Category: Sport

Nigeria ka siguruar kalimin në çerekfinale të Kupës së Afrikës,ku eliminoi Mozambikun me rezultat 4:0.

Dy gola nga Victor Osimhen dhe një të Ademola Lookman dhe Akor Adams ia siguruan nigeranëve kalimin në mesin e 8 ekipeve më të mira afrikane,dhe në çerekfinale do të takohet kundër Egjiptit.

Përndryshe një moment jo i mirë u vërejt në mes lojtarëve nigerian gjatë ndeshjes,ku sulmuesi i Galatasaray-it Victor Osimhen u shpreh i pakënaqur me lojtarët të cilët nuk dëshironin ta pasonin topin tek ai,dhe kanë qarkuluar foto ku Osimhen pati një fjalosje me sulmuesin e Atalantës Lookman.

Megjithatë Osimhen u zëvendësua nga trajneri Chiquinho Conde,dhe mbetet të shihet se nëse Federata Nigeriane do të marrë masa lidhur me këto ngjarje në ndeshjen kundër Mozambikut.

Talenti 18-vjeçar i Barcelonës, Lamine Yamal, shfrytëzoi pauzën e La Ligës për të kaluar disa ditë pushimi në Dubai, ku përveç relaksit pati edhe angazhime publike e momente reflektimi personal.

Gjatë qëndrimit në Emiratet e Bashkuara Arabe, Yamal u takua me tifozë nga e gjithë bota, mori pjesë si i ftuar në ceremoninë prestigjioze Globe Soccer Awards, zhvilloi takime me personalitete të njohura të sportit dhe gjeti kohë për të vizituar një xhami, një përvojë që e përshkroi si shumë domethënëse.

Në një intervistë për mediat lokale, sulmuesi i ri foli hapur për rëndësinë që ka besimi në jetën e tij, duke theksuar ndjesinë e qetësisë që përjeton në ambiente fetare.

“Kur hyn në një xhami, ndjen një paqe të veçantë. Nuk ka rëndësi se cilës fe i përket, ajo ndjenjë është universale. Për ne myslimanët, kjo paqe është edhe më e thellë,” u shpreh Yamal.

Ai shtoi se vizita zgjati pothuajse gjithë ditën dhe ishte një nga momentet më të qeta dhe më të bukura të udhëtimit në Dubai.

Udhëtimi i Yamalit u pasqyrua gjerësisht edhe në rrjetet sociale, ku futbollisti kënaqi ndjekësit duke publikuar një video të gjatë nga përjetimet e tij, e cila u prit me reagime shumë pozitive nga fansat.

Pas pushimeve, Yamal ka udhëtuar drejt Arabisë Saudite, ku do t’i rikthehet angazhimeve me Barcelonën. Katalunasit do të zbresin në fushë të mërkurën për gjysmëfinalen e Superkupës së Spanjës ndaj Athletic Bilbaos, e cila zhvillohet në Xheda.

Barcelona do të vazhdojë më pas garën në La Liga më 18 janar kundër Real Sociedad, ndërsa vetëm tri ditë më vonë do të luajë edhe në Ligën e Kampionëve, ku do të përballet me Slavian e Pragës.

Enzo Maresca ka reaguar zyrtarisht pas largimit të tij nga Chelsea, duke publikuar një mesazh emocional falënderimi për klubin, lojtarët dhe tifozët, pas një periudhe të suksesshme prej 18 muajsh në krye të skuadrës londineze.

Trajneri italian e përshkroi aventurën e tij te Chelsea si një udhëtim të veçantë, që nisi nga raundet paraprake të Conference League dhe përfundoi me arritje madhore në arenën evropiane dhe botërore.

“Udhëtimi im me Chelsean filloi nga raundet paraprake të Conference League. Largohem me paqen e brendshme se po lë një klub prestigjioz aty ku e meriton të jetë,” u shpreh Maresca.

Ai falënderoi veçanërisht tifozët e Chelseat për mbështetjen e vazhdueshme gjatë 18 muajve të fundit, të cilën e cilësoi si vendimtare për sukseset e arritura.

“Dua të falënderoj të gjithë tifozët e Chelseat për mbështetjen e tyre, e cila ishte thelbësore për kualifikimin në Champions League, fitimin e Conference League dhe triumfin në Kupën e Botës për Klube. Këto fitore do t’i mbaj gjithmonë në zemrën time.”

Maresca nuk la pa përmendur as lojtarët, të cilët i cilësoi si pjesë kyçe të këtij rrugëtimi të suksesshëm, duke i falënderuar për përkushtimin dhe profesionalizmin e treguar.

Në fund, ai uroi klubin për suksese në vazhdim dhe mbylli mesazhin me fjalë prekëse:

“I uroj çdo sukses të gjithëve në pjesën e dytë të sezonit dhe në të ardhmen. Faleminderit, Chelsea, nga unë dhe familja ime.”

Largimi i Marescës shënon fundin e një kapitulli të rëndësishëm për Chelsean, ndërsa klubi pritet të nisë një fazë të re në kërkim të vazhdimësisë dhe ambicieve të reja.

Real Madrid ka konfirmuar zyrtarisht se Kylian Mbappé nuk do të marrë pjesë në Superkupën e Spanjës, e cila zhvillohet në Arabinë Saudite. Klubi madrilen bëri të ditur të hënën listën e lojtarëve që do të udhëtojnë për këtë kompeticion, ku sulmuesi francez mungon plotësisht.

Sipas njoftimit zyrtar, Mbappé është lënë jashtë skuadrës për shkak të një problemi të vazhdueshëm në gju, i cili nuk i ka lejuar atij të rikuperohet plotësisht në kohë. Stafi mjekësor ka vendosur të mos rrezikojë gjendjen e lojtarit, duke e mbajtur jashtë turneut.

Ndërkohë, dy gjysmëfinalet e Superkupës së Spanjës do të luhen nesër dhe pasnesër në Arabinë Saudite. Të mërkurën, vëmendja do të jetë te përballja mes Barcelona – Athletic Club, një duel klasik që pritet të sjellë rivalitet dhe intensitet të lartë.

Të enjten, radha do t’i vijë supersfidës Atletico Madrid – Real Madrid, një derbi madrilen me shumë peshë, ku Reali do të duhet të përballet pa yllin e tij francez.

Finalja e Superkupës do të zhvillohet mes fituesve të dy gjysmëfinaleve, ndërsa mbetet për t’u parë nëse mungesa e Mbappés do të ndikojë ndjeshëm në ambiciet e Real Madridit për të fituar trofeun.

Manchester City ka marrë një lajm jo të mirë në këtë fazë të sezonit, pasi mbrojtësi kryesor i skuadrës, Ruben Dias, do të mungojë për rreth gjashtë javë për shkak të një dëmtimi muskulor në kofshë (hamstring).

Burime pranë klubit konfirmojnë se ndërkombëtari portugez ka pësuar dëmtimin gjatë angazhimit të fundit, ndërsa ekzaminimet mjekësore kanë treguar se bëhet fjalë për një problem që kërkon kohë rikuperimi dhe kujdes maksimal për të shmangur komplikime të mëtejshme.

Mungesa e Ruben Dias përbën një goditje të rëndësishme për trajnerin Pep Guardiola, duke qenë se ai është një nga shtyllat kryesore të mbrojtjes dhe lider në prapavijë. City pritet të bëjë disa rregullime taktike në javët në vijim për të mbuluar mungesën e tij, sidomos në ndeshjet vendimtare në kampionat dhe në arenën evropiane.

Stafi mjekësor i klubit do të monitorojë nga afër procesin e rikuperimit, me synimin që Dias të rikthehet në formë optimale pas periudhës gjashtëjavore.

Barcelona ka finalizuar marrëveshjen për rikthimin e mbrojtësit portugez Joao Cancelo, i cili do t’i bashkohet klubit katalunas në formë huazimi nga skuadra saudite Al Hilal. Lajmi është konfirmuar nga gazetarë të njohur të merkatos dhe raportohet si një nga lëvizjet më të rëndësishme të sezonit të janarit.

Sipas raporteve nga Fabrizio Romano dhe të tjera media sportive kryesore në botë, marrëveshja mes Barcelonës dhe Al Hilal është përmbyllur plotësisht. Barcelona do të paguajë rreth 4 milionë euro për huazimin, por nuk ekziston një opsion blerjeje në marrëveshje, që do të thotë se Cancelo kthehet në Katalonjë vetëm për pjesën e mbetur të sezonit.

“Joao Cancelo te Barcelona, e kryer! Huazim deri në qershor,” ka shkruar Romano, duke konfirmuar përfundimin e negociatave ndërmjet palëve.

Lëvizja vjen pas një periudhe të vështirë për mbrojtësin portugez në Al Hilal, ku ai nuk është në planet e trajnerit Simeone Inzaghi, duke bërë që klubi arab të jetë i hapur për ta lejuar largimin e tij në merkaton e dimrit.

Gazetat sportive ndërkombëtare raportojnë se Interi kishte tentuar deri në fund që të bindte Cancelo të transferohej tek skuadra italiane, dhe madje kishte arritur një marrëveshje paraprake me Al Hilal. Megjithatë, Cancelo preferoi rikthimin në një ambient të njohur për të, Barcelona, ku kishte lënë një përshtypje pozitive më parë dhe ndihet më i motivuar për të luftuar për trofe.

Ky rikthim pritet të forcojë mbrojtjen e Barcelonës në një moment kyç të sezonit, ndërsa trajneri i skuadrës shpreson që përvoja dhe cilësia e Cancelos të sjellin një shtysë të re në garat e brendshme dhe evropiane.

Real Madrid vazhdon të tregojë besim të plotë te talentet e rinj dhe një prej emrave më të përfolur së fundmi është Gonzalo Garcia. Klubi madrilen nuk ka konsideruar asnjëherë largimin e tij, as gjatë merkatos së janarit dhe as verën e kaluar, duke e cilësuar sulmuesin si një pjesë kyçe të projektit afatgjatë.

Këtë fundjavë që lamë pas, Real Madrid dhuroi një paraqitje bindëse duke mposhtur Real Betisin me rezultatin e thellë 5-1. Protagonisti absolut i sfidës ishte pikërisht Gonzalo Garcia, i cili realizoi tre gola, duke konfirmuar formën e shkëlqyer dhe potencialin e jashtëzakonshëm që zotëron.

Brenda klubit, Gonzalo shihet si një lojtar me të ardhme të madhe, ndërsa trajneri Xabi Alonso e vlerëson shumë dhe e konsideron pjesë të rëndësishme të skuadrës për të tashmen dhe të ardhmen. Për këtë arsye, Real Madrid e ka “mbyllur derën” për çdo interes të mundshëm nga klube të tjera, duke e mbajtur lojtarin të paprekshëm.

Paraqitja ndaj Betisit vetëm sa ka forcuar bindjen se Gonzalo Garcia është gati të marrë një rol edhe më të madh në ekipin e parë të “Los Blancos”.

Manchester United po shqyrton disa opsione për stolin e skuadrës dhe një emër i njohur është rikthyer në skenë. Sipas raportimeve të fundit, Ole Gunnar Solskjær ka shprehur interes për të marrë drejtimin e “Djajve të Kuq” si trajner i përkohshëm deri në fund të sezonit.

Burime pranë klubit bëjnë me dije se drejtuesit e Manchester United janë informuar se Solskjær është i hapur për një rikthim, pavarësisht kohëzgjatjes së kontratës. Klubi po merr kohën e nevojshme për të vlerësuar të gjithë kandidatët për zgjidhjen afatshkurtër, me vendimin që pritet të merret në orët ose ditët në vijim.

Nëse zgjidhet një trajner i përkohshëm për pjesën e mbetur të sezonit, Manchester United planifikon të emërojë një trajner të përhershëm gjatë verës, për të udhëhequr ekipin në sezonin 2026/27.

Ndërkohë, Darren Fletcher do të marrë rolin e trajnerit të përkohshëm për këtë javë, duke garantuar stabilitet të përkohshëm në skuadër gjatë kësaj periudhe tranzicioni.

Liga më e fortë e basketbollit në botë, NBA, ka vazhduar me ndeshjet e radhës, të cilat si gjithmonë sollen befasi dhe rivalitet të madh në parket.

Lideri I Konferencëes së Lidnjes, Detroit Pistons, ka realizuar fitoren e dytë radhazi, pasi mpshti kësaj radhe New York Knicks me rezultat 121-90.

Cade Cunningham udhëhoqi skuadrën e tijë drejt fitores me 29 pikë e 13 asistime, derisa Jaden Ivey shtojë 16 sosh.

Nga ana tjetër, Jalen Brunson arriti të shënoj 25 pikë por që nuk mjaftuan për fitore.

Kujtojmë që Knicks janë në poziten e tretë në Lidje ku kjo ishte humbja e katërt radhazi për ta.

Kur jemi tek liderët, lideri I Konferencës Perëndimore, Oklahoma City Thunder, ka pësuar humbjen e dytë rresht, pasi u mposht bindshëm nga Charlotte Hornets me shifrat 124-97.

Brandon Miller u dallua me 28 pikë e gjashtë kërcime, derisa Kon Knueppel shtojë 23 pikë, pesë kërcime e po aq asistime për ne fitore.

Te skuadra humbëse, paraqitje të mirë kishte Shai-Gilgeous-Alexander me 21 pikë e gjahstë asistime.

Kujtojmë që Hornets renditen në poziten e 12-të në Konferencën e Lindjes.

Boston Celtics, ka marrur fitoren e katërt radhazi, pas tirumfit ndaj Chicago Bulls me rezultat 115-101.
Anfreene Simons ishte më efikais në këtë fitore të Bostonit me 27 pikë të realizuara.

Nga ana tjetër përkunder 26 pikëve të Matas Buzelis, Bulls nuk mundën ta evidentonin humbjen.

Cletics renditen në poziten e dytë në Konferencën e Lindjes, derisa Bulls në pozitën e nëntë.

Chelsea ka konfirmuar se Lion Rosenior si trajnerin e ri të skuadrës, duke e emëruar atë pasues të Enzo Maresca.

Trajneri anglez ka nënshkruar një kontratë që do ta mbajë në krye të klubit deri në vitin 2032.

“Ndihem jashtëzakonisht i përulur dhe i nderuar që jam emëruar trajner kryesor i Chelsea Football Club. Ky është një klub me një shpirt unik dhe histori të pasur trofesh. Kam një urë të madhe për të fituar dhe do të jap gjithçka, çdo ditë, për t’i ndihmuar skuadrës të garojë dhe të fitojë në nivelin më të lartë, duke bërë tifozët krenarë që janë pjesë e këtij klubi”, tha Rosenior.

Ai shtoi:

“Dua që tifozët tanë të ndihen krenarë për atë që jemi dhe për atë që përfaqësojmë në çdo ndeshje. Ata janë shpirti i këtij klubi të madh, historik dhe futbollistik.”

Për momentin “Blutë e Londrës” ndodhen në vendin e pestë në tabelë me 31 pikë, 17 pikë larg vendit të parë që e mban Arsenal me 48 pikë. /ATVLIVE.TV