futbollit modern, aktualisht është lojtar i lirë pas eksperiencës së tij në ligën meksikane, por nuk ka ndërmend të tërhiqet nga sporti që e bëri legjendë. Edhe pse ka mbushur 39 vjeç, dëshira dhe ambicia e tij për të luajtur në nivelet më të larta nuk kanë pësuar rënie.

Ish-ylli i Real Madridit dhe Paris Saint-Germain ka shprehur qartë se do të vazhdojë të garojë, duke kërkuar mundësi që i japin sfida dhe konkurencë në futbollin europian. Mosha e tij nuk duket se është pengesë; përkundrazi, përvojë dhe udhëheqje e tij në fushë mbeten një aset i vlefshëm për çdo klub.

Sipas informacioneve të fundit, OGC Nice po zhvillon bisedime serioze për të nënshkruar me mbrojtësin spanjoll. Klubi francez e sheh Ramosin si një përforcim të rëndësishëm për mbrojtjen e tij, ndërsa lojtari është i etur të rikthehet në futbollin evropian për të vazhduar karrierën e tij të shkëlqyer.

Për më tepër, Sergio Ramos nuk e përjashton mundësinë e një rikthimi në Ligue 1, ndërsa ëndrra e tij ambicioze për Kupën e Botës 2026 mbetet në horizont, edhe pse realizimi i saj duket një sfidë e madhe për një lojtar në moshën e tij.

Ramos vazhdon të tregojë se përvoja, pasioni dhe këmbëngulja nuk kanë moshë, dhe shumë tifozë presin me padurim të shohin se ku do të bëjë hapin e ardhshëm në karrierën e tij. /ATVLIVE.TV

Arda Guler po përballet me një moment vendimtar në këtë sezon, ku emocionet dhe pritshmëritë janë të përziera. Mesfushori turk, i cili fillimisht u konsiderua një nga transferimet më të rëndësishme të Real Madridit, ka parë gradualisht rol më të pakët në formacion, duke e vënë në dyshim të ardhmen e tij në klub.

Megjithëse mbetet një lojtar kyç, Arda nuk është më titullar i padiskutueshëm. Konkurrenca e brendshme, taktikat e reja të trajnerit dhe rikthimi i disa lojtarëve të rëndësishëm kanë ndryshuar situatën, duke e bërë rolin e tij më të pasigurt.

Trajneri dhe stafi e vlerësojnë cilësinë, vizionin dhe aftësinë e tij për të ndryshuar lojën, por performanca e fundit ka ngritur pyetje për vendin e tij në planin afatmesëm. Ardhja e Xabi Alonsos si trajner kishte sjellë një pikë kthese për Guler, i cili fitoi besimin e tij dhe u bë titullar i rregullt për pjesën më të madhe të sezonit.

Statistikat flasin për rëndësinë e tij pasiqë në 25 ndeshje zyrtare, 21 prej të cilave si titullar, dhe një përfshirje direkte në 10 gola (3 gola dhe 7 asistime).

Megjithatë, situata ka ndryshuar, kthimi i Jude Bellingham, përmirësimi i Rodrygos dhe konsolidimi i Aurelien Tchouamenit kanë ulur hapësirën për 20 vjeçarin.

Problemi i tij nuk është mungesa e talentit, por konkurrenca e madhe në mesfushë. Për Real Madridin, vendet janë të pakta dhe kërkesat për titullar janë të larta. Federico Valverde, Edouardo Camavinga, Brahim Diaz, Franco Mastantuono dhe vetë Guler po luftojnë për të njëjtin vend, duke e bërë secilën ndeshje një sfidë të madhe.

Për më tepër, ndryshimi i pozicionit të Guler ka ulur ndikimin e tij. Ai po luan më larg zonës ku ndihet më komod, merr topin më larg zonës së penalltisë dhe ka më pak mundësi të ndikojë drejtpërdrejt në fazën sulmuese. /ATVLIVE.TV

Albion Rrahmani është padyshim një nga futbollistët më të spikatur që ka dalë nga Superliga kosovare vitet e fundit.

Sulmuesi 25-vjeçar po kalon një sezon shumë pozitiv në Çeki me Sparta Pragën, ku është shndërruar në një nga lojtarët më të rëndësishëm të skuadrës.

Paraqitjet e tij të mira kanë tërhequr vëmendjen e disa klubeve të njohura europiane, ndërsa West Ham United është përmendur si një nga opsionet e mundshme për të ardhmen e tij.

Megjithatë, sipas raportimeve të “FootMercato”, klubi francez Lyon ka bërë tashmë një ofertë konkrete prej 6 milionë eurosh për sulmuesin nga Llapi, ndërsa sipas ‘Transfermarkt’ vlera e tij aktuale është 7.5 milionë euro.

Gjatë këtij sezoni, Rrahmani ka realizuar 12 gola në 32 paraqitje me gjigantët çekë, duke konfirmuar formën e tij të qëndrueshme. /ATVLIVE.TV

Komiteti Teknik i Gjyqtarëve (CTA) ka pranuar zyrtarisht 10 gabime arbitrimi gjatë këtij sezoni, pas analizimit të 51 rasteve përmes platformës audiovizive të Federatës Mbretërore të Futbollit Spanjoll (RFEF).

Vendimet u përzgjodhën nga një panel këshillues i përbërë nga José Luis Oltra, José Ramón Sandoval, José Luis Sánchez Vera dhe Fernando Morientes, ndërsa verdikti përfundimtar i përkiste CTA-së.

Sipas raportit, Atletico Madrid është një nga skuadrat më të dëmtuara, për shkak të një vendimi të gabuar për pozicion jashtë loje të Giuliano Simeones në ndeshjen ndaj Alavés.

Rayo Vallecano kryeson listën e skuadrave më të dëmtuara me dy raste kundër saj, konkretisht në aksionet e Batallës dhe Alemaos, ky i fundit i mbajtur për disa sekonda në zonë pa u ndëshkuar, në favor të Alavés. Në të njëjtën listë përfshihen edhe Atletico Madrid, Espanyoli (penallti për prekje me dorë nga Mendy që nuk u dha as pas konsultimit me VAR-in), Celta Vigo (penalltia për Nico, ku VAR-i ndërhyri gabimisht) dhe Athletic Bilbao (ndërhyrja nga prapa ndaj Maroan nga portieri Leo Román në një kundërsulm, e cila nuk u ndëshkua me karton të kuq).

Edhe Barcelona është dëmtuar nga një gabim i qartë, pasi gjuajtja nga distanca e Raillos u lejua gabimisht të vazhdonte lojën.

Nga ana tjetër, disa skuadra si Athletic Bilbao, Real Sociedad dhe Mallorca janë favorizuar në disa raste gjatë sezonit.

Edhe Real Madridi figuron ndër ekipet e prekura, veçanërisht në incidentin me Dean Huijsen në “San Sebastián”, ku CTA vlerëson se duhej akorduar vetëm karton i verdhë.

Në total, Barcelona dhe Real Madridi rezultojnë të dëmtuara në mënyrë të barabartë, me nga një gabim secila nga 10 të pranuarat.

Sa i përket favorizimeve, Real Madridi ka përfituar më së shumti nga penalltitë dhe goditjet e dënimit, ndërsa Atletico Madridi dhe Barcelona kryesojnë në përfitimet nga goditjet e këndit dhe rivëniet anësore. /ATVLIVE.TV

Qeveria lokale e shtetit Ogun në Nigeri ka dhënë një përditësim zyrtar mbi gjendjen shëndetësore të boksierit Anthony Joshua, pas një aksidenti të rëndë automobilistik që la dy persona të vdekur.

Joshua, 36 vjeç, ishte një nga katër pasagjerët në një automjet tip xhip Lexus, i cili u përplas me një kamion të palëvizshëm rreth orës 11:00 të paradites të hënën, sipas kohës lokale.

Sipas autoriteteve, boksieri ka pësuar vetëm lëndime të lehta dhe ndodhet në gjendje të qëndrueshme. Ai është i vetëdijshëm dhe ka qenë në kontakt me familjen e tij pas ngjarjes.

“Pas vlerësimeve të detajuara klinike, mjekët kanë konfirmuar se Anthony Joshua dhe një pasagjer tjetër janë në gjendje të qëndrueshme dhe nuk kanë nevojë për ndërhyrje urgjente mjekësore. Ata do të vazhdojnë të monitorohen nga afër nga një ekip mjekësor”, thuhet në deklaratën e qeverisë së shtetit Ogun.

Raportimet bëjnë të ditur se dy pasagjerë të tjerë në automjet humbën jetën në vendin e ngjarjes, ndërsa Joshua dhe një person tjetër u dërguan në spital për trajtim. Aksidenti ndodhi në autostradën Lagos-Ibadan, një nga rrugët më të rrezikshme në vend.

Autoritetet lokale kanë nisur hetimet për të zbardhur rrethanat e aksidentit. Automjeti është larguar nga vendngjarja, ndërsa po merren masa për të evakuuar edhe kamionin e përfshirë, me qëllim lehtësimin e procesit hetimor. /ATVLIVE.TV

Nemanja Matić është pjesë e Sassuolos që nga kjo verë dhe ka arritur shpejt të sigurojë një vend si titullar në skuadrën italiane, ku aktivizohet krah portierit Kosovar Aro Muriç.

Në një intervistë për revistën “Four Four Two”, mesfushori serb foli edhe për festimet e Xherdan Shaqirit dhe Granit Xhakës ndaj Serbisë në Kampionatet Botërore 2018 dhe 2022. Dy futbollistët, të cilët përfaqësojnë Zvicrën, festuan golat me simbolin e shqiponjës dykrenare.

Sipas Matićit, këto veprime nuk kishin karakter sportiv, por politik.

“I respektoj si lojtarë dhe kam luajtur disa herë kundër tyre në Ligën Premier. Megjithatë, me veprime të tilla fitojnë pikë të lira politike. Ata janë rritur në Zvicër dhe nuk tregojnë respekt për vendin që përfaqësojnë. Nëse e duan kaq shumë Shqipërinë, pse nuk luajnë për Shqipërinë?”, u shpreh ai.

Matić theksoi se nuk ka asgjë të keqe të ndihesh i lidhur me më shumë se një vend, por sipas tij sinqeriteti duhet të jetë i qartë.

“Mund të duash disa vende. Unë e dua Serbinë sepse është vendi im, por gjithashtu e dua Anglinë, ku kam kaluar shumë vite. Gjithsesi, nuk do të thosha kurrë se e dua Anglinë më shumë se Serbinë. Duhet të jesh i sinqertë”, deklaroi ai.

Në fund, ai shtoi se marrëdhëniet e tij me Xhakën dhe Shaqirin kanë qenë gjithmonë korrekte dhe profesionale, duke theksuar se kurrë nuk do të përdorte gjeste provokuese në fushë. /ATVLIVE.TV

Me afrimin e merkatos së janarit, Manchester United përballet me rrezikun e humbjes së disa lojtarëve të ekipit të parë, kontratat e të cilëve po shkojnë drejt fundit. Mes emrave kryesorë janë Harry Maguire dhe Casemiro.

Sipas rregullores Bosman, klubet jashtë Anglisë kanë të drejtë të nisin negociata me lojtarë gjashtë muaj para skadimit të kontratës, çka i hap rrugë transferimeve falas në verë. Ky rregull nuk vlen brenda Premier League, ku bisedimet lejohen vetëm në muajin e fundit të kontratës.

Casemiro, 33 vjeç, një nga lojtarët më të paguar të United, është përfolur për një kalim të mundshëm në Saudi Pro League. Klubi ka opsion për të zgjatur kontratën e tij edhe për një vit, por ende nuk ka marrë vendim përfundimtar.

Edhe Harry Maguire ka kontratë deri në verën e vitit 2026, por mbrojtësi anglez vazhdon të jetë i lidhur me një largim nga “Old Trafford”.

Trajneri Ruben Amorim ka pranuar se ende nuk ka një vendim për të ardhmen e dy lojtarëve. “Duhet të presim fundin e sezonit dhe të shohim ku do të jemi, si në kampionat ashtu edhe në Europë,” u shpreh ai.

Në të njëjtën situatë kontraktuale ndodhen edhe Tom Heaton dhe Tyrell Malacia, duke e bërë verën e ardhshme një periudhë vendimtare për rindërtimin e skuadrës së Manchester United. /ATVLIVE.TV

Sot është një ditë e veçantë për tifozët e Formula 1, veçanërisht për ata që kanë ndjekur sportin kur Michael Schumacher shpesh kalonte i pari finishin.

12 vite më parë, “Kaiseri” pësoi një aksident tragjik në pistën e skive në Meribel, ku lëndimet e marra në kokë ndikuan rëndë në jetën e tij. Që nga ajo kohë, familja e shtatë herë kampionit të botës ka mbajtur larg syve të publikut gjendjen e tij shëndetësore.

Në përvjetorin e këtij aksidenti, Richard Hopkins, ish-anëtar i stafit të Schumacherit dhe më pas pjesë e Red Bull dhe McLaren dha opinionin e tij. “Nuk mendoj se do të kemi më mundësi që të shikojmë publikisht Michael-in. Nuk ndihem komod të flas për këtë çështje, pasi familja e tij me të drejtë ka preferuar ta mbajë larg syve të publikut”, tha ai.

Hopkins shtoi se detaji i vetëm i njohur nga jeta private e Schumacher është se ish-piloti ndiqej nga një mjek personal nga Finlanda. /ATVLIVE.TV